| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१०. सूचिमुखीसुत्तवण्णना
10. Sūcimukhīsuttavaṇṇanā
३४१. तस्मिं वचने पटिक्खित्तेति – ‘‘अधोमुखो भुञ्जसी’’ति परिब्बाजिकाय वुत्तवचने – ‘‘न ख्वाहं भगिनी’’ति पटिक्खित्ते। वादन्ति दोसं। उब्भमुखोति उपरिमुखो। पुरत्थिमादिका चतस्सो दिसा। दक्खिणपुरत्थिमादिका चतस्सो विदिसा।
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
आरामआरामवत्थुआदीसु भूमिपरिकम्मबीजाभिसङ्खरणादिपटिसंयुत्ता विज्जा वत्थुविज्जा, तस्सा पन मिच्छाजीवभावं दस्सेतुं ‘‘तेस’’न्तिआदि वुत्तं। तेसं तेसं अत्तनो पच्चयदायकानं। तत्थ तत्थ गमनन्ति तेसं सासनहरणवसेन तं तं गामन्तरदेसन्तरं। एवमारोचेसीति अत्तुक्कंसनपरवम्भनरहितं कण्णसुखं पेमनीयं हदयङ्गमं थेरस्स धम्मकथं सुत्वा पसन्नमानसा एवं ‘‘धम्मिकं समणा सक्यपुत्तिया’’तिआदिना सासनस्स गुणसंकित्तनवाचं कुलानं आरोचेसि।
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
सूचिमुखीसुत्तवण्णना निट्ठिता।
Sūcimukhīsuttavaṇṇanā niṭṭhitā.
सारिपुत्तसंयुत्तवण्णना निट्ठिता।
Sāriputtasaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. सूचिमुखीसुत्तं • 10. Sūcimukhīsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. सुचिमुखीसुत्तवण्णना • 10. Sucimukhīsuttavaṇṇanā
