| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
সুদ্ধন্তপরিৰাসাদিকথা
Suddhantaparivāsādikathā
১৫৬. ততোতি ৰারতো পরং সুদ্ধন্তপরিৰাসো দস্সিতোতি সম্বন্ধো।
156.Tatoti vārato paraṃ suddhantaparivāso dassitoti sambandho.
১৬০. ততোতি পাল়িতো পরং পাল়ি ঠপিতাতি সম্বন্ধো।
160.Tatoti pāḷito paraṃ pāḷi ṭhapitāti sambandho.
১৬৫. তত্থাতি পাল়িযং। অন্তরা…পে॰… অপ্পটিচ্ছন্নাযোতিআদীসু অত্থো দট্ঠব্বোতি সম্বন্ধো।
165.Tatthāti pāḷiyaṃ. Antarā…pe… appaṭicchannāyotiādīsu attho daṭṭhabboti sambandho.
১৬৬. পচ্ছিমস্মিং আপত্তিক্খন্ধেতি এত্থ আপত্তিক্খন্ধস্স ভেদভাৰতো কিং ‘‘পচ্ছিমস্মিং আপত্তিক্খন্ধে’’তি ৰুত্তন্তি আহ ‘‘একোৰ সো আপত্তিক্খন্ধো’’তি। অথ কস্মা ‘‘পচ্ছিমস্মিং আপত্তিক্খন্ধে’’তি ৰুত্তন্তি আহ ‘‘পচ্ছা ছাদিতত্তা পনা’’তিআদি। এত্থ পনসদ্দো গরহত্থৰাচকো, তথাপীতি হি অত্থো। একোপি আপত্তিক্খন্ধো পচ্ছা ছাদিতত্তা পচ্ছিমস্মিং আপত্তিক্খন্ধেতি ৰুত্তন্তি অধিপ্পাযো।
166.Pacchimasmiṃāpattikkhandheti ettha āpattikkhandhassa bhedabhāvato kiṃ ‘‘pacchimasmiṃ āpattikkhandhe’’ti vuttanti āha ‘‘ekova so āpattikkhandho’’ti. Atha kasmā ‘‘pacchimasmiṃ āpattikkhandhe’’ti vuttanti āha ‘‘pacchā chāditattā panā’’tiādi. Ettha panasaddo garahatthavācako, tathāpīti hi attho. Ekopi āpattikkhandho pacchā chāditattā pacchimasmiṃ āpattikkhandheti vuttanti adhippāyo.
১৮০. ‘‘ৰৰত্থিতা সম্ভিন্না’’তি এতং ৰচনন্তি যোজনা।
180. ‘‘Vavatthitā sambhinnā’’ti etaṃ vacananti yojanā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
সুদ্ধন্তপরিৰাসো • Suddhantaparivāso
৩. চত্তালীসকং • 3. Cattālīsakaṃ
৪. ছত্তিংসকং • 4. Chattiṃsakaṃ
৫. মানত্তসতকং • 5. Mānattasatakaṃ
৭. পরিমাণাদিৰারঅট্ঠকং • 7. Parimāṇādivāraaṭṭhakaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / সুদ্ধন্তপরিৰাসাদিকথা • Suddhantaparivāsādikathā
