| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਸੁਦਸ੍ਸਨਤ੍ਥੇਰਅਪਦਾਨવਣ੍ਣਨਾ
2. Sudassanattheraapadānavaṇṇanā
વਿਤ੍ਥਤਾਯ ਨਦੀਤੀਰੇਤਿਆਦਿਕਂ ਆਯਸ੍ਮਤੋ ਸੁਦਸ੍ਸਨਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਕਤਪੁਞ੍ਞੂਪਚਯੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ વਸਨ੍ਤੋ વਿਤ੍ਥਤਾਯ ਨਾਮ ਗਙ੍ਗਾਯ ਸਮੀਪੇ ਪਿਲਕ੍ਖੁਫਲਿਤਂ ਪਰਿਯੇਸਨ੍ਤੋ ਤਸ੍ਸਾ ਤੀਰੇ ਨਿਸਿਨ੍ਨਂ ਜਲਮਾਨਅਗ੍ਗਿਸਿਖਂ ਇવ ਸਿਖਿਂ ਸਮ੍ਮਾਸਮ੍ਬੁਦ੍ਧਂ ਦਿਸ੍વਾ ਪਸਨ੍ਨਮਾਨਸੋ ਕੇਤਕੀਪੁਪ੍ਫਂ વਣ੍ਟੇਨੇવ ਛਿਨ੍ਦਿਤ੍વਾ ਪੂਜੇਨ੍ਤੋ ਏવਮਾਹ – ‘‘ਭਨ੍ਤੇ, ਯੇਨ ਞਾਣੇਨ ਤ੍વਂ ਏવਂ ਮਹਾਨੁਭਾવੋ ਸਬ੍ਬਞ੍ਞੁਬੁਦ੍ਧੋ ਜਾਤੋ, ਤਂ ਞਾਣਂ ਅਹਂ ਪੂਜੇਮੀ’’ਤਿ। ਅਥ ਭਗવਾ ਅਨੁਮੋਦਨਮਕਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਜਾਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Vitthatāya nadītīretiādikaṃ āyasmato sudassanattherassa apadānaṃ. Ayampi purimajinavaresu katādhikāro tattha tattha bhave katapuññūpacayo sikhissa bhagavato kāle kulagehe nibbatto vuddhippatto gharāvāsaṃ saṇṭhapetvā vasanto vitthatāya nāma gaṅgāya samīpe pilakkhuphalitaṃ pariyesanto tassā tīre nisinnaṃ jalamānaaggisikhaṃ iva sikhiṃ sammāsambuddhaṃ disvā pasannamānaso ketakīpupphaṃ vaṇṭeneva chinditvā pūjento evamāha – ‘‘bhante, yena ñāṇena tvaṃ evaṃ mahānubhāvo sabbaññubuddho jāto, taṃ ñāṇaṃ ahaṃ pūjemī’’ti. Atha bhagavā anumodanamakāsi. So tena puññena devamanussesu jāto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto satthari pasanno pabbajitvā nacirasseva arahā ahosi.
੧੦. ਸੋ ਅਤ੍ਤਨੋ ਕਤਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਤ੍ਥਤਾਯ ਨਦੀਤੀਰੇਤਿਆਦਿਮਾਹ। ਤਤ੍ਥ વਿਤ੍ਥਤਾਯਾਤਿ વਿਤ੍ਥਰਤਿ ਪਤ੍ਥਰਤਿ વਿਤ੍ਥਿਣ੍ਣਾ ਹੋਤੀਤਿ વਿਤ੍ਥਤਾ, ਨਦਨ੍ਤਿ ਸਦ੍ਦਂ ਕਰੋਨ੍ਤਿ ਇਤਾ ਗਤਾ ਪવਤ੍ਤਾਤਿ ਨਦੀ, ਨਦਿਂ ਤਰਨ੍ਤਾ ਏਤਂ ਪਤ੍વਾ ਤਿਣ੍ਣਾ ਨਾਮ ਹੋਨ੍ਤੀਤਿ ਤੀਰਂ, ਤਸ੍ਸਾ વਿਤ੍ਥਤਾਯ ਨਦਿਯਾ ਤੀਰੇ ਤੀਰਸਮੀਪੇਤਿ ਅਤ੍ਥੋ। ਕੇਤਕਿਂ ਪੁਪ੍ਫਿਤਂ ਦਿਸ੍વਾਤਿ ਕੁਚ੍ਛਿਤਾਕਾਰੇਨ ਗਣ੍ਹਨ੍ਤਾਨਂ ਹਤ੍ਥਂ ਕਣ੍ਡਕੋ ਛਿਨ੍ਦਤਿ વਿਜ੍ਝਤੀਤਿ ਕੇਤਂ, ਕੇਤਸ੍ਸ ਏਸਾ ਕੇਤਕੀਪੁਪ੍ਫਂ, ਤਂ ਦਿਸ੍વਾ વਣ੍ਟਂ ਛਿਨ੍ਦਿਤ੍વਾਤਿ ਸਮ੍ਬਨ੍ਧੋ।
10. So attano katakusalaṃ saritvā somanassajāto pubbacaritāpadānaṃ pakāsento vitthatāya nadītīretiādimāha. Tattha vitthatāyāti vittharati pattharati vitthiṇṇā hotīti vitthatā, nadanti saddaṃ karonti itā gatā pavattāti nadī, nadiṃ tarantā etaṃ patvā tiṇṇā nāma hontīti tīraṃ, tassā vitthatāya nadiyā tīre tīrasamīpeti attho. Ketakiṃ pupphitaṃ disvāti kucchitākārena gaṇhantānaṃ hatthaṃ kaṇḍako chindati vijjhatīti ketaṃ, ketassa esā ketakīpupphaṃ, taṃ disvā vaṇṭaṃ chinditvāti sambandho.
੧੧. ਸਿਖਿਨੋ ਲੋਕਬਨ੍ਧੁਨੋਤਿ ਸਿਖੀ વੁਚ੍ਚਤਿ ਅਗ੍ਗਿ, ਸਿਖੀਸਦਿਸਾ ਨੀਲਪੀਤਾਦਿਭੇਦਾ ਜਲਮਾਨਾ ਛਬ੍ਬਣ੍ਣਘਨਰਂਸਿਯੋ ਯਸ੍ਸ ਸੋ ਸਿਖੀ, ਲੋਕਸ੍ਸ ਸਕਲਲੋਕਤ੍ਤਯਸ੍ਸ ਬਨ੍ਧੁ ਞਾਤਕੋਤਿ ਲੋਕਬਨ੍ਧੁ, ਤਸ੍ਸ ਸਿਖਿਨੋ ਲੋਕਬਨ੍ਧੁਨੋ ਕੇਤਕੀਪੁਪ੍ਫਂ વਣ੍ਟੇ ਛਿਨ੍ਦਿਤ੍વਾ ਪੂਜੇਸਿਨ੍ਤਿ ਸਮ੍ਬਨ੍ਧੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
11.Sikhino lokabandhunoti sikhī vuccati aggi, sikhīsadisā nīlapītādibhedā jalamānā chabbaṇṇaghanaraṃsiyo yassa so sikhī, lokassa sakalalokattayassa bandhu ñātakoti lokabandhu, tassa sikhino lokabandhuno ketakīpupphaṃ vaṇṭe chinditvā pūjesinti sambandho. Sesaṃ uttānatthamevāti.
ਸੁਦਸ੍ਸਨਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sudassanattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਸੁਦਸ੍ਸਨਤ੍ਥੇਰਅਪਦਾਨਂ • 2. Sudassanattheraapadānaṃ
