| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
২. সুদ্ধকাল়কসিক্খাপদৰণ্ণনা
2. Suddhakāḷakasikkhāpadavaṇṇanā
কাল়কানন্তি সভাৰেন ৰা রজনেন ৰা কাল়কানং। যথাহ ‘‘কাল়কং নাম দ্ৰে কাল়কানি জাতিযা কাল়কং ৰা রজনকাল়কং ৰা’’তি। অঞ্ঞেহি অমিস্সিতানন্তি অঞ্ঞেহি অমিস্সিতকাল়কানন্তি অত্থো। ‘‘যথা পঠমে ‘একেনাপি কোসিযংসুনা’তি (কঙ্খা॰ অট্ঠ॰ কোসিযসিক্খাপদৰণ্ণনা) ৰুত্তং, তথা ইধাপি ‘একেনাপি অঞ্ঞেন অমিস্সেত্ৰা’তি অৰুত্তত্তা অঞ্ঞেন পন মিস্সকভোগেপি অপঞ্ঞাযমানরূপকং চে ‘সুদ্ধকাল়ক’মিচ্চেৰ ৰুচ্চতী’’তি (ৰজির॰ টী॰ পারাজিক ৫৪৭) ৰদন্তি।
Kāḷakānanti sabhāvena vā rajanena vā kāḷakānaṃ. Yathāha ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti. Aññehi amissitānanti aññehi amissitakāḷakānanti attho. ‘‘Yathā paṭhame ‘ekenāpi kosiyaṃsunā’ti (kaṅkhā. aṭṭha. kosiyasikkhāpadavaṇṇanā) vuttaṃ, tathā idhāpi ‘ekenāpi aññena amissetvā’ti avuttattā aññena pana missakabhogepi apaññāyamānarūpakaṃ ce ‘suddhakāḷaka’micceva vuccatī’’ti (vajira. ṭī. pārājika 547) vadanti.
এত্থ চ ‘‘ইদং মে, ভন্তে, সুদ্ধকাল়কানং এল়কলোমানং সন্থত’’ন্তিআদিনা (পারা॰ ৫৪৯) নিস্সজ্জনৰিধানং ৰেদিতব্বং। সেসন্তি পুব্বপযোগদুক্কটচতুক্কপাচিত্তিযাদিকং। অঙ্গেসু পন ‘‘সুদ্ধকাল়কভাৰো’’তি অযং ৰিসেসো।
Ettha ca ‘‘idaṃ me, bhante, suddhakāḷakānaṃ eḷakalomānaṃ santhata’’ntiādinā (pārā. 549) nissajjanavidhānaṃ veditabbaṃ. Sesanti pubbapayogadukkaṭacatukkapācittiyādikaṃ. Aṅgesu pana ‘‘suddhakāḷakabhāvo’’ti ayaṃ viseso.
সুদ্ধকাল়কসিক্খাপদৰণ্ণনা নিট্ঠিতা।
Suddhakāḷakasikkhāpadavaṇṇanā niṭṭhitā.
