| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. සූචිමුඛීසුත්‌තවණ්‌ණනා
10. Sūcimukhīsuttavaṇṇanā
341. තස්‌මිං වචනෙ පටික්‌ඛිත්‌තෙති – ‘‘අධොමුඛො භුඤ්‌ජසී’’ති පරිබ්‌බාජිකාය වුත්‌තවචනෙ – ‘‘න ඛ්‌වාහං භගිනී’’ති පටික්‌ඛිත්‌තෙ. වාදන්‌ති දොසං. උබ්‌භමුඛොති උපරිමුඛො. පුරත්‌ථිමාදිකා චතස්‌සො දිසා. දක්‌ඛිණපුරත්‌ථිමාදිකා චතස්‌සො විදිසා.
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
ආරාමආරාමවත්‌ථුආදීසු භූමිපරිකම්‌මබීජාභිසඞ්‌ඛරණාදිපටිසංයුත්‌තා විජ්‌ජා වත්‌ථුවිජ්‌ජා, තස්‌සා පන මිච්‌ඡාජීවභාවං දස්‌සෙතුං ‘‘තෙස’’න්‌තිආදි වුත්‌තං. තෙසං තෙසං අත්‌තනො පච්‌චයදායකානං. තත්‌ථ තත්‌ථ ගමනන්‌ති තෙසං සාසනහරණවසෙන තං තං ගාමන්‌තරදෙසන්‌තරං. එවමාරොචෙසීති අත්‌තුක්‌කංසනපරවම්‌භනරහිතං කණ්‌ණසුඛං පෙමනීයං හදයඞ්‌ගමං ථෙරස්‌ස ධම්‌මකථං සුත්‌වා පසන්‌නමානසා එවං ‘‘ධම්‌මිකං සමණා සක්‍යපුත්‌තියා’’තිආදිනා සාසනස්‌ස ගුණසංකිත්‌තනවාචං කුලානං ආරොචෙසි.
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
සූචිමුඛීසුත්‌තවණ්‌ණනා නිට්‌ඨිතා.
Sūcimukhīsuttavaṇṇanā niṭṭhitā.
සාරිපුත්‌තසංයුත්‌තවණ්‌ණනා නිට්‌ඨිතා.
Sāriputtasaṃyuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. සූචිමුඛීසුත්‌තං • 10. Sūcimukhīsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. සුචිමුඛීසුත්‌තවණ්‌ණනා • 10. Sucimukhīsuttavaṇṇanā
