| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. สูทสุตฺตวณฺณนา
8. Sūdasuttavaṇṇanā
๓๗๔. อฎฺฐเม สูโทติ ภตฺตการโกฯ นานจฺจเยหีติ นานาจเยหิ, นานาวิเธหีติ อโตฺถฯ อยเมว วา ปาโฐฯ อมฺพิลเคฺคหีติ อมฺพิลโกฎฺฐาเสหิฯ เอเสว นโย สพฺพตฺถฯ อภิหรตีติ คหณตฺถาย หตฺถํ ปสาเรติฯ พหุํ คณฺหาตีติ เอกคฺคหเณน พหุํ คณฺหโนฺตปิ ปุนปฺปุนํ คณฺหโนฺตปิ พหุํ คณฺหเตวฯ อภิหารานนฺติ สตํ วา สหสฺสํ วา อุกฺขิปิตฺวา อภิหฎานํ ทายานํฯ อุปกฺกิเลสาติ ปญฺจ นีวรณาฯ นิมิตฺตํ น อุคฺคณฺหาตีติ ‘‘อิมํ เม กมฺมฎฺฐานํ อนุโลมํ วา โคตฺรภุํ วา อาหจฺจ ฐิต’’นฺติ น ชานาติ, อตฺตโน จิตฺตสฺส นิมิตฺตํ คณฺหิตุํ น สโกฺกติฯ อิมสฺมิํ สุเตฺต ปุพฺพภาควิปสฺสนา สติปฎฺฐานาว กถิตาฯ
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. สูทสุตฺตํ • 8. Sūdasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. สูทสุตฺตวณฺณนา • 8. Sūdasuttavaṇṇanā
