| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. ஸுசிந்திதத்தே²ரஅபதா³னவண்ணனா
6. Sucintitattheraapadānavaṇṇanā
கி³ரிது³க்³க³சரோ ஆஸிந்திஆதி³கங் ஆயஸ்மதோ ஸுசிந்திதத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ அத்த²த³ஸ்ஸிஸ்ஸ ப⁴க³வதோ காலே ஹிமவந்தப்பதே³ஸே நேஸாத³குலே உப்பன்னோ மிக³ஸூகராத³யோ வதி⁴த்வா கா²த³ந்தோ விஹரதி. ததா³ லோகனாதோ² லோகானுக்³க³ஹங் ஸத்தானுத்³த³யதஞ்ச படிச்ச ஹிமவந்தமக³மாஸி. ததா³ ஸோ நேஸாதோ³ ப⁴க³வந்தங் தி³ஸ்வா பஸன்னமானஸோ அத்தனோ கா²த³னத்தா²ய ஆனீதங் வரமது⁴ரமங்ஸங் அதா³ஸி. படிக்³க³ஹேஸி ப⁴க³வா தஸ்ஸானுகம்பாய, தங் பு⁴ஞ்ஜித்வா அனுமோத³னங் வத்வா பக்காமி. ஸோ தேனேவ புஞ்ஞேன தேனேவ ஸோமனஸ்ஸேன ததோ சுதோ ஸுக³தீஸு ஸங்ஸரந்தோ ச² காமாவசரஸம்பத்தியோ அனுப⁴வித்வா மனுஸ்ஸேஸு சக்கவத்திஸம்பத்திஆத³யோ அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி.
Giriduggacaro āsintiādikaṃ āyasmato sucintitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavantappadese nesādakule uppanno migasūkarādayo vadhitvā khādanto viharati. Tadā lokanātho lokānuggahaṃ sattānuddayatañca paṭicca himavantamagamāsi. Tadā so nesādo bhagavantaṃ disvā pasannamānaso attano khādanatthāya ānītaṃ varamadhuramaṃsaṃ adāsi. Paṭiggahesi bhagavā tassānukampāya, taṃ bhuñjitvā anumodanaṃ vatvā pakkāmi. So teneva puññena teneva somanassena tato cuto sugatīsu saṃsaranto cha kāmāvacarasampattiyo anubhavitvā manussesu cakkavattisampattiādayo anubhavitvā imasmiṃ buddhuppāde kulagehe nibbatto satthari pasīditvā pabbajito nacirasseva arahā ahosi.
36. சதுபடிஸம்பி⁴தா³பஞ்சாபி⁴ஞ்ஞாதி³பே⁴த³ங் பத்வா அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கி³ரிது³க்³க³சரோ ஆஸிந்திஆதி³மாஹ. கி³ரதி ஸத்³த³ங் கரோதீதி கி³ரி, கோ ஸோ? ஸிலாபங்ஸுமயபப்³ப³தோ, து³ட்டு² து³க்கே²ன க³மனீயங் து³க்³க³ங், கி³ரீஹி து³க்³க³ங் கி³ரிது³க்³க³ங், து³க்³க³மோதி அத்தோ². தஸ்மிங் கி³ரிது³க்³கே³ பப்³ப³தந்தரே சரோ சரணஸீலோ ஆஸிங் அஹோஸிங். அபி⁴ஜாதோவ கேஸரீதி அபி⁴ விஸேஸேன ஜாதோ நிப்³ப³த்தோ கேஸரீவ கேஸரஸீஹோ இவ கி³ரிது³க்³க³ஸ்மிங் சராமீதி அத்தோ².
36. Catupaṭisambhidāpañcābhiññādibhedaṃ patvā attano pubbakammaṃ saritvā somanassajāto pubbacaritāpadānaṃ pakāsento giriduggacaro āsintiādimāha. Girati saddaṃ karotīti giri, ko so? Silāpaṃsumayapabbato, duṭṭhu dukkhena gamanīyaṃ duggaṃ, girīhi duggaṃ giriduggaṃ, duggamoti attho. Tasmiṃ giridugge pabbatantare caro caraṇasīlo āsiṃ ahosiṃ. Abhijātova kesarīti abhi visesena jāto nibbatto kesarīva kesarasīho iva giriduggasmiṃ carāmīti attho.
40. கி³ரிது³க்³க³ங் பவிஸிங் அஹந்தி அஹங் ததா³ தேன மங்ஸதா³னேன பீதிஸோமனஸ்ஸஜாதோ பப்³ப³தந்தரங் பாவிஸிங். ஸேஸங் உத்தானத்த²மேவாதி.
40.Giriduggaṃ pavisiṃ ahanti ahaṃ tadā tena maṃsadānena pītisomanassajāto pabbatantaraṃ pāvisiṃ. Sesaṃ uttānatthamevāti.
ஸுசிந்திதத்தே²ரஅபதா³னவண்ணனா ஸமத்தா.
Sucintitattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. ஸுசிந்திதத்தே²ரஅபதா³னங் • 6. Sucintitattheraapadānaṃ
