| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. суд̣̇ад̇д̇асуд̇д̇аван̣н̣анаа
8. Sudattasuttavaṇṇanā
242. гаран̣ийязнаад̇и зд̇т̇а гаран̣ийяанд̇и ваан̣иж̇ж̇агаммам̣ ад̇хиббзд̇анд̇и д̇ам̣ виваранд̇о ‘‘анаат̇абин̣д̣иго жаа’’д̇иаад̣̇имааха. виггийяад̇ийд̇и виггаяам̣ г̇ажчад̇и. д̇ат̇зва гарод̇ийд̇и яат̇аа рааж̇аг̇ахасздтинаа саавад̇т̇им̣ г̇анд̇ваа гад̇ам̣, д̇ат̇зва рааж̇аг̇ахам̣ г̇анд̇ваа гарод̇и. свааяанд̇и анаат̇абин̣д̣иго.
242.Karaṇīyenāti ettha karaṇīyanti vāṇijjakammaṃ adhippetanti taṃ vivaranto ‘‘anāthapiṇḍiko cā’’tiādimāha. Vikkīyatīti vikkayaṃ gacchati. Tatheva karotīti yathā rājagahaseṭṭhinā sāvatthiṃ gantvā kataṃ, tatheva rājagahaṃ gantvā karoti. Svāyanti anāthapiṇḍiko.
д̇ам̣ д̣̇ивасанд̇и яам̣ д̣̇ивасам̣ анаат̇абин̣д̣иго, г̇ахабад̇и, рааж̇аг̇ахасамийбам̣ убаг̇ад̇о, д̇ам̣ д̣̇ивасам̣. бан̣н̣анд̇и саасанам̣. на сун̣ийд̇и асун̣анд̇о ‘‘бан̣н̣ам̣ на сун̣ий’’д̇и вуд̇д̇о. д̇хаммаг̇ааравзна хи со сздти ан̃н̃ам̣ гижжам̣ д̇ин̣ааяаби на ман̃н̃и. д̇знааха ‘‘д̇хаммассаванад̇т̇ааяаа’’д̇иаад̣̇и. д̣̇аарагаруубаананд̇и д̣̇аарагаанам̣. анад̇т̇анд̇арагаро хи рууба-сад̣̇д̣̇о яат̇аа ‘‘г̇оруубаана’’нд̇и. бан̃жаван̣н̣анд̇и куд̣̇д̣̇игаад̣̇ибхзд̣̇ам̣ бан̃жаббагаарам̣ бийд̇им̣ бадилабхи. ануггамзна хи д̇аа зд̇асса самбхаванд̇и. ‘‘сийсзна удтааяа…бз… г̇ажчад̇ий’’д̇и бад̣̇ам̣ бийд̇исамудтаанаруубавасзна лагкзд̇ваа вуд̇д̇ам̣.
Taṃ divasanti yaṃ divasaṃ anāthapiṇḍiko, gahapati, rājagahasamīpaṃ upagato, taṃ divasaṃ. Paṇṇanti sāsanaṃ. Na suṇīti asuṇanto ‘‘paṇṇaṃ na suṇī’’ti vutto. Dhammagāravena hi so seṭṭhi aññaṃ kiccaṃ tiṇāyapi na maññi. Tenāha ‘‘dhammassavanatthāyā’’tiādi. Dārakarūpānanti dārakānaṃ. Anatthantarakaro hi rūpa-saddo yathā ‘‘gorūpāna’’nti. Pañcavaṇṇanti khuddikādibhedaṃ pañcappakāraṃ pītiṃ paṭilabhi. Anukkamena hi tā etassa sambhavanti. ‘‘Sīsena uṭṭhāya…pe… gacchatī’’ti padaṃ pītisamuṭṭhānarūpavasena lakkhetvā vuttaṃ.
сиват̇игааяа васад̇ийд̇и сиват̇игааяа самийбз васад̇и. сусаанассаасаннадтаанз хи со вихааро. ат̇ассаад̇и ат̇асса анаат̇абин̣д̣игасса ‘‘агаало…бз… убасан̇гамиссаамий’’д̇и зд̇ам̣ ахоси. б̣уд̣̇д̇хаг̇ад̇ааяа сад̇ияаад̇и ан̃н̃ам̣ гин̃жи ажинд̇зд̇ваа б̣уд̣̇д̇хаг̇ад̇ааяа зва сад̇ияаа саяанавараг̇ад̇о нибаж̇ж̇и. д̇зна вуд̇д̇ам̣ ‘‘д̇ам̣ д̣̇иваса’’нд̇иаад̣̇и.
Sivathikāya vasatīti sivathikāya samīpe vasati. Susānassāsannaṭṭhāne hi so vihāro. Athassāti athassa anāthapiṇḍikassa ‘‘akālo…pe… upasaṅkamissāmī’’ti etaṃ ahosi. Buddhagatāya satiyāti aññaṃ kiñci acintetvā buddhagatāya eva satiyā sayanavaragato nipajji. Tena vuttaṃ ‘‘taṃ divasa’’ntiādi.
б̣алаваббасаад̣̇од̇и б̣уд̣̇д̇хаарамман̣аа б̣алавад̇ий сад̣̇д̇хаа. бийд̇иаалогод̇и буримаб̣уд̣̇д̇хзсу жирагаалам̣ барижаяам̣ г̇ад̇асса б̣алавад̇о басаад̣̇асса васзна ‘‘б̣уд̣̇д̇хо’’д̇и наамам̣ саванамад̇д̇зна уббаннааяа ул̣аарааяа бийд̇ияаа самудтаабид̇о вибассанобхаасасад̣̇исо саад̇исаяо аалого ход̇и жид̇д̇абажжаяауд̇усамудтаано. д̇знааха ‘‘саб̣б̣ад̇амам̣ виг̇ажчий’’д̇иаад̣̇и. ‘‘д̣̇звад̇аа хи гад̇аа’’д̇иби вад̣̇анд̇и, буримо звзд̇т̇а яуд̇д̇о.
Balavappasādoti buddhārammaṇā balavatī saddhā. Pītiālokoti purimabuddhesu cirakālaṃ paricayaṃ gatassa balavato pasādassa vasena ‘‘buddho’’ti nāmaṃ savanamattena uppannāya uḷārāya pītiyā samuṭṭhāpito vipassanobhāsasadiso sātisayo āloko hoti cittapaccayautusamuṭṭhāno. Tenāha ‘‘sabbatamaṃ vigacchī’’tiādi. ‘‘Devatā hi katā’’tipi vadanti, purimo evettha yutto.
амануссаад̇и ад̇хиг̇ад̇ависзсаа д̣̇звад̇аа. д̇аа хи сздтисса самбад̇д̇им̣ бажжагкад̇о бассим̣су. д̇знааха ‘‘аяам̣ махаасздтий’’д̇иаад̣̇и. алласарийранд̇и д̇аавад̣̇зва чад̣д̣ид̇ам̣ ажчиннам̣ ваа гал̣зварам̣. абарамбийд̇и мад̇ам̣ гут̇ид̇агун̣абам̣. баригирим̣сууд̇и саманд̇ад̇о осарид̇аа ахзсум̣. аалого анд̇арад̇хааяибийд̇ивзг̇асса манд̣̇абхаавзна д̇ам̣самудтаанаруубаанам̣ д̣̇уб̣б̣алабхаавад̇о.
Amanussāti adhigatavisesā devatā. Tā hi seṭṭhissa sampattiṃ paccakkhato passiṃsu. Tenāha ‘‘ayaṃ mahāseṭṭhī’’tiādi. Allasarīranti tāvadeva chaḍḍitaṃ acchinnaṃ vā kaḷevaraṃ. Aparampīti mataṃ kuthitakuṇapaṃ. Parikiriṃsūti samantato osaritā ahesuṃ. Āloko antaradhāyipītivegassa mandabhāvena taṃsamuṭṭhānarūpānaṃ dubbalabhāvato.
иминааваад̇и ад̇хигаарзна сахассабад̣̇зна зва самб̣анд̇хид̇аб̣б̣аани. бад̣̇ам̣ вийд̇ихарад̇и зд̇т̇аад̇и бад̣̇авийд̇ихааро, бад̣̇авийд̇ихаарадтаанам̣. самаг̇аманзд̇и д̣̇уд̇авиламб̣ид̇ам̣ агад̇ваа самаг̇аманз. д̇ад̇од̇и д̇зсу сол̣асабхааг̇зсу. зго годтаасод̇и яат̇аавуд̇д̇ам̣ бад̣̇авийд̇ихаарабад̣̇зсам̣ сол̣асад̇хаа бхиннасса зго бхааг̇о. бавад̇д̇ажзд̇анаад̇и яат̇аавуд̇д̇агалаасан̇каад̇асса бад̣̇зсасса лан̇гханад̇хааванабавад̇д̇ажзд̇анаа. бад̣̇ам̣ ваа вийд̇ихарад̇и зд̇знаад̇и бад̣̇авийд̇ихааро, д̇ат̇аабавад̇д̇аа гусалажзд̇анаа. ‘‘д̇ассаа палам̣ сол̣асад̇хаа гад̇ваа’’д̇и вад̣̇анд̇и. бад̇идтаханд̇асса васзна г̇ахид̇анд̇и яож̇анаа. вивадданиссид̇ааяа зва рад̇анад̇д̇аяабууж̇ааяа д̇хаммассаванасса сигкаабад̣̇асамаад̣̇аанасса саран̣аг̇аманасса жа ад̇т̇ааяа г̇ажчад̇оби васзна ваддад̇и. батамам̣ вуд̇д̇аг̇аманам̣ логуд̇д̇арависзсаад̇хиг̇амасса зганд̇игам̣, д̣̇уд̇ияам̣ анзганд̇иганд̇и ‘‘ваддад̇иязваа’’д̇и саасан̇гаважанам̣.
Imināvāti adhikārena sahassapadena eva sambandhitabbāni. Padaṃ vītiharati etthāti padavītihāro, padavītihāraṭṭhānaṃ. Samagamaneti dutavilambitaṃ akatvā samagamane. Tatoti tesu soḷasabhāgesu. Eko koṭṭhāsoti yathāvuttaṃ padavītihārapadesaṃ soḷasadhā bhinnassa eko bhāgo. Pavattacetanāti yathāvuttakalāsaṅkhātassa padesassa laṅghanadhāvanapavattacetanā. Padaṃ vā vītiharati etenāti padavītihāro, tathāpavattā kusalacetanā. ‘‘Tassā phalaṃ soḷasadhā katvā’’ti vadanti. Patiṭṭhahantassa vasena gahitanti yojanā. Vivaṭṭanissitāya eva ratanattayapūjāya dhammassavanassa sikkhāpadasamādānassa saraṇagamanassa ca atthāya gacchatopi vasena vaṭṭati. Paṭhamaṃ vuttagamanaṃ lokuttaravisesādhigamassa ekantikaṃ, dutiyaṃ anekantikanti ‘‘vaṭṭatiyevā’’ti sāsaṅkavacanaṃ.
сод̇и анаат̇абин̣д̣иго сздти. ануяуд̇д̇аад̇и ануг̇аамино сахааяаа. д̇зва санд̇хааяа вад̣̇ад̇и. ‘‘сиваго амануссо’’д̇и абарз. на гзвалам̣ ‘‘ануяуд̇д̇ааби мз ад̇т̇и, гасмаа бхааяаамий’’д̇и звам̣ сууро ахоси? ат̇а ко б̣уд̣̇д̇хаг̇ад̇ааяа д̇игкависад̣̇асабхаавзна саб̣б̣ам̣ бариссаяам̣ мад̣̇д̣̇ид̇вааби аг̇амаасийд̇и д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. багканд̣̇аналагкан̣аа хи сад̣̇д̇хаа, д̇ааяа яуд̇д̇аго саббурисоби сад̣̇д̇хаммаг̇ун̣авасзна саб̣б̣ам̣ бариссаяам̣ мад̣̇д̣̇ид̇ваа багканд̣̇ад̇ийд̇и д̣̇адтаб̣б̣ам̣.
Soti anāthapiṇḍiko seṭṭhi. Anuyuttāti anugāmino sahāyā. Teva sandhāya vadati. ‘‘Sivako amanusso’’ti apare. Na kevalaṃ ‘‘anuyuttāpi me atthi, kasmā bhāyāmī’’ti evaṃ sūro ahosi? Atha kho buddhagatāya tikkhavisadasabhāvena sabbaṃ parissayaṃ madditvāpi agamāsīti dassetuṃ ‘‘apicā’’tiādi vuttaṃ. Pakkhandanalakkhaṇā hi saddhā, tāya yuttako sappurisopi saddhammaguṇavasena sabbaṃ parissayaṃ madditvā pakkhandatīti daṭṭhabbaṃ.
саб̣б̣агаамасамид̣̇д̇хад̇аа барижжааг̇асийлад̇аа ул̣аараж̇жхаасаяад̇аа барад̣̇угкаабанаяагаамад̇аа барзсам̣ хид̇зсид̇аа барасамбад̇д̇ибамод̣̇анаад̇и звамаад̣̇ийнам̣ махааг̇ун̣аанам̣ васзна нижжагаалам̣ анаат̇аанам̣ бин̣д̣ад̣̇ааяагад̇д̇аа ‘‘анаат̇абин̣д̣иго’’д̇и звам̣ уббаннам̣ наамам̣. звамаахаад̇и ‘‘зхи суд̣̇ад̇д̇аа’’д̇и звам̣ ааха.
Sabbakāmasamiddhatā pariccāgasīlatā uḷārajjhāsayatā paradukkhāpanayakāmatā paresaṃ hitesitā parasampattipamodanāti evamādīnaṃ mahāguṇānaṃ vasena niccakālaṃ anāthānaṃ piṇḍadāyakattā ‘‘anāthapiṇḍiko’’ti evaṃ uppannaṃ nāmaṃ. Evamāhāti ‘‘ehi sudattā’’ti evaṃ āha.
гилзсабариниб̣б̣аанзнаад̇и саб̣б̣асо рааг̇аад̣̇игилзсавуубасамзна. гилзсавуубасаманд̇и саб̣б̣асо саб̣б̣зсам̣ гилзсаанам̣ вуубасамам̣ аг̇г̇амаг̇г̇зна бад̇ваа. анубуб̣б̣игат̇анд̇и д̣̇аанаад̣̇игат̇ам̣. саа хи анубуб̣б̣зна гат̇зд̇аб̣б̣ад̇д̇аа ‘‘анубуб̣б̣игат̇аа’’д̇и вужжад̇и. д̇ам̣ санд̇хааяа вуд̇д̇ам̣ – ‘‘ат̇а ко бхаг̇аваа анубуб̣б̣им̣ гат̇ам̣ гат̇зси. сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзсий’’д̇и (жуул̣ава. 305). мад̇т̇агзд̇и анубуб̣б̣игат̇ааяа убари барад̇о. жад̇д̇аари сажжаани багаасзсийд̇и яат̇аа махаасздти сахассанаяабадиман̣д̣ид̇з сод̇аабад̇д̇ипалз бад̇идтаад̇и, звам̣ бавад̇д̇инивад̇д̇ияо саха хзд̇унаа вибхаж̇анд̇о жад̇д̇аари арияасажжаани багаасзсийд̇и.
Kilesaparinibbānenāti sabbaso rāgādikilesavūpasamena. Kilesavūpasamanti sabbaso sabbesaṃ kilesānaṃ vūpasamaṃ aggamaggena patvā. Anupubbikathanti dānādikathaṃ. Sā hi anupubbena kathetabbattā ‘‘anupubbikathā’’ti vuccati. Taṃ sandhāya vuttaṃ – ‘‘atha kho bhagavā anupubbiṃ kathaṃ kathesi. Seyyathidaṃ – dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesī’’ti (cūḷava. 305). Matthaketi anupubbikathāya upari parato. Cattāri saccāni pakāsesīti yathā mahāseṭṭhi sahassanayapaṭimaṇḍite sotāpattiphale patiṭṭhāti, evaṃ pavattinivattiyo saha hetunā vibhajanto cattāri ariyasaccāni pakāsesīti.
суд̣̇ад̇д̇асуд̇д̇аван̣н̣анаа нидтид̇аа.
Sudattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. суд̣̇ад̇д̇асуд̇д̇ам̣ • 8. Sudattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. суд̣̇ад̇д̇асуд̇д̇аван̣н̣анаа • 8. Sudattasuttavaṇṇanā
