| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[387] 2. суужиж̇аад̇агаван̣н̣анаа
[387] 2. Sūcijātakavaṇṇanā
агаггасам̣ апарусанд̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. вад̇т̇у махаауман̇г̇аж̇аад̇агз (ж̇аа. 2.22.590 аад̣̇аяо) аави бхависсад̇и. д̇ад̣̇аа бана сад̇т̇аа бхигкуу ааманд̇зд̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃аваа убааяагусалоязваа’’д̇и вад̇ваа ад̇ийд̇ам̣ аахари.
Akakkasaṃapharusanti idaṃ satthā jetavane viharanto paññāpāramiṃ ārabbha kathesi. Vatthu mahāumaṅgajātake (jā. 2.22.590 ādayo) āvi bhavissati. Tadā pana satthā bhikkhū āmantetvā ‘‘na, bhikkhave, idāneva, pubbepi tathāgato paññavā upāyakusaloyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз гаммаарагулз ниб̣б̣ад̇д̇ид̇ваа ваяаббад̇д̇о барияод̣̇аад̇асиббо ахоси. маад̇аабид̇аро банасса д̣̇алид̣̇д̣̇аа, д̇зсам̣ г̇аамад̇о авид̣̇уурз ан̃н̃о сахассагудиго гаммаараг̇аамо. д̇ад̇т̇а гаммаарасахассаж̇здтаго гаммааро рааж̇аваллабхо ад̣дхо махад̣̇д̇хано, д̇ассзгаа д̇хийд̇аа ахоси уд̇д̇амаруубад̇хараа д̣̇зважчараабадибхааг̇аа ж̇анабад̣̇агаляаан̣илагкан̣зхи саманнааг̇ад̇аа. сааманд̇аг̇аамзсу мануссаа ваасипарасупаалабаажанаад̣̇игаараабанад̇т̇ааяа д̇ам̣ г̇аамам̣ г̇анд̇ваа язбхуяязна д̇ам̣ гумааригам̣ бассанд̇и, д̇з ад̇д̇ано ад̇д̇ано г̇аамам̣ г̇анд̇ваа нисиннадтаанаад̣̇ийсу д̇ассаа руубам̣ ван̣н̣знд̇и. б̣од̇хисад̇д̇о д̇ам̣ суд̇ваа саванасам̣саг̇г̇зна б̣аж̇жхид̇ваа ‘‘баад̣̇абарижааригам̣ нам̣ гариссаамий’’д̇и уд̇д̇амаж̇аад̇игам̣ аяам̣ г̇ахзд̇ваа згам̣ сукумам̣ гханам̣ суужим̣ гад̇ваа баасз виж̇жхид̇ваа уд̣̇агз уббилаабзд̇ваа абарамби д̇ат̇ааруубамзва д̇ассаа госагам̣ гад̇ваа баасз виж̇жхи. иминаа нияаамзна д̇ассаа сад̇д̇а госагз агааси, ‘‘гат̇ам̣ агаасий’’д̇и на вад̇д̇аб̣б̣ам̣. б̣од̇хисад̇д̇аанан̃хи н̃аан̣амаханд̇ад̇ааяа гаран̣ам̣ самиж̇жхад̇иязва. со д̇ам̣ суужим̣ наал̣игааяа багкибид̇ваа оваддигааяа гад̇ваа д̇ам̣ г̇аамам̣ г̇анд̇ваа гаммаараж̇здтагасса васанавийт̇им̣ бужчид̇ваа д̇ад̇т̇а г̇анд̇ваа д̣̇ваарз тад̇ваа ‘‘го мама хад̇т̇ад̇о зваруубам̣ наама суужим̣ муулзна гин̣ид̇ум̣ ижчад̇ий’’д̇и суужим̣ ван̣н̣знд̇о ж̇здтагагаммаарасса гхарад̣̇ваарасамийбз тад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe kammārakule nibbattitvā vayappatto pariyodātasippo ahosi. Mātāpitaro panassa daliddā, tesaṃ gāmato avidūre añño sahassakuṭiko kammāragāmo. Tattha kammārasahassajeṭṭhako kammāro rājavallabho aḍḍho mahaddhano, tassekā dhītā ahosi uttamarūpadharā devaccharāpaṭibhāgā janapadakalyāṇilakkhaṇehi samannāgatā. Sāmantagāmesu manussā vāsipharasuphālapācanādikārāpanatthāya taṃ gāmaṃ gantvā yebhuyyena taṃ kumārikaṃ passanti, te attano attano gāmaṃ gantvā nisinnaṭṭhānādīsu tassā rūpaṃ vaṇṇenti. Bodhisatto taṃ sutvā savanasaṃsaggena bajjhitvā ‘‘pādaparicārikaṃ naṃ karissāmī’’ti uttamajātikaṃ ayaṃ gahetvā ekaṃ sukhumaṃ ghanaṃ sūciṃ katvā pāse vijjhitvā udake uppilāpetvā aparampi tathārūpameva tassā kosakaṃ katvā pāse vijjhi. Iminā niyāmena tassā satta kosake akāsi, ‘‘kathaṃ akāsī’’ti na vattabbaṃ. Bodhisattānañhi ñāṇamahantatāya karaṇaṃ samijjhatiyeva. So taṃ sūciṃ nāḷikāya pakkhipitvā ovaṭṭikāya katvā taṃ gāmaṃ gantvā kammārajeṭṭhakassa vasanavīthiṃ pucchitvā tattha gantvā dvāre ṭhatvā ‘‘ko mama hatthato evarūpaṃ nāma sūciṃ mūlena kiṇituṃ icchatī’’ti sūciṃ vaṇṇento jeṭṭhakakammārassa gharadvārasamīpe ṭhatvā paṭhamaṃ gāthamāha –
83.
83.
‘‘агаггасам̣ апарусам̣, карад̇ход̇ам̣ субаасияам̣;
‘‘Akakkasaṃ apharusaṃ, kharadhotaṃ supāsiyaṃ;
сукумам̣ д̇икин̣аг̇г̇ан̃жа, го суужим̣ гзд̇умижчад̇ий’’д̇и.
Sukhumaṃ tikhiṇaggañca, ko sūciṃ ketumicchatī’’ti.
д̇ассад̇т̇о – мама бадаласса ваа д̇илагасса ваа од̇хино ваа абхаавзна агаггасам̣, сумадтад̇ааяа апарусам̣, карзна баасаан̣зна д̇ход̇ад̇д̇аа карад̇ход̇ам̣, сунд̣̇арзна сувид̣̇д̇хзна баасзна саманнааг̇ад̇ад̇д̇аа субаасияам̣ , сан̣хад̇ааяа сукумам̣, аг̇г̇асса д̇икин̣ад̇ааяа д̇икин̣аг̇г̇ам̣ суужим̣ мама хад̇т̇ад̇о муулам̣ д̣̇ад̇ваа го гин̣ид̇ум̣ ижчад̇ийд̇и.
Tassattho – mama paṭalassa vā tilakassa vā odhino vā abhāvena akakkasaṃ, sumaṭṭhatāya apharusaṃ, kharena pāsāṇena dhotattā kharadhotaṃ, sundarena suviddhena pāsena samannāgatattā supāsiyaṃ, saṇhatāya sukhumaṃ, aggassa tikhiṇatāya tikhiṇaggaṃ sūciṃ mama hatthato mūlaṃ datvā ko kiṇituṃ icchatīti.
зван̃жа бана вад̇ваа бунаби д̇ам̣ ван̣н̣знд̇о д̣̇уд̇ияам̣ г̇аат̇амааха –
Evañca pana vatvā punapi taṃ vaṇṇento dutiyaṃ gāthamāha –
84.
84.
‘‘сумаж̇ж̇ан̃жа субаасан̃жа, анубуб̣б̣ам̣ суваддид̇ам̣;
‘‘Sumajjañca supāsañca, anupubbaṃ suvaṭṭitaṃ;
гханагхаад̇имам̣ бадит̇ад̣̇д̇хам̣, го суужим̣ гзд̇умижчад̇ий’’д̇и.
Ghanaghātimaṃ paṭithaddhaṃ, ko sūciṃ ketumicchatī’’ti.
д̇ад̇т̇а сумаж̇ж̇ан̃жаад̇и гурувинд̣̇агажун̣н̣зна судту маж̇ж̇ид̇ам̣. субаасан̃жаад̇и сан̣хзна баасавзд̇хагзна вид̣̇д̇хад̇д̇аа сунд̣̇арабаасам̣. гханагхаад̇иманд̇и яаа гхаад̇ияамаанаа ад̇хигаран̣им̣ анубависад̇и, аяам̣ ‘‘гханагхаад̇имаа’’д̇и вужжад̇и, д̇аад̣̇исинд̇и ад̇т̇о. бадит̇ад̣̇д̇ханд̇и т̇ад̣̇д̇хам̣ амуд̣̇угам̣.
Tattha sumajjañcāti kuruvindakacuṇṇena suṭṭhu majjitaṃ. Supāsañcāti saṇhena pāsavedhakena viddhattā sundarapāsaṃ. Ghanaghātimanti yā ghātiyamānā adhikaraṇiṃ anupavisati, ayaṃ ‘‘ghanaghātimā’’ti vuccati, tādisinti attho. Paṭithaddhanti thaddhaṃ amudukaṃ.
д̇асмим̣ кан̣з саа гумааригаа бхуд̇д̇абаад̇араасам̣ бид̇арам̣ д̣̇арат̇абадиббассамбханад̇т̇ам̣ жуул̣асаяанз нибаннам̣ д̇аалаван̣дзна б̣ийж̇аяамаанаа б̣од̇хисад̇д̇асса мад̇хурасад̣̇д̣̇ам̣ суд̇ваа алламам̣сабин̣д̣зна хад̣̇аяз бахадаа вияа гхадасахассзна ниб̣б̣аабид̇ад̣̇арат̇аа вияа худ̇ваа ‘‘го ну ко зса ад̇имад̇хурзна сад̣̇д̣̇зна гаммаараанам̣ васанаг̇аамз суужим̣ виггин̣аад̇и, гзна ну ко гаммзна ааг̇ад̇о, ж̇ааниссаами на’’нд̇и д̇аалаван̣дам̣ табзд̇ваа г̇зхаа нигкамма б̣ахиаал̣инд̣̇агз тад̇ваа д̇зна сад̣̇д̇хим̣ гат̇зси. б̣од̇хисад̇д̇аанан̃хи бад̇т̇ид̇ам̣ наама самиж̇жхад̇и, со хи д̇ассааязвад̇т̇ааяа д̇ам̣ г̇аамам̣ ааг̇ад̇о. саа жа д̇зна сад̣̇д̇хим̣ гат̇знд̇ий ‘‘маан̣ава, сагаларадтаваасино суужиаад̣̇ийнам̣ ад̇т̇ааяа имам̣ г̇аамам̣ ааг̇ажчанд̇и, д̇вам̣ б̣аалад̇ааяа гаммаараг̇аамз суужим̣ виггин̣ид̇ум̣ ижчаси, сажзби д̣̇ивасам̣ суужияаа ван̣н̣ам̣ бхаасиссаси, на д̇з гожи хад̇т̇ад̇о суужим̣ г̇ан̣хиссад̇и, сажз д̇вам̣ муулам̣ лад̣̇д̇хум̣ ижчаси, ан̃н̃ам̣ г̇аамам̣ яаахий’’д̇и вад̇ваа д̣̇вз г̇аат̇аа абхааси –
Tasmiṃ khaṇe sā kumārikā bhuttapātarāsaṃ pitaraṃ darathapaṭippassambhanatthaṃ cūḷasayane nipannaṃ tālavaṇṭena bījayamānā bodhisattassa madhurasaddaṃ sutvā allamaṃsapiṇḍena hadaye pahaṭā viya ghaṭasahassena nibbāpitadarathā viya hutvā ‘‘ko nu kho esa atimadhurena saddena kammārānaṃ vasanagāme sūciṃ vikkiṇāti, kena nu kho kammena āgato, jānissāmi na’’nti tālavaṇṭaṃ ṭhapetvā gehā nikkhamma bahiāḷindake ṭhatvā tena saddhiṃ kathesi. Bodhisattānañhi patthitaṃ nāma samijjhati, so hi tassāyevatthāya taṃ gāmaṃ āgato. Sā ca tena saddhiṃ kathentī ‘‘māṇava, sakalaraṭṭhavāsino sūciādīnaṃ atthāya imaṃ gāmaṃ āgacchanti, tvaṃ bālatāya kammāragāme sūciṃ vikkiṇituṃ icchasi, sacepi divasaṃ sūciyā vaṇṇaṃ bhāsissasi, na te koci hatthato sūciṃ gaṇhissati, sace tvaṃ mūlaṃ laddhuṃ icchasi, aññaṃ gāmaṃ yāhī’’ti vatvā dve gāthā abhāsi –
84.
84.
‘‘ид̇од̣̇аани бад̇ааяанд̇и, суужияо б̣ал̣исаани жа;
‘‘Itodāni patāyanti, sūciyo baḷisāni ca;
гояам̣ гаммаараг̇аамасмим̣, суужим̣ виггзд̇умижчад̇и.
Koyaṃ kammāragāmasmiṃ, sūciṃ vikketumicchati.
85.
85.
‘‘ид̇о сад̇т̇аани г̇ажчанд̇и, гамманд̇аа вивид̇хаа бут̇уу;
‘‘Ito satthāni gacchanti, kammantā vividhā puthū;
гояам̣ гаммаараг̇аамасмим̣, суужим̣ виггзд̇умижчад̇ий’’д̇и.
Koyaṃ kammāragāmasmiṃ, sūciṃ vikketumicchatī’’ti.
д̇ад̇т̇а ид̇од̣̇аанийд̇и имасмим̣ радтз ид̣̇аани суужияо жа б̣ал̣исаани жа ан̃н̃аани жа убагаран̣аани имамхаа гаммаараг̇аамаа бад̇ааяанд̇и нигкаманд̇и, д̇ам̣ д̇ам̣ д̣̇исам̣ бад̇т̇аранд̇аа ниг̇г̇ажчанд̇и. гояанд̇и звам̣ санд̇з го аяам̣ имасмим̣ гаммаараг̇аамз суужим̣ виггин̣ид̇ум̣ ижчад̇и. сад̇т̇аанийд̇и б̣аараан̣асим̣ г̇ажчанд̇аани наанаббагаараани сад̇т̇аани ид̇ова г̇ажчанд̇и. вивид̇хаа бут̇ууд̇и наанаббагаараа б̣ахуу гамманд̇ааби сагаларадтаваасийнам̣ ид̇о г̇ахид̇аубагаран̣зхзва бавад̇д̇анд̇и.
Tattha itodānīti imasmiṃ raṭṭhe idāni sūciyo ca baḷisāni ca aññāni ca upakaraṇāni imamhā kammāragāmā patāyanti nikkhamanti, taṃ taṃ disaṃ pattharantā niggacchanti. Koyanti evaṃ sante ko ayaṃ imasmiṃ kammāragāme sūciṃ vikkiṇituṃ icchati. Satthānīti bārāṇasiṃ gacchantāni nānappakārāni satthāni itova gacchanti. Vividhā puthūti nānappakārā bahū kammantāpi sakalaraṭṭhavāsīnaṃ ito gahitaupakaraṇeheva pavattanti.
б̣од̇хисад̇д̇о д̇ассаа важанам̣ суд̇ваа ‘‘бхад̣̇д̣̇з, д̇вам̣ аж̇аананд̇ий ан̃н̃аан̣зна звам̣ вад̣̇зсий’’д̇и вад̇ваа д̣̇вз г̇аат̇аа абхааси –
Bodhisatto tassā vacanaṃ sutvā ‘‘bhadde, tvaṃ ajānantī aññāṇena evaṃ vadesī’’ti vatvā dve gāthā abhāsi –
86.
86.
‘‘суужим̣ гаммаараг̇аамасмим̣, виггзд̇аб̣б̣аа баж̇аанад̇аа;
‘‘Sūciṃ kammāragāmasmiṃ, vikketabbā pajānatā;
аажарияаава ж̇аананд̇и, гаммам̣ сугад̇ад̣̇уггадам̣.
Ācariyāva jānanti, kammaṃ sukatadukkaṭaṃ.
87.
87.
‘‘иман̃жз д̇з бид̇аа бхад̣̇д̣̇з, суужим̣ ж̇ан̃н̃аа маяаа гад̇ам̣;
‘‘Imañce te pitā bhadde, sūciṃ jaññā mayā kataṃ;
д̇аяаа жа мам̣ ниманд̇зяяа, яан̃жад̇т̇ан̃н̃ам̣ гхарз д̇хана’’нд̇и.
Tayā ca maṃ nimanteyya, yañcatthaññaṃ ghare dhana’’nti.
д̇ад̇т̇а суужинд̇и вибхад̇д̇ивибаллаасо гад̇о. ид̣̇ам̣ вуд̇д̇ам̣ ход̇и – суужи наама баж̇аанад̇аа бан̣д̣ид̇зна бурисзна гаммаараг̇аамасмим̣язва виггзд̇аб̣б̣аа. гим̣гааран̣аа? аажарияаава ж̇аананд̇и, гаммам̣ сугад̇ад̣̇уггаданд̇и, д̇асса д̇асса сиббасса аажарияаава д̇асмим̣ д̇асмим̣ сиббз сугад̇ад̣̇уггадагаммам̣ ж̇аананд̇и, сваахам̣ гаммаарагаммам̣ аж̇аананд̇аанам̣ г̇ахабад̇игаанам̣ г̇аамам̣ г̇анд̇ваа мама суужияаа сугад̇ад̣̇уггадабхаавам̣ гат̇ам̣ ж̇аанаабзссаами, имасмим̣ бана г̇аамз мама б̣алам̣ ж̇аанаабзссаамийд̇и. звам̣ б̣од̇хисад̇д̇о имааяа г̇аат̇ааяа ад̇д̇ано б̣алам̣ ван̣н̣зси.
Tattha sūcinti vibhattivipallāso kato. Idaṃ vuttaṃ hoti – sūci nāma pajānatā paṇḍitena purisena kammāragāmasmiṃyeva vikketabbā. Kiṃkāraṇā? Ācariyāva jānanti, kammaṃ sukatadukkaṭanti, tassa tassa sippassa ācariyāva tasmiṃ tasmiṃ sippe sukatadukkaṭakammaṃ jānanti, svāhaṃ kammārakammaṃ ajānantānaṃ gahapatikānaṃ gāmaṃ gantvā mama sūciyā sukatadukkaṭabhāvaṃ kathaṃ jānāpessāmi, imasmiṃ pana gāme mama balaṃ jānāpessāmīti. Evaṃ bodhisatto imāya gāthāya attano balaṃ vaṇṇesi.
д̇аяаа жа мам̣ ниманд̇зяяаад̇и бхад̣̇д̣̇з сажз д̇ава бид̇аа имам̣ маяаа гад̇ам̣ суужим̣ ‘‘ийд̣̇исаа ваа зсаа, звам̣ ваа гад̇аа’’д̇и ж̇аанзяяа, ‘‘имам̣ мз д̇хийд̇арам̣ д̇ава баад̣̇абарижааригам̣ д̣̇амми, г̇ан̣хаахи на’’нд̇и звам̣ д̇аяаа жа мам̣ ниманд̇зяяа. яан̃жад̇т̇ан̃н̃ам̣ гхарз д̇хананд̇и яан̃жа ан̃н̃ам̣ савин̃н̃аан̣агам̣ ваа авин̃н̃аан̣агам̣ ваа гхарз д̇ханам̣ ад̇т̇и, д̇зна мам̣ ниманд̇зяяа. ‘‘яан̃жассан̃н̃а’’нд̇иби баато, яан̃жа асса гхарз ан̃н̃ам̣ д̇ханам̣ ад̇т̇ийд̇и ад̇т̇о.
Tayā ca maṃ nimanteyyāti bhadde sace tava pitā imaṃ mayā kataṃ sūciṃ ‘‘īdisā vā esā, evaṃ vā katā’’ti jāneyya, ‘‘imaṃ me dhītaraṃ tava pādaparicārikaṃ dammi, gaṇhāhi na’’nti evaṃ tayā ca maṃ nimanteyya. Yañcatthaññaṃ ghare dhananti yañca aññaṃ saviññāṇakaṃ vā aviññāṇakaṃ vā ghare dhanaṃ atthi, tena maṃ nimanteyya. ‘‘Yañcassañña’’ntipi pāṭho, yañca assa ghare aññaṃ dhanaṃ atthīti attho.
гаммаараж̇здтаго саб̣б̣ам̣ д̇зсам̣ гат̇ам̣ суд̇ваа ‘‘аммаа’’д̇и д̇хийд̇арам̣ баггосид̇ваа ‘‘гзна сад̣̇д̇хим̣ саллабасий’’д̇и бужчи. д̇аад̇а, зго бурисо суужим̣ виггин̣аад̇и, д̇зна сад̣̇д̇хим̣ саллабзмийд̇и. ‘‘д̇зна хи баггосаахи на’’нд̇и. саа г̇анд̇ваа баггоси. б̣од̇хисад̇д̇о г̇зхам̣ бависид̇ваа гаммаараж̇здтагам̣ ванд̣̇ид̇ваа згаманд̇ам̣ адтааси. ат̇а нам̣ со ‘‘гад̇араг̇аамаваасигосий’’д̇и бужчи. ‘‘ахам̣ асугаг̇аамаваасигомхи асугагаммаарасса буд̇д̇о’’д̇и. ‘‘гасмаа ид̇хааг̇ад̇осий’’д̇и. ‘‘сууживиггаяад̇т̇ааяаа’’д̇и . ‘‘аахара, суужим̣ д̇з бассаамаа’’д̇и . б̣од̇хисад̇д̇о ад̇д̇ано г̇ун̣ам̣ саб̣б̣зсам̣ маж̇жхз багаасзд̇угаамо ‘‘нану згагаанам̣ ологид̇ад̇о саб̣б̣зсам̣ маж̇жхз ологзд̇ум̣ варад̇ара’’нд̇и ааха. со ‘‘саад̇ху, д̇аад̇аа’’д̇и саб̣б̣з гаммаарз саннибаад̇аабзд̇ваа д̇зхи баривуд̇о ‘‘аахара, д̇аад̇а, маяам̣ бассаама д̇з суужи’’нд̇и ааха. ‘‘аажарияа, згам̣ ад̇хигаран̣ин̃жа уд̣̇агабууран̃жа гам̣сат̇аалам̣ аахараабзт̇аа’’д̇и. со аахараабзси. б̣од̇хисад̇д̇о оваддигад̇о суужинаал̣игам̣ нийхарид̇ваа ад̣̇ааси. гаммаараж̇здтаго д̇ад̇о суужим̣ нийхарид̇ваа ‘‘д̇аад̇а, аяам̣ суужий’’д̇и бужчи. ‘‘нааяам̣ суужи, госаго зсо’’д̇и. со убад̇хаарзнд̇о нзва анд̇ам̣, на годим̣ ад̣̇д̣̇аса. б̣од̇хисад̇д̇о аахараабзд̇ваа накзна госагам̣ абанзд̇ваа ‘‘аяам̣ суужи, аяам̣ госаго’’д̇и махааж̇анасса д̣̇ассзд̇ваа суужим̣ аажарияасса хад̇т̇з, госагам̣ баад̣̇амуулз табзси. буна д̇зна ‘‘аяам̣ ман̃н̃з суужий’’д̇и вуд̇д̇о ‘‘аяамби суужигосагоязваа’’д̇и вад̇ваа накзна бахаранд̇о бадибаадияаа ча суужигосагз гаммаараж̇здтагасса баад̣̇амуулз табзд̇ваа ‘‘аяам̣ суужий’’д̇и д̇асса хад̇т̇з табзси. гаммаарасахассаани ан̇г̇улияо подзсум̣, жзлугкзбаа бавад̇д̇им̣су.
Kammārajeṭṭhako sabbaṃ tesaṃ kathaṃ sutvā ‘‘ammā’’ti dhītaraṃ pakkositvā ‘‘kena saddhiṃ sallapasī’’ti pucchi. Tāta, eko puriso sūciṃ vikkiṇāti, tena saddhiṃ sallapemīti. ‘‘Tena hi pakkosāhi na’’nti. Sā gantvā pakkosi. Bodhisatto gehaṃ pavisitvā kammārajeṭṭhakaṃ vanditvā ekamantaṃ aṭṭhāsi. Atha naṃ so ‘‘kataragāmavāsikosī’’ti pucchi. ‘‘Ahaṃ asukagāmavāsikomhi asukakammārassa putto’’ti. ‘‘Kasmā idhāgatosī’’ti. ‘‘Sūcivikkayatthāyā’’ti . ‘‘Āhara, sūciṃ te passāmā’’ti . Bodhisatto attano guṇaṃ sabbesaṃ majjhe pakāsetukāmo ‘‘nanu ekakānaṃ olokitato sabbesaṃ majjhe oloketuṃ varatara’’nti āha. So ‘‘sādhu, tātā’’ti sabbe kammāre sannipātāpetvā tehi parivuto ‘‘āhara, tāta, mayaṃ passāma te sūci’’nti āha. ‘‘Ācariya, ekaṃ adhikaraṇiñca udakapūrañca kaṃsathālaṃ āharāpethā’’ti. So āharāpesi. Bodhisatto ovaṭṭikato sūcināḷikaṃ nīharitvā adāsi. Kammārajeṭṭhako tato sūciṃ nīharitvā ‘‘tāta, ayaṃ sūcī’’ti pucchi. ‘‘Nāyaṃ sūci, kosako eso’’ti. So upadhārento neva antaṃ, na koṭiṃ addasa. Bodhisatto āharāpetvā nakhena kosakaṃ apanetvā ‘‘ayaṃ sūci, ayaṃ kosako’’ti mahājanassa dassetvā sūciṃ ācariyassa hatthe, kosakaṃ pādamūle ṭhapesi. Puna tena ‘‘ayaṃ maññe sūcī’’ti vutto ‘‘ayampi sūcikosakoyevā’’ti vatvā nakhena paharanto paṭipāṭiyā cha sūcikosake kammārajeṭṭhakassa pādamūle ṭhapetvā ‘‘ayaṃ sūcī’’ti tassa hatthe ṭhapesi. Kammārasahassāni aṅguliyo phoṭesuṃ, celukkhepā pavattiṃsu.
ат̇а нам̣ гаммаараж̇здтаго ‘‘д̇аад̇а, имааяа суужияаа гим̣ б̣ала’’нд̇и бужчи. ‘‘аажарияа б̣алавад̇аа бурисзна ад̇хигаран̣им̣ угкибаабзд̇ваа ад̇хигаран̣ияаа хздтаа уд̣̇агабаад̇им̣ табаабзд̇ваа ад̇хигаран̣ияаа маж̇жхз имам̣ суужим̣ бахарат̇аа’’д̇и. со д̇ат̇аа гаарзд̇ваа ад̇хигаран̣ияаа маж̇жхз суужим̣ аг̇г̇зна бахари. саа ад̇хигаран̣им̣ винивиж̇жхид̇ваа уд̣̇агабидтз гзсаг̇г̇амад̇д̇амби уд̣̇д̇хам̣ ваа ад̇хо ваа ахуд̇ваа д̇ирияам̣ бад̇идтааси. саб̣б̣з гаммаараа ‘‘амхзхи зд̇д̇агам̣ гаалам̣ ‘гаммаараа наама зд̣̇исаа хонд̇ий’д̇и суд̇ивасзнаби на суд̇абуб̣б̣а’’нд̇и ан̇г̇улияо подзд̇ваа жзлугкзбасахассам̣ бавад̇д̇аяим̣су . гаммаараж̇здтаго д̇хийд̇арам̣ баггосид̇ваа д̇асмин̃н̃зва барисамаж̇жхз ‘‘аяам̣ гумааригаа д̇уяхамзва анужчавигаа’’д̇и уд̣̇агам̣ баад̇зд̇ваа ад̣̇ааси. со абарабхааг̇з гаммаараж̇здтагасса ажжаязна д̇асмим̣ г̇аамз гаммаараж̇здтаго ахоси.
Atha naṃ kammārajeṭṭhako ‘‘tāta, imāya sūciyā kiṃ bala’’nti pucchi. ‘‘Ācariya balavatā purisena adhikaraṇiṃ ukkhipāpetvā adhikaraṇiyā heṭṭhā udakapātiṃ ṭhapāpetvā adhikaraṇiyā majjhe imaṃ sūciṃ paharathā’’ti. So tathā kāretvā adhikaraṇiyā majjhe sūciṃ aggena pahari. Sā adhikaraṇiṃ vinivijjhitvā udakapiṭṭhe kesaggamattampi uddhaṃ vā adho vā ahutvā tiriyaṃ patiṭṭhāsi. Sabbe kammārā ‘‘amhehi ettakaṃ kālaṃ ‘kammārā nāma edisā hontī’ti sutivasenapi na sutapubba’’nti aṅguliyo phoṭetvā celukkhepasahassaṃ pavattayiṃsu . Kammārajeṭṭhako dhītaraṃ pakkositvā tasmiññeva parisamajjhe ‘‘ayaṃ kumārikā tuyhameva anucchavikā’’ti udakaṃ pātetvā adāsi. So aparabhāge kammārajeṭṭhakassa accayena tasmiṃ gāme kammārajeṭṭhako ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гаммаараж̇здтагасса д̇хийд̇аа раахуламаад̇аа ахоси, бан̣д̣ид̇агаммаарабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kammārajeṭṭhakassa dhītā rāhulamātā ahosi, paṇḍitakammāraputto pana ahameva ahosi’’nti.
суужиж̇аад̇агаван̣н̣анаа д̣̇уд̇ияаа.
Sūcijātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 387. суужиж̇аад̇агам̣ • 387. Sūcijātakaṃ
