| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. сужимукийсуд̇д̇аван̣н̣анаа
10. Sucimukhīsuttavaṇṇanā
341. д̣̇асамз сужимукийд̇и звам̣наамигаа. убасан̇гамийд̇и т̇зрам̣ абхируубам̣ д̣̇ассанийяам̣ суван̣н̣аван̣н̣ам̣ саманд̇абаасаад̣̇игам̣ д̣̇исваа ‘‘иминаа сад̣̇д̇хим̣ барихаасам̣ гариссаамий’’д̇и убасан̇гами. ат̇а т̇зрзна д̇асмим̣ важанз бадигкид̇д̇з ‘‘ид̣̇аанисса ваад̣̇ам̣ ааробзссаамий’’д̇и ман̃н̃амаанаа д̇зна хи, саман̣а, уб̣бхамуко бхун̃ж̇асийд̇и ааха. д̣̇исаамукод̇и жад̇уд̣̇д̣̇исаамуко, жад̇ассо д̣̇исаа ологзнд̇од̇и ад̇т̇о. вид̣̇исаамукод̇и жад̇ассо вид̣̇исаа ологзнд̇о.
341. Dasame sucimukhīti evaṃnāmikā. Upasaṅkamīti theraṃ abhirūpaṃ dassanīyaṃ suvaṇṇavaṇṇaṃ samantapāsādikaṃ disvā ‘‘iminā saddhiṃ parihāsaṃ karissāmī’’ti upasaṅkami. Atha therena tasmiṃ vacane paṭikkhitte ‘‘idānissa vādaṃ āropessāmī’’ti maññamānā tena hi, samaṇa, ubbhamukho bhuñjasīti āha. Disāmukhoti catuddisāmukho, catasso disā olokentoti attho. Vidisāmukhoti catasso vidisā olokento.
вад̇т̇увиж̇ж̇аад̇иражчаанавиж̇ж̇ааяаад̇и вад̇т̇увиж̇ж̇аасан̇каад̇ааяа д̇иражчаанавиж̇ж̇ааяа. вад̇т̇увиж̇ж̇аа наама лааб̣увад̇т̇у-гумбхан̣д̣авад̇т̇у-муулагавад̇т̇у-аад̣̇ийнам̣ вад̇т̇уунам̣ паласамбад̇д̇игааран̣агаалаж̇аананубааяо. мижчааж̇ийвзна ж̇ийвигам̣ габбзнд̇ийд̇и д̇знзва вад̇т̇увиж̇ж̇аад̇иражчаанавиж̇ж̇аасан̇каад̇зна мижчааж̇ийвзна ж̇ийвигам̣ габбзнд̇и, д̇зсам̣ вад̇т̇уунам̣ самбаад̣̇анзна басаннзхи мануссзхи д̣̇иннз бажжаяз барибхун̃ж̇анд̇аа ж̇ийванд̇ийд̇и ад̇т̇о. ад̇хомукаад̇и вад̇т̇ум̣ ологзд̇ваа бхун̃ж̇амаанавасзна ад̇хомукаа бхун̃ж̇анд̇и наама. звам̣ саб̣б̣ад̇т̇а яож̇анаа гаад̇аб̣б̣аа. аби жзд̇т̇а нагкад̇д̇авиж̇ж̇аад̇и ‘‘аж̇ж̇а имам̣ нагкад̇д̇ам̣ иминаа нагкад̇д̇зна г̇анд̇аб̣б̣ам̣, иминаа ид̣̇ан̃жид̣̇ан̃жа гаад̇аб̣б̣а’’нд̇и звам̣ ж̇аананавиж̇ж̇аа. д̣̇ууд̇зяяанд̇и д̣̇ууд̇агаммам̣, д̇зсам̣ д̇зсам̣ саасанам̣ г̇ахзд̇ваа д̇ад̇т̇а д̇ад̇т̇а г̇аманам̣. бахин̣аг̇амананд̇и згаг̇аамасмим̣язва згагуласса саасанзна ан̃н̃агулам̣ убасан̇гаманам̣. ан̇г̇авиж̇ж̇аад̇и ид̇т̇илагкан̣абурисалагкан̣авасзна ан̇г̇асамбад̇д̇им̣ н̃ад̇ваа ‘‘д̇ааяа ан̇г̇асамбад̇д̇ияаа ид̣̇ам̣ наама лаб̣бхад̇ий’’д̇и звам̣ ж̇аананавиж̇ж̇аа. вид̣̇исаамукаад̇и ан̇г̇авиж̇ж̇аа хи д̇ам̣ д̇ам̣ сарийрагодтаасам̣ аараб̣бха бавад̇д̇ад̇д̇аа вид̣̇исааяа бавад̇д̇аа наама, д̇асмаа д̇ааяа виж̇ж̇ааяа ж̇ийвигам̣ габбзд̇ваа бхун̃ж̇анд̇аа вид̣̇исаамукаа бхун̃ж̇анд̇и наама. звамаарожзсийд̇и ‘‘д̇хаммигам̣ саман̣аа’’д̇иаад̣̇ийни вад̣̇амаанаа саасанасса нияяаанигам̣ г̇ун̣ам̣ гат̇зси. д̇ан̃жа бариб̣б̣ааж̇игааяа гат̇ам̣ суд̇ваа бан̃жамад̇д̇аани гуласад̇аани саасанз од̇арим̣сууд̇и.
Vatthuvijjātiracchānavijjāyāti vatthuvijjāsaṅkhātāya tiracchānavijjāya. Vatthuvijjā nāma lābuvatthu-kumbhaṇḍavatthu-mūlakavatthu-ādīnaṃ vatthūnaṃ phalasampattikāraṇakālajānanupāyo. Micchājīvena jīvikaṃ kappentīti teneva vatthuvijjātiracchānavijjāsaṅkhātena micchājīvena jīvikaṃ kappenti, tesaṃ vatthūnaṃ sampādanena pasannehi manussehi dinne paccaye paribhuñjantā jīvantīti attho. Adhomukhāti vatthuṃ oloketvā bhuñjamānavasena adhomukhā bhuñjanti nāma. Evaṃ sabbattha yojanā kātabbā. Api cettha nakkhattavijjāti ‘‘ajja imaṃ nakkhattaṃ iminā nakkhattena gantabbaṃ, iminā idañcidañca kātabba’’nti evaṃ jānanavijjā. Dūteyyanti dūtakammaṃ, tesaṃ tesaṃ sāsanaṃ gahetvā tattha tattha gamanaṃ. Pahiṇagamananti ekagāmasmiṃyeva ekakulassa sāsanena aññakulaṃ upasaṅkamanaṃ. Aṅgavijjāti itthilakkhaṇapurisalakkhaṇavasena aṅgasampattiṃ ñatvā ‘‘tāya aṅgasampattiyā idaṃ nāma labbhatī’’ti evaṃ jānanavijjā. Vidisāmukhāti aṅgavijjā hi taṃ taṃ sarīrakoṭṭhāsaṃ ārabbha pavattattā vidisāya pavattā nāma, tasmā tāya vijjāya jīvikaṃ kappetvā bhuñjantā vidisāmukhā bhuñjanti nāma. Evamārocesīti ‘‘dhammikaṃ samaṇā’’tiādīni vadamānā sāsanassa niyyānikaṃ guṇaṃ kathesi. Tañca paribbājikāya kathaṃ sutvā pañcamattāni kulasatāni sāsane otariṃsūti.
саарибуд̇д̇асам̣яуд̇д̇аван̣н̣анаа нидтид̇аа.
Sāriputtasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. суужимукийсуд̇д̇ам̣ • 10. Sūcimukhīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. суужимукийсуд̇д̇аван̣н̣анаа • 10. Sūcimukhīsuttavaṇṇanā
