| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. суужиломасуд̇д̇аван̣н̣анаа
3. Sūcilomasuttavaṇṇanā
237. д̇ад̇ияз г̇аяааяанд̇и г̇аяааг̇аамз, г̇аяааяа авид̣̇уурз нивидтаг̇аамам̣ убаниссааяаад̇и ад̇т̇о. дан̇гид̇аман̃жзд̇и д̣̇ийгхаман̃жз баад̣̇амаж̇жхз виж̇жхид̇ваа аданияо бавзсзд̇ваа гад̇аман̃жз. д̇асса ‘‘ид̣̇ам̣ убари, ид̣̇ам̣ хздтаа’’д̇и над̇т̇и, баривад̇д̇зд̇ваа ад̇т̇ад̇оби д̇аад̣̇исова ход̇и, д̇ам̣ д̣̇звадтаанз табзнд̇и. жад̇уннам̣ баасаан̣аанам̣ убари баасаан̣ам̣ ад̇т̇арид̇ваа гад̇аг̇зхамби ‘‘дан̇гид̇аман̃жо’’д̇и вужжад̇и. суужиломассаад̇и гат̇инасуужисад̣̇исаломасса. со гира гассабасса бхаг̇авад̇о саасанз баб̣б̣аж̇ид̇ваа д̣̇уурадтаанад̇о ааг̇ад̇о сзд̣̇амалаг̇г̇ахид̇зна г̇ад̇д̇зна субан̃н̃ад̇д̇ам̣ сан̇гхигаман̃жам̣ анаад̣̇арзна абажжад̇т̇арид̇ваа нибаж̇ж̇и, д̇асса барисуд̣̇д̇хасийласса д̇ам̣ гаммам̣ суд̣̇д̇хавад̇т̇з гаал̣агам̣ вияа ахоси. со д̇асмим̣ ад̇д̇абхаавз висзсам̣ ниб̣б̣ад̇д̇зд̇ум̣ асаггонд̇о гаалам̣гад̇ваа г̇аяааг̇аамад̣̇ваарз сан̇гаарадтаанз яагко худ̇ваа ниб̣б̣ад̇д̇и. ниб̣б̣ад̇д̇амад̇д̇ассзва жасса сагаласарийрам̣ гат̇инасуужийхи г̇авижчивиж̇жхид̇ам̣ вияа ж̇аад̇ам̣.
237. Tatiye gayāyanti gayāgāme, gayāya avidūre niviṭṭhagāmaṃ upanissāyāti attho. Ṭaṅkitamañceti dīghamañce pādamajjhe vijjhitvā aṭaniyo pavesetvā katamañce. Tassa ‘‘idaṃ upari, idaṃ heṭṭhā’’ti natthi, parivattetvā atthatopi tādisova hoti, taṃ devaṭṭhāne ṭhapenti. Catunnaṃ pāsāṇānaṃ upari pāsāṇaṃ attharitvā katagehampi ‘‘ṭaṅkitamañco’’ti vuccati. Sūcilomassāti kathinasūcisadisalomassa. So kira kassapassa bhagavato sāsane pabbajitvā dūraṭṭhānato āgato sedamalaggahitena gattena supaññattaṃ saṅghikamañcaṃ anādarena apaccattharitvā nipajji, tassa parisuddhasīlassa taṃ kammaṃ suddhavatthe kāḷakaṃ viya ahosi. So tasmiṃ attabhāve visesaṃ nibbattetuṃ asakkonto kālaṃkatvā gayāgāmadvāre saṅkāraṭṭhāne yakkho hutvā nibbatti. Nibbattamattasseva cassa sakalasarīraṃ kathinasūcīhi gavicchivijjhitaṃ viya jātaṃ.
ат̇згад̣̇ивасам̣ бхаг̇аваа бажжуусасамаяз логам̣ ологзнд̇о д̇ам̣ яагкам̣ батамааваж̇ж̇анассзва аабаат̇ам̣ ааг̇ад̇ам̣ д̣̇исваа – ‘‘аяам̣ згам̣ б̣уд̣̇д̇ханд̇арам̣ махаад̣̇угкам̣ анубхави. гим̣ ну кваасса мам̣ ааг̇амма сод̇т̇игааран̣ам̣ бхавзяяаа’’д̇и? ааваж̇ж̇знд̇о батамамаг̇г̇асса убаниссаяам̣ ад̣̇д̣̇аса. ат̇асса сан̇г̇ахам̣ гаад̇угаамо сурад̇д̇ад̣̇убаддам̣ ниваасзд̇ваа суг̇ад̇амахаажийварам̣ баарубид̇ваа д̣̇звавимаанагаббам̣ г̇анд̇хагудим̣ бахааяа хад̇т̇иг̇аваассамануссагуггураад̣̇игун̣абад̣̇уг̇г̇анд̇хам̣ сан̇гаарадтаанам̣ г̇анд̇ваа д̇ад̇т̇а махааг̇анд̇хагудияам̣ вияа нисийд̣̇и. д̇ам̣ санд̇хааяа вуд̇д̇ам̣ ‘‘суужиломасса яагкасса бхаванз’’д̇и.
Athekadivasaṃ bhagavā paccūsasamaye lokaṃ olokento taṃ yakkhaṃ paṭhamāvajjanasseva āpāthaṃ āgataṃ disvā – ‘‘ayaṃ ekaṃ buddhantaraṃ mahādukkhaṃ anubhavi. Kiṃ nu khvāssa maṃ āgamma sotthikāraṇaṃ bhaveyyā’’ti? Āvajjento paṭhamamaggassa upanissayaṃ addasa. Athassa saṅgahaṃ kātukāmo surattadupaṭṭaṃ nivāsetvā sugatamahācīvaraṃ pārupitvā devavimānakappaṃ gandhakuṭiṃ pahāya hatthigavāssamanussakukkurādikuṇapaduggandhaṃ saṅkāraṭṭhānaṃ gantvā tattha mahāgandhakuṭiyaṃ viya nisīdi. Taṃ sandhāya vuttaṃ ‘‘sūcilomassa yakkhassa bhavane’’ti.
карод̇и сум̣сумаарабидти вияа чад̣̇анидтагаахи висамажчад̣̇анабидти вияа жа карасарийро. со гира гассабасаммаасамб̣уд̣̇д̇хагаалз сийласамбанно убаасаго згад̣̇ивасз вихаарз жид̇д̇ад̇т̇аран̣аад̣̇ийхи ад̇т̇ад̇ааяа бхуумияаа сан̇гхигз ад̇т̇аран̣з ад̇д̇ано уд̇д̇араасан̇г̇ам̣ абажжад̇т̇арид̇ваа нибаж̇ж̇и. сан̇гхигам̣ д̇злам̣ абхааж̇зд̇ваа ад̇д̇ано уд̇д̇араасан̇г̇ам̣ абажжад̇т̇арид̇ваа нибаж̇ж̇и. сан̇гхигам̣ д̇злам̣ абхааж̇зд̇ваа ад̇д̇ано хад̇т̇зхи сарийрам̣ магкзсийд̇иби вад̣̇анд̇и. со д̇зна гаммзна саг̇г̇з ниб̣б̣ад̇д̇ид̇ум̣ асаггонд̇о д̇ассзва г̇аамасса д̣̇ваарз сан̇гаарадтаанз яагко худ̇ваа ниб̣б̣ад̇д̇и. ниб̣б̣ад̇д̇амад̇д̇асса жасса сагаласарийрам̣ вуд̇д̇аббагаарам̣ ахоси. д̇з убхоби сахааяаа ж̇аад̇аа. ид̇и карасса карабхааво взд̣̇ид̇аб̣б̣о.
Kharoti suṃsumārapiṭṭhi viya chadaniṭṭhakāhi visamacchadanapiṭṭhi viya ca kharasarīro. So kira kassapasammāsambuddhakāle sīlasampanno upāsako ekadivase vihāre cittattharaṇādīhi atthatāya bhūmiyā saṅghike attharaṇe attano uttarāsaṅgaṃ apaccattharitvā nipajji. Saṅghikaṃ telaṃ abhājetvā attano uttarāsaṅgaṃ apaccattharitvā nipajji. Saṅghikaṃ telaṃ abhājetvā attano hatthehi sarīraṃ makkhesītipi vadanti. So tena kammena sagge nibbattituṃ asakkonto tasseva gāmassa dvāre saṅkāraṭṭhāne yakkho hutvā nibbatti. Nibbattamattassa cassa sakalasarīraṃ vuttappakāraṃ ahosi. Te ubhopi sahāyā jātā. Iti kharassa kharabhāvo veditabbo.
авид̣̇уурз ад̇иггаманд̇ийд̇и г̇ожарам̣ бариязсанд̇аа самааг̇амадтаанам̣ ваа г̇ажчанд̇аа аасаннз таанз г̇ажчанд̇и. д̇зсу суужиломо сад̇т̇аарам̣ на бассад̇и, караломо батамад̇арам̣ д̣̇исваа суужиломам̣ яагкам̣ зд̇ад̣̇авожа – ‘‘зсо саман̣о’’д̇и, самма, зса д̇ава бхаванам̣ бависид̇ваа нисинно зго саман̣од̇и. нзсо саман̣о, саман̣аго зсод̇и со гира яо мам̣ бассид̇ваа бхийд̇о балааяад̇и, д̇ам̣ саман̣агод̇и вад̣̇ад̇и. яо на бхааяад̇и, д̇ам̣ саман̣од̇и. д̇асмаа ‘‘аяам̣ мам̣ д̣̇исваа бхийд̇о балааяиссад̇ий’’д̇и ман̃н̃амаано звамааха.
Avidūre atikkamantīti gocaraṃ pariyesantā samāgamaṭṭhānaṃ vā gacchantā āsanne ṭhāne gacchanti. Tesu sūcilomo satthāraṃ na passati, kharalomo paṭhamataraṃ disvā sūcilomaṃ yakkhaṃ etadavoca – ‘‘eso samaṇo’’ti, samma, esa tava bhavanaṃ pavisitvā nisinno eko samaṇoti. Neso samaṇo, samaṇako esoti so kira yo maṃ passitvā bhīto palāyati, taṃ samaṇakoti vadati. Yo na bhāyati, taṃ samaṇoti. Tasmā ‘‘ayaṃ maṃ disvā bhīto palāyissatī’’ti maññamāno evamāha.
гааяам̣ убанаамзсийд̇и бхзраваруубам̣ нимминид̇ваа махаамукам̣ виварид̇ваа сагаласарийрз ломаани удтаабзд̇ваа гааяам̣ убанаамзси. абанаамзсийд̇и рад̇анасад̇игам̣ суван̣н̣аг̇гханигам̣ вияа т̇огам̣ абанаамзси. баабагод̇и лаамаго аманун̃н̃о. со г̇уут̇ам̣ вияа аг̇г̇и вияа ган̣хасаббо вияа жа бариваж̇ж̇зд̇аб̣б̣о, на иминаа суван̣н̣аван̣н̣зна сарийрзна самбадижчид̇аб̣б̣о. звам̣ вуд̇д̇з бана суужиломо ‘‘баабаго гира мз сампассо’’д̇и гуд̣̇д̇хо бан̃хам̣ д̇ам̣, саман̣аад̇иаад̣̇имааха. жид̇д̇ам̣ ваа д̇з кибиссаамийд̇и язсан̃хи амануссаа жид̇д̇ам̣ кибид̇угаамаа хонд̇и, д̇зсам̣ сзд̇амукам̣ нийлод̣̇арам̣ сурад̇д̇ахад̇т̇абаад̣̇ам̣ махаасийсам̣ баж̇ж̇алид̇анзд̇д̇ам̣ бхзравам̣ ваа ад̇д̇абхаавам̣ нимминид̇ваа д̣̇ассзнд̇и, бхзравам̣ ваа сад̣̇д̣̇ам̣ саавзнд̇и, гат̇знд̇аанам̣язва ваа мукз хад̇т̇ам̣ багкибид̇ваа хад̣̇аяам̣ мад̣̇д̣̇анд̇и, д̇зна д̇з сад̇д̇аа уммад̇д̇агаа хонд̇и кид̇д̇ажид̇д̇аа. д̇ам̣ санд̇хааязвамааха. баараг̇ан̇г̇ааяаад̇и д̣̇вийсу баад̣̇зсу г̇ахзд̇ваа д̇ам̣ аавин̃чзд̇ваа яат̇аа на бунааг̇ажчаси, звам̣ баарам̣ ваа г̇ан̇г̇ааяа кибиссаамийд̇и вад̣̇ад̇и. сад̣̇звагзд̇иаад̣̇и вуд̇д̇ад̇т̇амзва. бужча яад̣̇ааган̇касийд̇и яам̣гин̃жи ааган̇каси, д̇ам̣ саб̣б̣ам̣ бужча, асзсам̣ д̇з б̣яаагариссаамийд̇и саб̣б̣ан̃н̃убавааран̣ам̣ баваарзд̇и.
Kāyaṃ upanāmesīti bheravarūpaṃ nimminitvā mahāmukhaṃ vivaritvā sakalasarīre lomāni uṭṭhāpetvā kāyaṃ upanāmesi. Apanāmesīti ratanasatikaṃ suvaṇṇagghanikaṃ viya thokaṃ apanāmesi. Pāpakoti lāmako amanuñño. So gūthaṃ viya aggi viya kaṇhasappo viya ca parivajjetabbo, na iminā suvaṇṇavaṇṇena sarīrena sampaṭicchitabbo. Evaṃ vutte pana sūcilomo ‘‘pāpako kira me samphasso’’ti kuddho pañhaṃ taṃ, samaṇātiādimāha. Cittaṃ vā te khipissāmīti yesañhi amanussā cittaṃ khipitukāmā honti, tesaṃ setamukhaṃ nīlodaraṃ surattahatthapādaṃ mahāsīsaṃ pajjalitanettaṃ bheravaṃ vā attabhāvaṃ nimminitvā dassenti, bheravaṃ vā saddaṃ sāventi, kathentānaṃyeva vā mukhe hatthaṃ pakkhipitvā hadayaṃ maddanti, tena te sattā ummattakā honti khittacittā. Taṃ sandhāyevamāha. Pāragaṅgāyāti dvīsu pādesu gahetvā taṃ āviñchetvā yathā na punāgacchasi, evaṃ pāraṃ vā gaṅgāya khipissāmīti vadati. Sadevaketiādi vuttatthameva. Puccha yadākaṅkhasīti yaṃkiñci ākaṅkhasi, taṃ sabbaṃ puccha, asesaṃ te byākarissāmīti sabbaññupavāraṇaṃ pavāreti.
гуд̇онид̣̇аанаад̇и гим̣нид̣̇аанаа, гим̣бажжаяаад̇и ад̇т̇о? гумаарагаа д̇хан̇гамивоссаж̇анд̇ийд̇и яат̇аа гумаарагаа гаагам̣ г̇ахзд̇ваа оссаж̇анд̇и кибанд̇и, звам̣ баабавид̇аггаа гуд̇о самудтааяа жид̇д̇ам̣ оссаж̇анд̇ийд̇и бужчад̇и?
Kutonidānāti kiṃnidānā, kiṃpaccayāti attho? Kumārakā dhaṅkamivossajantīti yathā kumārakā kākaṃ gahetvā ossajanti khipanti, evaṃ pāpavitakkā kuto samuṭṭhāya cittaṃ ossajantīti pucchati?
ид̇онид̣̇аанаад̇и аяам̣ ад̇д̇абхааво нид̣̇аанам̣ зд̇зсанд̇и ид̇о нид̣̇аанаа. ид̇ож̇аад̇и ид̇о ад̇д̇абхаавад̇о ж̇аад̇аа. ид̇о самудтааяа мановид̇аггаад̇и яат̇аа д̣̇ийгхасуд̇д̇агзна баад̣̇з б̣ад̣̇д̇хам̣ гаагам̣ гумаарагаа д̇асса суд̇д̇абарияанд̇ам̣ ан̇г̇улияам̣ взтзд̇ваа оссаж̇анд̇и, со д̣̇уурам̣ г̇анд̇вааби буна д̇зсам̣ баад̣̇амуулзязва бад̇ад̇и, звамзва ид̇о ад̇д̇абхаавад̇о самудтааяа баабавид̇аггаа жид̇д̇ам̣ оссаж̇анд̇и.
Itonidānāti ayaṃ attabhāvo nidānaṃ etesanti ito nidānā. Itojāti ito attabhāvato jātā. Ito samuṭṭhāya manovitakkāti yathā dīghasuttakena pāde baddhaṃ kākaṃ kumārakā tassa suttapariyantaṃ aṅguliyaṃ veṭhetvā ossajanti, so dūraṃ gantvāpi puna tesaṃ pādamūleyeva patati, evameva ito attabhāvato samuṭṭhāya pāpavitakkā cittaṃ ossajanti.
снзхаж̇аад̇и д̇ан̣хаасинзхад̇о ж̇аад̇аа. ад̇д̇асамбхууд̇аад̇и ад̇д̇ани самбхууд̇аа. ниг̇род̇хассзва канд̇хаж̇аад̇и ниг̇род̇хаканд̇хз ж̇аад̇аа баарохаа вияа. бут̇ууд̇и б̣ахуу анзгаббагаараа баабавид̇аггаа д̇ам̣самбаяуд̇д̇агилзсаа жа. висад̇д̇аад̇и лаг̇г̇аа лаг̇г̇ид̇аа. гаамзсууд̇и вад̇т̇угаамзсу. маалуваава вид̇ад̇аа ванзд̇и яат̇аа ванз маалуваа лад̇аа яам̣ ругкам̣ ниссааяа ж̇ааяад̇и, д̇ам̣ муулад̇о яаава аг̇г̇аа, аг̇г̇ад̇о яаава муулаа бунаббунам̣ сам̣сиб̣б̣ид̇ваа аж̇жход̇т̇арид̇ваа од̇ад̇авид̇ад̇аа д̇идтад̇и. звам̣ вад̇т̇угаамзсу бут̇уу гилзсагаамаа висад̇д̇аа, бут̇уу ваа сад̇д̇аа д̇зхи гилзсагаамзхи вад̇т̇угаамзсу висад̇д̇аа. яз нам̣ баж̇аананд̇ийд̇и яз ‘‘ад̇д̇асамбхууд̇аа’’д̇и зд̇т̇а вуд̇д̇ам̣ ад̇д̇абхаавам̣ ж̇аананд̇и.
Snehajāti taṇhāsinehato jātā. Attasambhūtāti attani sambhūtā. Nigrodhasseva khandhajāti nigrodhakhandhe jātā pārohā viya. Puthūti bahū anekappakārā pāpavitakkā taṃsampayuttakilesā ca. Visattāti laggā laggitā. Kāmesūti vatthukāmesu. Māluvāva vitatā vaneti yathā vane māluvā latā yaṃ rukkhaṃ nissāya jāyati, taṃ mūlato yāva aggā, aggato yāva mūlā punappunaṃ saṃsibbitvā ajjhottharitvā otatavitatā tiṭṭhati. Evaṃ vatthukāmesu puthū kilesakāmā visattā, puthū vā sattā tehi kilesakāmehi vatthukāmesu visattā. Ye naṃ pajānantīti ye ‘‘attasambhūtā’’ti ettha vuttaṃ attabhāvaṃ jānanti.
яад̇онид̣̇аананд̇и яам̣ нид̣̇аанамасса ад̇д̇абхаавасса д̇ан̃жа ж̇аананд̇и. д̇з нам̣ винод̣̇знд̇ийд̇и д̇з звам̣ ад̇д̇абхаавасан̇каад̇асса д̣̇угкасажжасса нид̣̇аанабхууд̇ам̣ самуд̣̇аяасажжам̣ маг̇г̇асажжзна винод̣̇знд̇и. д̇з д̣̇уд̇д̇аранд̇и д̇з самуд̣̇аяасажжам̣ нийхаранд̇аа ид̣̇ам̣ д̣̇уд̇д̇арам̣ гилзсогхам̣ д̇аранд̇и. ад̇ин̣н̣абуб̣б̣анд̇и анамад̇аг̇г̇з сам̣саарз субинанд̇зби на д̇ин̣н̣абуб̣б̣ам̣. абунаб̣бхавааяаад̇и абунаб̣бхавасан̇каад̇асса нирод̇хасажжассад̇т̇ааяа. ид̇и имааяа г̇аат̇ааяа жад̇д̇аари сажжаани багаасзнд̇о арахад̇д̇анигуудзна д̣̇зсанам̣ нидтабзси. д̣̇зсанаавасаанз суужиломо д̇асмим̣язва бад̣̇зсз тид̇о д̣̇зсанаанусаарзна н̃аан̣ам̣ бзсзд̇ваа сод̇аабад̇д̇ипалз бад̇идтид̇о. сод̇аабаннаа жа наама на гилидтад̇д̇абхаавз д̇идтанд̇ийд̇и саха палабадилаабхзнасса сарийрз сзд̇аган̣д̣убийл̣агасуужияо саб̣б̣аа бад̇ид̇аа. со д̣̇иб̣б̣авад̇т̇анивад̇т̇о д̣̇иб̣б̣аварад̣̇угуулуд̇д̇араасан̇г̇о д̣̇иб̣б̣авзтанавзтид̇о д̣̇иб̣б̣аабхаран̣аг̇анд̇хамаалад̇харо суван̣н̣аван̣н̣о худ̇ваа бхуммад̣̇звад̇аабарихаарам̣ бадилабхийд̇и. д̇ад̇ияам̣.
Yatonidānanti yaṃ nidānamassa attabhāvassa tañca jānanti. Te naṃ vinodentīti te evaṃ attabhāvasaṅkhātassa dukkhasaccassa nidānabhūtaṃ samudayasaccaṃ maggasaccena vinodenti. Te duttaranti te samudayasaccaṃ nīharantā idaṃ duttaraṃ kilesoghaṃ taranti. Atiṇṇapubbanti anamatagge saṃsāre supinantepi na tiṇṇapubbaṃ. Apunabbhavāyāti apunabbhavasaṅkhātassa nirodhasaccassatthāya. Iti imāya gāthāya cattāri saccāni pakāsento arahattanikūṭena desanaṃ niṭṭhapesi. Desanāvasāne sūcilomo tasmiṃyeva padese ṭhito desanānusārena ñāṇaṃ pesetvā sotāpattiphale patiṭṭhito. Sotāpannā ca nāma na kiliṭṭhattabhāve tiṭṭhantīti saha phalapaṭilābhenassa sarīre setakaṇḍupīḷakasūciyo sabbā patitā. So dibbavatthanivattho dibbavaradukūluttarāsaṅgo dibbaveṭhanaveṭhito dibbābharaṇagandhamāladharo suvaṇṇavaṇṇo hutvā bhummadevatāparihāraṃ paṭilabhīti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. суужиломасуд̇д̇ам̣ • 3. Sūcilomasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. суужиломасуд̇д̇аван̣н̣анаа • 3. Sūcilomasuttavaṇṇanā
