| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੨. ਸੁਦ੍ਧਕਾਲ਼ਕਸਿਕ੍ਖਾਪਦવਣ੍ਣਨਾ
2. Suddhakāḷakasikkhāpadavaṇṇanā
ਕਾਲ਼ਕਾਨਨ੍ਤਿ ਸਭਾવੇਨ વਾ ਰਜਨੇਨ વਾ ਕਾਲ਼ਕਾਨਂ। ਯਥਾਹ ‘‘ਕਾਲ਼ਕਂ ਨਾਮ ਦ੍વੇ ਕਾਲ਼ਕਾਨਿ ਜਾਤਿਯਾ ਕਾਲ਼ਕਂ વਾ ਰਜਨਕਾਲ਼ਕਂ વਾ’’ਤਿ। ਅਞ੍ਞੇਹਿ ਅਮਿਸ੍ਸਿਤਾਨਨ੍ਤਿ ਅਞ੍ਞੇਹਿ ਅਮਿਸ੍ਸਿਤਕਾਲ਼ਕਾਨਨ੍ਤਿ ਅਤ੍ਥੋ। ‘‘ਯਥਾ ਪਠਮੇ ‘ਏਕੇਨਾਪਿ ਕੋਸਿਯਂਸੁਨਾ’ਤਿ (ਕਙ੍ਖਾ॰ ਅਟ੍ਠ॰ ਕੋਸਿਯਸਿਕ੍ਖਾਪਦવਣ੍ਣਨਾ) વੁਤ੍ਤਂ, ਤਥਾ ਇਧਾਪਿ ‘ਏਕੇਨਾਪਿ ਅਞ੍ਞੇਨ ਅਮਿਸ੍ਸੇਤ੍વਾ’ਤਿ ਅવੁਤ੍ਤਤ੍ਤਾ ਅਞ੍ਞੇਨ ਪਨ ਮਿਸ੍ਸਕਭੋਗੇਪਿ ਅਪਞ੍ਞਾਯਮਾਨਰੂਪਕਂ ਚੇ ‘ਸੁਦ੍ਧਕਾਲ਼ਕ’ਮਿਚ੍ਚੇવ વੁਚ੍ਚਤੀ’’ਤਿ (વਜਿਰ॰ ਟੀ॰ ਪਾਰਾਜਿਕ ੫੪੭) વਦਨ੍ਤਿ।
Kāḷakānanti sabhāvena vā rajanena vā kāḷakānaṃ. Yathāha ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti. Aññehi amissitānanti aññehi amissitakāḷakānanti attho. ‘‘Yathā paṭhame ‘ekenāpi kosiyaṃsunā’ti (kaṅkhā. aṭṭha. kosiyasikkhāpadavaṇṇanā) vuttaṃ, tathā idhāpi ‘ekenāpi aññena amissetvā’ti avuttattā aññena pana missakabhogepi apaññāyamānarūpakaṃ ce ‘suddhakāḷaka’micceva vuccatī’’ti (vajira. ṭī. pārājika 547) vadanti.
ਏਤ੍ਥ ਚ ‘‘ਇਦਂ ਮੇ, ਭਨ੍ਤੇ, ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤ’’ਨ੍ਤਿਆਦਿਨਾ (ਪਾਰਾ॰ ੫੪੯) ਨਿਸ੍ਸਜ੍ਜਨવਿਧਾਨਂ વੇਦਿਤਬ੍ਬਂ। ਸੇਸਨ੍ਤਿ ਪੁਬ੍ਬਪਯੋਗਦੁਕ੍ਕਟਚਤੁਕ੍ਕਪਾਚਿਤ੍ਤਿਯਾਦਿਕਂ। ਅਙ੍ਗੇਸੁ ਪਨ ‘‘ਸੁਦ੍ਧਕਾਲ਼ਕਭਾવੋ’’ਤਿ ਅਯਂ વਿਸੇਸੋ।
Ettha ca ‘‘idaṃ me, bhante, suddhakāḷakānaṃ eḷakalomānaṃ santhata’’ntiādinā (pārā. 549) nissajjanavidhānaṃ veditabbaṃ. Sesanti pubbapayogadukkaṭacatukkapācittiyādikaṃ. Aṅgesu pana ‘‘suddhakāḷakabhāvo’’ti ayaṃ viseso.
ਸੁਦ੍ਧਕਾਲ਼ਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Suddhakāḷakasikkhāpadavaṇṇanā niṭṭhitā.
