| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨. សូទសុត្តវណ្ណនា
8. Sūdasuttavaṇṇanā
៣៧៤. អដ្ឋមេ សូទោតិ ភត្តការកោ។ នានច្ចយេហីតិ នានាចយេហិ, នានាវិធេហីតិ អត្ថោ។ អយមេវ វា បាឋោ។ អម្ពិលគ្គេហីតិ អម្ពិលកោដ្ឋាសេហិ។ ឯសេវ នយោ សព្ពត្ថ។ អភិហរតីតិ គហណត្ថាយ ហត្ថំ បសារេតិ។ ពហុំ គណ្ហាតីតិ ឯកគ្គហណេន ពហុំ គណ្ហន្តោបិ បុនប្បុនំ គណ្ហន្តោបិ ពហុំ គណ្ហតេវ។ អភិហារានន្តិ សតំ វា សហស្សំ វា ឧក្ខិបិត្វា អភិហដានំ ទាយានំ។ ឧបក្កិលេសាតិ បញ្ច នីវរណា។ និមិត្តំ ន ឧគ្គណ្ហាតីតិ ‘‘ឥមំ មេ កម្មដ្ឋានំ អនុលោមំ វា គោត្រភុំ វា អាហច្ច ឋិត’’ន្តិ ន ជានាតិ, អត្តនោ ចិត្តស្ស និមិត្តំ គណ្ហិតុំ ន សក្កោតិ។ ឥមស្មិំ សុត្តេ បុព្ពភាគវិបស្សនា សតិបដ្ឋានាវ កថិតា។
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. សូទសុត្តំ • 8. Sūdasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨. សូទសុត្តវណ្ណនា • 8. Sūdasuttavaṇṇanā
