| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១០. សូចិមុខីសុត្តវណ្ណនា
10. Sūcimukhīsuttavaṇṇanā
៣៤១. តស្មិំ វចនេ បដិក្ខិត្តេតិ – ‘‘អធោមុខោ ភុញ្ជសី’’តិ បរិព្ពាជិកាយ វុត្តវចនេ – ‘‘ន ខ្វាហំ ភគិនី’’តិ បដិក្ខិត្តេ។ វាទន្តិ ទោសំ។ ឧព្ភមុខោតិ ឧបរិមុខោ។ បុរត្ថិមាទិកា ចតស្សោ ទិសា។ ទក្ខិណបុរត្ថិមាទិកា ចតស្សោ វិទិសា។
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
អារាមអារាមវត្ថុអាទីសុ ភូមិបរិកម្មពីជាភិសង្ខរណាទិបដិសំយុត្តា វិជ្ជា វត្ថុវិជ្ជា, តស្សា បន មិច្ឆាជីវភាវំ ទស្សេតុំ ‘‘តេស’’ន្តិអាទិ វុត្តំ។ តេសំ តេសំ អត្តនោ បច្ចយទាយកានំ។ តត្ថ តត្ថ គមនន្តិ តេសំ សាសនហរណវសេន តំ តំ គាមន្តរទេសន្តរំ។ ឯវមារោចេសីតិ អត្តុក្កំសនបរវម្ភនរហិតំ កណ្ណសុខំ បេមនីយំ ហទយង្គមំ ថេរស្ស ធម្មកថំ សុត្វា បសន្នមានសា ឯវំ ‘‘ធម្មិកំ សមណា សក្យបុត្តិយា’’តិអាទិនា សាសនស្ស គុណសំកិត្តនវាចំ កុលានំ អារោចេសិ។
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
សូចិមុខីសុត្តវណ្ណនា និដ្ឋិតា។
Sūcimukhīsuttavaṇṇanā niṭṭhitā.
សារិបុត្តសំយុត្តវណ្ណនា និដ្ឋិតា។
Sāriputtasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. សូចិមុខីសុត្តំ • 10. Sūcimukhīsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. សុចិមុខីសុត្តវណ្ណនា • 10. Sucimukhīsuttavaṇṇanā
