| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. суужиломасуд̇д̇ам̣
3. Sūcilomasuttaṃ
237. згам̣ самаяам̣ бхаг̇аваа г̇аяааяам̣ вихарад̇и дан̇гид̇аман̃жз суужиломасса яагкасса бхаванз. д̇зна ко бана самаязна каро жа яагко суужиломо жа яагко бхаг̇авад̇о авид̣̇уурз ад̇иггаманд̇и. ат̇а ко каро яагко суужиломам̣ яагкам̣ зд̇ад̣̇авожа – ‘‘зсо саман̣о’’д̇и! ‘‘нзсо саман̣о, саман̣аго зсо’’. ‘‘яаава ж̇аанаами яад̣̇и ваа со саман̣о яад̣̇и ваа бана со саман̣аго’’д̇и.
237. Ekaṃ samayaṃ bhagavā gayāyaṃ viharati ṭaṅkitamañce sūcilomassa yakkhassa bhavane. Tena kho pana samayena kharo ca yakkho sūcilomo ca yakkho bhagavato avidūre atikkamanti. Atha kho kharo yakkho sūcilomaṃ yakkhaṃ etadavoca – ‘‘eso samaṇo’’ti! ‘‘Neso samaṇo, samaṇako eso’’. ‘‘Yāva jānāmi yadi vā so samaṇo yadi vā pana so samaṇako’’ti.
ат̇а ко суужиломо яагко язна бхаг̇аваа д̇знубасан̇гами; убасан̇гамид̇ваа бхаг̇авад̇о гааяам̣ убанаамзси. ат̇а ко бхаг̇аваа гааяам̣ абанаамзси. ат̇а ко суужиломо яагко бхаг̇аванд̇ам̣ зд̇ад̣̇авожа – ‘‘бхааяаси мам̣ саман̣аа’’д̇и? ‘‘на кваахам̣ д̇ам̣, аавусо, бхааяаами; аби жа д̇з сампассо баабаго’’д̇и. ‘‘бан̃хам̣ д̇ам̣, саман̣а бужчиссаами. сажз мз на б̣яаагариссаси, жид̇д̇ам̣ ваа д̇з кибиссаами, хад̣̇аяам̣ ваа д̇з паалзссаами, баад̣̇зсу ваа г̇ахзд̇ваа баараг̇ан̇г̇ааяа 1 кибиссаамий’’д̇и. ‘‘на кваахам̣ д̇ам̣, аавусо, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа, яо мз жид̇д̇ам̣ ваа кибзяяа хад̣̇аяам̣ ваа паалзяяа баад̣̇зсу ваа г̇ахзд̇ваа баараг̇ан̇г̇ааяа кибзяяа; аби жа д̇вам̣, аавусо, бужча яад̣̇аа ган̇касий’’д̇и. ат̇а ко суужиломо яагко бхаг̇аванд̇ам̣ г̇аат̇ааяа аж̇жхабхааси – ( ) 2
Atha kho sūcilomo yakkho yena bhagavā tenupasaṅkami; upasaṅkamitvā bhagavato kāyaṃ upanāmesi. Atha kho bhagavā kāyaṃ apanāmesi. Atha kho sūcilomo yakkho bhagavantaṃ etadavoca – ‘‘bhāyasi maṃ samaṇā’’ti? ‘‘Na khvāhaṃ taṃ, āvuso, bhāyāmi; api ca te samphasso pāpako’’ti. ‘‘Pañhaṃ taṃ, samaṇa pucchissāmi. Sace me na byākarissasi, cittaṃ vā te khipissāmi, hadayaṃ vā te phālessāmi, pādesu vā gahetvā pāragaṅgāya 3 khipissāmī’’ti. ‘‘Na khvāhaṃ taṃ, āvuso, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo me cittaṃ vā khipeyya hadayaṃ vā phāleyya pādesu vā gahetvā pāragaṅgāya khipeyya; api ca tvaṃ, āvuso, puccha yadā kaṅkhasī’’ti. Atha kho sūcilomo yakkho bhagavantaṃ gāthāya ajjhabhāsi – ( ) 4
‘‘рааг̇о жа д̣̇осо жа гуд̇онид̣̇аанаа,
‘‘Rāgo ca doso ca kutonidānā,
арад̇ий рад̇ий ломахам̣со гуд̇ож̇аа;
Aratī ratī lomahaṃso kutojā;
гуд̇о самудтааяа мановид̇аггаа,
Kuto samuṭṭhāya manovitakkā,
гумаарагаа д̇хан̇гамивоссаж̇анд̇ий’’д̇и.
Kumārakā dhaṅkamivossajantī’’ti.
‘‘рааг̇о жа д̣̇осо жа ид̇онид̣̇аанаа,
‘‘Rāgo ca doso ca itonidānā,
арад̇ий рад̇ий ломахам̣со ид̇ож̇аа;
Aratī ratī lomahaṃso itojā;
ид̇о самудтааяа мановид̇аггаа,
Ito samuṭṭhāya manovitakkā,
гумаарагаа д̇хан̇гамивоссаж̇анд̇и.
Kumārakā dhaṅkamivossajanti.
‘‘снзхаж̇аа ад̇д̇асамбхууд̇аа, ниг̇род̇хассзва канд̇хаж̇аа;
‘‘Snehajā attasambhūtā, nigrodhasseva khandhajā;
бут̇уу висад̇д̇аа гаамзсу, маалуваава вид̇ад̇аа 5 ванз.
Puthū visattā kāmesu, māluvāva vitatā 6 vane.
‘‘яз нам̣ баж̇аананд̇и яад̇онид̣̇аанам̣,
‘‘Ye naṃ pajānanti yatonidānaṃ,
д̇з нам̣ винод̣̇знд̇и сун̣охи яагка;
Te naṃ vinodenti suṇohi yakkha;
д̇з д̣̇уд̇д̇арам̣ огхамимам̣ д̇аранд̇и,
Te duttaraṃ oghamimaṃ taranti,
ад̇ин̣н̣абуб̣б̣ам̣ абунаб̣бхавааяаа’’д̇и.
Atiṇṇapubbaṃ apunabbhavāyā’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. суужиломасуд̇д̇аван̣н̣анаа • 3. Sūcilomasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. суужиломасуд̇д̇аван̣н̣анаа • 3. Sūcilomasuttavaṇṇanā
