| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
2. ஸுசிந்திகத்தே²ரஅபதா³னவண்ணனா
2. Sucintikattheraapadānavaṇṇanā
திஸ்ஸஸ்ஸ லோகனாத²ஸ்ஸாதிஆதி³கங் ஆயஸ்மதோ ஸுசிந்திகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அனேகாஸு ஜாதீஸு நிப்³பா³னாதி⁴க³மாய புஞ்ஞங் உபசினித்வா திஸ்ஸஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா ஸத்து² நிஸீத³னத்தா²ய பரிஸுத்³த⁴ங் ஸிலிட்ட²ங் கட்ட²மயமனக்³க⁴பீட²மதா³ஸி. ஸோ தேன புஞ்ஞகம்மேன ஸுக³திஸுக²மனுப⁴வித்வா தத்த² தத்த² ஸங்ஸரந்தோ இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி.
Tissassa lokanāthassātiādikaṃ āyasmato sucintikattherassa apadānaṃ. Ayampi purimabuddhesu katādhikāro anekāsu jātīsu nibbānādhigamāya puññaṃ upacinitvā tissassa bhagavato kāle ekasmiṃ kulagehe nibbatto vuddhimanvāya satthari pasīditvā satthu nisīdanatthāya parisuddhaṃ siliṭṭhaṃ kaṭṭhamayamanagghapīṭhamadāsi. So tena puññakammena sugatisukhamanubhavitvā tattha tattha saṃsaranto imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
8. ஸோ பத்தஅரஹத்தப²லோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ திஸ்ஸஸ்ஸ லோகனாத²ஸ்ஸாதிஆதி³மாஹ. தங் ஸப்³ப³ங் உத்தானத்த²மேவாதி.
8. So pattaarahattaphalo pubbakammaṃ saritvā somanassajāto pubbacaritāpadānaṃ pakāsento tissassa lokanāthassātiādimāha. Taṃ sabbaṃ uttānatthamevāti.
ஸுசிந்திகத்தே²ரஅபதா³னவண்ணனா ஸமத்தா.
Sucintikattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 2. ஸுசிந்திகத்தே²ரஅபதா³னங் • 2. Sucintikattheraapadānaṃ
