| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਸੂਚਿਮੁਖੀਸੁਤ੍ਤਂ
10. Sūcimukhīsuttaṃ
੩੪੧. ਏਕਂ ਸਮਯਂ ਆਯਸ੍ਮਾ ਸਾਰਿਪੁਤ੍ਤੋ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਰਾਜਗਹੇ ਪਿਣ੍ਡਾਯ ਪਾવਿਸਿ। ਰਾਜਗਹੇ ਸਪਦਾਨਂ ਪਿਣ੍ਡਾਯ ਚਰਿਤ੍વਾ ਤਂ ਪਿਣ੍ਡਪਾਤਂ ਅਞ੍ਞਤਰਂ ਕੁਟ੍ਟਮੂਲਂ 1 ਨਿਸ੍ਸਾਯ ਪਰਿਭੁਞ੍ਜਤਿ। ਅਥ ਖੋ ਸੂਚਿਮੁਖੀ ਪਰਿਬ੍ਬਾਜਿਕਾ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚ –
341. Ekaṃ samayaṃ āyasmā sāriputto rājagahe viharati veḷuvane kalandakanivāpe. Atha kho āyasmā sāriputto pubbaṇhasamayaṃ nivāsetvā pattacīvaramādāya rājagahe piṇḍāya pāvisi. Rājagahe sapadānaṃ piṇḍāya caritvā taṃ piṇḍapātaṃ aññataraṃ kuṭṭamūlaṃ 2 nissāya paribhuñjati. Atha kho sūcimukhī paribbājikā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ etadavoca –
‘‘ਕਿਂ ਨੁ ਖੋ, ਸਮਣ, ਅਧੋਮੁਖੋ ਭੁਞ੍ਜਸੀ’’ਤਿ? ‘‘ਨ ਖ੍વਾਹਂ, ਭਗਿਨਿ, ਅਧੋਮੁਖੋ ਭੁਞ੍ਜਾਮੀ’’ਤਿ। ‘‘ਤੇਨ ਹਿ, ਸਮਣ, ਉਬ੍ਭਮੁਖੋ 3 ਭੁਞ੍ਜਸੀ’’ਤਿ? ‘‘ਨ ਖ੍વਾਹਂ, ਭਗਿਨਿ, ਉਬ੍ਭਮੁਖੋ ਭੁਞ੍ਜਾਮੀ’’ਤਿ। ‘‘ਤੇਨ ਹਿ, ਸਮਣ, ਦਿਸਾਮੁਖੋ ਭੁਞ੍ਜਸੀ’’ਤਿ? ‘‘ਨ ਖ੍વਾਹਂ, ਭਗਿਨਿ, ਦਿਸਾਮੁਖੋ ਭੁਞ੍ਜਾਮੀ’’ਤਿ। ‘‘ਤੇਨ ਹਿ, ਸਮਣ, વਿਦਿਸਾਮੁਖੋ ਭੁਞ੍ਜਸੀ’’ਤਿ? ‘‘ਨ ਖ੍વਾਹਂ, ਭਗਿਨਿ, વਿਦਿਸਾਮੁਖੋ ਭੁਞ੍ਜਾਮੀ’’ਤਿ।
‘‘Kiṃ nu kho, samaṇa, adhomukho bhuñjasī’’ti? ‘‘Na khvāhaṃ, bhagini, adhomukho bhuñjāmī’’ti. ‘‘Tena hi, samaṇa, ubbhamukho 4 bhuñjasī’’ti? ‘‘Na khvāhaṃ, bhagini, ubbhamukho bhuñjāmī’’ti. ‘‘Tena hi, samaṇa, disāmukho bhuñjasī’’ti? ‘‘Na khvāhaṃ, bhagini, disāmukho bhuñjāmī’’ti. ‘‘Tena hi, samaṇa, vidisāmukho bhuñjasī’’ti? ‘‘Na khvāhaṃ, bhagini, vidisāmukho bhuñjāmī’’ti.
‘‘‘ਕਿਂ ਨੁ, ਸਮਣ, ਅਧੋਮੁਖੋ ਭੁਞ੍ਜਸੀ’ਤਿ ਇਤਿ ਪੁਟ੍ਠੋ ਸਮਾਨੋ ‘ਨ ਖ੍વਾਹਂ, ਭਗਿਨਿ, ਅਧੋਮੁਖੋ ਭੁਞ੍ਜਾਮੀ’ਤਿ વਦੇਸਿ। ‘ਤੇਨ ਹਿ, ਸਮਣ, ਉਬ੍ਭਮੁਖੋ ਭੁਞ੍ਜਸੀ’ਤਿ ਇਤਿ ਪੁਟ੍ਠੋ ਸਮਾਨੋ ‘ਨ ਖ੍વਾਹਂ, ਭਗਿਨਿ, ਉਬ੍ਭਮੁਖੋ ਭੁਞ੍ਜਾਮੀ’ਤਿ વਦੇਸਿ। ‘ਤੇਨ ਹਿ, ਸਮਣ, ਦਿਸਾਮੁਖੋ ਭੁਞ੍ਜਸੀ’ਤਿ ਇਤਿ ਪੁਟ੍ਠੋ ਸਮਾਨੋ ‘ਨ ਖ੍વਾਹਂ, ਭਗਿਨਿ, ਦਿਸਾਮੁਖੋ ਭੁਞ੍ਜਾਮੀ’ਤਿ વਦੇਸਿ। ‘ਤੇਨ ਹਿ, ਸਮਣ, વਿਦਿਸਾਮੁਖੋ ਭੁਞ੍ਜਸੀ’ਤਿ ਇਤਿ ਪੁਟ੍ਠੋ ਸਮਾਨੋ ‘ਨ ਖ੍વਾਹਂ, ਭਗਿਨਿ, વਿਦਿਸਾਮੁਖੋ ਭੁਞ੍ਜਾਮੀ’ਤਿ વਦੇਸਿ’’।
‘‘‘Kiṃ nu, samaṇa, adhomukho bhuñjasī’ti iti puṭṭho samāno ‘na khvāhaṃ, bhagini, adhomukho bhuñjāmī’ti vadesi. ‘Tena hi, samaṇa, ubbhamukho bhuñjasī’ti iti puṭṭho samāno ‘na khvāhaṃ, bhagini, ubbhamukho bhuñjāmī’ti vadesi. ‘Tena hi, samaṇa, disāmukho bhuñjasī’ti iti puṭṭho samāno ‘na khvāhaṃ, bhagini, disāmukho bhuñjāmī’ti vadesi. ‘Tena hi, samaṇa, vidisāmukho bhuñjasī’ti iti puṭṭho samāno ‘na khvāhaṃ, bhagini, vidisāmukho bhuñjāmī’ti vadesi’’.
‘‘ਕਥਞ੍ਚਰਹਿ , ਸਮਣ, ਭੁਞ੍ਜਸੀ’’ਤਿ? ‘‘ਯੇ ਹਿ ਕੇਚਿ, ਭਗਿਨਿ, ਸਮਣਬ੍ਰਾਹ੍ਮਣਾ 5 વਤ੍ਥੁવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ 6 ਕਪ੍ਪੇਨ੍ਤਿ, ਇਮੇ વੁਚ੍ਚਨ੍ਤਿ, ਭਗਿਨਿ, ਸਮਣਬ੍ਰਾਹ੍ਮਣਾ ‘ਅਧੋਮੁਖਾ ਭੁਞ੍ਜਨ੍ਤੀ’ਤਿ। ਯੇ ਹਿ ਕੇਚਿ, ਭਗਿਨਿ, ਸਮਣਬ੍ਰਾਹ੍ਮਣਾ ਨਕ੍ਖਤ੍ਤવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਨ੍ਤਿ, ਇਮੇ વੁਚ੍ਚਨ੍ਤਿ, ਭਗਿਨਿ, ਸਮਣਬ੍ਰਾਹ੍ਮਣਾ ‘ਉਬ੍ਭਮੁਖਾ ਭੁਞ੍ਜਨ੍ਤੀ’ਤਿ। ਯੇ ਹਿ ਕੇਚਿ, ਭਗਿਨਿ, ਸਮਣਬ੍ਰਾਹ੍ਮਣਾ ਦੂਤੇਯ੍ਯਪਹਿਣਗਮਨਾਨੁਯੋਗਾਯ 7 ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਨ੍ਤਿ, ਇਮੇ વੁਚ੍ਚਨ੍ਤਿ, ਭਗਿਨਿ, ਸਮਣਬ੍ਰਾਹ੍ਮਣਾ ‘ਦਿਸਾਮੁਖਾ ਭੁਞ੍ਜਨ੍ਤੀ’ਤਿ। ਯੇ ਹਿ ਕੇਚਿ, ਭਗਿਨਿ, ਸਮਣਬ੍ਰਾਹ੍ਮਣਾ ਅਙ੍ਗવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਨ੍ਤਿ, ਇਮੇ વੁਚ੍ਚਨ੍ਤਿ, ਭਗਿਨਿ, ਸਮਣਬ੍ਰਾਹ੍ਮਣਾ ‘વਿਦਿਸਾਮੁਖਾ ਭੁਞ੍ਜਨ੍ਤੀ’’’ਤਿ।
‘‘Kathañcarahi , samaṇa, bhuñjasī’’ti? ‘‘Ye hi keci, bhagini, samaṇabrāhmaṇā 8 vatthuvijjātiracchānavijjāya micchājīvena jīvikaṃ 9 kappenti, ime vuccanti, bhagini, samaṇabrāhmaṇā ‘adhomukhā bhuñjantī’ti. Ye hi keci, bhagini, samaṇabrāhmaṇā nakkhattavijjātiracchānavijjāya micchājīvena jīvikaṃ kappenti, ime vuccanti, bhagini, samaṇabrāhmaṇā ‘ubbhamukhā bhuñjantī’ti. Ye hi keci, bhagini, samaṇabrāhmaṇā dūteyyapahiṇagamanānuyogāya 10 micchājīvena jīvikaṃ kappenti, ime vuccanti, bhagini, samaṇabrāhmaṇā ‘disāmukhā bhuñjantī’ti. Ye hi keci, bhagini, samaṇabrāhmaṇā aṅgavijjātiracchānavijjāya micchājīvena jīvikaṃ kappenti, ime vuccanti, bhagini, samaṇabrāhmaṇā ‘vidisāmukhā bhuñjantī’’’ti.
‘‘ਸੋ ਖ੍વਾਹਂ, ਭਗਿਨਿ, ਨ વਤ੍ਥੁવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਮਿ, ਨ ਨਕ੍ਖਤ੍ਤવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਮਿ, ਨ ਦੂਤੇਯ੍ਯਪਹਿਣਗਮਨਾਨੁਯੋਗਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਮਿ, ਨ ਅਙ੍ਗવਿਜ੍ਜਾਤਿਰਚ੍ਛਾਨવਿਜ੍ਜਾਯ ਮਿਚ੍ਛਾਜੀવੇਨ ਜੀવਿਕਂ ਕਪ੍ਪੇਮਿ। ਧਮ੍ਮੇਨ ਭਿਕ੍ਖਂ ਪਰਿਯੇਸਾਮਿ; ਧਮ੍ਮੇਨ ਭਿਕ੍ਖਂ ਪਰਿਯੇਸਿਤ੍વਾ ਭੁਞ੍ਜਾਮੀ’’ਤਿ।
‘‘So khvāhaṃ, bhagini, na vatthuvijjātiracchānavijjāya micchājīvena jīvikaṃ kappemi, na nakkhattavijjātiracchānavijjāya micchājīvena jīvikaṃ kappemi, na dūteyyapahiṇagamanānuyogāya micchājīvena jīvikaṃ kappemi, na aṅgavijjātiracchānavijjāya micchājīvena jīvikaṃ kappemi. Dhammena bhikkhaṃ pariyesāmi; dhammena bhikkhaṃ pariyesitvā bhuñjāmī’’ti.
ਅਥ ਖੋ ਸੂਚਿਮੁਖੀ ਪਰਿਬ੍ਬਾਜਿਕਾ ਰਾਜਗਹੇ ਰਥਿਯਾਯ ਰਥਿਯਂ, ਸਿਙ੍ਘਾਟਕੇਨ ਸਿਙ੍ਘਾਟਕਂ ਉਪਸਙ੍ਕਮਿਤ੍વਾ ਏવਮਾਰੋਚੇਸਿ – ‘‘ਧਮ੍ਮਿਕਂ ਸਮਣਾ ਸਕ੍ਯਪੁਤ੍ਤਿਯਾ ਆਹਾਰਂ ਆਹਾਰੇਨ੍ਤਿ; ਅਨવਜ੍ਜਂ 11 ਸਮਣਾ ਸਕ੍ਯਪੁਤ੍ਤਿਯਾ ਆਹਾਰਂ ਆਹਾਰੇਨ੍ਤਿ। ਦੇਥ ਸਮਣਾਨਂ ਸਕ੍ਯਪੁਤ੍ਤਿਯਾਨਂ ਪਿਣ੍ਡ’’ਨ੍ਤਿ। ਦਸਮਂ।
Atha kho sūcimukhī paribbājikā rājagahe rathiyāya rathiyaṃ, siṅghāṭakena siṅghāṭakaṃ upasaṅkamitvā evamārocesi – ‘‘dhammikaṃ samaṇā sakyaputtiyā āhāraṃ āhārenti; anavajjaṃ 12 samaṇā sakyaputtiyā āhāraṃ āhārenti. Detha samaṇānaṃ sakyaputtiyānaṃ piṇḍa’’nti. Dasamaṃ.
ਸਾਰਿਪੁਤ੍ਤਸਂਯੁਤ੍ਤਂ ਸਮਤ੍ਤਂ।
Sāriputtasaṃyuttaṃ samattaṃ.
ਤਸ੍ਸੁਦ੍ਦਾਨਂ –
Tassuddānaṃ –
વਿવੇਕਜਂ ਅવਿਤਕ੍ਕਂ, ਪੀਤਿ ਉਪੇਕ੍ਖਾ ਚਤੁਤ੍ਥਕਂ।
Vivekajaṃ avitakkaṃ, pīti upekkhā catutthakaṃ;
ਆਕਾਸਞ੍ਚੇવ વਿਞ੍ਞਾਣਂ, ਆਕਿਞ੍ਚਂ ਨੇવਸਞ੍ਞਿਨਾ।
Ākāsañceva viññāṇaṃ, ākiñcaṃ nevasaññinā;
ਨਿਰੋਧੋ ਨવਮੋ વੁਤ੍ਤੋ, ਦਸਮਂ ਸੂਚਿਮੁਖੀ ਚਾਤਿ॥
Nirodho navamo vutto, dasamaṃ sūcimukhī cāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸੁਚਿਮੁਖੀਸੁਤ੍ਤવਣ੍ਣਨਾ • 10. Sucimukhīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਸੂਚਿਮੁਖੀਸੁਤ੍ਤવਣ੍ਣਨਾ • 10. Sūcimukhīsuttavaṇṇanā
