| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. сууд̣̇асуд̇д̇ам̣
8. Sūdasuttaṃ
374. ‘‘сзяяат̇ааби, бхигкавз, б̣аало аб̣яад̇д̇о агусало сууд̣̇о рааж̇аанам̣ ваа рааж̇амахаамад̇д̇ам̣ ваа 1 наанажжаязхи суубзхи бажжубадтид̇о асса – амб̣илаг̇г̇зхиби, д̇ид̇д̇агаг̇г̇зхиби, гадугаг̇г̇зхиби, мад̇хураг̇г̇зхиби, кааригзхиби, акааригзхиби, лон̣игзхиби, алон̣игзхиби.
374. ‘‘Seyyathāpi, bhikkhave, bālo abyatto akusalo sūdo rājānaṃ vā rājamahāmattaṃ vā 2 nānaccayehi sūpehi paccupaṭṭhito assa – ambilaggehipi, tittakaggehipi, kaṭukaggehipi, madhuraggehipi, khārikehipi, akhārikehipi, loṇikehipi, aloṇikehipi.
‘‘са ко со, бхигкавз, б̣аало аб̣яад̇д̇о агусало сууд̣̇о сагасса бхад̇д̇у нимид̇д̇ам̣ на уг̇г̇ан̣хаад̇и – ‘ид̣̇ам̣ ваа мз аж̇ж̇а бхад̇д̇у суубзяяам̣ ружжад̇и, имасса ваа абхихарад̇и, имасса ваа б̣ахум̣ г̇ан̣хаад̇и, имасса ваа ван̣н̣ам̣ бхаасад̇и. амб̣илаг̇г̇ам̣ ваа мз аж̇ж̇а бхад̇д̇у суубзяяам̣ ружжад̇и , амб̣илаг̇г̇асса ваа абхихарад̇и, амб̣илаг̇г̇асса ваа б̣ахум̣ г̇ан̣хаад̇и, амб̣илаг̇г̇асса ваа ван̣н̣ам̣ бхаасад̇и. д̇ид̇д̇агаг̇г̇ам̣ ваа мз аж̇ж̇а… гадугаг̇г̇ам̣ ваа мз аж̇ж̇а… мад̇хураг̇г̇ам̣ ваа мз аж̇ж̇а… кааригам̣ ваа мз аж̇ж̇а… акааригам̣ ваа мз аж̇ж̇а… лон̣игам̣ ваа мз аж̇ж̇а… алон̣игам̣ ваа мз аж̇ж̇а бхад̇д̇у суубзяяам̣ ружжад̇и, алон̣игасса ваа абхихарад̇и, алон̣игасса ваа б̣ахум̣ г̇ан̣хаад̇и, алон̣игасса ваа ван̣н̣ам̣ бхаасад̇ий’’’д̇и.
‘‘Sa kho so, bhikkhave, bālo abyatto akusalo sūdo sakassa bhattu nimittaṃ na uggaṇhāti – ‘idaṃ vā me ajja bhattu sūpeyyaṃ ruccati, imassa vā abhiharati, imassa vā bahuṃ gaṇhāti, imassa vā vaṇṇaṃ bhāsati. Ambilaggaṃ vā me ajja bhattu sūpeyyaṃ ruccati , ambilaggassa vā abhiharati, ambilaggassa vā bahuṃ gaṇhāti, ambilaggassa vā vaṇṇaṃ bhāsati. Tittakaggaṃ vā me ajja… kaṭukaggaṃ vā me ajja… madhuraggaṃ vā me ajja… khārikaṃ vā me ajja… akhārikaṃ vā me ajja… loṇikaṃ vā me ajja… aloṇikaṃ vā me ajja bhattu sūpeyyaṃ ruccati, aloṇikassa vā abhiharati, aloṇikassa vā bahuṃ gaṇhāti, aloṇikassa vā vaṇṇaṃ bhāsatī’’’ti.
‘‘са ко со, бхигкавз, б̣аало аб̣яад̇д̇о агусало сууд̣̇о на жзва лаабхий ход̇и ажчаад̣̇анасса, на лаабхий взд̇анасса, на лаабхий абхихаараанам̣. д̇ам̣ гисса хзд̇у? д̇ат̇аа хи со, бхигкавз, б̣аало аб̣яад̇д̇о агусало сууд̣̇о сагасса бхад̇д̇у нимид̇д̇ам̣ на уг̇г̇ан̣хаад̇и. звамзва ко, бхигкавз, ид̇хзгажжо б̣аало аб̣яад̇д̇о агусало бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса гааяз гааяаанубассино вихарад̇о жид̇д̇ам̣ на самаад̇хияад̇и, убаггилзсаа на бахийяанд̇и. со д̇ам̣ нимид̇д̇ам̣ на уг̇г̇ан̣хаад̇и. взд̣̇анаасу взд̣̇анаанубассий вихарад̇и…бз… жид̇д̇з жид̇д̇аанубассий вихарад̇и …бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о жид̇д̇ам̣ на самаад̇хияад̇и, убаггилзсаа на бахийяанд̇и. со д̇ам̣ нимид̇д̇ам̣ на уг̇г̇ан̣хаад̇и.
‘‘Sa kho so, bhikkhave, bālo abyatto akusalo sūdo na ceva lābhī hoti acchādanassa, na lābhī vetanassa, na lābhī abhihārānaṃ. Taṃ kissa hetu? Tathā hi so, bhikkhave, bālo abyatto akusalo sūdo sakassa bhattu nimittaṃ na uggaṇhāti. Evameva kho, bhikkhave, idhekacco bālo abyatto akusalo bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato cittaṃ na samādhiyati, upakkilesā na pahīyanti. So taṃ nimittaṃ na uggaṇhāti. Vedanāsu vedanānupassī viharati…pe… citte cittānupassī viharati …pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato cittaṃ na samādhiyati, upakkilesā na pahīyanti. So taṃ nimittaṃ na uggaṇhāti.
‘‘са ко со, бхигкавз, б̣аало аб̣яад̇д̇о агусало бхигку на жзва лаабхий ход̇и д̣̇идтзва д̇хаммз сукавихаараанам̣, на лаабхий сад̇исамбаж̇ан̃н̃асса . д̇ам̣ гисса хзд̇у? д̇ат̇аа хи со, бхигкавз, б̣аало аб̣яад̇д̇о агусало бхигку сагасса жид̇д̇асса нимид̇д̇ам̣ на уг̇г̇ан̣хаад̇и.
‘‘Sa kho so, bhikkhave, bālo abyatto akusalo bhikkhu na ceva lābhī hoti diṭṭheva dhamme sukhavihārānaṃ, na lābhī satisampajaññassa . Taṃ kissa hetu? Tathā hi so, bhikkhave, bālo abyatto akusalo bhikkhu sakassa cittassa nimittaṃ na uggaṇhāti.
‘‘сзяяат̇ааби, бхигкавз, бан̣д̣ид̇о б̣яад̇д̇о гусало сууд̣̇о рааж̇аанам̣ ваа рааж̇амахаамад̇д̇ам̣ ваа наанажжаязхи суубзхи бажжубадтид̇о асса – амб̣илаг̇г̇зхиби, д̇ид̇д̇агаг̇г̇зхиби, гадугаг̇г̇зхиби, мад̇хураг̇г̇зхиби, кааригзхиби, акааригзхиби, лон̣игзхиби, алон̣игзхиби.
‘‘Seyyathāpi, bhikkhave, paṇḍito byatto kusalo sūdo rājānaṃ vā rājamahāmattaṃ vā nānaccayehi sūpehi paccupaṭṭhito assa – ambilaggehipi, tittakaggehipi, kaṭukaggehipi, madhuraggehipi, khārikehipi, akhārikehipi, loṇikehipi, aloṇikehipi.
‘‘са ко со, бхигкавз, бан̣д̣ид̇о б̣яад̇д̇о гусало сууд̣̇о сагасса бхад̇д̇у нимид̇д̇ам̣ уг̇г̇ан̣хаад̇и – ‘ид̣̇ам̣ ваа мз аж̇ж̇а бхад̇д̇у суубзяяам̣ ружжад̇и, имасса ваа абхихарад̇и, имасса ваа б̣ахум̣ г̇ан̣хаад̇и, имасса ваа ван̣н̣ам̣ бхаасад̇и. амб̣илаг̇г̇ам̣ ваа мз аж̇ж̇а бхад̇д̇у суубзяяам̣ ружжад̇и , амб̣илаг̇г̇асса ваа абхихарад̇и, амб̣илаг̇г̇асса ваа б̣ахум̣ г̇ан̣хаад̇и, амб̣илаг̇г̇асса ваа ван̣н̣ам̣ бхаасад̇и. д̇ид̇д̇агаг̇г̇ам̣ ваа мз аж̇ж̇а… гадугаг̇г̇ам̣ ваа мз аж̇ж̇а… мад̇хураг̇г̇ам̣ ваа мз аж̇ж̇а… кааригам̣ ваа мз аж̇ж̇а… акааригам̣ ваа мз аж̇ж̇а… лон̣игам̣ ваа мз аж̇ж̇а… алон̣игам̣ ваа мз аж̇ж̇а бхад̇д̇у суубзяяам̣ ружжад̇и, алон̣игасса ваа абхихарад̇и, алон̣игасса ваа б̣ахум̣ г̇ан̣хаад̇и, алон̣игасса ваа ван̣н̣ам̣ бхаасад̇ий’’’д̇и.
‘‘Sa kho so, bhikkhave, paṇḍito byatto kusalo sūdo sakassa bhattu nimittaṃ uggaṇhāti – ‘idaṃ vā me ajja bhattu sūpeyyaṃ ruccati, imassa vā abhiharati, imassa vā bahuṃ gaṇhāti, imassa vā vaṇṇaṃ bhāsati. Ambilaggaṃ vā me ajja bhattu sūpeyyaṃ ruccati , ambilaggassa vā abhiharati, ambilaggassa vā bahuṃ gaṇhāti, ambilaggassa vā vaṇṇaṃ bhāsati. Tittakaggaṃ vā me ajja… kaṭukaggaṃ vā me ajja… madhuraggaṃ vā me ajja… khārikaṃ vā me ajja… akhārikaṃ vā me ajja… loṇikaṃ vā me ajja… aloṇikaṃ vā me ajja bhattu sūpeyyaṃ ruccati, aloṇikassa vā abhiharati, aloṇikassa vā bahuṃ gaṇhāti, aloṇikassa vā vaṇṇaṃ bhāsatī’’’ti.
‘‘са ко со, бхигкавз, бан̣д̣ид̇о б̣яад̇д̇о гусало сууд̣̇о лаабхий жзва ход̇и ажчаад̣̇анасса, лаабхий взд̇анасса, лаабхий абхихаараанам̣. д̇ам̣ гисса хзд̇у? д̇ат̇аа хи со, бхигкавз, бан̣д̣ид̇о б̣яад̇д̇о гусало сууд̣̇о сагасса бхад̇д̇у нимид̇д̇ам̣ уг̇г̇ан̣хаад̇и. звамзва ко, бхигкавз, ид̇хзгажжо бан̣д̣ид̇о б̣яад̇д̇о гусало бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса гааяз гааяаанубассино вихарад̇о жид̇д̇ам̣ самаад̇хияад̇и, убаггилзсаа бахийяанд̇и . со д̇ам̣ нимид̇д̇ам̣ уг̇г̇ан̣хаад̇и. взд̣̇анаасу взд̣̇анаанубассий вихарад̇и…бз… жид̇д̇з жид̇д̇аанубассий вихарад̇и…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о жид̇д̇ам̣ самаад̇хияад̇и, убаггилзсаа бахийяанд̇и. со д̇ам̣ нимид̇д̇ам̣ уг̇г̇ан̣хаад̇и.
‘‘Sa kho so, bhikkhave, paṇḍito byatto kusalo sūdo lābhī ceva hoti acchādanassa, lābhī vetanassa, lābhī abhihārānaṃ. Taṃ kissa hetu? Tathā hi so, bhikkhave, paṇḍito byatto kusalo sūdo sakassa bhattu nimittaṃ uggaṇhāti. Evameva kho, bhikkhave, idhekacco paṇḍito byatto kusalo bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato cittaṃ samādhiyati, upakkilesā pahīyanti . So taṃ nimittaṃ uggaṇhāti. Vedanāsu vedanānupassī viharati…pe… citte cittānupassī viharati…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato cittaṃ samādhiyati, upakkilesā pahīyanti. So taṃ nimittaṃ uggaṇhāti.
‘‘са ко со, бхигкавз, бан̣д̣ид̇о б̣яад̇д̇о гусало бхигку лаабхий жзва ход̇и д̣̇идтзва д̇хаммз сукавихаараанам̣, лаабхий ход̇и сад̇исамбаж̇ан̃н̃асса. д̇ам̣ гисса хзд̇у? д̇ат̇аа хи со, бхигкавз, бан̣д̣ид̇о б̣яад̇д̇о гусало бхигку сагасса жид̇д̇асса нимид̇д̇ам̣ уг̇г̇ан̣хаад̇ий’’д̇и. адтамам̣.
‘‘Sa kho so, bhikkhave, paṇḍito byatto kusalo bhikkhu lābhī ceva hoti diṭṭheva dhamme sukhavihārānaṃ, lābhī hoti satisampajaññassa. Taṃ kissa hetu? Tathā hi so, bhikkhave, paṇḍito byatto kusalo bhikkhu sakassa cittassa nimittaṃ uggaṇhātī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. сууд̣̇асуд̇д̇аван̣н̣анаа • 8. Sūdasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. сууд̣̇асуд̇д̇аван̣н̣анаа • 8. Sūdasuttavaṇṇanā
