| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
4. суд̣̇д̇хадтагасуд̇д̇ам̣
4. Suddhaṭṭhakasuttaṃ
794.
794.
бассаами суд̣̇д̇хам̣ барамам̣ арог̇ам̣, д̣̇идтзна сам̣суд̣̇д̇хи нарасса ход̇и;
Passāmi suddhaṃ paramaṃ arogaṃ, diṭṭhena saṃsuddhi narassa hoti;
зваабхиж̇аанам̣ 1 бараманд̇и н̃ад̇ваа, суд̣̇д̇хаанубассийд̇и бажжзд̇и н̃аан̣ам̣.
Evābhijānaṃ 2 paramanti ñatvā, suddhānupassīti pacceti ñāṇaṃ.
795.
795.
д̣̇идтзна жз суд̣̇д̇хи нарасса ход̇и, н̃аан̣зна ваа со баж̇ахаад̇и д̣̇угкам̣;
Diṭṭhena ce suddhi narassa hoti, ñāṇena vā so pajahāti dukkhaṃ;
ан̃н̃зна со суж̇жхад̇и собад̇хийго, д̣̇идтий хи нам̣ баава д̇ат̇аа вад̣̇аанам̣.
Aññena so sujjhati sopadhīko, diṭṭhī hi naṃ pāva tathā vadānaṃ.
796.
796.
на б̣раахман̣о ан̃н̃ад̇о суд̣̇д̇химааха, д̣̇идтз суд̇з сийлавад̇з муд̇з ваа;
Na brāhmaṇo aññato suddhimāha, diṭṭhe sute sīlavate mute vā;
бун̃н̃з жа баабз жа ануубалид̇д̇о, ад̇д̇ан̃ж̇ахо наяид̇ха багуб̣б̣амаано.
Puññe ca pāpe ca anūpalitto, attañjaho nayidha pakubbamāno.
797.
797.
буримам̣ бахааяа абарам̣ сид̇аасз, зж̇аануг̇аа д̇з на д̇аранд̇и сан̇г̇ам̣;
Purimaṃ pahāya aparaṃ sitāse, ejānugā te na taranti saṅgaṃ;
д̇з уг̇г̇ахааяанд̇и нирассаж̇анд̇и, габийва саакам̣ бамун̃жам̣ г̇ахааяам̣ 3.
Te uggahāyanti nirassajanti, kapīva sākhaṃ pamuñcaṃ gahāyaṃ 4.
798.
798.
саяам̣ самаад̣̇ааяа вад̇аани ж̇анд̇у, ужжааважам̣ г̇ажчад̇и сан̃н̃асад̇д̇о;
Sayaṃ samādāya vatāni jantu, uccāvacaṃ gacchati saññasatto;
вид̣̇ваа жа взд̣̇зхи самзжжа д̇хаммам̣, на ужжааважам̣ г̇ажчад̇и бхуурибан̃н̃о.
Vidvā ca vedehi samecca dhammaṃ, na uccāvacaṃ gacchati bhūripañño.
799.
799.
са саб̣б̣ад̇хаммзсу висзнибхууд̇о, яам̣ гин̃жи д̣̇идтам̣ ва суд̇ам̣ муд̇ам̣ ваа;
Sa sabbadhammesu visenibhūto, yaṃ kiñci diṭṭhaṃ va sutaṃ mutaṃ vā;
д̇амзва д̣̇ассим̣ вивадам̣ жаранд̇ам̣, гзнийд̇ха логасми вигаббаязяяа.
Tameva dassiṃ vivaṭaṃ carantaṃ, kenīdha lokasmi vikappayeyya.
800.
800.
на габбаяанд̇и на бурзгкаронд̇и, ажжанд̇асуд̣̇д̇хийд̇и на д̇з вад̣̇анд̇и;
Na kappayanti na purekkharonti, accantasuddhīti na te vadanti;
аад̣̇аанаг̇ант̇ам̣ г̇ат̇ид̇ам̣ висаж̇ж̇а, аасам̣ на губ̣б̣анд̇и гухин̃жи логз.
Ādānaganthaṃ gathitaṃ visajja, āsaṃ na kubbanti kuhiñci loke.
801.
801.
сиймаад̇иг̇о б̣раахман̣о д̇асса над̇т̇и, н̃ад̇ваа ва д̣̇исваа ва 5 самуг̇г̇ахийд̇ам̣;
Sīmātigo brāhmaṇo tassa natthi, ñatvā va disvā va 6 samuggahītaṃ;
на рааг̇арааг̇ий на вирааг̇арад̇д̇о, д̇ассийд̇ха над̇т̇ий барамуг̇г̇ахийд̇анд̇и.
Na rāgarāgī na virāgaratto, tassīdha natthī paramuggahītanti.
суд̣̇д̇хадтагасуд̇д̇ам̣ жад̇уд̇т̇ам̣ нидтид̇ам̣.
Suddhaṭṭhakasuttaṃ catutthaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 4. суд̣̇д̇хадтагасуд̇д̇аван̣н̣анаа • 4. Suddhaṭṭhakasuttavaṇṇanā
