| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. သူဒသုတ္တဝဏ္ဏနာ
8. Sūdasuttavaṇṇanā
၃၇၄. အာဟာရသမ္ပာဒနေန တံတံအာဟာရဝတ္ထုဂတေ သူဒေတိ ပဂ္ဃရေတီတိ သူဒော, ဘတ္တကာရကော။ ဒဟရေဟိ မနာပတရံ အစ္စေတဗ္ဗတော အတိက္ကမိတဗ္ဗတော အစ္စယာ, ဘောဇနေ ရသဝိသေသာ, တသ္မာ နာနစ္စယေဟီတိ နာနပ္ပကာရရသဝိသေသေဟီတိ အတ္ထော။ တေန ဝုတ္တံ ‘‘နာနစ္စယေဟီ’’တိအာဒိ။ အဂ္ဂီယတိ အသင္ကရတော ဝိဘဇီယတီတိ အဂ္ဂော, အမ္ဗိလမေဝ အဂ္ဂော အမ္ဗိလဂ္ဂောတိ အာဟ – ‘‘အမ္ဗိလဂ္ဂေဟီတိ အမ္ဗိလကောဋ္ဌာသေဟီ’’တိ။ ဒာတုံ အဘိဟရိတဗ္ဗတာယ အဘိဟာရာ, ဒေယ္ယဓမ္မာ။ တေနာဟ – ‘‘အဘိဟဋာနံ ဒာယာန’’န္တိ။ ဣဒံ မေ ကမ္မဋ္ဌာနံ အနုလောမံဝာတိ ဣဒံ မမ ကမ္မဋ္ဌာနံ ဧဝံ ပဝတ္တမာနံ အနုလောမာဝသာနမေဝ ဟုတ္ဝာ တိဋ္ဌတိ။ ဧဝံ ပုန ပဝတ္တမာနံ ဥသ္သက္ကိတ္ဝာ ဝိသေသနိဗ္ဗတ္တနတ္ထမေဝ ဟောတီတိ ဧဝံ နိမိတ္တံ ဂဟေတုံ န သက္ကောတိ ဗာလော အဗ္ယတ္တော, ပဏ္ဍိတော ပန သက္ကောတိ။ အတ္တနော စိတ္တသ္သာတိ အတ္တနော ဘာဝနာစိတ္တသ္သ။ ပုဗ္ဗဘာဂဝိပသ္သနာ သတိပဋ္ဌာနာဝ ကထိတာ ‘‘သကသ္သ စိတ္တသ္သ နိမိတ္တံ ဥဂ္ဂဏ္ဟာတီ’’တိ ဝုတ္တတ္တာ။
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. သူဒသုတ္တံ • 8. Sūdasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. သူဒသုတ္တဝဏ္ဏနာ • 8. Sūdasuttavaṇṇanā
