| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. суужимукийсуд̇д̇аван̣н̣анаа
10. Sūcimukhīsuttavaṇṇanā
341. д̇асмим̣ важанз бадигкид̇д̇зд̇и – ‘‘ад̇хомуко бхун̃ж̇асий’’д̇и бариб̣б̣ааж̇игааяа вуд̇д̇аважанз – ‘‘на кваахам̣ бхаг̇иний’’д̇и бадигкид̇д̇з. ваад̣̇анд̇и д̣̇осам̣. уб̣бхамукод̇и убаримуко. бурад̇т̇имаад̣̇игаа жад̇ассо д̣̇исаа. д̣̇агкин̣абурад̇т̇имаад̣̇игаа жад̇ассо вид̣̇исаа.
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
аараамааараамавад̇т̇уаад̣̇ийсу бхуумибаригаммаб̣ийж̇аабхисан̇каран̣аад̣̇ибадисам̣яуд̇д̇аа виж̇ж̇аа вад̇т̇увиж̇ж̇аа, д̇ассаа бана мижчааж̇ийвабхаавам̣ д̣̇ассзд̇ум̣ ‘‘д̇зса’’нд̇иаад̣̇и вуд̇д̇ам̣. д̇зсам̣ д̇зсам̣ ад̇д̇ано бажжаяад̣̇ааяагаанам̣. д̇ад̇т̇а д̇ад̇т̇а г̇амананд̇и д̇зсам̣ саасанахаран̣авасзна д̇ам̣ д̇ам̣ г̇ааманд̇арад̣̇зсанд̇арам̣. звамаарожзсийд̇и ад̇д̇уггам̣санабаравамбханарахид̇ам̣ ган̣н̣асукам̣ бзманийяам̣ хад̣̇аяан̇г̇амам̣ т̇зрасса д̇хаммагат̇ам̣ суд̇ваа басаннамаанасаа звам̣ ‘‘д̇хаммигам̣ саман̣аа сагяабуд̇д̇ияаа’’д̇иаад̣̇инаа саасанасса г̇ун̣асам̣гид̇д̇анаваажам̣ гулаанам̣ аарожзси.
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
суужимукийсуд̇д̇аван̣н̣анаа нидтид̇аа.
Sūcimukhīsuttavaṇṇanā niṭṭhitā.
саарибуд̇д̇асам̣яуд̇д̇аван̣н̣анаа нидтид̇аа.
Sāriputtasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. суужимукийсуд̇д̇ам̣ • 10. Sūcimukhīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сужимукийсуд̇д̇аван̣н̣анаа • 10. Sucimukhīsuttavaṇṇanā
