| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
5. суужиломасуд̇д̇аван̣н̣анаа
5. Sūcilomasuttavaṇṇanā
звам̣ мз суд̇анд̇и суужиломасуд̇д̇ам̣. гаа уббад̇д̇и? ад̇т̇аван̣н̣анаанаязнзвасса уббад̇д̇и аави бхависсад̇и. ад̇т̇аван̣н̣анааяан̃жа ‘‘звам̣ мз суд̇а’’нд̇иаад̣̇и вуд̇д̇ад̇т̇амзва. г̇аяааяам̣ вихарад̇и дан̇гид̇аман̃жз суужиломасса яагкасса бхаванзд̇и зд̇т̇а бана гаа г̇аяаа, го дан̇гид̇аман̃жо, гасмаа жа бхаг̇аваа д̇асса яагкасса бхаванз вихарад̇ийд̇и? вужжад̇з – г̇аяаад̇и г̇аамоби д̇ид̇т̇амби вужжад̇и, д̇ад̣̇убхаяамби ид̇ха ваддад̇и. г̇аяааг̇аамасса хи авид̣̇уурз д̣̇зсз вихаранд̇оби ‘‘г̇аяааяам̣ вихарад̇ий’’д̇и вужжад̇и, д̇асса жа г̇аамасса самийбз авид̣̇уурз д̣̇ваарасанд̇игз со дан̇гид̇аман̃жо. г̇аяаад̇ид̇т̇з вихаранд̇оби ‘‘г̇аяааяам̣ вихарад̇ий’’д̇и вужжад̇и, г̇аяаад̇ид̇т̇з жа со дан̇гид̇аман̃жо. дан̇гид̇аман̃жод̇и жад̇уннам̣ баасаан̣аанам̣ убари вид̇т̇ад̇ам̣ баасаан̣ам̣ ааробзд̇ваа гад̇о баасаан̣аман̃жо . д̇ам̣ ниссааяа яагкасса бхаванам̣ аал̣авагасса бхаванам̣ вияа. яасмаа ваа бана бхаг̇аваа д̇ам̣ д̣̇ивасам̣ бажжуусасамаяз махаагарун̣аасамаабад̇д̇ид̇о вудтааяа б̣уд̣̇д̇хажагкунаа логам̣ вологзнд̇о суужиломасса жа караломасса жаад̇и д̣̇виннамби яагкаанам̣ сод̇аабад̇д̇ипалуубаниссаяам̣ ад̣̇д̣̇аса, д̇асмаа бад̇д̇ажийварам̣ аад̣̇ааяа анд̇оарун̣зязва наанаад̣̇исаахи саннибад̇ид̇асса ж̇анасса кзл̣асин̇гхаан̣игаад̣̇инаанаббагаараасужиниссанд̣̇агилиннабхуумибхааг̇амби д̇ам̣ д̇ид̇т̇аббад̣̇зсам̣ ааг̇анд̇ваа д̇асмим̣ дан̇гид̇аман̃жз нисийд̣̇и суужиломасса яагкасса бхаванз. д̇зна вуд̇д̇ам̣ ‘‘згам̣ самаяам̣ бхаг̇аваа г̇аяааяам̣ вихарад̇и дан̇гид̇аман̃жз суужиломасса яагкасса бхаванз’’д̇и.
Evaṃme sutanti sūcilomasuttaṃ. Kā uppatti? Atthavaṇṇanānayenevassa uppatti āvi bhavissati. Atthavaṇṇanāyañca ‘‘evaṃ me suta’’ntiādi vuttatthameva. Gayāyaṃ viharati ṭaṅkitamañce sūcilomassa yakkhassa bhavaneti ettha pana kā gayā, ko ṭaṅkitamañco, kasmā ca bhagavā tassa yakkhassa bhavane viharatīti? Vuccate – gayāti gāmopi titthampi vuccati, tadubhayampi idha vaṭṭati. Gayāgāmassa hi avidūre dese viharantopi ‘‘gayāyaṃ viharatī’’ti vuccati, tassa ca gāmassa samīpe avidūre dvārasantike so ṭaṅkitamañco. Gayātitthe viharantopi ‘‘gayāyaṃ viharatī’’ti vuccati, gayātitthe ca so ṭaṅkitamañco. Ṭaṅkitamañcoti catunnaṃ pāsāṇānaṃ upari vitthataṃ pāsāṇaṃ āropetvā kato pāsāṇamañco . Taṃ nissāya yakkhassa bhavanaṃ āḷavakassa bhavanaṃ viya. Yasmā vā pana bhagavā taṃ divasaṃ paccūsasamaye mahākaruṇāsamāpattito vuṭṭhāya buddhacakkhunā lokaṃ volokento sūcilomassa ca kharalomassa cāti dvinnampi yakkhānaṃ sotāpattiphalūpanissayaṃ addasa, tasmā pattacīvaraṃ ādāya antoaruṇeyeva nānādisāhi sannipatitassa janassa kheḷasiṅghāṇikādinānappakārāsucinissandakilinnabhūmibhāgampi taṃ titthappadesaṃ āgantvā tasmiṃ ṭaṅkitamañce nisīdi sūcilomassa yakkhassa bhavane. Tena vuttaṃ ‘‘ekaṃ samayaṃ bhagavā gayāyaṃ viharati ṭaṅkitamañce sūcilomassa yakkhassa bhavane’’ti.
д̇зна ко бана самаязнаад̇и яам̣ самаяам̣ бхаг̇аваа д̇ад̇т̇а вихарад̇и, д̇зна самаязна. каро жа яагко суужиломо жа яагко бхаг̇авад̇о авид̣̇уурз ад̇иггаманд̇ийд̇и. гз д̇з яагкаа, гасмаа жа ад̇иггаманд̇ийд̇и? вужжад̇з – д̇зсу д̇аава зго ад̇ийд̇з сан̇гхасса д̇злам̣ анаабужчаа г̇ахзд̇ваа ад̇д̇ано сарийрам̣ магкзси. со д̇зна гаммзна нираяз бажжид̇ваа г̇аяаабогкаран̣ид̇ийрз яагкаяонияам̣ ниб̣б̣ад̇д̇о. д̇ассзва жасса гаммасса вибаагаавасзсзна вируубаани ан̇г̇абажжан̇г̇аани ахзсум̣ , идтагажчад̣̇анасад̣̇исан̃жа карасампассам̣ жаммам̣. со гира яад̣̇аа барам̣ бхим̣саабзд̇угаамо ход̇и, д̇ад̣̇аа чад̣̇анидтагасад̣̇исаани жаммагабаалаани угкибид̇ваа бхим̣саабзд̇и. звам̣ со карасампассад̇д̇аа каро яагкод̇взва наамам̣ лабхи.
Tena kho pana samayenāti yaṃ samayaṃ bhagavā tattha viharati, tena samayena. Kharo ca yakkho sūcilomo ca yakkho bhagavato avidūre atikkamantīti. Ke te yakkhā, kasmā ca atikkamantīti? Vuccate – tesu tāva eko atīte saṅghassa telaṃ anāpucchā gahetvā attano sarīraṃ makkhesi. So tena kammena niraye paccitvā gayāpokkharaṇitīre yakkhayoniyaṃ nibbatto. Tasseva cassa kammassa vipākāvasesena virūpāni aṅgapaccaṅgāni ahesuṃ , iṭṭhakacchadanasadisañca kharasamphassaṃ cammaṃ. So kira yadā paraṃ bhiṃsāpetukāmo hoti, tadā chadaniṭṭhakasadisāni cammakapālāni ukkhipitvā bhiṃsāpeti. Evaṃ so kharasamphassattā kharo yakkhotveva nāmaṃ labhi.
ид̇аро гассабасса бхаг̇авад̇о гаалз убаасаго худ̇ваа маасасса адта д̣̇ивасз вихаарам̣ г̇анд̇ваа д̇хаммам̣ сун̣аад̇и. со згад̣̇ивасам̣ д̇хаммассаванз гхосид̇з сан̇гхаараамад̣̇ваарз ад̇д̇ано кзд̇д̇ам̣ гзлааяанд̇о уг̇гхосанам̣ суд̇ваа ‘‘сажз нхааяаами, жирам̣ бхависсад̇ий’’д̇и гилидтаг̇ад̇д̇ова убосат̇ааг̇аарам̣ бависид̇ваа махаг̇гхз бхуммад̇т̇аран̣з анаад̣̇арзна нибаж̇ж̇ид̇ваа суби. бхигку звааяам̣, на убаасагод̇и сам̣яуд̇д̇абхаан̣агаа. со д̇зна жа ан̃н̃зна гаммзна жа нираяз бажжид̇ваа г̇аяаабогкаран̣ияаа д̇ийрз яагкаяонияам̣ ниб̣б̣ад̇д̇о. со д̇асса гаммасса вибаагаавасзсзна д̣̇уд̣̇д̣̇асиго ахоси, сарийрз жасса суужисад̣̇исаани ломаани ахзсум̣. со хи бхим̣саабзд̇аб̣б̣агз сад̇д̇з суужийхи виж̇жханд̇о вияа бхим̣саабзд̇и. звам̣ со суужисад̣̇исаломад̇д̇аа суужиломо яагкод̇взва наамам̣ лабхи. д̇з ад̇д̇ано г̇ожарад̇т̇ааяа бхаванад̇о нигкамид̇ваа мухуд̇д̇ам̣ г̇анд̇ваа г̇ад̇амаг̇г̇знзва нивад̇д̇ид̇ваа ид̇арам̣ д̣̇исаабхааг̇ам̣ г̇ажчанд̇аа бхаг̇авад̇о авид̣̇уурз ад̇иггаманд̇и.
Itaro kassapassa bhagavato kāle upāsako hutvā māsassa aṭṭha divase vihāraṃ gantvā dhammaṃ suṇāti. So ekadivasaṃ dhammassavane ghosite saṅghārāmadvāre attano khettaṃ kelāyanto ugghosanaṃ sutvā ‘‘sace nhāyāmi, ciraṃ bhavissatī’’ti kiliṭṭhagattova uposathāgāraṃ pavisitvā mahagghe bhummattharaṇe anādarena nipajjitvā supi. Bhikkhu evāyaṃ, na upāsakoti saṃyuttabhāṇakā. So tena ca aññena kammena ca niraye paccitvā gayāpokkharaṇiyā tīre yakkhayoniyaṃ nibbatto. So tassa kammassa vipākāvasesena duddasiko ahosi, sarīre cassa sūcisadisāni lomāni ahesuṃ. So hi bhiṃsāpetabbake satte sūcīhi vijjhanto viya bhiṃsāpeti. Evaṃ so sūcisadisalomattā sūcilomo yakkhotveva nāmaṃ labhi. Te attano gocaratthāya bhavanato nikkhamitvā muhuttaṃ gantvā gatamaggeneva nivattitvā itaraṃ disābhāgaṃ gacchantā bhagavato avidūre atikkamanti.
ат̇а ко карод̇и гасмаа д̇з звамаахам̣су? каро саман̣агаббам̣ д̣̇исваа ааха. суужиломо бана ‘‘яо бхааяад̇и на со саман̣о, саман̣абадируубагад̇д̇аа бана саман̣аго ход̇ий’’д̇и звам̣лад̣̇д̇хиго. д̇асмаа д̇аад̣̇исам̣ бхаг̇аванд̇ам̣ ман̃н̃амаано ‘‘нзсо саман̣о, саман̣аго зсо’’д̇и сахасаава вад̇вааби буна виймам̣сид̇угаамо ааха – ‘‘яааваахам̣ ж̇аанаамий’’д̇и. ‘‘ат̇а ко’’д̇и звам̣ вад̇ваа д̇ад̇о. суужиломо яагкод̇и ид̇о бабхуд̇и яаава абижа ко д̇з сампассо баабагод̇и, д̇аава уд̇д̇аанад̇т̇амзва гзвалан̃жзд̇т̇а бхаг̇авад̇о гааяанд̇и ад̇д̇ано гааяам̣ бхаг̇авад̇о убанаамзсийд̇и звам̣ самб̣анд̇хо взд̣̇ид̇аб̣б̣о.
Atha kho kharoti kasmā te evamāhaṃsu? Kharo samaṇakappaṃ disvā āha. Sūcilomo pana ‘‘yo bhāyati na so samaṇo, samaṇapaṭirūpakattā pana samaṇako hotī’’ti evaṃladdhiko. Tasmā tādisaṃ bhagavantaṃ maññamāno ‘‘neso samaṇo, samaṇako eso’’ti sahasāva vatvāpi puna vīmaṃsitukāmo āha – ‘‘yāvāhaṃ jānāmī’’ti. ‘‘Atha kho’’ti evaṃ vatvā tato. Sūcilomo yakkhoti ito pabhuti yāva apica kho te samphasso pāpakoti, tāva uttānatthameva kevalañcettha bhagavato kāyanti attano kāyaṃ bhagavato upanāmesīti evaṃ sambandho veditabbo.
д̇ад̇о абхааяанд̇ам̣ бхаг̇аванд̇ам̣ д̣̇исваа ‘‘бан̃хам̣ д̇ам̣ саман̣аа’’д̇иаад̣̇имааха. гим̣ гааран̣аа? со хи жинд̇зси – ‘‘иминааби наама мз звам̣ карзна амануссасампассзна мануссо самаано аяам̣ на бхааяад̇и, ханд̣̇аахам̣ зд̇ам̣ б̣уд̣̇д̇хависаяз бан̃хам̣ бужчаами, ад̣̇д̇хаа аяам̣ д̇ад̇т̇а на самбааяиссад̇и, д̇ад̇о нам̣ звам̣ вихзтзссаамий’’д̇и. бхаг̇аваа д̇ам̣ суд̇ваа ‘‘на кваахам̣ д̇ам̣ аавусо’’д̇иаад̣̇имааха. д̇ам̣ саб̣б̣ам̣ аал̣авагасуд̇д̇з вуд̇д̇анаязнзва саб̣б̣аагаарзхи взд̣̇ид̇аб̣б̣ам̣.
Tato abhāyantaṃ bhagavantaṃ disvā ‘‘pañhaṃ taṃ samaṇā’’tiādimāha. Kiṃ kāraṇā? So hi cintesi – ‘‘imināpi nāma me evaṃ kharena amanussasamphassena manusso samāno ayaṃ na bhāyati, handāhaṃ etaṃ buddhavisaye pañhaṃ pucchāmi, addhā ayaṃ tattha na sampāyissati, tato naṃ evaṃ viheṭhessāmī’’ti. Bhagavā taṃ sutvā ‘‘na khvāhaṃ taṃ āvuso’’tiādimāha. Taṃ sabbaṃ āḷavakasutte vuttanayeneva sabbākārehi veditabbaṃ.
273. ат̇а ко суужиломо яагко бхаг̇аванд̇ам̣ г̇аат̇ааяа аж̇жхабхааси ‘‘рааг̇о жа д̣̇осо жаа’’д̇и. д̇ад̇т̇а рааг̇ад̣̇осаа вуд̇д̇анаяаа зва. гуд̇онид̣̇аанаад̇и гим̣нид̣̇аанаа гим̣хзд̇угаа. гуд̇од̇и бажжад̇д̇аважанасса д̇о-аад̣̇зсо взд̣̇ид̇аб̣б̣о, самаасз жасса лобаабхааво. ат̇а ваа нид̣̇аанаад̇и ж̇аад̇аа уббаннаад̇и ад̇т̇о, д̇асмаа гуд̇онид̣̇аанаа, гуд̇ож̇аад̇аа, гуд̇оуббаннаад̇и вуд̇д̇ам̣ ход̇и. арад̇ий рад̇ий ломахам̣со гуд̇ож̇аад̇и яааяам̣ ‘‘банд̇зсу ваа сзнаасанзсу ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и арад̇ид̇аа анабхирад̇и анабхираман̣аа угган̣тид̇аа барид̇ассид̇аа’’д̇и (вибха. 856) звам̣ вибхад̇д̇аа арад̇и, яаа жа бан̃жасу гаамаг̇ун̣зсу рад̇и, яо жа ломахам̣сасамудтаабанад̇о ‘‘ломахам̣со’’д̇взва сан̇кяам̣ г̇ад̇о жид̇д̇уд̇раасо. имз д̇аяо д̇хаммаа гуд̇ож̇аа гуд̇ож̇аад̇аад̇и бужчад̇и . гуд̇о самудтааяаад̇и гуд̇о уббаж̇ж̇ид̇ваа. манод̇и гусалажид̇д̇ам̣, вид̇аггаад̇и ураг̇асуд̇д̇з вуд̇д̇аа нава гаамавид̇аггаад̣̇аяо. гумаарагаа д̇хан̇гамивоссаж̇анд̇ийд̇и яат̇аа г̇аамад̣̇аарагаа гийл̣анд̇аа гаагам̣ суд̇д̇зна баад̣̇з б̣анд̇хид̇ваа оссаж̇анд̇и кибанд̇и, звам̣ гусаламанам̣ агусалавид̇аггаа гуд̇о самудтааяа оссаж̇анд̇ийд̇и бужчад̇и.
273.Atha kho sūcilomo yakkho bhagavantaṃ gāthāya ajjhabhāsi ‘‘rāgo ca doso cā’’ti. Tattha rāgadosā vuttanayā eva. Kutonidānāti kiṃnidānā kiṃhetukā. Kutoti paccattavacanassa to-ādeso veditabbo, samāse cassa lopābhāvo. Atha vā nidānāti jātā uppannāti attho, tasmā kutonidānā, kutojātā, kutouppannāti vuttaṃ hoti. Aratī ratī lomahaṃso kutojāti yāyaṃ ‘‘pantesu vā senāsanesu aññataraññataresu vā adhikusalesu dhammesu arati aratitā anabhirati anabhiramaṇā ukkaṇṭhitā paritassitā’’ti (vibha. 856) evaṃ vibhattā arati, yā ca pañcasu kāmaguṇesu rati, yo ca lomahaṃsasamuṭṭhāpanato ‘‘lomahaṃso’’tveva saṅkhyaṃ gato cittutrāso. Ime tayo dhammā kutojā kutojātāti pucchati . Kuto samuṭṭhāyāti kuto uppajjitvā. Manoti kusalacittaṃ, vitakkāti uragasutte vuttā nava kāmavitakkādayo. Kumārakā dhaṅkamivossajantīti yathā gāmadārakā kīḷantā kākaṃ suttena pāde bandhitvā ossajanti khipanti, evaṃ kusalamanaṃ akusalavitakkā kuto samuṭṭhāya ossajantīti pucchati.
274. ат̇асса бхаг̇аваа д̇з бан̃хз виссаж̇ж̇знд̇о ‘‘рааг̇о жаа’’д̇и д̣̇уд̇ияаг̇аат̇амабхааси. д̇ад̇т̇а ид̇од̇и ад̇д̇абхаавам̣ санд̇хааяааха. ад̇д̇абхааванид̣̇аанаа хи рааг̇ад̣̇осаа. арад̇ирад̇иломахам̣саа жа ад̇д̇абхаавад̇о ж̇аад̇аа, гаамавид̇аггаад̣̇иагусалавид̇аггаа жа ад̇д̇абхаавад̇оязва самудтааяа гусаламано оссаж̇анд̇и, д̇зна д̇ад̣̇ан̃н̃ам̣ багад̇иаад̣̇игааран̣ам̣ бадигкибанд̇о ааха – ‘‘ид̇онид̣̇аанаа ид̇ож̇аа ид̇о самудтааяаа’’д̇и. сад̣̇д̣̇асид̣̇д̇хи жзд̇т̇а буримаг̇аат̇ааяа вуд̇д̇анаязнзва взд̣̇ид̇аб̣б̣аа.
274. Athassa bhagavā te pañhe vissajjento ‘‘rāgo cā’’ti dutiyagāthamabhāsi. Tattha itoti attabhāvaṃ sandhāyāha. Attabhāvanidānā hi rāgadosā. Aratiratilomahaṃsā ca attabhāvato jātā, kāmavitakkādiakusalavitakkā ca attabhāvatoyeva samuṭṭhāya kusalamano ossajanti, tena tadaññaṃ pakatiādikāraṇaṃ paṭikkhipanto āha – ‘‘itonidānā itojā ito samuṭṭhāyā’’ti. Saddasiddhi cettha purimagāthāya vuttanayeneva veditabbā.
275-6. звам̣ д̇з бан̃хз виссаж̇ж̇зд̇ваа ид̣̇аани явааяам̣ ‘‘ид̇онид̣̇аанаа’’д̇иаад̣̇ийсу ‘‘ад̇д̇абхааванид̣̇аанаа ад̇д̇абхаавад̇о ж̇аад̇аа ад̇д̇абхаавад̇о самудтааяаа’’д̇и ад̇т̇о вуд̇д̇о, д̇ам̣ саад̇хзнд̇о ааха – ‘‘снзхаж̇аа ад̇д̇асамбхууд̇аа’’д̇и. зд̇з хи саб̣б̣зби рааг̇аад̣̇аяо вид̇аггабарияосаанаа д̇ан̣хааснзхзна ж̇аад̇аа, д̇ат̇аа ж̇ааяанд̇аа жа бан̃жубаад̣̇аанагканд̇хабхзд̣̇з ад̇д̇абхаавабарияааяз ад̇д̇ани самбхууд̇аа. д̇знааха – ‘‘снзхаж̇аа ад̇д̇асамбхууд̇аа’’д̇и. ид̣̇аани д̇ад̣̇ад̇т̇аж̇од̇игам̣ убамам̣ гарод̇и ‘‘ниг̇род̇хассзва канд̇хаж̇аа’’д̇и. д̇ад̇т̇а канд̇хзсу ж̇аад̇аа канд̇хаж̇аа, баарохаанамзд̇ам̣ ад̇хиважанам̣. гим̣ вуд̇д̇ам̣ ход̇и? яат̇аа ниг̇род̇хасса канд̇хаж̇аа наама баарохаа ааборасасинзхз сад̇и ж̇ааяанд̇и, ж̇ааяанд̇аа жа д̇асмим̣язва ниг̇род̇хз д̇зсу д̇зсу саакаббабхзд̣̇зсу самбхаванд̇и, звамзд̇зби рааг̇аад̣̇аяо аж̇жхад̇д̇ад̇ан̣хааснзхз сад̇и ж̇ааяанд̇и, ж̇ааяанд̇аа жа д̇асмим̣язва ад̇д̇абхаавз д̇зсу д̇зсу жагкаад̣̇ибхзд̣̇зсу д̣̇ваараарамман̣авад̇т̇уусу самбхаванд̇и. д̇асмаа взд̣̇ид̇аб̣б̣амзд̇ам̣ ‘‘ад̇д̇абхааванид̣̇аанаа ад̇д̇абхааваж̇аа ад̇д̇абхаавасамудтаанаа жа зд̇з’’д̇и.
275-6. Evaṃ te pañhe vissajjetvā idāni yvāyaṃ ‘‘itonidānā’’tiādīsu ‘‘attabhāvanidānā attabhāvato jātā attabhāvato samuṭṭhāyā’’ti attho vutto, taṃ sādhento āha – ‘‘snehajā attasambhūtā’’ti. Ete hi sabbepi rāgādayo vitakkapariyosānā taṇhāsnehena jātā, tathā jāyantā ca pañcupādānakkhandhabhede attabhāvapariyāye attani sambhūtā. Tenāha – ‘‘snehajā attasambhūtā’’ti. Idāni tadatthajotikaṃ upamaṃ karoti ‘‘nigrodhasseva khandhajā’’ti. Tattha khandhesu jātā khandhajā, pārohānametaṃ adhivacanaṃ. Kiṃ vuttaṃ hoti? Yathā nigrodhassa khandhajā nāma pārohā āporasasinehe sati jāyanti, jāyantā ca tasmiṃyeva nigrodhe tesu tesu sākhappabhedesu sambhavanti, evametepi rāgādayo ajjhattataṇhāsnehe sati jāyanti, jāyantā ca tasmiṃyeva attabhāve tesu tesu cakkhādibhedesu dvārārammaṇavatthūsu sambhavanti. Tasmā veditabbametaṃ ‘‘attabhāvanidānā attabhāvajā attabhāvasamuṭṭhānā ca ete’’ti.
авасзсад̣̇ияад̣дхаг̇аат̇ааяа бана аяам̣ саб̣б̣асан̇г̇аахигаа ад̇т̇аван̣н̣анаа – звам̣ ад̇д̇асамбхууд̇аа жа зд̇з бут̇уу висад̇д̇аа гаамзсу. рааг̇оби хи бан̃жагаамаг̇ун̣игаад̣̇ивасзна, д̣̇особи аагхаад̇авад̇т̇аад̣̇ивасзна, арад̇иаад̣̇аяоби д̇асса д̇ассзва бхзд̣̇асса васзнаад̇и саб̣б̣ат̇аа саб̣б̣збимз гилзсаа бут̇уу анзгаббагаараа худ̇ваа вад̇т̇уд̣̇ваараарамман̣аад̣̇ивасзна д̇зсу д̇зсу вад̇т̇угаамзсу д̇ат̇аа д̇ат̇аа висад̇д̇аа лаг̇г̇аа лаг̇г̇ид̇аа сам̣сиб̣б̣ид̇ваа тид̇аа. гимива? маалуваава вид̇ад̇аа ванз, яат̇аа ванз вид̇ад̇аа маалуваа д̇зсу д̇зсу ругкасса саакабасаакаад̣̇ибхзд̣̇зсу висад̇д̇аа ход̇и лаг̇г̇аа лаг̇г̇ид̇аа сам̣сиб̣б̣ид̇ваа тид̇аа, звам̣ бут̇уббабхзд̣̇зсу вад̇т̇угаамзсу висад̇д̇ам̣ гилзсаг̇ан̣ам̣ яз нам̣ баж̇аананд̇и яад̇онид̣̇аанам̣, д̇з нам̣ винод̣̇знд̇и сун̣охи яагка .
Avasesadiyaḍḍhagāthāya pana ayaṃ sabbasaṅgāhikā atthavaṇṇanā – evaṃ attasambhūtā ca ete puthū visattā kāmesu. Rāgopi hi pañcakāmaguṇikādivasena, dosopi āghātavatthādivasena, aratiādayopi tassa tasseva bhedassa vasenāti sabbathā sabbepime kilesā puthū anekappakārā hutvā vatthudvārārammaṇādivasena tesu tesu vatthukāmesu tathā tathā visattā laggā laggitā saṃsibbitvā ṭhitā. Kimiva? Māluvāva vitatā vane, yathā vane vitatā māluvā tesu tesu rukkhassa sākhapasākhādibhedesu visattā hoti laggā laggitā saṃsibbitvā ṭhitā, evaṃ puthuppabhedesu vatthukāmesu visattaṃ kilesagaṇaṃ ye naṃ pajānanti yatonidānaṃ, te naṃ vinodenti suṇohi yakkha.
д̇ад̇т̇а яад̇онид̣̇аананд̇и бхааванабум̣саганид̣̇д̣̇зсо, д̇зна гим̣ д̣̇ийбзд̇и? яз сад̇д̇аа нам̣ гилзсаг̇ан̣ам̣ ‘‘яад̇онид̣̇аанам̣ уббаж̇ж̇ад̇ий’’д̇и звам̣ ж̇аананд̇и, д̇з нам̣ ‘‘д̇ан̣хааснзхаснзхид̇з ад̇д̇абхаавз уббаж̇ж̇ад̇ий’’д̇и н̃ад̇ваа д̇ам̣ д̇ан̣хааснзхам̣ аад̣̇ийнаваанубассанаад̣̇ибхааванаан̃аан̣аг̇г̇инаа висосзнд̇аа винод̣̇знд̇и баж̇аханд̇и б̣яанд̇ийгаронд̇и жа, зд̇ам̣ амхаагам̣ субхаасид̇ам̣ сун̣охи яагкаад̇и. звамзд̇т̇а ад̇д̇абхааваж̇аананзна д̣̇угкабарин̃н̃ам̣ д̇ан̣хааснзхарааг̇аад̣̇игилзсаг̇ан̣авинод̣̇анзна самуд̣̇аяаббахаанан̃жа д̣̇ийбзд̇и.
Tattha yatonidānanti bhāvanapuṃsakaniddeso, tena kiṃ dīpeti? Ye sattā naṃ kilesagaṇaṃ ‘‘yatonidānaṃ uppajjatī’’ti evaṃ jānanti, te naṃ ‘‘taṇhāsnehasnehite attabhāve uppajjatī’’ti ñatvā taṃ taṇhāsnehaṃ ādīnavānupassanādibhāvanāñāṇagginā visosentā vinodenti pajahanti byantīkaronti ca, etaṃ amhākaṃ subhāsitaṃ suṇohi yakkhāti. Evamettha attabhāvajānanena dukkhapariññaṃ taṇhāsneharāgādikilesagaṇavinodanena samudayappahānañca dīpeti.
яз жа нам̣ винод̣̇знд̇и, д̇з д̣̇уд̇д̇арам̣ огхамимам̣ д̇аранд̇и ад̇ин̣н̣абуб̣б̣ам̣ абунаб̣бхавааяа. зд̇зна маг̇г̇абхааванам̣ нирод̇хасажчигирияан̃жа д̣̇ийбзд̇и. яз хи нам̣ гилзсаг̇ан̣ам̣ винод̣̇знд̇и, д̇з авассам̣ маг̇г̇ам̣ бхаавзнд̇и. на хи маг̇г̇абхааванам̣ винаа гилзсавинод̣̇анам̣ ад̇т̇и. яз жа маг̇г̇ам̣ бхаавзнд̇и, д̇з д̣̇уд̇д̇арам̣ багад̇ин̃аан̣зна гаамогхаад̣̇им̣ жад̇уб̣б̣ид̇хамби огхамимам̣ д̇аранд̇и. маг̇г̇абхааванаа хи огхад̇аран̣ам̣. ад̇ин̣н̣абуб̣б̣анд̇и иминаа д̣̇ийгхзна ад̣̇д̇хунаа субинанд̇знаби авийд̇игганд̇абуб̣б̣ам̣. абунаб̣бхавааяаад̇и ниб̣б̣аанааяа. звамимам̣ жад̇усажжад̣̇ийбигам̣ г̇аат̇ам̣ сун̣анд̇аа ‘‘суд̇ваа д̇хаммам̣ д̇хаарзнд̇и, д̇хад̇аанам̣ д̇хаммаанам̣ ад̇т̇амубабаригканд̇ий’’д̇иаад̣̇игам̣ гат̇ам̣ субхаавинияаа бан̃н̃ааяа ануггамамаанаа д̇з д̣̇взби сахааяагаа яагкаа г̇аат̇аабарияосаанзязва сод̇аабад̇д̇ипалз бад̇идтахим̣су, баасаад̣̇игаа жа ахзсум̣ суван̣н̣аван̣н̣аа д̣̇иб̣б̣аалан̇гааравибхуусид̇аад̇и.
Ye ca naṃ vinodenti, te duttaraṃ oghamimaṃ taranti atiṇṇapubbaṃ apunabbhavāya. Etena maggabhāvanaṃ nirodhasacchikiriyañca dīpeti. Ye hi naṃ kilesagaṇaṃ vinodenti, te avassaṃ maggaṃ bhāventi. Na hi maggabhāvanaṃ vinā kilesavinodanaṃ atthi. Ye ca maggaṃ bhāventi, te duttaraṃ pakatiñāṇena kāmoghādiṃ catubbidhampi oghamimaṃ taranti. Maggabhāvanā hi oghataraṇaṃ. Atiṇṇapubbanti iminā dīghena addhunā supinantenapi avītikkantapubbaṃ. Apunabbhavāyāti nibbānāya. Evamimaṃ catusaccadīpikaṃ gāthaṃ suṇantā ‘‘sutvā dhammaṃ dhārenti, dhatānaṃ dhammānaṃ atthamupaparikkhantī’’tiādikaṃ kathaṃ subhāviniyā paññāya anukkamamānā te dvepi sahāyakā yakkhā gāthāpariyosāneyeva sotāpattiphale patiṭṭhahiṃsu, pāsādikā ca ahesuṃ suvaṇṇavaṇṇā dibbālaṅkāravibhūsitāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа суужиломасуд̇д̇аван̣н̣анаа нидтид̇аа.
Suttanipāta-aṭṭhakathāya sūcilomasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 5. суужиломасуд̇д̇ам̣ • 5. Sūcilomasuttaṃ
