| Library / Tipiṭaka / తిపిటక • Tipiṭaka / అపదాన-అట్ఠకథా • Apadāna-aṭṭhakathā |
౨. సుచిన్తికత్థేరఅపదానవణ్ణనా
2. Sucintikattheraapadānavaṇṇanā
తిస్సస్స లోకనాథస్సాతిఆదికం ఆయస్మతో సుచిన్తికత్థేరస్స అపదానం. అయమ్పి పురిమబుద్ధేసు కతాధికారో అనేకాసు జాతీసు నిబ్బానాధిగమాయ పుఞ్ఞం ఉపచినిత్వా తిస్సస్స భగవతో కాలే ఏకస్మిం కులగేహే నిబ్బత్తో వుద్ధిమన్వాయ సత్థరి పసీదిత్వా సత్థు నిసీదనత్థాయ పరిసుద్ధం సిలిట్ఠం కట్ఠమయమనగ్ఘపీఠమదాసి. సో తేన పుఞ్ఞకమ్మేన సుగతిసుఖమనుభవిత్వా తత్థ తత్థ సంసరన్తో ఇమస్మిం బుద్ధుప్పాదే ఏకస్మిం కులగేహే నిబ్బత్తో వుద్ధిమన్వాయ సత్థరి పసీదిత్వా పబ్బజితో నచిరస్సేవ అరహా అహోసి.
Tissassa lokanāthassātiādikaṃ āyasmato sucintikattherassa apadānaṃ. Ayampi purimabuddhesu katādhikāro anekāsu jātīsu nibbānādhigamāya puññaṃ upacinitvā tissassa bhagavato kāle ekasmiṃ kulagehe nibbatto vuddhimanvāya satthari pasīditvā satthu nisīdanatthāya parisuddhaṃ siliṭṭhaṃ kaṭṭhamayamanagghapīṭhamadāsi. So tena puññakammena sugatisukhamanubhavitvā tattha tattha saṃsaranto imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
౮. సో పత్తఅరహత్తఫలో పుబ్బకమ్మం సరిత్వా సోమనస్సజాతో పుబ్బచరితాపదానం పకాసేన్తో తిస్సస్స లోకనాథస్సాతిఆదిమాహ. తం సబ్బం ఉత్తానత్థమేవాతి.
8. So pattaarahattaphalo pubbakammaṃ saritvā somanassajāto pubbacaritāpadānaṃ pakāsento tissassa lokanāthassātiādimāha. Taṃ sabbaṃ uttānatthamevāti.
సుచిన్తికత్థేరఅపదానవణ్ణనా సమత్తా.
Sucintikattheraapadānavaṇṇanā samattā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / ఖుద్దకనికాయ • Khuddakanikāya / అపదానపాళి • Apadānapāḷi / ౨. సుచిన్తికత్థేరఅపదానం • 2. Sucintikattheraapadānaṃ
