| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਸੁਚਿਨ੍ਤਿਤਤ੍ਥੇਰਅਪਦਾਨવਣ੍ਣਨਾ
6. Sucintitattheraapadānavaṇṇanā
ਗਿਰਿਦੁਗ੍ਗਚਰੋ ਆਸਿਨ੍ਤਿਆਦਿਕਂ ਆਯਸ੍ਮਤੋ ਸੁਚਿਨ੍ਤਿਤਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਹਿਮવਨ੍ਤਪ੍ਪਦੇਸੇ ਨੇਸਾਦਕੁਲੇ ਉਪ੍ਪਨ੍ਨੋ ਮਿਗਸੂਕਰਾਦਯੋ વਧਿਤ੍વਾ ਖਾਦਨ੍ਤੋ વਿਹਰਤਿ। ਤਦਾ ਲੋਕਨਾਥੋ ਲੋਕਾਨੁਗ੍ਗਹਂ ਸਤ੍ਤਾਨੁਦ੍ਦਯਤਞ੍ਚ ਪਟਿਚ੍ਚ ਹਿਮવਨ੍ਤਮਗਮਾਸਿ। ਤਦਾ ਸੋ ਨੇਸਾਦੋ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਅਤ੍ਤਨੋ ਖਾਦਨਤ੍ਥਾਯ ਆਨੀਤਂ વਰਮਧੁਰਮਂਸਂ ਅਦਾਸਿ। ਪਟਿਗ੍ਗਹੇਸਿ ਭਗવਾ ਤਸ੍ਸਾਨੁਕਮ੍ਪਾਯ, ਤਂ ਭੁਞ੍ਜਿਤ੍વਾ ਅਨੁਮੋਦਨਂ વਤ੍વਾ ਪਕ੍ਕਾਮਿ। ਸੋ ਤੇਨੇવ ਪੁਞ੍ਞੇਨ ਤੇਨੇવ ਸੋਮਨਸ੍ਸੇਨ ਤਤੋ ਚੁਤੋ ਸੁਗਤੀਸੁ ਸਂਸਰਨ੍ਤੋ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚਕ੍ਕવਤ੍ਤਿਸਮ੍ਪਤ੍ਤਿਆਦਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Giriduggacaro āsintiādikaṃ āyasmato sucintitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavantappadese nesādakule uppanno migasūkarādayo vadhitvā khādanto viharati. Tadā lokanātho lokānuggahaṃ sattānuddayatañca paṭicca himavantamagamāsi. Tadā so nesādo bhagavantaṃ disvā pasannamānaso attano khādanatthāya ānītaṃ varamadhuramaṃsaṃ adāsi. Paṭiggahesi bhagavā tassānukampāya, taṃ bhuñjitvā anumodanaṃ vatvā pakkāmi. So teneva puññena teneva somanassena tato cuto sugatīsu saṃsaranto cha kāmāvacarasampattiyo anubhavitvā manussesu cakkavattisampattiādayo anubhavitvā imasmiṃ buddhuppāde kulagehe nibbatto satthari pasīditvā pabbajito nacirasseva arahā ahosi.
੩੬. ਚਤੁਪਟਿਸਮ੍ਭਿਦਾਪਞ੍ਚਾਭਿਞ੍ਞਾਦਿਭੇਦਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਗਿਰਿਦੁਗ੍ਗਚਰੋ ਆਸਿਨ੍ਤਿਆਦਿਮਾਹ। ਗਿਰਤਿ ਸਦ੍ਦਂ ਕਰੋਤੀਤਿ ਗਿਰਿ, ਕੋ ਸੋ? ਸਿਲਾਪਂਸੁਮਯਪਬ੍ਬਤੋ, ਦੁਟ੍ਠੁ ਦੁਕ੍ਖੇਨ ਗਮਨੀਯਂ ਦੁਗ੍ਗਂ, ਗਿਰੀਹਿ ਦੁਗ੍ਗਂ ਗਿਰਿਦੁਗ੍ਗਂ, ਦੁਗ੍ਗਮੋਤਿ ਅਤ੍ਥੋ। ਤਸ੍ਮਿਂ ਗਿਰਿਦੁਗ੍ਗੇ ਪਬ੍ਬਤਨ੍ਤਰੇ ਚਰੋ ਚਰਣਸੀਲੋ ਆਸਿਂ ਅਹੋਸਿਂ। ਅਭਿਜਾਤੋવ ਕੇਸਰੀਤਿ ਅਭਿ વਿਸੇਸੇਨ ਜਾਤੋ ਨਿਬ੍ਬਤ੍ਤੋ ਕੇਸਰੀવ ਕੇਸਰਸੀਹੋ ਇવ ਗਿਰਿਦੁਗ੍ਗਸ੍ਮਿਂ ਚਰਾਮੀਤਿ ਅਤ੍ਥੋ।
36. Catupaṭisambhidāpañcābhiññādibhedaṃ patvā attano pubbakammaṃ saritvā somanassajāto pubbacaritāpadānaṃ pakāsento giriduggacaro āsintiādimāha. Girati saddaṃ karotīti giri, ko so? Silāpaṃsumayapabbato, duṭṭhu dukkhena gamanīyaṃ duggaṃ, girīhi duggaṃ giriduggaṃ, duggamoti attho. Tasmiṃ giridugge pabbatantare caro caraṇasīlo āsiṃ ahosiṃ. Abhijātova kesarīti abhi visesena jāto nibbatto kesarīva kesarasīho iva giriduggasmiṃ carāmīti attho.
੪੦. ਗਿਰਿਦੁਗ੍ਗਂ ਪવਿਸਿਂ ਅਹਨ੍ਤਿ ਅਹਂ ਤਦਾ ਤੇਨ ਮਂਸਦਾਨੇਨ ਪੀਤਿਸੋਮਨਸ੍ਸਜਾਤੋ ਪਬ੍ਬਤਨ੍ਤਰਂ ਪਾવਿਸਿਂ। ਸੇਸਂ ਉਤ੍ਤਾਨਤ੍ਥਮੇવਾਤਿ।
40.Giriduggaṃ pavisiṃ ahanti ahaṃ tadā tena maṃsadānena pītisomanassajāto pabbatantaraṃ pāvisiṃ. Sesaṃ uttānatthamevāti.
ਸੁਚਿਨ੍ਤਿਤਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sucintitattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਸੁਚਿਨ੍ਤਿਤਤ੍ਥੇਰਅਪਦਾਨਂ • 6. Sucintitattheraapadānaṃ
