| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. сууд̣̇асуд̇д̇аван̣н̣анаа
8. Sūdasuttavaṇṇanā
374. аахаарасамбаад̣̇анзна д̇ам̣д̇ам̣аахааравад̇т̇уг̇ад̇з сууд̣̇зд̇и баг̇гхарзд̇ийд̇и сууд̣̇о, бхад̇д̇агаараго. д̣̇ахарзхи манаабад̇арам̣ ажжзд̇аб̣б̣ад̇о ад̇иггамид̇аб̣б̣ад̇о ажжаяаа, бхож̇анз расависзсаа, д̇асмаа наанажжаязхийд̇и наанаббагаарарасависзсзхийд̇и ад̇т̇о. д̇зна вуд̇д̇ам̣ ‘‘наанажжаязхий’’д̇иаад̣̇и. аг̇г̇ийяад̇и асан̇гарад̇о вибхаж̇ийяад̇ийд̇и аг̇г̇о, амб̣иламзва аг̇г̇о амб̣илаг̇г̇од̇и ааха – ‘‘амб̣илаг̇г̇зхийд̇и амб̣илагодтаасзхий’’д̇и. д̣̇аад̇ум̣ абхихарид̇аб̣б̣ад̇ааяа абхихаараа, д̣̇зяяад̇хаммаа. д̇знааха – ‘‘абхихадаанам̣ д̣̇ааяаана’’нд̇и. ид̣̇ам̣ мз гаммадтаанам̣ ануломам̣ваад̇и ид̣̇ам̣ мама гаммадтаанам̣ звам̣ бавад̇д̇амаанам̣ ануломаавасаанамзва худ̇ваа д̇идтад̇и. звам̣ буна бавад̇д̇амаанам̣ уссаггид̇ваа висзсаниб̣б̣ад̇д̇анад̇т̇амзва ход̇ийд̇и звам̣ нимид̇д̇ам̣ г̇ахзд̇ум̣ на саггод̇и б̣аало аб̣яад̇д̇о, бан̣д̣ид̇о бана саггод̇и. ад̇д̇ано жид̇д̇ассаад̇и ад̇д̇ано бхааванаажид̇д̇асса. буб̣б̣абхааг̇авибассанаа сад̇ибадтаанаава гат̇ид̇аа ‘‘сагасса жид̇д̇асса нимид̇д̇ам̣ уг̇г̇ан̣хаад̇ий’’д̇и вуд̇д̇ад̇д̇аа.
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. сууд̣̇асуд̇д̇ам̣ • 8. Sūdasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. сууд̣̇асуд̇д̇аван̣н̣анаа • 8. Sūdasuttavaṇṇanā
