| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൨. സുചിന്തികത്ഥേരഅപദാനം
2. Sucintikattheraapadānaṃ
൮.
8.
‘‘തിസ്സസ്സ ലോകനാഥസ്സ, സുദ്ധപീഠമദാസഹം;
‘‘Tissassa lokanāthassa, suddhapīṭhamadāsahaṃ;
ഹട്ഠോ ഹട്ഠേന ചിത്തേന, ബുദ്ധസ്സാദിച്ചബന്ധുനോ.
Haṭṭho haṭṭhena cittena, buddhassādiccabandhuno.
൯.
9.
ഭോഗോ ച വിപുലോ ആസി, സയനഞ്ച അനപ്പകം.
Bhogo ca vipulo āsi, sayanañca anappakaṃ.
൧൦.
10.
‘‘പീഠം ബുദ്ധസ്സ ദത്വാന, വിപ്പസന്നേന ചേതസാ;
‘‘Pīṭhaṃ buddhassa datvāna, vippasannena cetasā;
അനുഭോമി സകം കമ്മം, പുബ്ബേ സുകതമത്തനോ.
Anubhomi sakaṃ kammaṃ, pubbe sukatamattano.
൧൧.
11.
‘‘ദ്വേനവുതേ ഇതോ കപ്പേ, യം പീഠമദദിം തദാ;
‘‘Dvenavute ito kappe, yaṃ pīṭhamadadiṃ tadā;
ദുഗ്ഗതിം നാഭിജാനാമി, പീഠദാനസ്സിദം ഫലം.
Duggatiṃ nābhijānāmi, pīṭhadānassidaṃ phalaṃ.
൧൨.
12.
‘‘അട്ഠതിംസേ ഇതോ കപ്പേ, തയോ തേ ചക്കവത്തിനോ;
‘‘Aṭṭhatiṃse ito kappe, tayo te cakkavattino;
രുചി ഉപരുചി ചേവ, മഹാരുചി തതിയകോ.
Ruci uparuci ceva, mahāruci tatiyako.
൧൩.
13.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ സുചിന്തികോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā sucintiko thero imā gāthāyo abhāsitthāti.
സുചിന്തികത്ഥേരസ്സാപദാനം ദുതിയം.
Sucintikattherassāpadānaṃ dutiyaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൨. സുചിന്തികത്ഥേരഅപദാനവണ്ണനാ • 2. Sucintikattheraapadānavaṇṇanā
