| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਸੂਚਿਲੋਮਸੁਤ੍ਤਂ
3. Sūcilomasuttaṃ
੨੩੭. ਏਕਂ ਸਮਯਂ ਭਗવਾ ਗਯਾਯਂ વਿਹਰਤਿ ਟਙ੍ਕਿਤਮਞ੍ਚੇ ਸੂਚਿਲੋਮਸ੍ਸ ਯਕ੍ਖਸ੍ਸ ਭવਨੇ। ਤੇਨ ਖੋ ਪਨ ਸਮਯੇਨ ਖਰੋ ਚ ਯਕ੍ਖੋ ਸੂਚਿਲੋਮੋ ਚ ਯਕ੍ਖੋ ਭਗવਤੋ ਅવਿਦੂਰੇ ਅਤਿਕ੍ਕਮਨ੍ਤਿ। ਅਥ ਖੋ ਖਰੋ ਯਕ੍ਖੋ ਸੂਚਿਲੋਮਂ ਯਕ੍ਖਂ ਏਤਦવੋਚ – ‘‘ਏਸੋ ਸਮਣੋ’’ਤਿ! ‘‘ਨੇਸੋ ਸਮਣੋ, ਸਮਣਕੋ ਏਸੋ’’। ‘‘ਯਾવ ਜਾਨਾਮਿ ਯਦਿ વਾ ਸੋ ਸਮਣੋ ਯਦਿ વਾ ਪਨ ਸੋ ਸਮਣਕੋ’’ਤਿ।
237. Ekaṃ samayaṃ bhagavā gayāyaṃ viharati ṭaṅkitamañce sūcilomassa yakkhassa bhavane. Tena kho pana samayena kharo ca yakkho sūcilomo ca yakkho bhagavato avidūre atikkamanti. Atha kho kharo yakkho sūcilomaṃ yakkhaṃ etadavoca – ‘‘eso samaṇo’’ti! ‘‘Neso samaṇo, samaṇako eso’’. ‘‘Yāva jānāmi yadi vā so samaṇo yadi vā pana so samaṇako’’ti.
ਅਥ ਖੋ ਸੂਚਿਲੋਮੋ ਯਕ੍ਖੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤੋ ਕਾਯਂ ਉਪਨਾਮੇਸਿ। ਅਥ ਖੋ ਭਗવਾ ਕਾਯਂ ਅਪਨਾਮੇਸਿ। ਅਥ ਖੋ ਸੂਚਿਲੋਮੋ ਯਕ੍ਖੋ ਭਗવਨ੍ਤਂ ਏਤਦવੋਚ – ‘‘ਭਾਯਸਿ ਮਂ ਸਮਣਾ’’ਤਿ? ‘‘ਨ ਖ੍વਾਹਂ ਤਂ, ਆવੁਸੋ, ਭਾਯਾਮਿ; ਅਪਿ ਚ ਤੇ ਸਮ੍ਫਸ੍ਸੋ ਪਾਪਕੋ’’ਤਿ। ‘‘ਪਞ੍ਹਂ ਤਂ, ਸਮਣ ਪੁਚ੍ਛਿਸ੍ਸਾਮਿ। ਸਚੇ ਮੇ ਨ ਬ੍ਯਾਕਰਿਸ੍ਸਸਿ, ਚਿਤ੍ਤਂ વਾ ਤੇ ਖਿਪਿਸ੍ਸਾਮਿ, ਹਦਯਂ વਾ ਤੇ ਫਾਲੇਸ੍ਸਾਮਿ, ਪਾਦੇਸੁ વਾ ਗਹੇਤ੍વਾ ਪਾਰਗਙ੍ਗਾਯ 1 ਖਿਪਿਸ੍ਸਾਮੀ’’ਤਿ। ‘‘ਨ ਖ੍વਾਹਂ ਤਂ, ਆવੁਸੋ, ਪਸ੍ਸਾਮਿ ਸਦੇવਕੇ ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ, ਯੋ ਮੇ ਚਿਤ੍ਤਂ વਾ ਖਿਪੇਯ੍ਯ ਹਦਯਂ વਾ ਫਾਲੇਯ੍ਯ ਪਾਦੇਸੁ વਾ ਗਹੇਤ੍વਾ ਪਾਰਗਙ੍ਗਾਯ ਖਿਪੇਯ੍ਯ; ਅਪਿ ਚ ਤ੍વਂ, ਆવੁਸੋ, ਪੁਚ੍ਛ ਯਦਾ ਕਙ੍ਖਸੀ’’ਤਿ। ਅਥ ਖੋ ਸੂਚਿਲੋਮੋ ਯਕ੍ਖੋ ਭਗવਨ੍ਤਂ ਗਾਥਾਯ ਅਜ੍ਝਭਾਸਿ – ( ) 2
Atha kho sūcilomo yakkho yena bhagavā tenupasaṅkami; upasaṅkamitvā bhagavato kāyaṃ upanāmesi. Atha kho bhagavā kāyaṃ apanāmesi. Atha kho sūcilomo yakkho bhagavantaṃ etadavoca – ‘‘bhāyasi maṃ samaṇā’’ti? ‘‘Na khvāhaṃ taṃ, āvuso, bhāyāmi; api ca te samphasso pāpako’’ti. ‘‘Pañhaṃ taṃ, samaṇa pucchissāmi. Sace me na byākarissasi, cittaṃ vā te khipissāmi, hadayaṃ vā te phālessāmi, pādesu vā gahetvā pāragaṅgāya 3 khipissāmī’’ti. ‘‘Na khvāhaṃ taṃ, āvuso, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo me cittaṃ vā khipeyya hadayaṃ vā phāleyya pādesu vā gahetvā pāragaṅgāya khipeyya; api ca tvaṃ, āvuso, puccha yadā kaṅkhasī’’ti. Atha kho sūcilomo yakkho bhagavantaṃ gāthāya ajjhabhāsi – ( ) 4
‘‘ਰਾਗੋ ਚ ਦੋਸੋ ਚ ਕੁਤੋਨਿਦਾਨਾ,
‘‘Rāgo ca doso ca kutonidānā,
ਅਰਤੀ ਰਤੀ ਲੋਮਹਂਸੋ ਕੁਤੋਜਾ।
Aratī ratī lomahaṃso kutojā;
ਕੁਤੋ ਸਮੁਟ੍ਠਾਯ ਮਨੋવਿਤਕ੍ਕਾ,
Kuto samuṭṭhāya manovitakkā,
ਕੁਮਾਰਕਾ ਧਙ੍ਕਮਿવੋਸ੍ਸਜਨ੍ਤੀ’’ਤਿ॥
Kumārakā dhaṅkamivossajantī’’ti.
‘‘ਰਾਗੋ ਚ ਦੋਸੋ ਚ ਇਤੋਨਿਦਾਨਾ,
‘‘Rāgo ca doso ca itonidānā,
ਅਰਤੀ ਰਤੀ ਲੋਮਹਂਸੋ ਇਤੋਜਾ।
Aratī ratī lomahaṃso itojā;
ਇਤੋ ਸਮੁਟ੍ਠਾਯ ਮਨੋવਿਤਕ੍ਕਾ,
Ito samuṭṭhāya manovitakkā,
ਕੁਮਾਰਕਾ ਧਙ੍ਕਮਿવੋਸ੍ਸਜਨ੍ਤਿ॥
Kumārakā dhaṅkamivossajanti.
‘‘ਸ੍ਨੇਹਜਾ ਅਤ੍ਤਸਮ੍ਭੂਤਾ, ਨਿਗ੍ਰੋਧਸ੍ਸੇવ ਖਨ੍ਧਜਾ।
‘‘Snehajā attasambhūtā, nigrodhasseva khandhajā;
‘‘ਯੇ ਨਂ ਪਜਾਨਨ੍ਤਿ ਯਤੋਨਿਦਾਨਂ,
‘‘Ye naṃ pajānanti yatonidānaṃ,
ਤੇ ਨਂ વਿਨੋਦੇਨ੍ਤਿ ਸੁਣੋਹਿ ਯਕ੍ਖ।
Te naṃ vinodenti suṇohi yakkha;
ਤੇ ਦੁਤ੍ਤਰਂ ਓਘਮਿਮਂ ਤਰਨ੍ਤਿ,
Te duttaraṃ oghamimaṃ taranti,
ਅਤਿਣ੍ਣਪੁਬ੍ਬਂ ਅਪੁਨਬ੍ਭવਾਯਾ’’ਤਿ॥
Atiṇṇapubbaṃ apunabbhavāyā’’ti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਸੂਚਿਲੋਮਸੁਤ੍ਤવਣ੍ਣਨਾ • 3. Sūcilomasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਸੂਚਿਲੋਮਸੁਤ੍ਤવਣ੍ਣਨਾ • 3. Sūcilomasuttavaṇṇanā
