| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. သူစိမုခီသုတ္တဝဏ္ဏနာ
10. Sūcimukhīsuttavaṇṇanā
၃၄၁. တသ္မိံ ဝစနေ ပဋိက္ခိတ္တေတိ – ‘‘အဓောမုခော ဘုဉ္ဇသီ’’တိ ပရိဗ္ဗာဇိကာယ ဝုတ္တဝစနေ – ‘‘န ခ္ဝာဟံ ဘဂိနီ’’တိ ပဋိက္ခိတ္တေ။ ဝာဒန္တိ ဒောသံ။ ဥဗ္ဘမုခောတိ ဥပရိမုခော။ ပုရတ္ထိမာဒိကာ စတသ္သော ဒိသာ။ ဒက္ခိဏပုရတ္ထိမာဒိကာ စတသ္သော ဝိဒိသာ။
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
အာရာမအာရာမဝတ္ထုအာဒီသု ဘူမိပရိကမ္မဗီဇာဘိသင္ခရဏာဒိပဋိသံယုတ္တာ ဝိဇ္ဇာ ဝတ္ထုဝိဇ္ဇာ, တသ္သာ ပန မိစ္ဆာဇီဝဘာဝံ ဒသ္သေတုံ ‘‘တေသ’’န္တိအာဒိ ဝုတ္တံ။ တေသံ တေသံ အတ္တနော ပစ္စယဒာယကာနံ။ တတ္ထ တတ္ထ ဂမနန္တိ တေသံ သာသနဟရဏဝသေန တံ တံ ဂာမန္တရဒေသန္တရံ။ ဧဝမာရောစေသီတိ အတ္တုက္ကံသနပရဝမ္ဘနရဟိတံ ကဏ္ဏသုခံ ပေမနီယံ ဟဒယင္ဂမံ ထေရသ္သ ဓမ္မကထံ သုတ္ဝာ ပသန္နမာနသာ ဧဝံ ‘‘ဓမ္မိကံ သမဏာ သက္ယပုတ္တိယာ’’တိအာဒိနာ သာသနသ္သ ဂုဏသံကိတ္တနဝာစံ ကုလာနံ အာရောစေသိ။
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
သူစိမုခီသုတ္တဝဏ္ဏနာ နိဋ္ဌိတာ။
Sūcimukhīsuttavaṇṇanā niṭṭhitā.
သာရိပုတ္တသံယုတ္တဝဏ္ဏနာ နိဋ္ဌိတာ။
Sāriputtasaṃyuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. သူစိမုခီသုတ္တံ • 10. Sūcimukhīsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. သုစိမုခီသုတ္တဝဏ္ဏနာ • 10. Sucimukhīsuttavaṇṇanā
