| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༧. སཱུཙིདཱཡཀཏྠེརཨཔདཱནཝཎྞནཱ
7. Sūcidāyakattheraapadānavaṇṇanā
ཏིཾསཀཔྤསཧསྶམྷཱིཏིཨཱདིཀཾ ཨཱཡསྨཏོ སཱུཙིདཱཡཀཏྠེརསྶ ཨཔདཱནཾ། ཨཡམྤི པུརིམཛིནཝརེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ སུམེདྷསྶ བྷགཝཏོ ཀཱལེ ཨེཀསྨིཾ ཀུལགེཧེ ནིབྦཏྟོ ཝུདྡྷིམནྭཱཡ བྷགཝཏོ ཙཱིཝརཀམྨཾ ཀཱཏུཾ པཉྩ སཱུཙིཡོ ཨདཱསི། སོ ཏེན པུཉྙེན དེཝམནུསྶེསུ པུཉྙམནུབྷཝིཏྭཱ ཝིཙརནྟོ ཨུཔྤནྣུཔྤནྣབྷཝེ ཏིཀྑཔཉྙོ ཧུཏྭཱ པཱཀཊོ ཨིམསྨིཾ བུདྡྷུཔྤཱདེ ཨེཀསྨིཾ ཀུལགེཧེ ནིབྦཏྟོ ཝུདྡྷིམནྭཱཡ སཏྠརི པསཱིདིཏྭཱ པབྦཛནྟོ ཏིཀྑཔཉྙཏཱཡ ཁུརགྒེཡེཝ ཨརཧཏྟཾ པཱཔུཎི།
Tiṃsakappasahassamhītiādikaṃ āyasmato sūcidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto vuddhimanvāya bhagavato cīvarakammaṃ kātuṃ pañca sūciyo adāsi. So tena puññena devamanussesu puññamanubhavitvā vicaranto uppannuppannabhave tikkhapañño hutvā pākaṭo imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajanto tikkhapaññatāya khuraggeyeva arahattaṃ pāpuṇi.
༣༠. སོ ཨཔརབྷཱགེ པུཉྙཾ པཙྩཝེཀྑནྟོ ཏཾ དིསྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ ཏིཾསཀཔྤསཧསྶམྷཱིཏིཨཱདིམཱཧ། ཨནྟརནྟརཾ པནེཏྠ སུཝིཉྙེཡྻམེཝ།
30. So aparabhāge puññaṃ paccavekkhanto taṃ disvā somanassajāto pubbacaritāpadānaṃ pakāsento tiṃsakappasahassamhītiādimāha. Antarantaraṃ panettha suviññeyyameva.
༣༡. པཉྩསཱུཙཱི མཡཱ དིནྣཱཏི ཨེཏྠ སཱུཙཏི ཚིདྡཾ ཀརོཏི ཝིཛ྄ཛྷཏཱིཏི སཱུཙི, པཉྩམཏྟཱ སཱུཙཱི པཉྩསཱུཙཱི མཡཱ དིནྣཱཏི ཨཏྠོ། སེསཾ སུཝིཉྙེཡྻམེཝཱཏི།
31.Pañcasūcī mayā dinnāti ettha sūcati chiddaṃ karoti vijjhatīti sūci, pañcamattā sūcī pañcasūcī mayā dinnāti attho. Sesaṃ suviññeyyamevāti.
སཱུཙིདཱཡཀཏྠེརཨཔདཱནཝཎྞནཱ སམཏྟཱ།
Sūcidāyakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༧. སཱུཙིདཱཡཀཏྠེརཨཔདཱནཾ • 7. Sūcidāyakattheraapadānaṃ
