| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. суд̣̇ассанад̇т̇зраабад̣̇аанаван̣н̣анаа
2. Sudassanattheraapadānavaṇṇanā
вид̇т̇ад̇ааяа над̣̇ийд̇ийрзд̇иаад̣̇игам̣ ааяасмад̇о суд̣̇ассанад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз гад̇абун̃н̃уубажаяо сикисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇хиббад̇д̇о гхарааваасам̣ сан̣табзд̇ваа васанд̇о вид̇т̇ад̇ааяа наама г̇ан̇г̇ааяа самийбз билагкупалид̇ам̣ бариязсанд̇о д̇ассаа д̇ийрз нисиннам̣ ж̇аламаанааг̇г̇исикам̣ ива сиким̣ саммаасамб̣уд̣̇д̇хам̣ д̣̇исваа басаннамаанасо гзд̇агийбубпам̣ ван̣дзнзва чинд̣̇ид̇ваа бууж̇знд̇о звамааха – ‘‘бханд̇з, язна н̃аан̣зна д̇вам̣ звам̣ махаанубхааво саб̣б̣ан̃н̃уб̣уд̣̇д̇хо ж̇аад̇о, д̇ам̣ н̃аан̣ам̣ ахам̣ бууж̇змий’’д̇и. ат̇а бхаг̇аваа анумод̣̇анамагааси. со д̇зна бун̃н̃зна д̣̇звамануссзсу ж̇аад̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о сад̇т̇ари басанно баб̣б̣аж̇ид̇ваа нажирассзва арахаа ахоси.
Vitthatāya nadītīretiādikaṃ āyasmato sudassanattherassa apadānaṃ. Ayampi purimajinavaresu katādhikāro tattha tattha bhave katapuññūpacayo sikhissa bhagavato kāle kulagehe nibbatto vuddhippatto gharāvāsaṃ saṇṭhapetvā vasanto vitthatāya nāma gaṅgāya samīpe pilakkhuphalitaṃ pariyesanto tassā tīre nisinnaṃ jalamānaaggisikhaṃ iva sikhiṃ sammāsambuddhaṃ disvā pasannamānaso ketakīpupphaṃ vaṇṭeneva chinditvā pūjento evamāha – ‘‘bhante, yena ñāṇena tvaṃ evaṃ mahānubhāvo sabbaññubuddho jāto, taṃ ñāṇaṃ ahaṃ pūjemī’’ti. Atha bhagavā anumodanamakāsi. So tena puññena devamanussesu jāto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto satthari pasanno pabbajitvā nacirasseva arahā ahosi.
10. со ад̇д̇ано гад̇агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вид̇т̇ад̇ааяа над̣̇ийд̇ийрзд̇иаад̣̇имааха. д̇ад̇т̇а вид̇т̇ад̇ааяаад̇и вид̇т̇арад̇и бад̇т̇арад̇и вид̇т̇ин̣н̣аа ход̇ийд̇и вид̇т̇ад̇аа, над̣̇анд̇и сад̣̇д̣̇ам̣ гаронд̇и ид̇аа г̇ад̇аа бавад̇д̇аад̇и над̣̇ий, над̣̇им̣ д̇аранд̇аа зд̇ам̣ бад̇ваа д̇ин̣н̣аа наама хонд̇ийд̇и д̇ийрам̣, д̇ассаа вид̇т̇ад̇ааяа над̣̇ияаа д̇ийрз д̇ийрасамийбзд̇и ад̇т̇о. гзд̇агим̣ бубпид̇ам̣ д̣̇исваад̇и гужчид̇аагаарзна г̇ан̣ханд̇аанам̣ хад̇т̇ам̣ ган̣д̣аго чинд̣̇ад̇и виж̇жхад̇ийд̇и гзд̇ам̣, гзд̇асса зсаа гзд̇агийбубпам̣, д̇ам̣ д̣̇исваа ван̣дам̣ чинд̣̇ид̇ваад̇и самб̣анд̇хо.
10. So attano katakusalaṃ saritvā somanassajāto pubbacaritāpadānaṃ pakāsento vitthatāya nadītīretiādimāha. Tattha vitthatāyāti vittharati pattharati vitthiṇṇā hotīti vitthatā, nadanti saddaṃ karonti itā gatā pavattāti nadī, nadiṃ tarantā etaṃ patvā tiṇṇā nāma hontīti tīraṃ, tassā vitthatāya nadiyā tīre tīrasamīpeti attho. Ketakiṃ pupphitaṃ disvāti kucchitākārena gaṇhantānaṃ hatthaṃ kaṇḍako chindati vijjhatīti ketaṃ, ketassa esā ketakīpupphaṃ, taṃ disvā vaṇṭaṃ chinditvāti sambandho.
11. сикино логаб̣анд̇хунод̇и сикий вужжад̇и аг̇г̇и, сикийсад̣̇исаа нийлабийд̇аад̣̇ибхзд̣̇аа ж̇аламаанаа чаб̣б̣ан̣н̣агханарам̣сияо яасса со сикий, логасса сагалалогад̇д̇аяасса б̣анд̇ху н̃аад̇агод̇и логаб̣анд̇ху, д̇асса сикино логаб̣анд̇хуно гзд̇агийбубпам̣ ван̣дз чинд̣̇ид̇ваа бууж̇зсинд̇и самб̣анд̇хо. сзсам̣ уд̇д̇аанад̇т̇амзваад̇и.
11.Sikhino lokabandhunoti sikhī vuccati aggi, sikhīsadisā nīlapītādibhedā jalamānā chabbaṇṇaghanaraṃsiyo yassa so sikhī, lokassa sakalalokattayassa bandhu ñātakoti lokabandhu, tassa sikhino lokabandhuno ketakīpupphaṃ vaṇṭe chinditvā pūjesinti sambandho. Sesaṃ uttānatthamevāti.
суд̣̇ассанад̇т̇зраабад̣̇аанаван̣н̣анаа самад̇д̇аа.
Sudassanattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. суд̣̇ассанад̇т̇зраабад̣̇аанам̣ • 2. Sudassanattheraapadānaṃ
