| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. суужиломасуд̇д̇аван̣н̣анаа
3. Sūcilomasuttavaṇṇanā
237. г̇аяааяа авид̣̇уурз бхаво г̇аамо ‘‘г̇аяаа’’д̇и вуд̇д̇од̇и ааха ‘‘г̇аяааяа’’нд̇и, д̇знааха ‘‘г̇аяааяа авид̣̇уурз нивидтаг̇аамам̣ убанисааяаад̇и ад̇т̇о’’д̇и. г̇ожараг̇ааманид̣̇ассанам̣ хзд̇ам̣. ид̣̇ам̣ убари ид̣̇ам̣ хздтаад̇и над̇т̇и уббадибаадияо ман̃жабаад̣̇аанам̣ д̣̇вийсу бассзсу д̣̇ийгхабхаавзна. б̣алигаммад̇т̇ааяа гад̇ам̣ д̣̇звад̇аад̇хидтаананд̇и ад̇хиббааязна д̣̇звадтаанз табзнд̇и. адтабаад̣̇аман̃жасад̣̇исо гира со хздтубарибаривад̇д̇зд̇аб̣б̣ад̇о. гат̇инасиб̣б̣анасуужи гат̇инасуужи. абажжад̇т̇арид̇ваад̇и гин̃жи сан̇гхигасзнаасанасса убари бадижчад̣̇анам̣ абажжад̇т̇арид̇ваа. г̇аважчивиж̇жхид̇ам̣ вияаад̇и д̇зхи суужиломзхи г̇аважчиж̇аалам̣ вияа г̇ад̇ам̣ саб̣б̣асо самохад̇ам̣.
237. Gayāya avidūre bhavo gāmo ‘‘gayā’’ti vuttoti āha ‘‘gayāya’’nti, tenāha ‘‘gayāya avidūre niviṭṭhagāmaṃ upanisāyāti attho’’ti. Gocaragāmanidassanaṃ hetaṃ. Idaṃ upari idaṃ heṭṭhāti natthi uppaṭipāṭiyo mañcapādānaṃ dvīsu passesu dīghabhāvena. Balikammatthāya kataṃ devatādhiṭṭhānanti adhippāyena devaṭṭhāne ṭhapenti. Aṭṭhapādamañcasadiso kira so heṭṭhupariparivattetabbato. Kathinasibbanasūci kathinasūci. Apaccattharitvāti kiñci saṅghikasenāsanassa upari paṭicchadanaṃ apaccattharitvā. Gavacchivijjhitaṃ viyāti tehi sūcilomehi gavacchijālaṃ viya gataṃ sabbaso samohataṃ.
ид̇хааби ‘‘карасарийро’’д̇и вад̇ваа карасарийрам̣ гат̇инасуужисад̣̇исад̇ааяа ломассаад̇и д̇асса д̇ат̇аабхаавасса гааран̣ам̣ д̣̇ассзнд̇о ‘‘со гираа’’д̇иаад̣̇имааха. ад̇д̇ано хад̇т̇зхийд̇и сан̇гхигад̇зласаммагкид̇зхи ад̇д̇ано сарийрам̣ магкзси. ид̇ийд̇и вуд̇д̇аагаарзна.
Idhāpi ‘‘kharasarīro’’ti vatvā kharasarīraṃ kathinasūcisadisatāya lomassāti tassa tathābhāvassa kāraṇaṃ dassento ‘‘so kirā’’tiādimāha. Attano hatthehīti saṅghikatelasammakkhitehi attano sarīraṃ makkhesi. Itīti vuttākārena.
самааг̇амадтаананд̇и яагкасаннибаад̇адтаанам̣. сод̇и суужиломо яагко. манд̇и жа д̇амзва вад̣̇ад̇и.
Samāgamaṭṭhānanti yakkhasannipātaṭṭhānaṃ. Soti sūcilomo yakkho. Manti ca tameva vadati.
удтаабзд̇ваад̇и уд̣̇д̇хаг̇г̇аа гад̇ваа. абанаамзсийд̇и яат̇аа со ад̇д̇ано гааяам̣ убанзд̇ум̣ на саггод̇и, д̇ат̇аа гаронд̇о т̇огам̣ абанаамзси. аманун̃н̃од̇и парусад̇игкад̇ааяа на манун̃н̃о. жид̇д̇ам̣ ваа д̇з кибиссаамийд̇и маяхам̣ аанубхаавзна д̇ава жид̇д̇авигкзбам̣ ваа гариссаами. яат̇аа бана со жид̇д̇авигкзбам̣ гарзяяа, д̇ам̣ д̣̇ассзд̇ум̣ ‘‘язсан̃хий’’д̇иаад̣̇и вуд̇д̇ам̣. бхзравам̣ ваад̇и вуд̇д̇аагаарзна ан̃н̃ат̇аа ваа бхаяаанагам̣ д̣̇ассанамад̇д̇знзва сад̇д̇аанам̣ бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇ум̣ самад̇т̇ам̣. ‘‘гат̇знд̇аанам̣язваа’’д̇и ваа баато. д̇ам̣ д̣̇вийсу баад̣̇зсу г̇ахзд̇ваа баарам̣ г̇ан̇г̇ааяа кибиссаамийд̇и яож̇анаа.
Uṭṭhāpetvāti uddhaggā katvā. Apanāmesīti yathā so attano kāyaṃ upanetuṃ na sakkoti, tathā karonto thokaṃ apanāmesi. Amanuññoti pharusatikkhatāya na manuñño. Cittaṃ vā te khipissāmīti mayhaṃ ānubhāvena tava cittavikkhepaṃ vā karissāmi. Yathā pana so cittavikkhepaṃ kareyya, taṃ dassetuṃ ‘‘yesañhī’’tiādi vuttaṃ. Bheravaṃ vāti vuttākārena aññathā vā bhayānakaṃ dassanamatteneva sattānaṃ bhayaṃ chambhitattaṃ lomahaṃsaṃ uppādetuṃ samatthaṃ. ‘‘Kathentānaṃyevā’’ti vā pāṭho. Taṃ dvīsu pādesu gahetvā pāraṃ gaṅgāya khipissāmīti yojanā.
гуд̇онид̣̇аанаад̇и гасмаа гааран̣аа? адтагат̇ааяам̣ бана самаасабад̣̇амзд̇ам̣, вибхад̇д̇иалобзна нид̣̇д̣̇зсод̇и д̣̇ассзд̇ум̣ ‘‘гим̣нид̣̇аанаа гим̣бажжаяаа’’д̇и? ад̇т̇о вуд̇д̇о. жид̇д̇ам̣ оссаж̇анд̇ийд̇и гусалажид̇д̇ам̣ бавад̇д̇ид̇ум̣ аббад̣̇аанавасзна бурад̇о кибанд̇и. гуд̇о самудтааяаад̇и мижчаавид̇аггаанам̣ самудтаанам̣ бужчад̇и?
Kutonidānāti kasmā kāraṇā? Aṭṭhakathāyaṃ pana samāsapadametaṃ, vibhattialopena niddesoti dassetuṃ ‘‘kiṃnidānā kiṃpaccayā’’ti? Attho vutto. Cittaṃ ossajantīti kusalacittaṃ pavattituṃ appadānavasena purato khipanti. Kuto samuṭṭhāyāti micchāvitakkānaṃ samuṭṭhānaṃ pucchati?
гаамарааг̇аад̣̇аяо субханимид̇д̇аад̣̇ийсу аяонисоманасигаарахзд̇уу. гаамо бана аяонисоманасигааро жа нияагаж̇жхад̇д̇абарияаабаннод̇и ааха ‘‘аяам̣ ад̇д̇абхааво нид̣̇аанам̣ зд̇зсанд̇и ид̇онид̣̇аанаа’’д̇иаад̣̇и. звамзваад̇и адтагат̇ааяам̣ гийл̣аабасуд̇агумаарагаа вияа мижчаавид̇аггаа д̣̇адтаб̣б̣аа, д̇зсам̣ уббад̇д̇идтаанабхууд̇о лого вияа аяам̣ ад̇д̇абхаавалого. д̇зхи оссаж̇ияамаанам̣ д̇хан̇гам̣ вияа жид̇д̇ам̣, д̇асса баад̣̇з б̣ад̣̇д̇хад̣̇ийгхасуд̇д̇агам̣ вияа д̇ам̣ д̣̇уураануб̣анд̇хам̣ сам̣яож̇ананд̇и звам̣ убамааяа сам̣санд̣̇анам̣ д̣̇адтаб̣б̣ам̣.
Kāmarāgādayo subhanimittādīsu ayonisomanasikārahetū. Kāmo pana ayonisomanasikāro ca niyakajjhattapariyāpannoti āha ‘‘ayaṃ attabhāvo nidānaṃ etesanti itonidānā’’tiādi. Evamevāti aṭṭhakathāyaṃ kīḷāpasutakumārakā viya micchāvitakkā daṭṭhabbā, tesaṃ uppattiṭṭhānabhūto loko viya ayaṃ attabhāvaloko. Tehi ossajiyamānaṃ dhaṅkaṃ viya cittaṃ, tassa pāde baddhadīghasuttakaṃ viya taṃ dūrānubandhaṃ saṃyojananti evaṃ upamāya saṃsandanaṃ daṭṭhabbaṃ.
баабавид̇аггаанам̣ д̇ам̣самбаяуд̇д̇агилзсаанан̃жа д̇ан̣хаа висзсабажжаяо д̇ад̣̇абхаавзна д̇зсам̣ абхаавад̇од̇и ааха ‘‘д̇ан̣хаасинзхад̇о ж̇аад̇аа’’д̇и. ад̇д̇абхаавабарияаабаннад̇д̇аа ‘‘ад̇д̇ани самбхууд̇аа’’д̇и вуд̇д̇ам̣. д̇зна нзсам̣ анан̃н̃ахзд̇угад̇ам̣ д̣̇ассзд̇и, ниг̇род̇хассзва канд̇хаж̇аад̇ийд̇и иминаа бана бут̇убхааван̃жа, висад̇д̇аад̇иаад̣̇инаа д̣̇уб̣б̣иниссадад̇ан̃жа. вад̇т̇угаамзсу руубаарамман̣аад̣̇ийсу бут̇уусу. бут̇уу гилзсагаамаа гаамаруубад̇ан̣хаад̣̇аяо. д̇зхи гилзсагаамзхи гаран̣абхууд̇зхи. ад̇д̇абхаавам̣ канд̇хабан̃жагам̣. яз вибассанааяа яуд̇д̇абаяуд̇д̇аа яаат̇аавад̇о ж̇аананд̇и.
Pāpavitakkānaṃ taṃsampayuttakilesānañca taṇhā visesapaccayo tadabhāvena tesaṃ abhāvatoti āha ‘‘taṇhāsinehato jātā’’ti. Attabhāvapariyāpannattā ‘‘attani sambhūtā’’ti vuttaṃ. Tena nesaṃ anaññahetukataṃ dasseti, nigrodhasseva khandhajātīti iminā pana puthubhāvañca, visattātiādinā dubbinissaṭatañca. Vatthukāmesu rūpārammaṇādīsu puthūsu. Puthū kilesakāmā kāmarūpataṇhādayo. Tehi kilesakāmehi karaṇabhūtehi. Attabhāvaṃ khandhapañcakaṃ. Ye vipassanāya yuttapayuttā yāthāvato jānanti.
яад̇од̇и бажжад̇д̇з ниссаггаважананд̇и ааха ‘‘яам̣ нид̣̇аанамассаа’’д̇и. ‘‘винод̣̇знд̇ий’’д̇и гад̇д̇унид̣̇д̣̇зсзна язна на винод̣̇знд̇и, д̇ам̣ гааран̣ам̣ б̣аад̇хид̇амзваад̇и ааха ‘‘маг̇г̇асажжзна винод̣̇знд̇ий’’д̇и. винод̣̇анан̃жзд̇т̇а санд̇аанад̇о нийхаран̣ам̣ б̣ахигаран̣ам̣ саб̣б̣асо бахаанам̣, бахийнз жа д̇асмим̣ гилзсз огхам̣ д̇аранд̇ийд̇и д̣̇ассзнд̇о ‘‘д̣̇уд̇д̇ара’’нд̇иаад̣̇имааха. зд̇асмим̣ ад̇хиг̇ад̇з на буна бхавод̇и абунаб̣бхаво, ниб̣б̣аананд̇и ааха ‘‘абунаб̣бхавасан̇каад̇ассаа’’д̇иаад̣̇и. яасмаа зд̇т̇а ‘‘яз нам̣ баж̇аананд̇и, яад̇онид̣̇аана’’нд̇и бад̣̇ад̣̇ваязна д̣̇угкасамуд̣̇аяасажжаани, винод̣̇анаг̇г̇ахан̣зна маг̇г̇асажжам̣, абунаб̣бхаваг̇г̇ахан̣зна нирод̇хасажжам̣ багаасид̇ам̣, д̇асмаа вуд̇д̇ам̣ ‘‘жад̇д̇аари сажжаани багаасзнд̇о’’д̇и.
Yatoti paccatte nissakkavacananti āha ‘‘yaṃ nidānamassā’’ti. ‘‘Vinodentī’’ti kattuniddesena yena na vinodenti, taṃ kāraṇaṃ bādhitamevāti āha ‘‘maggasaccena vinodentī’’ti. Vinodanañcettha santānato nīharaṇaṃ bahikaraṇaṃ sabbaso pahānaṃ, pahīne ca tasmiṃ kilese oghaṃ tarantīti dassento ‘‘duttara’’ntiādimāha. Etasmiṃ adhigate na puna bhavoti apunabbhavo, nibbānanti āha ‘‘apunabbhavasaṅkhātassā’’tiādi. Yasmā ettha ‘‘ye naṃ pajānanti, yatonidāna’’nti padadvayena dukkhasamudayasaccāni, vinodanaggahaṇena maggasaccaṃ, apunabbhavaggahaṇena nirodhasaccaṃ pakāsitaṃ, tasmā vuttaṃ ‘‘cattāri saccāni pakāsento’’ti.
д̇асмим̣язваад̇и яад̇т̇а тид̇о ‘‘рааг̇о жа д̣̇осо жаа’’д̇иаад̣̇инаа бан̃хам̣ бужчи, д̇асмим̣язва бад̣̇зсз тид̇о. д̣̇зсанаанусаарзнаад̇и сад̇т̇у саамуггам̣сигад̇хаммад̣̇зсанааяа ануссаран̣зна. н̃аан̣ам̣ бзсзд̇ваад̇и вибассанаабадибаадияаа ниб̣б̣аанам̣ бад̇и ануб̣од̇хан̃аан̣ам̣ бзсзд̇ваа бавад̇д̇зд̇ваа. сод̇аабад̇д̇ипалз бад̇идтид̇од̇и сахассанаяабадиман̣д̣ид̇асса батамамаг̇г̇асса ад̇хиг̇амзна батамапалз бад̇идтид̇о бадилабхад̇ийд̇и яож̇анаа. на гилидтад̇д̇абхаавз д̇идтанд̇и махаанубхаавад̇д̇аа арияад̇хаммасса. сзд̇аган̣д̣убийл̣агасуужияод̇и сзд̇абхаавам̣ бад̇ваа ган̣д̣убийл̣агаа ломасуужияо саб̣б̣аа анавасзсаа бад̇ид̇аа барибхадтаа абаг̇ад̇аа. бхуммад̣̇звад̇аабарихааранд̇и бхуммад̣̇звад̇д̇абхааванд̇и.
Tasmiṃyevāti yattha ṭhito ‘‘rāgo ca doso cā’’tiādinā pañhaṃ pucchi, tasmiṃyeva padese ṭhito. Desanānusārenāti satthu sāmukkaṃsikadhammadesanāya anussaraṇena. Ñāṇaṃ pesetvāti vipassanāpaṭipāṭiyā nibbānaṃ pati anubodhañāṇaṃ pesetvā pavattetvā. Sotāpattiphale patiṭṭhitoti sahassanayapaṭimaṇḍitassa paṭhamamaggassa adhigamena paṭhamaphale patiṭṭhito paṭilabhatīti yojanā. Na kiliṭṭhattabhāve tiṭṭhanti mahānubhāvattā ariyadhammassa. Setakaṇḍupīḷakasūciyoti setabhāvaṃ patvā kaṇḍupīḷakā lomasūciyo sabbā anavasesā patitā paribhaṭṭhā apagatā. Bhummadevatāparihāranti bhummadevattabhāvanti.
суужиломасуд̇д̇аван̣н̣анаа нидтид̇аа.
Sūcilomasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. суужиломасуд̇д̇ам̣ • 3. Sūcilomasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. суужиломасуд̇д̇аван̣н̣анаа • 3. Sūcilomasuttavaṇṇanā
