| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஸூத³ஸுத்தவண்ணனா
8. Sūdasuttavaṇṇanā
374. அட்ட²மே ஸூதோ³தி ப⁴த்தகாரகோ. நானச்சயேஹீதி நானாசயேஹி, நானாவிதே⁴ஹீதி அத்தோ². அயமேவ வா பாடோ². அம்பி³லக்³கே³ஹீதி அம்பி³லகொட்டா²ஸேஹி. ஏஸேவ நயோ ஸப்³ப³த்த². அபி⁴ஹரதீதி க³ஹணத்தா²ய ஹத்த²ங் பஸாரேதி. ப³ஹுங் க³ண்ஹாதீதி ஏகக்³க³ஹணேன ப³ஹுங் க³ண்ஹந்தோபி புனப்புனங் க³ண்ஹந்தோபி ப³ஹுங் க³ண்ஹதேவ. அபி⁴ஹாரானந்தி ஸதங் வா ஸஹஸ்ஸங் வா உக்கி²பித்வா அபி⁴ஹடானங் தா³யானங். உபக்கிலேஸாதி பஞ்ச நீவரணா. நிமித்தங் ந உக்³க³ண்ஹாதீதி ‘‘இமங் மே கம்மட்டா²னங் அனுலோமங் வா கொ³த்ரபு⁴ங் வா ஆஹச்ச டி²த’’ந்தி ந ஜானாதி, அத்தனோ சித்தஸ்ஸ நிமித்தங் க³ண்ஹிதுங் ந ஸக்கோதி. இமஸ்மிங் ஸுத்தே புப்³ப³பா⁴க³விபஸ்ஸனா ஸதிபட்டா²னாவ கதி²தா.
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஸூத³ஸுத்தங் • 8. Sūdasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஸூத³ஸுத்தவண்ணனா • 8. Sūdasuttavaṇṇanā
