| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਸੂਚਿਮੁਖੀਸੁਤ੍ਤવਣ੍ਣਨਾ
10. Sūcimukhīsuttavaṇṇanā
੩੪੧. ਤਸ੍ਮਿਂ વਚਨੇ ਪਟਿਕ੍ਖਿਤ੍ਤੇਤਿ – ‘‘ਅਧੋਮੁਖੋ ਭੁਞ੍ਜਸੀ’’ਤਿ ਪਰਿਬ੍ਬਾਜਿਕਾਯ વੁਤ੍ਤવਚਨੇ – ‘‘ਨ ਖ੍વਾਹਂ ਭਗਿਨੀ’’ਤਿ ਪਟਿਕ੍ਖਿਤ੍ਤੇ। વਾਦਨ੍ਤਿ ਦੋਸਂ। ਉਬ੍ਭਮੁਖੋਤਿ ਉਪਰਿਮੁਖੋ। ਪੁਰਤ੍ਥਿਮਾਦਿਕਾ ਚਤਸ੍ਸੋ ਦਿਸਾ। ਦਕ੍ਖਿਣਪੁਰਤ੍ਥਿਮਾਦਿਕਾ ਚਤਸ੍ਸੋ વਿਦਿਸਾ।
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
ਆਰਾਮਆਰਾਮવਤ੍ਥੁਆਦੀਸੁ ਭੂਮਿਪਰਿਕਮ੍ਮਬੀਜਾਭਿਸਙ੍ਖਰਣਾਦਿਪਟਿਸਂਯੁਤ੍ਤਾ વਿਜ੍ਜਾ વਤ੍ਥੁવਿਜ੍ਜਾ, ਤਸ੍ਸਾ ਪਨ ਮਿਚ੍ਛਾਜੀવਭਾવਂ ਦਸ੍ਸੇਤੁਂ ‘‘ਤੇਸ’’ਨ੍ਤਿਆਦਿ વੁਤ੍ਤਂ। ਤੇਸਂ ਤੇਸਂ ਅਤ੍ਤਨੋ ਪਚ੍ਚਯਦਾਯਕਾਨਂ। ਤਤ੍ਥ ਤਤ੍ਥ ਗਮਨਨ੍ਤਿ ਤੇਸਂ ਸਾਸਨਹਰਣવਸੇਨ ਤਂ ਤਂ ਗਾਮਨ੍ਤਰਦੇਸਨ੍ਤਰਂ। ਏવਮਾਰੋਚੇਸੀਤਿ ਅਤ੍ਤੁਕ੍ਕਂਸਨਪਰવਮ੍ਭਨਰਹਿਤਂ ਕਣ੍ਣਸੁਖਂ ਪੇਮਨੀਯਂ ਹਦਯਙ੍ਗਮਂ ਥੇਰਸ੍ਸ ਧਮ੍ਮਕਥਂ ਸੁਤ੍વਾ ਪਸਨ੍ਨਮਾਨਸਾ ਏવਂ ‘‘ਧਮ੍ਮਿਕਂ ਸਮਣਾ ਸਕ੍ਯਪੁਤ੍ਤਿਯਾ’’ਤਿਆਦਿਨਾ ਸਾਸਨਸ੍ਸ ਗੁਣਸਂਕਿਤ੍ਤਨવਾਚਂ ਕੁਲਾਨਂ ਆਰੋਚੇਸਿ।
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
ਸੂਚਿਮੁਖੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sūcimukhīsuttavaṇṇanā niṭṭhitā.
ਸਾਰਿਪੁਤ੍ਤਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Sāriputtasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸੂਚਿਮੁਖੀਸੁਤ੍ਤਂ • 10. Sūcimukhīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸੁਚਿਮੁਖੀਸੁਤ੍ਤવਣ੍ਣਨਾ • 10. Sucimukhīsuttavaṇṇanā
