| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༢. སུདྡྷཀཱལ༹ཀསིཀྑཱཔདཝཎྞནཱ
2. Suddhakāḷakasikkhāpadavaṇṇanā
ཀཱལ༹ཀཱནནྟི སབྷཱཝེན ཝཱ རཛནེན ཝཱ ཀཱལ༹ཀཱནཾ། ཡཐཱཧ ‘‘ཀཱལ༹ཀཾ ནཱམ དྭེ ཀཱལ༹ཀཱནི ཛཱཏིཡཱ ཀཱལ༹ཀཾ ཝཱ རཛནཀཱལ༹ཀཾ ཝཱ’’ཏི། ཨཉྙེཧི ཨམིསྶིཏཱནནྟི ཨཉྙེཧི ཨམིསྶིཏཀཱལ༹ཀཱནནྟི ཨཏྠོ། ‘‘ཡཐཱ པཋམེ ‘ཨེཀེནཱཔི ཀོསིཡཾསུནཱ’ཏི (ཀངྑཱ॰ ཨཊྛ॰ ཀོསིཡསིཀྑཱཔདཝཎྞནཱ) ཝུཏྟཾ, ཏཐཱ ཨིདྷཱཔི ‘ཨེཀེནཱཔི ཨཉྙེན ཨམིསྶེཏྭཱ’ཏི ཨཝུཏྟཏྟཱ ཨཉྙེན པན མིསྶཀབྷོགེཔི ཨཔཉྙཱཡམཱནརཱུཔཀཾ ཙེ ‘སུདྡྷཀཱལ༹ཀ’མིཙྩེཝ ཝུཙྩཏཱི’’ཏི (ཝཛིར॰ ཊཱི॰ པཱརཱཛིཀ ༥༤༧) ཝདནྟི།
Kāḷakānanti sabhāvena vā rajanena vā kāḷakānaṃ. Yathāha ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti. Aññehi amissitānanti aññehi amissitakāḷakānanti attho. ‘‘Yathā paṭhame ‘ekenāpi kosiyaṃsunā’ti (kaṅkhā. aṭṭha. kosiyasikkhāpadavaṇṇanā) vuttaṃ, tathā idhāpi ‘ekenāpi aññena amissetvā’ti avuttattā aññena pana missakabhogepi apaññāyamānarūpakaṃ ce ‘suddhakāḷaka’micceva vuccatī’’ti (vajira. ṭī. pārājika 547) vadanti.
ཨེཏྠ ཙ ‘‘ཨིདཾ མེ, བྷནྟེ, སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏ’’ནྟིཨཱདིནཱ (པཱརཱ॰ ༥༤༩) ནིསྶཛྫནཝིདྷཱནཾ ཝེདིཏབྦཾ། སེསནྟི པུབྦཔཡོགདུཀྐཊཙཏུཀྐཔཱཙིཏྟིཡཱདིཀཾ། ཨངྒེསུ པན ‘‘སུདྡྷཀཱལ༹ཀབྷཱཝོ’’ཏི ཨཡཾ ཝིསེསོ།
Ettha ca ‘‘idaṃ me, bhante, suddhakāḷakānaṃ eḷakalomānaṃ santhata’’ntiādinā (pārā. 549) nissajjanavidhānaṃ veditabbaṃ. Sesanti pubbapayogadukkaṭacatukkapācittiyādikaṃ. Aṅgesu pana ‘‘suddhakāḷakabhāvo’’ti ayaṃ viseso.
སུདྡྷཀཱལ༹ཀསིཀྑཱཔདཝཎྞནཱ ནིཊྛིཏཱ།
Suddhakāḷakasikkhāpadavaṇṇanā niṭṭhitā.
