| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
8. සූදසුත්‌තවණ්‌ණනා
8. Sūdasuttavaṇṇanā
374. ආහාරසම්‌පාදනෙන තංතංආහාරවත්‌ථුගතෙ සූදෙති පග්‌ඝරෙතීති සූදො, භත්‌තකාරකො. දහරෙහි මනාපතරං අච්‌චෙතබ්‌බතො අතික්‌කමිතබ්‌බතො අච්‌චයා, භොජනෙ රසවිසෙසා, තස්‌මා නානච්‌චයෙහීති නානප්‌පකාරරසවිසෙසෙහීති අත්‌ථො. තෙන වුත්‌තං ‘‘නානච්‌චයෙහී’’තිආදි. අග්‌ගීයති අසඞ්‌කරතො විභජීයතීති අග්‌ගො, අම්‌බිලමෙව අග්‌ගො අම්‌බිලග්‌ගොති ආහ – ‘‘අම්‌බිලග්‌ගෙහීති අම්‌බිලකොට්‌ඨාසෙහී’’ති. දාතුං අභිහරිතබ්‌බතාය අභිහාරා, දෙය්‍යධම්‌මා. තෙනාහ – ‘‘අභිහටානං දායාන’’න්‌ති. ඉදං මෙ කම්‌මට්‌ඨානං අනුලොමංවාති ඉදං මම කම්‌මට්‌ඨානං එවං පවත්‌තමානං අනුලොමාවසානමෙව හුත්‌වා තිට්‌ඨති. එවං පුන පවත්‌තමානං උස්‌සක්‌කිත්‌වා විසෙසනිබ්‌බත්‌තනත්‌ථමෙව හොතීති එවං නිමිත්‌තං ගහෙතුං න සක්‌කොති බාලො අබ්‍යත්‌තො, පණ්‌ඩිතො පන සක්‌කොති. අත්‌තනො චිත්‌තස්‌සාති අත්‌තනො භාවනාචිත්‌තස්‌ස. පුබ්‌බභාගවිපස්‌සනා සතිපට්‌ඨානාව කථිතා ‘‘සකස්‌ස චිත්‌තස්‌ස නිමිත්‌තං උග්‌ගණ්‌හාතී’’ති වුත්‌තත්‌තා.
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 8. සූදසුත්‌තං • 8. Sūdasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8. සූදසුත්‌තවණ්‌ණනා • 8. Sūdasuttavaṇṇanā
