| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. สุจินฺติกเตฺถรอปทานํ
2. Sucintikattheraapadānaṃ
๘.
8.
‘‘ติสฺสสฺส โลกนาถสฺส, สุทฺธปีฐมทาสหํ;
‘‘Tissassa lokanāthassa, suddhapīṭhamadāsahaṃ;
หโฎฺฐ หเฎฺฐน จิเตฺตน, พุทฺธสฺสาทิจฺจพนฺธุโนฯ
Haṭṭho haṭṭhena cittena, buddhassādiccabandhuno.
๙.
9.
โภโค จ วิปุโล อาสิ, สยนญฺจ อนปฺปกํฯ
Bhogo ca vipulo āsi, sayanañca anappakaṃ.
๑๐.
10.
‘‘ปีฐํ พุทฺธสฺส ทตฺวาน, วิปฺปสเนฺนน เจตสา;
‘‘Pīṭhaṃ buddhassa datvāna, vippasannena cetasā;
อนุโภมิ สกํ กมฺมํ, ปุเพฺพ สุกตมตฺตโนฯ
Anubhomi sakaṃ kammaṃ, pubbe sukatamattano.
๑๑.
11.
‘‘เทฺวนวุเต อิโต กเปฺป, ยํ ปีฐมททิํ ตทา;
‘‘Dvenavute ito kappe, yaṃ pīṭhamadadiṃ tadā;
ทุคฺคติํ นาภิชานามิ, ปีฐทานสฺสิทํ ผลํฯ
Duggatiṃ nābhijānāmi, pīṭhadānassidaṃ phalaṃ.
๑๒.
12.
‘‘อฎฺฐติํเส อิโต กเปฺป, ตโย เต จกฺกวตฺติโน;
‘‘Aṭṭhatiṃse ito kappe, tayo te cakkavattino;
รุจิ อุปรุจิ เจว, มหารุจิ ตติยโกฯ
Ruci uparuci ceva, mahāruci tatiyako.
๑๓.
13.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สุจินฺติโก เถโร อิมา คาถาโย อภาสิตฺถาติฯ
Itthaṃ sudaṃ āyasmā sucintiko thero imā gāthāyo abhāsitthāti.
สุจินฺติกเตฺถรสฺสาปทานํ ทุติยํฯ
Sucintikattherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. สุจินฺติกเตฺถรอปทานวณฺณนา • 2. Sucintikattheraapadānavaṇṇanā
