| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༨. སཱུདསུཏྟཝཎྞནཱ
8. Sūdasuttavaṇṇanā
༣༧༤. ཨཊྛམེ སཱུདོཏི བྷཏྟཀཱརཀོ། ནཱནཙྩཡེཧཱིཏི ནཱནཱཙཡེཧི, ནཱནཱཝིདྷེཧཱིཏི ཨཏྠོ། ཨཡམེཝ ཝཱ པཱཋོ། ཨམྦིལགྒེཧཱིཏི ཨམྦིལཀོཊྛཱསེཧི། ཨེསེཝ ནཡོ སབྦཏྠ། ཨབྷིཧརཏཱིཏི གཧཎཏྠཱཡ ཧཏྠཾ པསཱརེཏི། བཧུཾ གཎྷཱཏཱིཏི ཨེཀགྒཧཎེན བཧུཾ གཎྷནྟོཔི པུནཔྤུནཾ གཎྷནྟོཔི བཧུཾ གཎྷཏེཝ། ཨབྷིཧཱརཱནནྟི སཏཾ ཝཱ སཧསྶཾ ཝཱ ཨུཀྑིཔིཏྭཱ ཨབྷིཧཊཱནཾ དཱཡཱནཾ། ཨུཔཀྐིལེསཱཏི པཉྩ ནཱིཝརཎཱ། ནིམིཏྟཾ ན ཨུགྒཎྷཱཏཱིཏི ‘‘ཨིམཾ མེ ཀམྨཊྛཱནཾ ཨནུལོམཾ ཝཱ གོཏྲབྷུཾ ཝཱ ཨཱཧཙྩ ཋིཏ’’ནྟི ན ཛཱནཱཏི, ཨཏྟནོ ཙིཏྟསྶ ནིམིཏྟཾ གཎྷིཏུཾ ན སཀྐོཏི། ཨིམསྨིཾ སུཏྟེ པུབྦབྷཱགཝིཔསྶནཱ སཏིཔཊྛཱནཱཝ ཀཐིཏཱ།
374. Aṭṭhame sūdoti bhattakārako. Nānaccayehīti nānācayehi, nānāvidhehīti attho. Ayameva vā pāṭho. Ambilaggehīti ambilakoṭṭhāsehi. Eseva nayo sabbattha. Abhiharatīti gahaṇatthāya hatthaṃ pasāreti. Bahuṃ gaṇhātīti ekaggahaṇena bahuṃ gaṇhantopi punappunaṃ gaṇhantopi bahuṃ gaṇhateva. Abhihārānanti sataṃ vā sahassaṃ vā ukkhipitvā abhihaṭānaṃ dāyānaṃ. Upakkilesāti pañca nīvaraṇā. Nimittaṃ na uggaṇhātīti ‘‘imaṃ me kammaṭṭhānaṃ anulomaṃ vā gotrabhuṃ vā āhacca ṭhita’’nti na jānāti, attano cittassa nimittaṃ gaṇhituṃ na sakkoti. Imasmiṃ sutte pubbabhāgavipassanā satipaṭṭhānāva kathitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. སཱུདསུཏྟཾ • 8. Sūdasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༨. སཱུདསུཏྟཝཎྞནཱ • 8. Sūdasuttavaṇṇanā
