| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. суд̣̇д̇хагаал̣агасигкаабад̣̇аван̣н̣анаа
2. Suddhakāḷakasikkhāpadavaṇṇanā
гаал̣агаананд̇и сабхаавзна ваа раж̇анзна ваа гаал̣агаанам̣. яат̇ааха ‘‘гаал̣агам̣ наама д̣̇вз гаал̣агаани ж̇аад̇ияаа гаал̣агам̣ ваа раж̇анагаал̣агам̣ ваа’’д̇и. ан̃н̃зхи амиссид̇аананд̇и ан̃н̃зхи амиссид̇агаал̣агаананд̇и ад̇т̇о. ‘‘яат̇аа батамз ‘згзнааби госияам̣сунаа’д̇и (ган̇каа. адта. госияасигкаабад̣̇аван̣н̣анаа) вуд̇д̇ам̣, д̇ат̇аа ид̇хааби ‘згзнааби ан̃н̃зна амиссзд̇ваа’д̇и авуд̇д̇ад̇д̇аа ан̃н̃зна бана миссагабхог̇зби абан̃н̃ааяамаанаруубагам̣ жз ‘суд̣̇д̇хагаал̣ага’мижжзва вужжад̇ий’’д̇и (важ̇ира. дий. баарааж̇ига 547) вад̣̇анд̇и.
Kāḷakānanti sabhāvena vā rajanena vā kāḷakānaṃ. Yathāha ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti. Aññehi amissitānanti aññehi amissitakāḷakānanti attho. ‘‘Yathā paṭhame ‘ekenāpi kosiyaṃsunā’ti (kaṅkhā. aṭṭha. kosiyasikkhāpadavaṇṇanā) vuttaṃ, tathā idhāpi ‘ekenāpi aññena amissetvā’ti avuttattā aññena pana missakabhogepi apaññāyamānarūpakaṃ ce ‘suddhakāḷaka’micceva vuccatī’’ti (vajira. ṭī. pārājika 547) vadanti.
зд̇т̇а жа ‘‘ид̣̇ам̣ мз, бханд̇з, суд̣̇д̇хагаал̣агаанам̣ зл̣агаломаанам̣ сант̇ад̇а’’нд̇иаад̣̇инаа (баараа. 549) ниссаж̇ж̇анавид̇хаанам̣ взд̣̇ид̇аб̣б̣ам̣. сзсанд̇и буб̣б̣абаяог̇ад̣̇уггадажад̇уггабаажид̇д̇ияаад̣̇игам̣. ан̇г̇зсу бана ‘‘суд̣̇д̇хагаал̣агабхааво’’д̇и аяам̣ висзсо.
Ettha ca ‘‘idaṃ me, bhante, suddhakāḷakānaṃ eḷakalomānaṃ santhata’’ntiādinā (pārā. 549) nissajjanavidhānaṃ veditabbaṃ. Sesanti pubbapayogadukkaṭacatukkapācittiyādikaṃ. Aṅgesu pana ‘‘suddhakāḷakabhāvo’’ti ayaṃ viseso.
суд̣̇д̇хагаал̣агасигкаабад̣̇аван̣н̣анаа нидтид̇аа.
Suddhakāḷakasikkhāpadavaṇṇanā niṭṭhitā.
