| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. сужинд̇ид̇ад̇т̇зраабад̣̇аанаван̣н̣анаа
6. Sucintitattheraapadānavaṇṇanā
г̇ирид̣̇уг̇г̇ажаро аасинд̇иаад̣̇игам̣ ааяасмад̇о сужинд̇ид̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз химаванд̇аббад̣̇зсз нзсаад̣̇агулз уббанно миг̇асуугараад̣̇аяо вад̇хид̇ваа каад̣̇анд̇о вихарад̇и. д̇ад̣̇аа логанаат̇о логаануг̇г̇ахам̣ сад̇д̇аануд̣̇д̣̇аяад̇ан̃жа бадижжа химаванд̇амаг̇амааси. д̇ад̣̇аа со нзсаад̣̇о бхаг̇аванд̇ам̣ д̣̇исваа басаннамаанасо ад̇д̇ано каад̣̇анад̇т̇ааяа аанийд̇ам̣ варамад̇хурамам̣сам̣ ад̣̇ааси. бадиг̇г̇ахзси бхаг̇аваа д̇ассаанугамбааяа, д̇ам̣ бхун̃ж̇ид̇ваа анумод̣̇анам̣ вад̇ваа баггаами. со д̇знзва бун̃н̃зна д̇знзва соманассзна д̇ад̇о жуд̇о суг̇ад̇ийсу сам̣саранд̇о ча гаамааважарасамбад̇д̇ияо анубхавид̇ваа мануссзсу жаггавад̇д̇исамбад̇д̇иаад̣̇аяо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Giriduggacaro āsintiādikaṃ āyasmato sucintitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavantappadese nesādakule uppanno migasūkarādayo vadhitvā khādanto viharati. Tadā lokanātho lokānuggahaṃ sattānuddayatañca paṭicca himavantamagamāsi. Tadā so nesādo bhagavantaṃ disvā pasannamānaso attano khādanatthāya ānītaṃ varamadhuramaṃsaṃ adāsi. Paṭiggahesi bhagavā tassānukampāya, taṃ bhuñjitvā anumodanaṃ vatvā pakkāmi. So teneva puññena teneva somanassena tato cuto sugatīsu saṃsaranto cha kāmāvacarasampattiyo anubhavitvā manussesu cakkavattisampattiādayo anubhavitvā imasmiṃ buddhuppāde kulagehe nibbatto satthari pasīditvā pabbajito nacirasseva arahā ahosi.
36. жад̇убадисамбхид̣̇аабан̃жаабхин̃н̃аад̣̇ибхзд̣̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о г̇ирид̣̇уг̇г̇ажаро аасинд̇иаад̣̇имааха. г̇ирад̇и сад̣̇д̣̇ам̣ гарод̇ийд̇и г̇ири, го со? силаабам̣сумаяабаб̣б̣ад̇о, д̣̇удту д̣̇угкзна г̇аманийяам̣ д̣̇уг̇г̇ам̣, г̇ирийхи д̣̇уг̇г̇ам̣ г̇ирид̣̇уг̇г̇ам̣, д̣̇уг̇г̇амод̇и ад̇т̇о. д̇асмим̣ г̇ирид̣̇уг̇г̇з баб̣б̣ад̇анд̇арз жаро жаран̣асийло аасим̣ ахосим̣. абхиж̇аад̇ова гзсарийд̇и абхи висзсзна ж̇аад̇о ниб̣б̣ад̇д̇о гзсарийва гзсарасийхо ива г̇ирид̣̇уг̇г̇асмим̣ жараамийд̇и ад̇т̇о.
36. Catupaṭisambhidāpañcābhiññādibhedaṃ patvā attano pubbakammaṃ saritvā somanassajāto pubbacaritāpadānaṃ pakāsento giriduggacaro āsintiādimāha. Girati saddaṃ karotīti giri, ko so? Silāpaṃsumayapabbato, duṭṭhu dukkhena gamanīyaṃ duggaṃ, girīhi duggaṃ giriduggaṃ, duggamoti attho. Tasmiṃ giridugge pabbatantare caro caraṇasīlo āsiṃ ahosiṃ. Abhijātova kesarīti abhi visesena jāto nibbatto kesarīva kesarasīho iva giriduggasmiṃ carāmīti attho.
40. г̇ирид̣̇уг̇г̇ам̣ бависим̣ аханд̇и ахам̣ д̇ад̣̇аа д̇зна мам̣сад̣̇аанзна бийд̇исоманассаж̇аад̇о баб̣б̣ад̇анд̇арам̣ баависим̣. сзсам̣ уд̇д̇аанад̇т̇амзваад̇и.
40.Giriduggaṃ pavisiṃ ahanti ahaṃ tadā tena maṃsadānena pītisomanassajāto pabbatantaraṃ pāvisiṃ. Sesaṃ uttānatthamevāti.
сужинд̇ид̇ад̇т̇зраабад̣̇аанаван̣н̣анаа самад̇д̇аа.
Sucintitattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. сужинд̇ид̇ад̇т̇зраабад̣̇аанам̣ • 6. Sucintitattheraapadānaṃ
