| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
8. සූදසුත්‌තවණ්‌ණනා
8. Sūdasuttavaṇṇanā
374. අට්‌ඨමෙ සූදොති භත්‌තකාරකො. නානච්‌චයෙහීති නානාචයෙහි, නානාවිධෙහීති අත්‌ථො. අයමෙව වා පාඨො. අම්‌බිලග්‌ගෙහීති අම්‌බිලකොට්‌ඨාසෙහි. එසෙව නයො සබ්‌බත්‌ථ. අභිහරතීති ගහණත්‌ථාය හත්‌ථං පසාරෙති. බහුං ගණ්‌හාතීති එකග්‌ගහණෙන බහුං ගණ්‌හන්‌තොපි පුනප්‌පුනං ගණ්‌හන්‌තොපි බහුං ගණ්‌හතෙව. අභිහාරානන්‌ති සතං වා සහස්‌සං වා උක්‌ඛිපිත්‌වා අභිහටානං දායානං. උපක්‌කිලෙසාති පඤ්‌ච නීවරණා. නිමිත්‌තං න උග්‌ගණ්‌හාතීති ‘‘ඉමං මෙ කම්‌මට්‌ඨානං අනුලොමං වා ගොත්‍රභුං වා ආහච්‌ච ඨිත’’න්‌ති න ජානාති, අත්‌තනො චිත්‌තස්‌ස නිමිත්‌තං ගණ්‌හිතුං න සක්‌කොති. ඉමස්‌මිං සුත්‌තෙ පුබ්‌බභාගවිපස්‌සනා සතිපට්‌ඨානාව කථිතා.
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 8. සූදසුත්‌තං • 8. Sūdasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8. සූදසුත්‌තවණ්‌ණනා • 8. Sūdasuttavaṇṇanā
