| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೧೦. ಸೂಚಿಮುಖೀಸುತ್ತವಣ್ಣನಾ
10. Sūcimukhīsuttavaṇṇanā
೩೪೧. ತಸ್ಮಿಂ ವಚನೇ ಪಟಿಕ್ಖಿತ್ತೇತಿ – ‘‘ಅಧೋಮುಖೋ ಭುಞ್ಜಸೀ’’ತಿ ಪರಿಬ್ಬಾಜಿಕಾಯ ವುತ್ತವಚನೇ – ‘‘ನ ಖ್ವಾಹಂ ಭಗಿನೀ’’ತಿ ಪಟಿಕ್ಖಿತ್ತೇ। ವಾದನ್ತಿ ದೋಸಂ। ಉಬ್ಭಮುಖೋತಿ ಉಪರಿಮುಖೋ। ಪುರತ್ಥಿಮಾದಿಕಾ ಚತಸ್ಸೋ ದಿಸಾ। ದಕ್ಖಿಣಪುರತ್ಥಿಮಾದಿಕಾ ಚತಸ್ಸೋ ವಿದಿಸಾ।
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
ಆರಾಮಆರಾಮವತ್ಥುಆದೀಸು ಭೂಮಿಪರಿಕಮ್ಮಬೀಜಾಭಿಸಙ್ಖರಣಾದಿಪಟಿಸಂಯುತ್ತಾ ವಿಜ್ಜಾ ವತ್ಥುವಿಜ್ಜಾ, ತಸ್ಸಾ ಪನ ಮಿಚ್ಛಾಜೀವಭಾವಂ ದಸ್ಸೇತುಂ ‘‘ತೇಸ’’ನ್ತಿಆದಿ ವುತ್ತಂ। ತೇಸಂ ತೇಸಂ ಅತ್ತನೋ ಪಚ್ಚಯದಾಯಕಾನಂ। ತತ್ಥ ತತ್ಥ ಗಮನನ್ತಿ ತೇಸಂ ಸಾಸನಹರಣವಸೇನ ತಂ ತಂ ಗಾಮನ್ತರದೇಸನ್ತರಂ। ಏವಮಾರೋಚೇಸೀತಿ ಅತ್ತುಕ್ಕಂಸನಪರವಮ್ಭನರಹಿತಂ ಕಣ್ಣಸುಖಂ ಪೇಮನೀಯಂ ಹದಯಙ್ಗಮಂ ಥೇರಸ್ಸ ಧಮ್ಮಕಥಂ ಸುತ್ವಾ ಪಸನ್ನಮಾನಸಾ ಏವಂ ‘‘ಧಮ್ಮಿಕಂ ಸಮಣಾ ಸಕ್ಯಪುತ್ತಿಯಾ’’ತಿಆದಿನಾ ಸಾಸನಸ್ಸ ಗುಣಸಂಕಿತ್ತನವಾಚಂ ಕುಲಾನಂ ಆರೋಚೇಸಿ।
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
ಸೂಚಿಮುಖೀಸುತ್ತವಣ್ಣನಾ ನಿಟ್ಠಿತಾ।
Sūcimukhīsuttavaṇṇanā niṭṭhitā.
ಸಾರಿಪುತ್ತಸಂಯುತ್ತವಣ್ಣನಾ ನಿಟ್ಠಿತಾ।
Sāriputtasaṃyuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಸೂಚಿಮುಖೀಸುತ್ತಂ • 10. Sūcimukhīsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೦. ಸುಚಿಮುಖೀಸುತ್ತವಣ್ಣನಾ • 10. Sucimukhīsuttavaṇṇanā
