| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. සුචින්‌තිකත්‌ථෙරඅපදානං
2. Sucintikattheraapadānaṃ
8.
8.
‘‘තිස්‌සස්‌ස ලොකනාථස්‌ස, සුද්‌ධපීඨමදාසහං;
‘‘Tissassa lokanāthassa, suddhapīṭhamadāsahaṃ;
හට්‌ඨො හට්‌ඨෙන චිත්‌තෙන, බුද්‌ධස්‌සාදිච්‌චබන්‌ධුනො.
Haṭṭho haṭṭhena cittena, buddhassādiccabandhuno.
9.
9.
භොගො ච විපුලො ආසි, සයනඤ්‌ච අනප්‌පකං.
Bhogo ca vipulo āsi, sayanañca anappakaṃ.
10.
10.
‘‘පීඨං බුද්‌ධස්‌ස දත්‌වාන, විප්‌පසන්‌නෙන චෙතසා;
‘‘Pīṭhaṃ buddhassa datvāna, vippasannena cetasā;
අනුභොමි සකං කම්‌මං, පුබ්‌බෙ සුකතමත්‌තනො.
Anubhomi sakaṃ kammaṃ, pubbe sukatamattano.
11.
11.
‘‘ද්‌වෙනවුතෙ ඉතො කප්‌පෙ, යං පීඨමදදිං තදා;
‘‘Dvenavute ito kappe, yaṃ pīṭhamadadiṃ tadā;
දුග්‌ගතිං නාභිජානාමි, පීඨදානස්‌සිදං ඵලං.
Duggatiṃ nābhijānāmi, pīṭhadānassidaṃ phalaṃ.
12.
12.
‘‘අට්‌ඨතිංසෙ ඉතො කප්‌පෙ, තයො තෙ චක්‌කවත්‌තිනො;
‘‘Aṭṭhatiṃse ito kappe, tayo te cakkavattino;
රුචි උපරුචි චෙව, මහාරුචි තතියකො.
Ruci uparuci ceva, mahāruci tatiyako.
13.
13.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සුචින්‌තිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sucintiko thero imā gāthāyo abhāsitthāti.
සුචින්‌තිකත්‌ථෙරස්‌සාපදානං දුතියං.
Sucintikattherassāpadānaṃ dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 2. සුචින්‌තිකත්‌ථෙරඅපදානවණ්‌ණනා • 2. Sucintikattheraapadānavaṇṇanā
