| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
4. суд̣̇д̇хадтагасуд̇д̇анид̣̇д̣̇зсаван̣н̣анаа
4. Suddhaṭṭhakasuttaniddesavaṇṇanā
23. жад̇уд̇т̇з суд̣̇д̇хадтагз батамаг̇аат̇ааяа д̇аавад̇т̇о – на, бхигкавз, зваруубзна д̣̇ассанзна суд̣̇д̇хи ход̇и, аби жа ко гилзсамалийнад̇д̇аа асуд̣̇д̇хам̣, гилзсарог̇аанам̣ ад̇хиг̇амаа сарог̇амзва жанд̣̇аабхам̣ б̣раахман̣ам̣, ан̃н̃ам̣ ваа зваруубам̣ д̣̇исваа д̣̇идтиг̇ад̇иго б̣аало абхиж̇аанаад̇и ‘‘бассаами суд̣̇д̇хам̣ барамам̣ арог̇ам̣, д̇зна жа д̣̇идтисан̇каад̇зна д̣̇ассанзна сам̣суд̣̇д̇хи нарасса ход̇ий’’д̇и, со звам̣ абхиж̇аананд̇о д̇ам̣ д̣̇ассанам̣ ‘‘барама’’нд̇и н̃ад̇ваа д̇асмим̣ д̣̇ассанз суд̣̇д̇хаанубассий самаано д̇ам̣ д̣̇ассанам̣ ‘‘маг̇г̇ан̃аан̣а’’нд̇и бажжзд̇и. д̇ам̣ бана маг̇г̇ан̃аан̣ам̣ на ход̇и.
23. Catutthe suddhaṭṭhake paṭhamagāthāya tāvattho – na, bhikkhave, evarūpena dassanena suddhi hoti, api ca kho kilesamalīnattā asuddhaṃ, kilesarogānaṃ adhigamā sarogameva candābhaṃ brāhmaṇaṃ, aññaṃ vā evarūpaṃ disvā diṭṭhigatiko bālo abhijānāti ‘‘passāmi suddhaṃ paramaṃ arogaṃ, tena ca diṭṭhisaṅkhātena dassanena saṃsuddhi narassa hotī’’ti, so evaṃ abhijānanto taṃ dassanaṃ ‘‘parama’’nti ñatvā tasmiṃ dassane suddhānupassī samāno taṃ dassanaṃ ‘‘maggañāṇa’’nti pacceti. Taṃ pana maggañāṇaṃ na hoti.
барамам̣ аарог̇яаббад̇д̇анд̇и уд̇д̇амам̣ ниб̣яаад̇хим̣ баабун̣ид̇ваа тид̇ам̣. д̇аан̣аббад̇д̇анд̇и д̇ат̇аа бааланаббад̇д̇ам̣. лзн̣аббад̇д̇анд̇и нилийяанаббад̇д̇ам̣.саран̣аббад̇д̇анд̇и бад̇идтаабад̇д̇ам̣, д̣̇угканаасанам̣ ваа бад̇д̇ам̣. абхаяаббад̇д̇анд̇и ниб̣бхаяабхааваббад̇д̇ам̣. ажжуд̇аббад̇д̇анд̇и нижжалабхаавам̣ бад̇д̇ам̣. амад̇аббад̇д̇анд̇и амад̇ам̣ махааниб̣б̣аанам̣ бад̇д̇ам̣. ниб̣б̣аанаббад̇д̇анд̇и ваанавирахид̇ам̣ бад̇д̇ам̣.
Paramaṃ ārogyappattanti uttamaṃ nibyādhiṃ pāpuṇitvā ṭhitaṃ. Tāṇappattanti tathā pālanappattaṃ. Leṇappattanti nilīyanappattaṃ.Saraṇappattanti patiṭṭhāpattaṃ, dukkhanāsanaṃ vā pattaṃ. Abhayappattanti nibbhayabhāvappattaṃ. Accutappattanti niccalabhāvaṃ pattaṃ. Amatappattanti amataṃ mahānibbānaṃ pattaṃ. Nibbānappattanti vānavirahitaṃ pattaṃ.
абхиж̇аананд̇од̇и висзсзна ж̇аананд̇о. ааж̇аананд̇од̇и ааж̇аанамаано. виж̇аананд̇од̇и анзгавид̇хзна ж̇аанамаано. бадивиж̇аананд̇од̇и д̇ам̣ д̇ам̣ бадижжа виж̇аанамаано. бадивиж̇жханд̇од̇и хад̣̇аяз гурумаано.
Abhijānantoti visesena jānanto. Ājānantoti ājānamāno. Vijānantoti anekavidhena jānamāno. Paṭivijānantoti taṃ taṃ paṭicca vijānamāno. Paṭivijjhantoti hadaye kurumāno.
жагкувин̃н̃аан̣ам̣ руубад̣̇ассанзнаад̇и жагкувин̃н̃аан̣зна руубад̣̇ассанам̣. н̃аан̣анд̇и бажжзд̇ийд̇и бан̃н̃аа ид̇и сад̣̇д̣̇ахад̇и. маг̇г̇од̇и бажжзд̇ийд̇и ‘‘убааяо’’д̇и сад̣̇д̣̇ахад̇и. бат̇од̇и сан̃жааро. нийяаананд̇и г̇ахзд̇ваа яаад̇ийд̇и нийяаанам̣. ‘‘нияяаана’’нд̇и ваа баато.
Cakkhuviññāṇaṃ rūpadassanenāti cakkhuviññāṇena rūpadassanaṃ. Ñāṇanti paccetīti paññā iti saddahati. Maggoti paccetīti ‘‘upāyo’’ti saddahati. Pathoti sañcāro. Nīyānanti gahetvā yātīti nīyānaṃ. ‘‘Niyyāna’’nti vā pāṭho.
24. ‘‘д̣̇идтзна жз суд̣̇д̇хий’’д̇и д̣̇уд̇ияаг̇аат̇аа. д̇ассад̇т̇о – д̇зна руубад̣̇ассанасан̇каад̇зна д̣̇идтзна яад̣̇и гилзсасуд̣̇д̇хи нарасса ход̇и, д̇зна ваа н̃аан̣зна со яад̣̇и ж̇аад̇иаад̣̇ид̣̇угкам̣ баж̇ахаад̇и, звам̣ санд̇з арияамаг̇г̇ад̇о ан̃н̃зна асуд̣̇д̇химаг̇г̇знзва со суж̇жхад̇и, рааг̇аад̣̇ийхи убад̇хийхи саубад̇хиго зва самаано суж̇жхад̇ийд̇и вад̇д̇аб̣б̣ад̇ам̣ аабанно ход̇и, на жа звам̣вид̇хо суж̇жхад̇и. д̇асмаа д̣̇идтий хи нам̣ баава д̇ат̇аа вад̣̇аанам̣, саа нам̣ д̣̇идтиязва ‘‘мижчаад̣̇идтиго аяа’’нд̇и гат̇зд̇и, д̣̇идтиануруубам̣ ‘‘сассад̇о лого’’д̇иаад̣̇инаа наязна д̇ат̇аа д̇ат̇аа вад̣̇ад̇ийд̇и.
24.‘‘Diṭṭhenace suddhī’’ti dutiyagāthā. Tassattho – tena rūpadassanasaṅkhātena diṭṭhena yadi kilesasuddhi narassa hoti, tena vā ñāṇena so yadi jātiādidukkhaṃ pajahāti, evaṃ sante ariyamaggato aññena asuddhimaggeneva so sujjhati, rāgādīhi upadhīhi saupadhiko eva samāno sujjhatīti vattabbataṃ āpanno hoti, na ca evaṃvidho sujjhati. Tasmā diṭṭhī hi naṃ pāva tathā vadānaṃ, sā naṃ diṭṭhiyeva ‘‘micchādiṭṭhiko aya’’nti katheti, diṭṭhianurūpaṃ ‘‘sassato loko’’tiādinā nayena tathā tathā vadatīti.
рааг̇зна саха вад̇д̇ад̇ийд̇и сарааг̇о, рааг̇аваад̇и ад̇т̇о. сад̣̇осод̇иаад̣̇ийсуби зсзва наяо.
Rāgena saha vattatīti sarāgo, rāgavāti attho. Sadosotiādīsupi eseva nayo.
25. на б̣раахман̣од̇и д̇ад̇ияаг̇аат̇аа. д̇ассад̇т̇о – яо бана б̣аахид̇абаабад̇д̇аа б̣раахман̣о ход̇и, со маг̇г̇зна ад̇хиг̇ад̇аасавагкаяо кийн̣аасаваб̣раахман̣о арияамаг̇г̇ан̃аан̣ад̇о ан̃н̃зна абхиман̇г̇аласаммад̇аруубасан̇каад̇з д̣̇идтз, д̇ат̇аавид̇хасад̣̇д̣̇асан̇каад̇з суд̇з, авийд̇иггамасан̇каад̇з сийлз, хад̇т̇ивад̇аад̣̇ибхзд̣̇з вад̇з, бат̇авиаад̣̇ибхзд̣̇з муд̇з жа уббаннзна мижчаан̃аан̣зна суд̣̇д̇хим̣ на аахаад̇и. сзсамасса б̣раахман̣асса ван̣н̣абхан̣анааяа вуд̇д̇ам̣. со хи д̇зд̇хаад̇угабун̃н̃з саб̣б̣асмин̃жа баабз ануубалид̇д̇о, гасмаа? д̇асса бахийнад̇д̇аа д̇асса ад̇д̇ад̣̇идтияаа, яасса гассажи ваа г̇ахан̣асса бахийнад̇д̇аа ад̇д̇ан̃ж̇ахо, бун̃н̃аабхисан̇каараад̣̇ийнам̣ агаран̣ад̇о ‘‘наяид̇ха багуб̣б̣амаано’’д̇и вужжад̇и. д̇асмаа нам̣ звам̣ басам̣санд̇о ааха. саб̣б̣ассзва жасса буримабаад̣̇зна самб̣анд̇хо взд̣̇ид̇аб̣б̣о – бун̃н̃з жа баабз жа ануубалид̇д̇о ад̇д̇ан̃ж̇ахо наяид̇ха багуб̣б̣амаано на б̣раахман̣о ан̃н̃ад̇о суд̣̇д̇химаахаад̇и. наад̇и бадигкзбод̇и на ид̇и бадисзд̇хо.
25.Na brāhmaṇoti tatiyagāthā. Tassattho – yo pana bāhitapāpattā brāhmaṇo hoti, so maggena adhigatāsavakkhayo khīṇāsavabrāhmaṇo ariyamaggañāṇato aññena abhimaṅgalasammatarūpasaṅkhāte diṭṭhe, tathāvidhasaddasaṅkhāte sute, avītikkamasaṅkhāte sīle, hatthivatādibhede vate, pathaviādibhede mute ca uppannena micchāñāṇena suddhiṃ na āhāti. Sesamassa brāhmaṇassa vaṇṇabhaṇanāya vuttaṃ. So hi tedhātukapuññe sabbasmiñca pāpe anūpalitto, kasmā? Tassa pahīnattā tassa attadiṭṭhiyā, yassa kassaci vā gahaṇassa pahīnattā attañjaho, puññābhisaṅkhārādīnaṃ akaraṇato ‘‘nayidha pakubbamāno’’ti vuccati. Tasmā naṃ evaṃ pasaṃsanto āha. Sabbasseva cassa purimapādena sambandho veditabbo – puññe ca pāpe ca anūpalitto attañjaho nayidha pakubbamāno na brāhmaṇo aññato suddhimāhāti. Nāti paṭikkhepoti na iti paṭisedho.
б̣аахид̇ваа саб̣б̣абаабагаанийд̇и г̇аат̇ааяад̇т̇о – яо жад̇уд̇т̇амаг̇г̇зна б̣аахид̇ваа саб̣б̣абаабагаани тид̇ад̇д̇о тид̇оижжзва вуд̇д̇ам̣ ход̇и. б̣аахид̇абаабад̇д̇аа зва жа вимало вималабхаавам̣ б̣рахмабхаавам̣ сздтабхаавам̣ бад̇д̇о, бадиниссадтасамаад̇хивигкзбагарагилзсамалзна аг̇г̇амаг̇г̇апаласамаад̇хинаа саад̇хусамаахид̇о, сам̣саарахзд̇усамад̇иггамзна сам̣саарамад̇ижжа баринидтид̇агижжад̇ааяа гзвалийд̇и жа, д̇ан̣хаад̣̇идтийхи аниссид̇ад̇д̇аа аниссид̇од̇и жа, логад̇хаммзхи ниб̣б̣игаарад̇д̇аа д̇аад̣̇ийд̇и жа бавужжад̇и. звам̣ т̇уд̇ирахо са б̣рахмаа со б̣раахман̣од̇и.
Bāhitvā sabbapāpakānīti gāthāyattho – yo catutthamaggena bāhitvā sabbapāpakāni ṭhitatto ṭhitoicceva vuttaṃ hoti. Bāhitapāpattā eva ca vimalo vimalabhāvaṃ brahmabhāvaṃ seṭṭhabhāvaṃ patto, paṭinissaṭṭhasamādhivikkhepakarakilesamalena aggamaggaphalasamādhinā sādhusamāhito, saṃsārahetusamatikkamena saṃsāramaticca pariniṭṭhitakiccatāya kevalīti ca, taṇhādiṭṭhīhi anissitattā anissitoti ca, lokadhammehi nibbikārattā tādīti ca pavuccati. Evaṃ thutiraho sa brahmā so brāhmaṇoti.
ан̃н̃ад̇ра сад̇ибадтаанзхийд̇и жад̇д̇ааро сад̇ибадтаанз мун̃жид̇ваа. саммаббад̇хаанаад̣̇ийсуби зсзва наяо.
Aññatra satipaṭṭhānehīti cattāro satipaṭṭhāne muñcitvā. Sammappadhānādīsupi eseva nayo.
санд̇згз саман̣аб̣раахман̣аад̇и згажжз логасан̇гзд̇зна ‘‘саман̣аб̣раахман̣аа’’д̇и лад̣̇д̇хавохаараа сам̣виж̇ж̇анд̇и. д̣̇идтасуд̣̇д̇хигаад̇и д̣̇идтзна суд̣̇д̇хим̣ ижчамаанаа. д̇з згажжаанам̣ руубаанам̣ д̣̇ассананд̇и зд̇з д̣̇идтасуд̣̇д̇хигаа зд̇зсам̣ руубаарамман̣аанам̣ ологанам̣. ман̇г̇алам̣ бажжзнд̇ийд̇и ид̣̇д̇хигааран̣ам̣ б̣уд̣̇д̇хигааран̣ам̣ саб̣б̣асамбад̇д̇игааран̣ам̣ бад̇идтаабзнд̇и. аман̇г̇алам̣ бажжзнд̇ийд̇и анид̣̇д̇хигааран̣ам̣ на б̣уд̣̇д̇хигааран̣ам̣ на самбад̇д̇игааран̣ам̣ бад̇идтаабзнд̇и. д̇з гаалад̇о вудтахид̇ваад̇и зд̇з д̣̇идтаад̣̇иман̇г̇алигаа бурзд̇арамзва удтахид̇ваа. абхиман̇г̇алаг̇ад̇аанийд̇и висзсзна вуд̣дхигааран̣аг̇ад̇аани. руубаани бассанд̇ийд̇и наанаавид̇хаани руубаарамман̣аани д̣̇агканд̇и. жаадагасагун̣анд̇и звам̣наамагам̣. пуссавзл̣уваладтинд̇и пуссанагкад̇д̇зна уббаннам̣ д̇арун̣аб̣зл̣уваладтим̣. г̇аб̣бхинид̇т̇инд̇и саг̇аб̣бхам̣ ид̇т̇им̣. гумаарагам̣ канд̇хз ааробзд̇ваа г̇ажчанд̇анд̇и д̇арун̣ад̣̇аарагам̣ ам̣сз уссаабзд̇ваа г̇ажчамаанам̣. бун̣н̣агхаданд̇и уд̣̇агабун̣н̣агхадам̣. рохид̇амажчанд̇и рад̇д̇арохид̇амажчам̣. ааж̇ан̃н̃арат̇анд̇и синд̇хаваяуд̇д̇арат̇ам̣. усабханд̇и ман̇г̇алаусабхам̣. г̇огабиланд̇и габилаг̇аавим̣.
Santeke samaṇabrāhmaṇāti ekacce lokasaṅketena ‘‘samaṇabrāhmaṇā’’ti laddhavohārā saṃvijjanti. Diṭṭhasuddhikāti diṭṭhena suddhiṃ icchamānā. Te ekaccānaṃ rūpānaṃ dassananti ete diṭṭhasuddhikā etesaṃ rūpārammaṇānaṃ olokanaṃ. Maṅgalaṃ paccentīti iddhikāraṇaṃ buddhikāraṇaṃ sabbasampattikāraṇaṃ patiṭṭhāpenti. Amaṅgalaṃ paccentīti aniddhikāraṇaṃ na buddhikāraṇaṃ na sampattikāraṇaṃ patiṭṭhāpenti. Te kālato vuṭṭhahitvāti ete diṭṭhādimaṅgalikā puretarameva uṭṭhahitvā. Abhimaṅgalagatānīti visesena vuḍḍhikāraṇagatāni. Rūpāni passantīti nānāvidhāni rūpārammaṇāni dakkhanti. Cāṭakasakuṇanti evaṃnāmakaṃ. Phussaveḷuvalaṭṭhinti phussanakkhattena uppannaṃ taruṇabeḷuvalaṭṭhiṃ. Gabbhinitthinti sagabbhaṃ itthiṃ. Kumārakaṃ khandhe āropetvā gacchantanti taruṇadārakaṃ aṃse ussāpetvā gacchamānaṃ. Puṇṇaghaṭanti udakapuṇṇaghaṭaṃ. Rohitamacchanti rattarohitamacchaṃ. Ājaññarathanti sindhavayuttarathaṃ. Usabhanti maṅgalausabhaṃ. Gokapilanti kapilagāviṃ.
балаалабун̃ж̇анд̇и т̇усараасим̣. д̇аггагхаданд̇и г̇од̇аггаад̣̇ибуурид̇ажаадим̣. рид̇д̇агхаданд̇и д̇ужчагхадам̣. наданд̇и надагаад̣̇им̣. ‘‘д̇худ̇д̇агирияа’’нд̇и згз. наг̇г̇асаман̣аганд̇и нижжол̣асаман̣ам̣ . каранд̇и г̇ад̣̇рабхам̣. караяаананд̇и г̇ад̣̇рабхаяуд̇д̇ам̣ ваяхаад̣̇игам̣. згаяуд̇д̇аяаананд̇и згзна вааханзна сам̣яуд̇д̇ам̣ яаанам̣. гаан̣анд̇и згагкиубхаяагкигаан̣ам̣. гун̣инд̇и хад̇т̇агун̣им̣. кан̃ж̇анд̇и кан̃ж̇абаад̣̇ам̣ д̇ирияаг̇ад̇абаад̣̇ам̣. багкахад̇анд̇и бийтасаббим̣. ж̇ин̣н̣аганд̇и ж̇арааж̇ин̣н̣ам̣. б̣яаад̇хиганд̇и б̣яаад̇хибийл̣ид̇ам̣. мад̇анд̇и гаалан̇гад̇ам̣.
Palālapuñjanti thusarāsiṃ. Takkaghaṭanti gotakkādipūritacāṭiṃ. Rittaghaṭanti tucchaghaṭaṃ. Naṭanti naṭakādiṃ. ‘‘Dhuttakiriya’’nti eke. Naggasamaṇakanti niccoḷasamaṇaṃ . Kharanti gadrabhaṃ. Kharayānanti gadrabhayuttaṃ vayhādikaṃ. Ekayuttayānanti ekena vāhanena saṃyuttaṃ yānaṃ. Kāṇanti ekakkhiubhayakkhikāṇaṃ. Kuṇinti hatthakuṇiṃ. Khañjanti khañjapādaṃ tiriyagatapādaṃ. Pakkhahatanti pīṭhasappiṃ. Jiṇṇakanti jarājiṇṇaṃ. Byādhikanti byādhipīḷitaṃ. Matanti kālaṅkataṃ.
суд̇асуд̣̇д̇хигаад̇и сод̇авин̃н̃аан̣зна суд̇зна суд̣̇д̇хим̣ ижчамаанаа. сад̣̇д̣̇аанам̣ савананд̇и сад̣̇д̣̇аарамман̣аанам̣ саванам̣. вад̣дхаад̇и ваад̇иаад̣̇аяо логз бавад̇д̇асад̣̇д̣̇амад̇д̇аани г̇ахзд̇ваа вуд̇д̇аа. аман̇г̇алам̣ бана ‘‘гаан̣о’’д̇иаад̣̇инаа д̇зна д̇зна наамзна вуд̇д̇асад̣̇д̣̇ааязва. ‘‘чинд̣̇а’’нд̇и ваад̇и хад̇т̇абаад̣̇аад̣̇ижчиннанд̇и ваа. ‘‘бхинд̣̇а’’нд̇и ваад̇и сийсаад̣̇ибхиннанд̇и ваа. ‘‘д̣̇ад̣дха’’нд̇и ваад̇и аг̇г̇инаа жхаабид̇анд̇и ваа. ‘‘надта’’нд̇и ваад̇и жораад̣̇ийхи винаасид̇анд̇и ваа. ‘‘над̇т̇ий’’д̇и ваад̇и на виж̇ж̇ад̇ийд̇и ваа.
Sutasuddhikāti sotaviññāṇena sutena suddhiṃ icchamānā. Saddānaṃ savananti saddārammaṇānaṃ savanaṃ. Vaḍḍhāti vātiādayo loke pavattasaddamattāni gahetvā vuttā. Amaṅgalaṃ pana ‘‘kāṇo’’tiādinā tena tena nāmena vuttasaddāyeva. ‘‘Chinda’’nti vāti hatthapādādicchinnanti vā. ‘‘Bhinda’’nti vāti sīsādibhinnanti vā. ‘‘Daḍḍha’’nti vāti agginā jhāpitanti vā. ‘‘Naṭṭha’’nti vāti corādīhi vināsitanti vā. ‘‘Natthī’’ti vāti na vijjatīti vā.
сийласуд̣̇д̇хигаад̇и сийлзна висуд̣̇д̇хим̣ ижчанагаа. сийламад̇д̇знаад̇и сам̣варан̣амад̇д̇зна. сам̣яамамад̇д̇знаад̇и убарамамад̇д̇зна. сам̣варамад̇д̇знаад̇и д̣̇ваарат̇аганамад̇д̇зна. авийд̇иггамамад̇д̇знаад̇и на ад̇иггамид̇амад̇д̇зна. саман̣о мун̣д̣игаабуд̇д̇од̇и маад̇ид̇о лад̣̇д̇ханаамам̣. самбаннагусаланд̇и барибун̣н̣агусалам̣. барамагусаланд̇и уд̇д̇амагусалам̣. уд̇д̇амабад̇д̇иббад̇д̇анд̇и уд̇д̇амам̣ арахад̇д̇ам̣ баабун̣ид̇аб̣б̣ад̇ам̣ бад̇ваа тид̇ам̣. аяож̇ж̇анд̇и барааж̇зд̇ум̣ асаггун̣зяяам̣ саман̣ам̣.
Sīlasuddhikāti sīlena visuddhiṃ icchanakā. Sīlamattenāti saṃvaraṇamattena. Saṃyamamattenāti uparamamattena. Saṃvaramattenāti dvārathakanamattena. Avītikkamamattenāti na atikkamitamattena. Samaṇo muṇḍikāputtoti mātito laddhanāmaṃ. Sampannakusalanti paripuṇṇakusalaṃ. Paramakusalanti uttamakusalaṃ. Uttamapattippattanti uttamaṃ arahattaṃ pāpuṇitabbataṃ patvā ṭhitaṃ. Ayojjanti parājetuṃ asakkuṇeyyaṃ samaṇaṃ.
вад̇асуд̣̇д̇хигаад̇и самаад̣̇аанзна вад̇зна суд̣̇д̇хим̣ ижчанагаа. хад̇т̇ивад̇игаа ваад̇и самаад̣̇иннам̣ хад̇т̇ивад̇ам̣ зд̇зсам̣ ад̇т̇ийд̇и хад̇т̇ивад̇игаа, саб̣б̣ахад̇т̇игирияам̣ гаронд̇ийд̇и ад̇т̇о. гат̇ам̣? ‘‘аж̇ж̇а бадтааяа хад̇т̇ийхи гаад̇аб̣б̣ам̣ гариссаамий’’д̇и звам̣ уббаннажид̇д̇аа хад̇т̇ийнам̣ г̇аманаагаарам̣ д̇идтанаагаарам̣ нисийд̣̇анаагаарам̣ саяанаагаарам̣ ужжаарабассаавагаран̣аагаарам̣, ан̃н̃з хад̇т̇ий д̣̇исваа сон̣д̣ам̣ уссаабзд̇ваа г̇аманаагааран̃жа саб̣б̣ам̣ гаронд̇ийд̇и хад̇т̇ивад̇игаа. ассавад̇игаад̣̇ийсуби лаб̣бхамаанавасзна яат̇ааяог̇ам̣ яож̇зд̇аб̣б̣ам̣. д̇зсу авасаанз д̣̇исаавад̇игаа ваад̇и бурад̇т̇имаад̣̇ид̣̇исаанам̣ намассанавасзна самаад̣̇иннад̣̇исаавад̇игаа, зд̇зсам̣ вуд̇д̇аббагаараанам̣ саман̣аб̣раахман̣аанам̣ вад̇асамаад̣̇аанам̣ самбаж̇ж̇амаанам̣ хад̇т̇иаад̣̇ийнам̣ сахаб̣яад̇ам̣ убанзд̇и. сажз ко банасса мижчаад̣̇идти ход̇и ‘‘иминаахам̣ сийлавад̇асамаад̣̇аанаб̣рахмажариязна д̣̇зво ваа д̣̇зван̃н̃ад̇аро ваа хомий’’д̇и жинд̇аяанд̇асса нираяад̇иражчаанаяонийнам̣ ан̃н̃ад̇аро ход̇ийд̇и н̃аад̇аб̣б̣ам̣. вуд̇д̇ан̃хзд̇ам̣ бхаг̇авад̇аа (ма. ни. 2.79) –
Vatasuddhikāti samādānena vatena suddhiṃ icchanakā. Hatthivatikā vāti samādinnaṃ hatthivataṃ etesaṃ atthīti hatthivatikā, sabbahatthikiriyaṃ karontīti attho. Kathaṃ? ‘‘Ajja paṭṭhāya hatthīhi kātabbaṃ karissāmī’’ti evaṃ uppannacittā hatthīnaṃ gamanākāraṃ tiṭṭhanākāraṃ nisīdanākāraṃ sayanākāraṃ uccārapassāvakaraṇākāraṃ, aññe hatthī disvā soṇḍaṃ ussāpetvā gamanākārañca sabbaṃ karontīti hatthivatikā. Assavatikādīsupi labbhamānavasena yathāyogaṃ yojetabbaṃ. Tesu avasāne disāvatikā vāti puratthimādidisānaṃ namassanavasena samādinnadisāvatikā, etesaṃ vuttappakārānaṃ samaṇabrāhmaṇānaṃ vatasamādānaṃ sampajjamānaṃ hatthiādīnaṃ sahabyataṃ upaneti. Sace kho panassa micchādiṭṭhi hoti ‘‘imināhaṃ sīlavatasamādānabrahmacariyena devo vā devaññataro vā homī’’ti cintayantassa nirayatiracchānayonīnaṃ aññataro hotīti ñātabbaṃ. Vuttañhetaṃ bhagavatā (ma. ni. 2.79) –
‘‘ид̇ха , бун̣н̣а, згажжо гуггуравад̇ам̣ бхаавзд̇и барибун̣н̣ам̣ аб̣б̣огин̣н̣ам̣, гуггурасийлам̣ бхаавзд̇и барибун̣н̣ам̣ аб̣б̣огин̣н̣ам̣, гуггуражид̇д̇ам̣ бхаавзд̇и барибун̣н̣ам̣ аб̣б̣огин̣н̣ам̣, гуггураагаббам̣ бхаавзд̇и барибун̣н̣ам̣ аб̣б̣огин̣н̣ам̣. со гуггуравад̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггурасийлам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггуражид̇д̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггураагаббам̣ бхаавзд̇ваа барибун̣н̣ам̣ аб̣б̣огин̣н̣ам̣ гааяасса бхзд̣̇аа барам̣ маран̣аа гуггураанам̣ сахаб̣яад̇ам̣ убабаж̇ж̇ад̇и. сажз ко банасса звам̣д̣̇идти ход̇и ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, саасса ход̇и мижчаад̣̇идти. мижчаад̣̇идтисса ко ахам̣, бун̣н̣а, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами нираяам̣ ваа д̇иражчаанаяоним̣ ваа. ид̇и ко, бун̣н̣а, самбаж̇ж̇амаанам̣ гуггуравад̇ам̣ гуггураанам̣ сахаб̣яад̇ам̣ убанзд̇и, вибаж̇ж̇амаанам̣ нираяа’’нд̇и.
‘‘Idha , puṇṇa, ekacco kukkuravataṃ bhāveti paripuṇṇaṃ abbokiṇṇaṃ, kukkurasīlaṃ bhāveti paripuṇṇaṃ abbokiṇṇaṃ, kukkuracittaṃ bhāveti paripuṇṇaṃ abbokiṇṇaṃ, kukkurākappaṃ bhāveti paripuṇṇaṃ abbokiṇṇaṃ. So kukkuravataṃ bhāvetvā paripuṇṇaṃ abbokiṇṇaṃ, kukkurasīlaṃ bhāvetvā paripuṇṇaṃ abbokiṇṇaṃ, kukkuracittaṃ bhāvetvā paripuṇṇaṃ abbokiṇṇaṃ, kukkurākappaṃ bhāvetvā paripuṇṇaṃ abbokiṇṇaṃ kāyassa bhedā paraṃ maraṇā kukkurānaṃ sahabyataṃ upapajjati. Sace kho panassa evaṃdiṭṭhi hoti ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, sāssa hoti micchādiṭṭhi. Micchādiṭṭhissa kho ahaṃ, puṇṇa, dvinnaṃ gatīnaṃ aññataraṃ gatiṃ vadāmi nirayaṃ vā tiracchānayoniṃ vā. Iti kho, puṇṇa, sampajjamānaṃ kukkuravataṃ kukkurānaṃ sahabyataṃ upaneti, vipajjamānaṃ niraya’’nti.
г̇анд̇хаб̣б̣авад̇игаад̣̇аяо г̇анд̇хаб̣б̣аад̣̇ийнам̣ сахаб̣яад̇ам̣ убаг̇ажчанд̇ийд̇и ад̇т̇о на г̇ахзд̇аб̣б̣о, мижчаад̣̇идтияаа г̇ахид̇ад̇д̇аа нираяад̇иражчаанаяонимзва убаг̇ажчанд̇ийд̇и г̇ахзд̇аб̣б̣о.
Gandhabbavatikādayo gandhabbādīnaṃ sahabyataṃ upagacchantīti attho na gahetabbo, micchādiṭṭhiyā gahitattā nirayatiracchānayonimeva upagacchantīti gahetabbo.
муд̇асуд̣̇д̇хигаад̇и пусид̇зна суд̣̇д̇хигаа. бат̇авим̣ аамасанд̇ийд̇и сасамбхааригам̣ махаабат̇авим̣ гааязна пусанд̇и. харид̇анд̇и алланийласад̣̇д̣̇алам̣. г̇омаяанд̇и г̇аваад̣̇иг̇омаяам̣. гажчабанд̇и адтигажчабаад̣̇ианзгавид̇хам̣. паалам̣ аггаманд̇ийд̇и аяапаалам̣ мад̣̇д̣̇анд̇и. д̇илавааханд̇и д̇иласагадам̣ д̇илараасим̣ ваа. пуссад̇илам̣ каад̣̇анд̇ийд̇и ман̇г̇алабадисам̣яуд̇д̇ам̣ д̇илам̣ каад̣̇анд̇и. пуссад̇злам̣ магкзнд̇ийд̇и д̇ат̇ааруубам̣ д̇илад̇злам̣ сарийраб̣бхан̃ж̇анам̣ гаронд̇и. д̣̇анд̇агадтанд̇и д̣̇анд̇абон̣ам̣. мад̇д̇игааяа нхааяанд̇ийд̇и гун̇гудтаад̣̇игааяа сан̣хамад̇д̇игааяа сарийрам̣ уб̣б̣аддзд̇ваа нхааяанд̇и. саадагам̣ ниваасзнд̇ийд̇и ман̇г̇алабадисам̣яуд̇д̇ам̣ вад̇т̇ам̣ барид̣̇аханд̇и. взтанам̣ взтзнд̇ийд̇и сийсавзтанам̣ бад̇д̇ун̣н̣аад̣̇ибадам̣ сийсз табзнд̇и бадимужжанд̇и.
Mutasuddhikāti phusitena suddhikā. Pathaviṃ āmasantīti sasambhārikaṃ mahāpathaviṃ kāyena phusanti. Haritanti allanīlasaddalaṃ. Gomayanti gavādigomayaṃ. Kacchapanti aṭṭhikacchapādianekavidhaṃ. Phālaṃ akkamantīti ayaphālaṃ maddanti. Tilavāhanti tilasakaṭaṃ tilarāsiṃ vā. Phussatilaṃ khādantīti maṅgalapaṭisaṃyuttaṃ tilaṃ khādanti. Phussatelaṃ makkhentīti tathārūpaṃ tilatelaṃ sarīrabbhañjanaṃ karonti. Dantakaṭṭhanti dantapoṇaṃ. Mattikāya nhāyantīti kuṅkuṭṭhādikāya saṇhamattikāya sarīraṃ ubbaṭṭetvā nhāyanti. Sāṭakaṃ nivāsentīti maṅgalapaṭisaṃyuttaṃ vatthaṃ paridahanti. Veṭhanaṃ veṭhentīti sīsaveṭhanaṃ pattuṇṇādipaṭaṃ sīse ṭhapenti paṭimuccanti.
д̇зд̇хаад̇угам̣ гусалаабхисан̇кааранд̇и гаамад̇хаад̇уруубад̇хаад̇уаруубад̇хаад̇уусу бадисанд̇хид̣̇ааяагам̣ госалласамбхууд̇ам̣ бажжаяаабхисан̇каарам̣. саб̣б̣ам̣ агусаланд̇и д̣̇ваад̣̇асавид̇хам̣ агосалласамбхууд̇ам̣ агусалам̣. яад̇од̇и яад̣̇аа. д̇з д̣̇асавид̇хо бун̃н̃аабхисан̇кааро жа, д̣̇ваад̣̇асавид̇хо абун̃н̃аабхисан̇кааро жа, жад̇уб̣б̣ид̇хо аанзн̃ж̇аабхисан̇кааро жа яат̇аануруубам̣ самужчзд̣̇аббахаанзна бахийнаа хонд̇и. ад̇д̇ад̣̇идтиж̇аход̇и ‘‘зсо мз ад̇д̇аа’’д̇и г̇ахид̇ад̣̇идтим̣ ж̇ахо. г̇аахам̣ ж̇аход̇и ‘‘зсохамасмий’’д̇и маанасамбаяуд̇д̇аг̇ахан̣ам̣ ж̇ахо. буна ад̇д̇ан̃ж̇аход̇и ‘‘зд̇ам̣ мамаа’’д̇и д̇ан̣хааг̇ахан̣авасзна жа д̣̇идтиг̇ахан̣авасзна жа бараамасид̇ваа г̇ахид̇ам̣, барад̇о аамадтан̃жа, д̇асмим̣ абхинивидтан̃жа, б̣алавад̇ан̣хаавасзна г̇илид̇ваа аж̇жхосид̇ан̃жа, б̣алавамужчид̇ан̃жа. саб̣б̣ам̣ д̇ам̣ жад̇д̇ам̣ ход̇ийд̇иаад̣̇аяо вуд̇д̇анаяааязва.
Tedhātukaṃ kusalābhisaṅkhāranti kāmadhāturūpadhātuarūpadhātūsu paṭisandhidāyakaṃ kosallasambhūtaṃ paccayābhisaṅkhāraṃ. Sabbaṃ akusalanti dvādasavidhaṃ akosallasambhūtaṃ akusalaṃ. Yatoti yadā. Te dasavidho puññābhisaṅkhāro ca, dvādasavidho apuññābhisaṅkhāro ca, catubbidho āneñjābhisaṅkhāro ca yathānurūpaṃ samucchedappahānena pahīnā honti. Attadiṭṭhijahoti ‘‘eso me attā’’ti gahitadiṭṭhiṃ jaho. Gāhaṃ jahoti ‘‘esohamasmī’’ti mānasampayuttagahaṇaṃ jaho. Puna attañjahoti ‘‘etaṃ mamā’’ti taṇhāgahaṇavasena ca diṭṭhigahaṇavasena ca parāmasitvā gahitaṃ, parato āmaṭṭhañca, tasmiṃ abhiniviṭṭhañca, balavataṇhāvasena gilitvā ajjhositañca, balavamucchitañca. Sabbaṃ taṃ cattaṃ hotītiādayo vuttanayāyeva.
26. звам̣ ‘‘на б̣раахман̣о ан̃н̃ад̇о суд̣̇д̇химаахаа’’д̇и вад̇ваа ид̣̇аани яз д̣̇идтиг̇ад̇игаа ан̃н̃ад̇о суд̣̇д̇хим̣ б̣руванд̇и, д̇зсам̣ д̇ассаа д̣̇идтияаа аниб̣б̣аахагабхаавам̣ д̣̇ассзнд̇о ‘‘буримам̣ бахааяаа’’д̇и г̇аат̇амааха. д̇ассад̇т̇о – д̇зхи ан̃н̃ад̇о суд̣̇д̇хиваад̣̇аа самаанааби яассаа д̣̇идтияаа аббахийнад̇д̇аа г̇ахан̣амун̃жанам̣ ход̇и, д̇ааяа буримам̣ сад̇т̇аараад̣̇им̣ бахааяа абарам̣ ниссид̇аа, зж̇аасан̇каад̇ааяа д̇ан̣хааяа ануг̇ад̇аа абхибхууд̇аа рааг̇аад̣̇ибхзд̣̇ам̣ на д̇аранд̇и сан̇г̇ам̣, д̇ан̃жа ад̇аранд̇аа д̇ам̣ д̇ам̣ д̇хаммам̣ уг̇г̇ан̣ханд̇и жа нирассаж̇анд̇и жа маггадова сааканд̇и.
26. Evaṃ ‘‘na brāhmaṇo aññato suddhimāhā’’ti vatvā idāni ye diṭṭhigatikā aññato suddhiṃ bruvanti, tesaṃ tassā diṭṭhiyā anibbāhakabhāvaṃ dassento ‘‘purimaṃ pahāyā’’ti gāthamāha. Tassattho – tehi aññato suddhivādā samānāpi yassā diṭṭhiyā appahīnattā gahaṇamuñcanaṃ hoti, tāya purimaṃ satthārādiṃ pahāya aparaṃ nissitā, ejāsaṅkhātāya taṇhāya anugatā abhibhūtā rāgādibhedaṃ na taranti saṅgaṃ, tañca atarantā taṃ taṃ dhammaṃ uggaṇhanti ca nirassajanti ca makkaṭova sākhanti.
буримам̣ сад̇т̇аарам̣ бахааяаад̇и буримаг̇ахид̇ам̣ сад̇т̇убадин̃н̃ам̣ важ̇ж̇зд̇ваа. барам̣ сад̇т̇аарам̣ ниссид̇аад̇и ан̃н̃ам̣ сад̇т̇убадин̃н̃ам̣ ниссид̇аа аллийнаа. буримам̣ д̇хаммагкаанам̣ бахааяаад̇иаад̣̇ийсуби зсзва наяо.
Purimaṃ satthāraṃ pahāyāti purimagahitaṃ satthupaṭiññaṃ vajjetvā. Paraṃ satthāraṃ nissitāti aññaṃ satthupaṭiññaṃ nissitā allīnā. Purimaṃ dhammakkhānaṃ pahāyātiādīsupi eseva nayo.
зж̇аануг̇аад̇и д̇ан̣хааяа ануг̇аа. зж̇аануг̇ад̇аад̇и д̇ан̣хааяа ануг̇ад̇аа. зж̇аанусадаад̇и д̇ан̣хааяа анусадаа багканд̣̇аа ваа. зж̇ааяа баннаа бад̇ид̇аад̇и д̇ан̣хааяа нимуг̇г̇аа жа нигкибид̇аа жа.
Ejānugāti taṇhāya anugā. Ejānugatāti taṇhāya anugatā. Ejānusaṭāti taṇhāya anusaṭā pakkhandā vā. Ejāya pannā patitāti taṇhāya nimuggā ca nikkhipitā ca.
маггадод̇и ваанаро. аран̃н̃зд̇и вибинз. баванзд̇и махааванз. жарамаанод̇и г̇ажчамаано. звамзваад̇и обаммасам̣санд̣̇анам̣. бут̇ууд̇и наанаа. бут̇уд̣̇идтиг̇ад̇аанийд̇и наанаавид̇хаани д̣̇идтиг̇ад̇аани. г̇ан̣ханд̇и жа мун̃жанд̇и жаад̇и г̇ахан̣авасзна г̇ан̣ханд̇и жа жаж̇анавасзна мун̃жанд̇и жа. аад̣̇ияанд̇и жа нирассаж̇анд̇и жаад̇и балиб̣од̇хам̣ гаронд̇и жа виссаж̇ж̇знд̇и жа кибанд̇и жа.
Makkaṭoti vānaro. Araññeti vipine. Pavaneti mahāvane. Caramānoti gacchamāno. Evamevāti opammasaṃsandanaṃ. Puthūti nānā. Puthudiṭṭhigatānīti nānāvidhāni diṭṭhigatāni. Gaṇhanti ca muñcanti cāti gahaṇavasena gaṇhanti ca cajanavasena muñcanti ca. Ādiyanti ca nirassajanti cāti palibodhaṃ karonti ca vissajjenti ca khipanti ca.
27. бан̃жамаг̇аат̇ааяа жа самб̣анд̇хо – яо жа со ‘‘д̣̇идтий хи нам̣ баава д̇ат̇аа вад̣̇аана’’нд̇и вуд̇д̇о, со саяам̣ самаад̣̇ааяаад̇и. д̇ад̇т̇а саяанд̇и саамам̣ . самаад̣̇ааяаад̇и г̇ахзд̇ваа. вад̇аанийд̇и хад̇т̇ивад̇аад̣̇ийни. ужжааважанд̇и абараабарам̣, хийнабан̣ийд̇ам̣ ваа сад̇т̇аарад̇о сад̇т̇аараад̣̇им̣. сан̃н̃асад̇д̇од̇и гаамасан̃н̃аад̣̇ийсу лаг̇г̇о. вид̣̇ваа жа взд̣̇зхи самзжжа д̇хамманд̇и барамад̇т̇авид̣̇ваа жа арахаа жад̇уухи маг̇г̇ан̃аан̣авзд̣̇зхи жад̇усажжад̇хаммам̣ абхисамзжжаад̇и. сзсам̣ баагадамзва.
27. Pañcamagāthāya ca sambandho – yo ca so ‘‘diṭṭhī hi naṃ pāva tathā vadāna’’nti vutto, so sayaṃ samādāyāti. Tattha sayanti sāmaṃ . Samādāyāti gahetvā. Vatānīti hatthivatādīni. Uccāvacanti aparāparaṃ, hīnapaṇītaṃ vā satthārato satthārādiṃ. Saññasattoti kāmasaññādīsu laggo. Vidvā ca vedehi samecca dhammanti paramatthavidvā ca arahā catūhi maggañāṇavedehi catusaccadhammaṃ abhisameccāti. Sesaṃ pākaṭameva.
саамам̣ самаад̣̇ааяаад̇и саяамзва г̇ахзд̇ваа. аад̣̇ааяаад̇и аад̣̇ияид̇ваа г̇ан̣хид̇ваа. самаад̣̇ааяаад̇и саммаа аад̣̇ааяа. аад̣̇ияид̇ваад̇и балиб̣од̇хам̣ гад̇ваа. самаад̣̇ияид̇ваад̇и саммаа балиб̣од̇хам̣ гад̇ваа. г̇ан̣хид̇ваад̇и ависсаж̇ж̇зд̇ваа. бараамасид̇ваад̇и д̣̇ассид̇ваа. абхинивисид̇ваад̇и бад̇идтахид̇ваа. гаамасан̃н̃аад̣̇аяо вуд̇д̇анаяаа зва.
Sāmaṃ samādāyāti sayameva gahetvā. Ādāyāti ādiyitvā gaṇhitvā. Samādāyāti sammā ādāya. Ādiyitvāti palibodhaṃ katvā. Samādiyitvāti sammā palibodhaṃ katvā. Gaṇhitvāti avissajjetvā. Parāmasitvāti dassitvā. Abhinivisitvāti patiṭṭhahitvā. Kāmasaññādayo vuttanayā eva.
вид̣̇ваад̇и мзд̇хаавий. виж̇ж̇ааг̇ад̇од̇и виж̇аананабхаавам̣ г̇ад̇о. н̃аан̣ийд̇и бан̃н̃аасамбанно. вибхаавийд̇и н̃аан̣зна виймам̣саго. мзд̇хаавийд̇и анижжаад̣̇ийхи д̇улид̇ан̃аан̣о. бан̃н̃аад̇иаад̣̇аяо хздтаа вуд̇д̇анаяааязва. жад̇усажжад̇хаммам̣ вижинаад̇ийд̇и д̇хаммавижаяасамб̣ож̇жхан̇г̇о. б̣ож̇жхан̇г̇ад̇т̇о хздтаа вуд̇д̇ова. виймам̣саад̇и жад̇усажжад̇хаммавижинанаа бан̃н̃аава. ‘‘виймам̣саа д̇хаммажинд̇анаа’’д̇и хи вуд̇д̇аа. вибассанаад̇и маг̇г̇асамбаяуд̇д̇аа вивид̇хаагаарзна бассанаа бан̃н̃аава. саммаад̣̇идтийд̇и собханаа басадтаа сунд̣̇араа маг̇г̇асамбаяуд̇д̇аа саммаад̣̇идти. д̇зхи взд̣̇зхийд̇и зд̇зхзва жад̇уухи маг̇г̇ан̃аан̣зхи. анд̇аг̇ад̇од̇и ж̇аад̇иж̇араамаран̣асса барияосаанам̣ г̇ад̇о. годиг̇ад̇од̇иаад̣̇аяо хздтаа вуд̇д̇анаяаава. взд̣̇аанам̣ ваа анд̇аг̇ад̇од̇и ж̇аанид̇аб̣б̣аанам̣ авасаанаббад̇д̇о. взд̣̇зхи ваа анд̇аг̇ад̇од̇и жад̇уухи маг̇г̇ан̃аан̣авзд̣̇зхи ваддад̣̇угкасса барияанд̇абхаавзна анд̇асан̇каад̇ам̣ ниб̣б̣аанам̣ г̇ад̇о. вид̣̇ид̇ад̇д̇аад̇и вид̣̇ид̇абхаавзна ж̇аанид̇абхаавзна.
Vidvāti medhāvī. Vijjāgatoti vijānanabhāvaṃ gato. Ñāṇīti paññāsampanno. Vibhāvīti ñāṇena vīmaṃsako. Medhāvīti aniccādīhi tulitañāṇo. Paññātiādayo heṭṭhā vuttanayāyeva. Catusaccadhammaṃ vicinātīti dhammavicayasambojjhaṅgo. Bojjhaṅgattho heṭṭhā vuttova. Vīmaṃsāti catusaccadhammavicinanā paññāva. ‘‘Vīmaṃsā dhammacintanā’’ti hi vuttā. Vipassanāti maggasampayuttā vividhākārena passanā paññāva. Sammādiṭṭhīti sobhanā pasaṭṭhā sundarā maggasampayuttā sammādiṭṭhi. Tehi vedehīti eteheva catūhi maggañāṇehi. Antagatoti jātijarāmaraṇassa pariyosānaṃ gato. Koṭigatotiādayo heṭṭhā vuttanayāva. Vedānaṃ vā antagatoti jānitabbānaṃ avasānappatto. Vedehi vā antagatoti catūhi maggañāṇavedehi vaṭṭadukkhassa pariyantabhāvena antasaṅkhātaṃ nibbānaṃ gato. Viditattāti viditabhāvena jānitabhāvena.
взд̣̇аани вижзяяа гзвалаанийд̇и г̇аат̇ааяа аяамад̇т̇о – яо жад̇уухи маг̇г̇ан̃аан̣авзд̣̇зхи гилзсагкаяам̣ гаронд̇о г̇ад̇о, со барамад̇т̇ад̇о взд̣̇аг̇уу наама ход̇и. сова саб̣б̣асаман̣аб̣раахман̣аанам̣ сад̇т̇асан̃н̃ид̇аани взд̣̇аани д̇ааязва маг̇г̇абхааванааяа гижжад̇о анижжаад̣̇ивасзна вижзяяа. д̇ад̇т̇а чанд̣̇арааг̇аббахаанзна д̇амзва саб̣б̣ам̣ взд̣̇амад̇ижжа яааби взд̣̇абажжаяаа, ан̃н̃ат̇аа ваа уббаж̇ж̇анд̇и взд̣̇анаа, д̇аасу саб̣б̣авзд̣̇анаасу вийд̇арааг̇о ход̇и. д̇асмаа д̇амад̇т̇ам̣ д̣̇ассзнд̇о ‘‘гим̣ бад̇д̇инамааху взд̣̇аг̇у’’нд̇и (су. ни. 533) будто ‘‘ид̣̇ам̣ бад̇д̇ина’’нд̇и авад̇ваа ‘‘взд̣̇аани вижзяяа…бз… взд̣̇аг̇уу со’’д̇и ааха. яасмаа ваа яо бавижаяабан̃н̃ааяа взд̣̇аани вижзяяа, д̇ад̇т̇а чанд̣̇арааг̇аббахаанзна саб̣б̣ам̣ взд̣̇амад̇ижжа вад̇д̇ад̇и. со сад̇т̇асан̃н̃ид̇аани взд̣̇аани г̇ад̇о н̃аад̇о ад̇игганд̇ова ход̇и. яо взд̣̇анаасу вийд̇арааг̇о, соби взд̣̇анаасан̃н̃ид̇аани взд̣̇аани г̇ад̇о ад̇игганд̇о , ад̇ивзд̣̇анам̣ г̇ад̇од̇иби взд̣̇аг̇уу. д̇асмаа д̇амби ад̇т̇ам̣ д̣̇ассзнд̇о ‘‘ид̣̇ам̣ бад̇д̇ина’’нд̇и авад̇ваа ‘‘взд̣̇аани вижзяяа…бз… взд̣̇аг̇уу со’’д̇и ааха.
Vedāni viceyya kevalānīti gāthāya ayamattho – yo catūhi maggañāṇavedehi kilesakkhayaṃ karonto gato, so paramatthato vedagū nāma hoti. Sova sabbasamaṇabrāhmaṇānaṃ satthasaññitāni vedāni tāyeva maggabhāvanāya kiccato aniccādivasena viceyya. Tattha chandarāgappahānena tameva sabbaṃ vedamaticca yāpi vedapaccayā, aññathā vā uppajjanti vedanā, tāsu sabbavedanāsu vītarāgo hoti. Tasmā tamatthaṃ dassento ‘‘kiṃ pattinamāhu vedagu’’nti (su. ni. 533) puṭṭho ‘‘idaṃ pattina’’nti avatvā ‘‘vedāni viceyya…pe… vedagū so’’ti āha. Yasmā vā yo pavicayapaññāya vedāni viceyya, tattha chandarāgappahānena sabbaṃ vedamaticca vattati. So satthasaññitāni vedāni gato ñāto atikkantova hoti. Yo vedanāsuvītarāgo, sopi vedanāsaññitāni vedāni gato atikkanto , ativedanaṃ gatotipi vedagū. Tasmā tampi atthaṃ dassento ‘‘idaṃ pattina’’nti avatvā ‘‘vedāni viceyya…pe… vedagū so’’ti āha.
самзжжаад̇и н̃аан̣зна самааг̇анд̇ваа. абхисамзжжаад̇и н̃аан̣зна бадивиж̇жхид̇ваа. д̇хамманд̇и жад̇усажжад̇хаммам̣. саб̣б̣з сан̇каараад̇и саб̣б̣з саббажжаяаа д̇хаммаа. д̇з хи сан̇кад̇асан̇каараа наама. бажжаязхи сан̇г̇амма гарийяанд̇ийд̇и сан̇каараа, д̇з звам̣ бажжаязхи сан̇г̇амма гад̇ад̇д̇аа ‘‘сан̇кад̇аа’’д̇и висзсзд̇ваа вуд̇д̇аа. ‘‘гамманиб̣б̣ад̇д̇аа д̇збхуумагаруубааруубад̇хаммаа абхисан̇кад̇асан̇каараа’’д̇и (висуд̣̇д̇хи. 2.587) адтагат̇аасу вуд̇д̇аа. д̇зби ‘‘анижжаа вад̇а сан̇каараа’’д̇иаад̣̇ийсу (д̣̇ий. ни. 2.221, 272; сам̣. ни. 1.186) сан̇кад̇асан̇каарзсу сан̇г̇ахам̣ г̇ажчанд̇и. ‘‘авиж̇ж̇ааг̇ад̇ояам̣, бхигкавз, бурисабуг̇г̇ало бун̃н̃ан̃жз сан̇каарам̣ абхисан̇карод̇ий’’д̇иаад̣̇ийсу (сам̣. ни. 2.51) авиж̇ж̇аабажжаяаа сан̇каараава ааг̇ад̇аа. д̇збхуумигагусалаагусалажзд̇анаа абхисан̇каран̣агасан̇каараа наама. ‘‘яаавад̇игаа абхисан̇каарасса г̇ад̇и, д̇аавад̇игам̣ г̇анд̇ваа агкаахад̇ам̣ ман̃н̃з адтаасий’’д̇иаад̣̇ийсу (а. ни. 3.15) ааг̇ад̇ам̣ гааяигажзд̇асигавийрияам̣ баяог̇аабхисан̇кааро наама. ‘‘сан̃н̃аавзд̣̇аяид̇анирод̇хам̣ самаабаннасса ко, аавусо висаака, бхигкуно батамам̣ нируж̇жхад̇и важийсан̇кааро, д̇ад̇о гааяасан̇кааро, д̇ад̇о жид̇д̇асан̇кааро’’д̇иаад̣̇ийсу (ма. ни. 1.464) ааг̇ад̇аа вид̇аггавижаараа ваажам̣ сан̇каронд̇ийд̇и важийсан̇каараа, ассаасабассаасаа гааязна сан̇карийяанд̇ийд̇и гааяасан̇каараа, сан̃н̃аа жа взд̣̇анаа жа жид̇д̇зна сан̇карийяанд̇ийд̇и жид̇д̇асан̇каараа. ид̇ха бана сан̇кад̇асан̇каараа ад̇хиббзд̇аа. анижжаа худ̇ваа абхаавадтзна. д̣̇угкаа бадибийл̣анадтзна. саб̣б̣з д̇хаммаад̇и ниб̣б̣аанамби анд̇огад̇ваа вуд̇д̇аа. анад̇д̇аа авасавад̇д̇анадтзна. авиж̇ж̇аабажжаяаа сан̇каараад̇и зд̇т̇а яам̣ бадижжа паламзд̇и, со бажжаяо. бадижжаад̇и на винаа, абажжагкид̇ваад̇и ад̇т̇о. зд̇ийд̇и уббаж̇ж̇ад̇и жзва бавад̇д̇ад̇и жаад̇и ад̇т̇о. абижа убагаарагадто бажжаяадто. авиж̇ж̇аа жа саа бажжаяо жаад̇и авиж̇ж̇аабажжаяо, д̇асмаа авиж̇ж̇аабажжаяаа. сан̇каараа самбхаванд̇ийд̇и ниб̣б̣ад̇д̇анд̇и, звам̣ самбхаванд̇исад̣̇д̣̇асса сзсабад̣̇зхиби яож̇анаа гаад̇аб̣б̣аа.
Sameccāti ñāṇena samāgantvā. Abhisameccāti ñāṇena paṭivijjhitvā. Dhammanti catusaccadhammaṃ. Sabbe saṅkhārāti sabbe sappaccayā dhammā. Te hi saṅkhatasaṅkhārā nāma. Paccayehi saṅgamma karīyantīti saṅkhārā, te evaṃ paccayehi saṅgamma katattā ‘‘saṅkhatā’’ti visesetvā vuttā. ‘‘Kammanibbattā tebhūmakarūpārūpadhammā abhisaṅkhatasaṅkhārā’’ti (visuddhi. 2.587) aṭṭhakathāsu vuttā. Tepi ‘‘aniccā vata saṅkhārā’’tiādīsu (dī. ni. 2.221, 272; saṃ. ni. 1.186) saṅkhatasaṅkhāresu saṅgahaṃ gacchanti. ‘‘Avijjāgatoyaṃ, bhikkhave, purisapuggalo puññañce saṅkhāraṃ abhisaṅkharotī’’tiādīsu (saṃ. ni. 2.51) avijjāpaccayā saṅkhārāva āgatā. Tebhūmikakusalākusalacetanā abhisaṅkharaṇakasaṅkhārā nāma. ‘‘Yāvatikā abhisaṅkhārassa gati, tāvatikaṃ gantvā akkhāhataṃ maññe aṭṭhāsī’’tiādīsu (a. ni. 3.15) āgataṃ kāyikacetasikavīriyaṃ payogābhisaṅkhāro nāma. ‘‘Saññāvedayitanirodhaṃ samāpannassa kho, āvuso visākha, bhikkhuno paṭhamaṃ nirujjhati vacīsaṅkhāro, tato kāyasaṅkhāro, tato cittasaṅkhāro’’tiādīsu (ma. ni. 1.464) āgatā vitakkavicārā vācaṃ saṅkharontīti vacīsaṅkhārā, assāsapassāsā kāyena saṅkharīyantīti kāyasaṅkhārā, saññā ca vedanā ca cittena saṅkharīyantīti cittasaṅkhārā. Idha pana saṅkhatasaṅkhārā adhippetā. Aniccā hutvā abhāvaṭṭhena. Dukkhā paṭipīḷanaṭṭhena. Sabbe dhammāti nibbānampi antokatvā vuttā. Anattā avasavattanaṭṭhena. Avijjāpaccayā saṅkhārāti ettha yaṃ paṭicca phalameti, so paccayo. Paṭiccāti na vinā, apaccakkhitvāti attho. Etīti uppajjati ceva pavattati cāti attho. Apica upakārakaṭṭho paccayaṭṭho. Avijjā ca sā paccayo cāti avijjāpaccayo, tasmā avijjāpaccayā. Saṅkhārā sambhavantīti nibbattanti, evaṃ sambhavantisaddassa sesapadehipi yojanā kātabbā.
д̇ад̇т̇а гад̇амаа авиж̇ж̇аа? д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣ам̣, буб̣б̣анд̇з ан̃н̃аан̣ам̣, абаранд̇з ан̃н̃аан̣ам̣, буб̣б̣анд̇аабаранд̇з ан̃н̃аан̣ам̣, ид̣̇аббажжаяад̇аабадижжасамуббаннзсу д̇хаммзсу ан̃н̃аан̣ам̣. гад̇амз сан̇каараа? бун̃н̃аабхисан̇кааро абун̃н̃аабхисан̇кааро аанзн̃ж̇аабхисан̇кааро, гааяасан̇кааро важийсан̇кааро жид̇д̇асан̇кааро, адта гаамааважарагусалажзд̇анаа, бан̃жа руубааважарагусалажзд̇анаа бун̃н̃аабхисан̇кааро, д̣̇ваад̣̇аса агусалажзд̇анаа абун̃н̃аабхисан̇кааро, жад̇ассо аруубааважарагусалажзд̇анаа аанзн̃ж̇аабхисан̇кааро, гааяасан̃жзд̇анаа гааяасан̇кааро, важийсан̃жзд̇анаа важийсан̇кааро, маносан̃жзд̇анаа жид̇д̇асан̇кааро.
Tattha katamā avijjā? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatāpaṭiccasamuppannesu dhammesu aññāṇaṃ. Katame saṅkhārā? Puññābhisaṅkhāro apuññābhisaṅkhāro āneñjābhisaṅkhāro, kāyasaṅkhāro vacīsaṅkhāro cittasaṅkhāro, aṭṭha kāmāvacarakusalacetanā, pañca rūpāvacarakusalacetanā puññābhisaṅkhāro, dvādasa akusalacetanā apuññābhisaṅkhāro, catasso arūpāvacarakusalacetanā āneñjābhisaṅkhāro, kāyasañcetanā kāyasaṅkhāro, vacīsañcetanā vacīsaṅkhāro, manosañcetanā cittasaṅkhāro.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘имз сан̇каараа авиж̇ж̇аабажжаяаа хонд̇ий’’д̇и? авиж̇ж̇аабхаавз бхаавад̇о. яасса хи д̣̇угкаад̣̇ийсу авиж̇ж̇аасан̇каад̇ам̣ ан̃н̃аан̣ам̣ аббахийнам̣ ход̇и, со д̣̇угкз д̇аава буб̣б̣анд̇аад̣̇ийсу жа ан̃н̃аан̣зна сам̣саарад̣̇угкам̣ сукасан̃н̃ааяа г̇ахзд̇ваа д̇ассзва хзд̇убхууд̇з д̇ивид̇хзби сан̇каарз аарабхад̇и. самуд̣̇аяз ан̃н̃аан̣зна д̣̇угкахзд̇убхууд̇зби д̇ан̣хаабаригкаарз сан̇каарз сукахзд̇уд̇о ман̃н̃амаано аарабхад̇и. нирод̇хз бана маг̇г̇з жа ан̃н̃аан̣зна д̣̇угкасса анирод̇хабхууд̇зби г̇ад̇ивисзсз д̣̇угканирод̇хасан̃н̃ий худ̇ваа нирод̇хасса жа амаг̇г̇абхууд̇зсуби яан̃н̃аамарад̇абаад̣̇ийсу нирод̇хамаг̇г̇асан̃н̃ий худ̇ваа д̣̇угканирод̇хам̣ бад̇т̇аяамаано яан̃н̃аамарад̇абаад̣̇имукзна д̇ивид̇хзби сан̇каарз аарабхад̇и.
Tattha siyā – kathaṃ panetaṃ jānitabbaṃ ‘‘ime saṅkhārā avijjāpaccayā hontī’’ti? Avijjābhāve bhāvato. Yassa hi dukkhādīsu avijjāsaṅkhātaṃ aññāṇaṃ appahīnaṃ hoti, so dukkhe tāva pubbantādīsu ca aññāṇena saṃsāradukkhaṃ sukhasaññāya gahetvā tasseva hetubhūte tividhepi saṅkhāre ārabhati. Samudaye aññāṇena dukkhahetubhūtepi taṇhāparikkhāre saṅkhāre sukhahetuto maññamāno ārabhati. Nirodhe pana magge ca aññāṇena dukkhassa anirodhabhūtepi gativisese dukkhanirodhasaññī hutvā nirodhassa ca amaggabhūtesupi yaññāmaratapādīsu nirodhamaggasaññī hutvā dukkhanirodhaṃ patthayamāno yaññāmaratapādimukhena tividhepi saṅkhāre ārabhati.
аби жа со д̇ааяа жад̇уусу сажжзсу аббахийнаавиж̇ж̇ад̇ааяа висзсад̇о ж̇аад̇иж̇араарог̇амаран̣аад̣̇ианзгаад̣̇ийнававогин̣н̣амби бун̃н̃апаласан̇каад̇ам̣ д̣̇угкам̣ д̣̇угкад̇о аж̇аананд̇о д̇асса ад̇хиг̇амааяа гааяаважийжид̇д̇асан̇каарабхзд̣̇ам̣ бун̃н̃аабхисан̇каарам̣ аарабхад̇и д̣̇зважчарагаамаго вияа маруббабаад̇ам̣. сукасаммад̇ассааби жа д̇асса бун̃н̃апаласса анд̇з махаабарил̣аахаж̇анигам̣ вибарин̣аамад̣̇угкад̇ам̣ аббассаад̣̇ад̇ан̃жа абассанд̇оби д̇аббажжаяам̣ вуд̇д̇аббагаарамзва бун̃н̃аабхисан̇каарам̣ аарабхад̇и салабхо вияа д̣̇ийбасикаабхинибаад̇ам̣, мад̇хуб̣инд̣̇уг̇ид̣̇д̇хо вияа жа мад̇хулид̇д̇асад̇т̇ад̇хаараалзханам̣.
Api ca so tāya catūsu saccesu appahīnāvijjatāya visesato jātijarārogamaraṇādianekādīnavavokiṇṇampi puññaphalasaṅkhātaṃ dukkhaṃ dukkhato ajānanto tassa adhigamāya kāyavacīcittasaṅkhārabhedaṃ puññābhisaṅkhāraṃ ārabhati devaccharakāmako viya maruppapātaṃ. Sukhasammatassāpi ca tassa puññaphalassa ante mahāpariḷāhajanikaṃ vipariṇāmadukkhataṃ appassādatañca apassantopi tappaccayaṃ vuttappakārameva puññābhisaṅkhāraṃ ārabhati salabho viya dīpasikhābhinipātaṃ, madhubindugiddho viya ca madhulittasatthadhārālehanaṃ.
гаамубасзванаад̣̇ийсу жа савибаагзсу аад̣̇ийнавам̣ абассанд̇о сукасан̃н̃ааяа жзва гилзсаабхибхууд̇ад̇ааяа жа д̣̇ваарад̇д̇аяаббавад̇д̇амби абун̃н̃аабхисан̇каарам̣ аарабхад̇и б̣аало вияа г̇уут̇агийл̣анам̣, марид̇угаамо вияа жа висакаад̣̇анам̣. ааруббавибаагзсу жааби сан̇кааравибарин̣аамад̣̇угкад̇ам̣ анаваб̣уж̇жхамаано сассад̇аад̣̇ивибаллаасзна жид̇д̇асан̇каарабхууд̇ам̣ аанзн̃ж̇аабхисан̇каарам̣ аарабхад̇и д̣̇исаамуул̣хо вияа бисаажанаг̇араабхимукамаг̇г̇аг̇аманам̣. звам̣ яасмаа авиж̇ж̇аабхаавад̇ова сан̇каарабхааво, на абхаавад̇о. д̇асмаа ж̇аанид̇аб̣б̣амзд̇ам̣ ‘‘имз сан̇каараа авиж̇ж̇аабажжаяаа хонд̇ий’’д̇и.
Kāmupasevanādīsu ca savipākesu ādīnavaṃ apassanto sukhasaññāya ceva kilesābhibhūtatāya ca dvārattayappavattampi apuññābhisaṅkhāraṃ ārabhati bālo viya gūthakīḷanaṃ, maritukāmo viya ca visakhādanaṃ. Āruppavipākesu cāpi saṅkhāravipariṇāmadukkhataṃ anavabujjhamāno sassatādivipallāsena cittasaṅkhārabhūtaṃ āneñjābhisaṅkhāraṃ ārabhati disāmūḷho viya pisācanagarābhimukhamaggagamanaṃ. Evaṃ yasmā avijjābhāvatova saṅkhārabhāvo, na abhāvato. Tasmā jānitabbametaṃ ‘‘ime saṅkhārā avijjāpaccayā hontī’’ti.
зд̇т̇ааха – г̇ан̣хаама д̇аава зд̇ам̣ ‘‘авиж̇ж̇аа сан̇каараанам̣ бажжаяо’’д̇и, гим̣ банааяамзгаава авиж̇ж̇аа сан̇каараанам̣ бажжаяо, уд̣̇ааху ан̃н̃зби бажжаяаа санд̇ийд̇и? гим̣ банзд̇т̇а яад̣̇и д̇аава згаава, згагааран̣аваад̣̇о аабаж̇ж̇ад̇и. ат̇а ан̃н̃зби санд̇и, ‘‘авиж̇ж̇аабажжаяаа сан̇каараа’’д̇и згагааран̣анид̣̇д̣̇зсо нубабаж̇ж̇ад̇ийд̇и? на нубабаж̇ж̇ад̇и. гасмаа? яасмаа –
Etthāha – gaṇhāma tāva etaṃ ‘‘avijjā saṅkhārānaṃ paccayo’’ti, kiṃ panāyamekāva avijjā saṅkhārānaṃ paccayo, udāhu aññepi paccayā santīti? Kiṃ panettha yadi tāva ekāva, ekakāraṇavādo āpajjati. Atha aññepi santi, ‘‘avijjāpaccayā saṅkhārā’’ti ekakāraṇaniddeso nupapajjatīti? Na nupapajjati. Kasmā? Yasmā –
‘‘згам̣ на згад̇о ид̇ха, наанзгаманзгад̇оби но згам̣;
‘‘Ekaṃ na ekato idha, nānekamanekatopi no ekaṃ;
паламад̇т̇и ад̇т̇и бана зга-хзд̇упалад̣̇ийбанз ад̇т̇о’’. (вибха. адта. 226, сан̇каарабад̣̇анид̣̇д̣̇зса; бади. ма. адта. 1.1.105; висуд̣̇д̇хи. 2.617);
Phalamatthi atthi pana eka-hetuphaladīpane attho’’. (vibha. aṭṭha. 226, saṅkhārapadaniddesa; paṭi. ma. aṭṭha. 1.1.105; visuddhi. 2.617);
бхаг̇аваа хи гад̇т̇ажи бад̇хаанад̇д̇аа, гад̇т̇ажи баагадад̇д̇аа, гад̇т̇ажи асаад̇хааран̣ад̇д̇аа д̣̇зсанаавилаасасса жа взнзяяаанан̃жа ануруубад̇о згамзва хзд̇ум̣ ваа палам̣ ваа д̣̇ийбзд̇и. д̇асмаа аяамид̇ха авиж̇ж̇аа виж̇ж̇амаанзсуби ан̃н̃зсу вад̇т̇аарамман̣асахаж̇аад̇ад̇хаммаад̣̇ийсу сан̇каарагааран̣зсу ‘‘ассаад̣̇аанубассино д̇ан̣хаа бавад̣дхад̇ий’’д̇и (сам̣. ни. 2.52) жа, ‘‘авиж̇ж̇аасамуд̣̇аяаа аасавасамуд̣̇аяо’’д̇и (ма. ни. 1.104) жа важанад̇о ан̃н̃зсамби д̇ан̣хаад̣̇ийнам̣ сан̇каарахзд̇уунам̣ хзд̇ууд̇и бад̇хаанад̇д̇аа, ‘‘авид̣̇ваа, бхигкавз, авиж̇ж̇ааг̇ад̇о бун̃н̃аабхисан̇каарамби абхисан̇карод̇ий’’д̇и баагадад̇д̇аа, асаад̇хааран̣ад̇д̇аа жа сан̇каараанам̣ хзд̇убхаавзна д̣̇ийбид̇аад̇и взд̣̇ид̇аб̣б̣аа. зд̇знзва жа згзгахзд̇упалад̣̇ийбанабарихаараважанзна саб̣б̣ад̇т̇а згзгахзд̇упалад̣̇ийбанз баяож̇анам̣ взд̣̇ид̇аб̣б̣анд̇и.
Bhagavā hi katthaci padhānattā, katthaci pākaṭattā, katthaci asādhāraṇattā desanāvilāsassa ca veneyyānañca anurūpato ekameva hetuṃ vā phalaṃ vā dīpeti. Tasmā ayamidha avijjā vijjamānesupi aññesu vatthārammaṇasahajātadhammādīsu saṅkhārakāraṇesu ‘‘assādānupassino taṇhā pavaḍḍhatī’’ti (saṃ. ni. 2.52) ca, ‘‘avijjāsamudayā āsavasamudayo’’ti (ma. ni. 1.104) ca vacanato aññesampi taṇhādīnaṃ saṅkhārahetūnaṃ hetūti padhānattā, ‘‘avidvā, bhikkhave, avijjāgato puññābhisaṅkhārampi abhisaṅkharotī’’ti pākaṭattā, asādhāraṇattā ca saṅkhārānaṃ hetubhāvena dīpitāti veditabbā. Eteneva ca ekekahetuphaladīpanaparihāravacanena sabbattha ekekahetuphaladīpane payojanaṃ veditabbanti.
зд̇т̇ааха – звам̣ санд̇зби зганд̇аанидтапалааяа сааваж̇ж̇ааяа авиж̇ж̇ааяа гат̇ам̣ бун̃н̃аанзн̃ж̇аабхисан̇каарабажжаяад̇д̇ам̣ яуж̇ж̇ад̇и? на хи нимб̣аб̣ийж̇ад̇о ужчу уббаж̇ж̇ад̇ийд̇и. гат̇ам̣ на яуж̇ж̇иссад̇и? логасмин̃хи –
Etthāha – evaṃ santepi ekantāniṭṭhaphalāya sāvajjāya avijjāya kathaṃ puññāneñjābhisaṅkhārapaccayattaṃ yujjati? Na hi nimbabījato ucchu uppajjatīti. Kathaṃ na yujjissati? Lokasmiñhi –
‘‘вируд̣̇д̇хо жаа вируд̣̇д̇хо жа, сад̣̇исаасад̣̇исо д̇ат̇аа;
‘‘Viruddho cā viruddho ca, sadisāsadiso tathā;
д̇хаммаанам̣ бажжаяо сид̣̇д̇хо, вибаагаа зва д̇з жа на’’.
Dhammānaṃ paccayo siddho, vipākā eva te ca na’’.
ид̇и аяам̣ авиж̇ж̇аа вибаагавасзна зганд̇аанидтапалаа, сабхаававасзна жа сааваж̇ж̇ааби самаанаа саб̣б̣зсамби зд̇зсам̣ бун̃н̃аабхисан̇каараад̣̇ийнам̣ яат̇аануруубам̣ таанагижжасабхаававируд̣̇д̇хаавируд̣̇д̇хабажжаяавасзна, сад̣̇исаасад̣̇исабажжаяавасзна жа бажжаяо ход̇ийд̇и взд̣̇ид̇аб̣б̣аа. аби жа аяам̣ ан̃н̃оби барияааяо –
Iti ayaṃ avijjā vipākavasena ekantāniṭṭhaphalā, sabhāvavasena ca sāvajjāpi samānā sabbesampi etesaṃ puññābhisaṅkhārādīnaṃ yathānurūpaṃ ṭhānakiccasabhāvaviruddhāviruddhapaccayavasena, sadisāsadisapaccayavasena ca paccayo hotīti veditabbā. Api ca ayaṃ aññopi pariyāyo –
‘‘жуд̇уубабаад̇з сам̣саарз, сан̇каараанан̃жа лагкан̣з;
‘‘Cutūpapāte saṃsāre, saṅkhārānañca lakkhaṇe;
яо бадижжасамуббанна-д̇хаммзсу жа вимуяхад̇и.
Yo paṭiccasamuppanna-dhammesu ca vimuyhati.
‘‘абхисан̇карод̇и со зд̇з, сан̇каарз д̇ивид̇хз яад̇о;
‘‘Abhisaṅkharoti so ete, saṅkhāre tividhe yato;
авиж̇ж̇аа бажжаяо д̇зсам̣, д̇ивид̇хаанамбаяам̣ д̇ад̇о.
Avijjā paccayo tesaṃ, tividhānampayaṃ tato.
‘‘яат̇ааби наама ж̇ажжанд̇хо, наро абарин̣ааяаго;
‘‘Yathāpi nāma jaccandho, naro apariṇāyako;
згад̣̇аа яаад̇и маг̇г̇зна, уммаг̇г̇знааби згад̣̇аа.
Ekadā yāti maggena, ummaggenāpi ekadā.
‘‘сам̣саарз сам̣сарам̣ б̣аало, д̇ат̇аа абарин̣ааяаго;
‘‘Saṃsāre saṃsaraṃ bālo, tathā apariṇāyako;
гарод̇и згад̣̇аа бун̃н̃ам̣, абун̃н̃амаби згад̣̇аа.
Karoti ekadā puññaṃ, apuññamapi ekadā.
‘‘яад̣̇аа жа н̃ад̇ваа со д̇хаммам̣, сажжаани абхисамзссад̇и;
‘‘Yadā ca ñatvā so dhammaṃ, saccāni abhisamessati;
д̇ад̣̇аа авиж̇ж̇уубасамаа, убасанд̇о жариссад̇ий’’д̇и.
Tadā avijjūpasamā, upasanto carissatī’’ti.
сан̇каарабажжаяаа вин̃н̃аан̣анд̇и чавин̃н̃аан̣агааяаа жагкувин̃н̃аан̣ам̣ сод̇авин̃н̃аан̣ам̣ гхаанавин̃н̃аан̣ам̣ ж̇ивхаавин̃н̃аан̣ам̣ гааяавин̃н̃аан̣ам̣ мановин̃н̃аан̣ам̣. д̇ад̇т̇а жагкувин̃н̃аан̣ам̣ гусалавибаагам̣ агусалавибааганд̇и д̣̇увид̇хам̣. д̇ат̇аа сод̇агхаанаж̇ивхаагааяавин̃н̃аан̣аани. мановин̃н̃аан̣ам̣ бана д̣̇вз вибаагаманод̇хаад̇уяо, д̇иссо ахзд̇угавибаагамановин̃н̃аан̣ад̇хаад̇уяо, адта сахзд̇угавибаагажид̇д̇аани, бан̃жа руубааважаравибаагажид̇д̇аани, жад̇д̇аари аруубааважаравибаагажид̇д̇аанийд̇и б̣аавийсад̇ивид̇хам̣. ид̇и саб̣б̣аани б̣аад̇д̇им̣салогияавибаагавин̃н̃аан̣аани.
Saṅkhārapaccayā viññāṇanti chaviññāṇakāyā cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ. Tattha cakkhuviññāṇaṃ kusalavipākaṃ akusalavipākanti duvidhaṃ. Tathā sotaghānajivhākāyaviññāṇāni. Manoviññāṇaṃ pana dve vipākamanodhātuyo, tisso ahetukavipākamanoviññāṇadhātuyo, aṭṭha sahetukavipākacittāni, pañca rūpāvacaravipākacittāni, cattāri arūpāvacaravipākacittānīti bāvīsatividhaṃ. Iti sabbāni bāttiṃsalokiyavipākaviññāṇāni.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘ид̣̇ам̣ вуд̇д̇аббагаарам̣ вин̃н̃аан̣ам̣ сан̇каарабажжаяаа ход̇ий’’д̇и? убажид̇агаммаабхаавз вибаагаабхаавад̇о. вибааган̃хзд̇ам̣, вибааган̃жа на убажид̇агаммаабхаавз уббаж̇ж̇ад̇и, яад̣̇и уббаж̇ж̇зяяа, саб̣б̣зсам̣ саб̣б̣авибаагаани уббаж̇ж̇зяяум̣, на жа уббаж̇ж̇анд̇ийд̇и ж̇аанид̇аб̣б̣амзд̇ам̣ ‘‘сан̇каарабажжаяаа ид̣̇ам̣ вин̃н̃аан̣ам̣ ход̇ий’’д̇и. саб̣б̣амзва хи ид̣̇ам̣ бавад̇д̇ибадисанд̇хивасзна д̣̇взд̇хаа бавад̇д̇ад̇и . д̇ад̇т̇а д̣̇вз бан̃жавин̃н̃аан̣аани, д̣̇вз манод̇хаад̇уяо, соманассасахаг̇ад̇аа ахзд̇угамановин̃н̃аан̣ад̇хаад̇ууд̇и имаани д̇зраса бан̃жавогаарабхавз бавад̇д̇ияам̣язва бавад̇д̇анд̇и. сзсаани згуунавийсад̇и д̇ийсу бхавзсу яат̇аануруубам̣ бавад̇д̇ияамби бадисанд̇хияамби бавад̇д̇анд̇и.
Tattha siyā – kathaṃ panetaṃ jānitabbaṃ ‘‘idaṃ vuttappakāraṃ viññāṇaṃ saṅkhārapaccayā hotī’’ti? Upacitakammābhāve vipākābhāvato. Vipākañhetaṃ, vipākañca na upacitakammābhāve uppajjati, yadi uppajjeyya, sabbesaṃ sabbavipākāni uppajjeyyuṃ, na ca uppajjantīti jānitabbametaṃ ‘‘saṅkhārapaccayā idaṃ viññāṇaṃ hotī’’ti. Sabbameva hi idaṃ pavattipaṭisandhivasena dvedhā pavattati . Tattha dve pañcaviññāṇāni, dve manodhātuyo, somanassasahagatā ahetukamanoviññāṇadhātūti imāni terasa pañcavokārabhave pavattiyaṃyeva pavattanti. Sesāni ekūnavīsati tīsu bhavesu yathānurūpaṃ pavattiyampi paṭisandhiyampi pavattanti.
‘‘лад̣̇д̇хаббажжаяамид̇и д̇хамма-мад̇д̇амзд̇ам̣ бхаванд̇арамубзд̇и;
‘‘Laddhappaccayamiti dhamma-mattametaṃ bhavantaramupeti;
наасса д̇ад̇о сан̇ганд̇и, на д̇ад̇о хзд̇ум̣ винаа ход̇и’’.
Nāssa tato saṅkanti, na tato hetuṃ vinā hoti’’.
ид̇и хзд̇ам̣ лад̣̇д̇хаббажжаяам̣ руубааруубад̇хаммамад̇д̇ам̣ уббаж̇ж̇амаанам̣ ‘‘бхаванд̇арамубзд̇ий’’д̇и вужжад̇и, на сад̇д̇о на ж̇ийво. д̇асса жа нааби ад̇ийд̇абхавад̇о ид̇ха сан̇ганд̇и ад̇т̇и, нааби д̇ад̇о хзд̇ум̣ винаа ид̇ха баад̇убхааво. зд̇т̇а жа буримам̣ жаванад̇о жуд̇и, бажчимам̣ бхаванд̇араад̣̇ибадисанд̇хаанад̇о бадисанд̇хийд̇и вужжад̇и.
Iti hetaṃ laddhappaccayaṃ rūpārūpadhammamattaṃ uppajjamānaṃ ‘‘bhavantaramupetī’’ti vuccati, na satto na jīvo. Tassa ca nāpi atītabhavato idha saṅkanti atthi, nāpi tato hetuṃ vinā idha pātubhāvo. Ettha ca purimaṃ cavanato cuti, pacchimaṃ bhavantarādipaṭisandhānato paṭisandhīti vuccati.
зд̇т̇ааха – нану звам̣ асан̇ганд̇ибаад̇убхаавз сад̇и яз имасмим̣ мануссад̇д̇абхаавз канд̇хаа, д̇зсам̣ нируд̣̇д̇хад̇д̇аа, палабажжаяасса жа гаммасса д̇ад̇т̇а аг̇аманад̇о, ан̃н̃асса ан̃н̃ад̇о жа д̇ам̣ палам̣ сияаа, убабхун̃ж̇агз жа асад̇и гасса д̇ам̣ палам̣ сияаа, д̇асмаа на сунд̣̇арамид̣̇ам̣ вид̇хаананд̇и? д̇ад̇рид̣̇ам̣ вужжад̇и –
Etthāha – nanu evaṃ asaṅkantipātubhāve sati ye imasmiṃ manussattabhāve khandhā, tesaṃ niruddhattā, phalapaccayassa ca kammassa tattha agamanato, aññassa aññato ca taṃ phalaṃ siyā, upabhuñjake ca asati kassa taṃ phalaṃ siyā, tasmā na sundaramidaṃ vidhānanti? Tatridaṃ vuccati –
‘‘санд̇аанз яам̣ палам̣ зд̇ам̣, наан̃н̃асса на жа ан̃н̃ад̇о;
‘‘Santāne yaṃ phalaṃ etaṃ, nāññassa na ca aññato;
б̣ийж̇аанам̣ абхисан̇кааро, зд̇ассад̇т̇асса саад̇хаго.
Bījānaṃ abhisaṅkhāro, etassatthassa sādhako.
‘‘палассуббад̇д̇ияаа зва, сид̣̇д̇хаа бхун̃ж̇агасаммуд̇и;
‘‘Phalassuppattiyā eva, siddhā bhuñjakasammuti;
палуббаад̣̇зна ругкасса, яат̇аа палад̇и саммуд̇ий’’д̇и.
Phaluppādena rukkhassa, yathā phalati sammutī’’ti.
яоби вад̣̇зяяа ‘‘звам̣ санд̇зби зд̇з сан̇каараа виж̇ж̇амаанаа ваа паласса бажжаяаа сияум̣, авиж̇ж̇амаанаа ваа. яад̣̇и жа виж̇ж̇амаанаа, бавад̇д̇игкан̣зязва нзсам̣ вибаагзна бхавид̇аб̣б̣ам̣. ат̇а авиж̇ж̇амаанаа, бавад̇д̇ид̇о буб̣б̣з бажчаа жа нижжам̣ палаавахаа сияу’’нд̇и. со звам̣ вад̇д̇аб̣б̣о –
Yopi vadeyya ‘‘evaṃ santepi ete saṅkhārā vijjamānā vā phalassa paccayā siyuṃ, avijjamānā vā. Yadi ca vijjamānā, pavattikkhaṇeyeva nesaṃ vipākena bhavitabbaṃ. Atha avijjamānā, pavattito pubbe pacchā ca niccaṃ phalāvahā siyu’’nti. So evaṃ vattabbo –
‘‘гад̇ад̇д̇аа бажжаяаа зд̇з, на жа нижжам̣ палаавахаа;
‘‘Katattā paccayā ete, na ca niccaṃ phalāvahā;
баадибхог̇аад̣̇игам̣ д̇ад̇т̇а, взд̣̇ид̇аб̣б̣ам̣ нид̣̇ассана’’нд̇и.
Pāṭibhogādikaṃ tattha, veditabbaṃ nidassana’’nti.
вин̃н̃аан̣абажжаяаа наамаруубанд̇и ид̇ха взд̣̇анаасан̃н̃аасан̇каарагканд̇хаа наамам̣, жад̇д̇аари махаабхууд̇аани жад̇уннан̃жа махаабхууд̇аанам̣ убаад̣̇ааяаруубам̣ руубам̣. абхаавагаг̇аб̣бхасзяяагаанам̣ ан̣д̣аж̇аанан̃жа бадисанд̇хигкан̣з вад̇т̇уд̣̇асагам̣ гааяад̣̇асаганд̇и вийсад̇и руубаруубаани, д̇аяо жа аруубино канд̇хаад̇и зд̇з д̇звийсад̇и д̇хаммаа ‘‘вин̃н̃аан̣абажжаяаа наамарууба’’нд̇и взд̣̇ид̇аб̣б̣аа. сабхаавагаанам̣ бхаавад̣̇асагам̣ багкибид̇ваа д̇зд̇д̇им̣са, обабаад̇игасад̇д̇зсу б̣рахмагааяигаад̣̇ийнам̣ бадисанд̇хигкан̣з жагкусод̇авад̇т̇уд̣̇асагаани ж̇ийвид̇инд̣̇рияанаваган̃жаад̇и згуунажад̇д̇аалийса руубаруубаани, д̇аяо жа аруубино канд̇хаад̇и зд̇з б̣аажад̇д̇аалийса д̇хаммаа ‘‘вин̃н̃аан̣абажжаяаа наамарууба’’нд̇и взд̣̇ид̇аб̣б̣аа. гаамабхавз бана сзсаобабаад̇игаанам̣, сам̣сзд̣̇аж̇аанам̣ ваа сабхаавагабарибун̣н̣ааяад̇анаанам̣ бадисанд̇хигкан̣з жагкусод̇агхаанаж̇ивхаагааяавад̇т̇убхаавад̣̇асагаанийд̇и сад̇д̇ад̇и руубаруубаани, д̇аяо жа аруубино канд̇хаад̇и зд̇з д̇зсад̇д̇ад̇и д̇хаммаа ‘‘вин̃н̃аан̣абажжаяаа наамарууба’’нд̇и взд̣̇ид̇аб̣б̣аа. зса уггам̣со, авагам̣сзна бана д̇ам̣д̇ам̣д̣̇асагавигалаанам̣ д̇асса д̇асса васзна хаабзд̇ваа хаабзд̇ваа бадисанд̇хияам̣ вин̃н̃аан̣абажжаяаа наамаруубасан̇каа взд̣̇ид̇аб̣б̣аа. аруубийнам̣ бана д̇аяова аруубино канд̇хаа. асан̃н̃ийнам̣ руубад̇о ж̇ийвид̇инд̣̇рияанавагамзваад̇и. зса д̇аава бадисанд̇хияам̣ наяо.
Viññāṇapaccayānāmarūpanti idha vedanāsaññāsaṅkhārakkhandhā nāmaṃ, cattāri mahābhūtāni catunnañca mahābhūtānaṃ upādāyarūpaṃ rūpaṃ. Abhāvakagabbhaseyyakānaṃ aṇḍajānañca paṭisandhikkhaṇe vatthudasakaṃ kāyadasakanti vīsati rūparūpāni, tayo ca arūpino khandhāti ete tevīsati dhammā ‘‘viññāṇapaccayā nāmarūpa’’nti veditabbā. Sabhāvakānaṃ bhāvadasakaṃ pakkhipitvā tettiṃsa, opapātikasattesu brahmakāyikādīnaṃ paṭisandhikkhaṇe cakkhusotavatthudasakāni jīvitindriyanavakañcāti ekūnacattālīsa rūparūpāni, tayo ca arūpino khandhāti ete bācattālīsa dhammā ‘‘viññāṇapaccayā nāmarūpa’’nti veditabbā. Kāmabhave pana sesaopapātikānaṃ, saṃsedajānaṃ vā sabhāvakaparipuṇṇāyatanānaṃ paṭisandhikkhaṇe cakkhusotaghānajivhākāyavatthubhāvadasakānīti sattati rūparūpāni, tayo ca arūpino khandhāti ete tesattati dhammā ‘‘viññāṇapaccayā nāmarūpa’’nti veditabbā. Esa ukkaṃso, avakaṃsena pana taṃtaṃdasakavikalānaṃ tassa tassa vasena hāpetvā hāpetvā paṭisandhiyaṃ viññāṇapaccayā nāmarūpasaṅkhā veditabbā. Arūpīnaṃ pana tayova arūpino khandhā. Asaññīnaṃ rūpato jīvitindriyanavakamevāti. Esa tāva paṭisandhiyaṃ nayo.
бавад̇д̇з бана саб̣б̣ад̇т̇а руубабавад̇д̇ид̣̇зсз бадисанд̇хижид̇д̇асса тид̇игкан̣з бадисанд̇хижид̇д̇зна саха бавад̇д̇ауд̇уд̇о уд̇усамудтаанам̣ суд̣̇д̇хадтагам̣ баад̇убхавад̇и. батамабхаван̇г̇ад̇о бабхуд̇и жид̇д̇асамудтаанам̣ суд̣̇д̇хадтагам̣, сад̣̇д̣̇абаад̇убхаавагаалз уд̇уд̇о жзва жид̇д̇ад̇о жа сад̣̇д̣̇анавагам̣, габ̣ал̣ийгаараахааруубаж̇ийвийнам̣ аахаарасамудтаанам̣ суд̣̇д̇хадтаганд̇и звам̣ аахаарасамудтаанасса, суд̣̇д̇хадтагасса, уд̇ужид̇д̇асамудтаанаанан̃жа д̣̇виннам̣ навагаанам̣ васзна чаб̣б̣ийсад̇ивид̇хам̣, згзгажид̇д̇з д̇игкад̇д̇ум̣ уббаж̇ж̇амаанам̣ вуд̇д̇агаммасамудтаанан̃жа сад̇д̇ад̇ивид̇ханд̇и чаннавуд̇ивид̇хам̣ руубам̣, д̇аяо жа аруубино канд̇хаад̇и наванавуд̇ид̇хаммаа яат̇аасамбхавам̣ ‘‘вин̃н̃аан̣абажжаяаа наамарууба’’нд̇и взд̣̇ид̇аб̣б̣аа.
Pavatte pana sabbattha rūpapavattidese paṭisandhicittassa ṭhitikkhaṇe paṭisandhicittena saha pavattaututo utusamuṭṭhānaṃ suddhaṭṭhakaṃ pātubhavati. Paṭhamabhavaṅgato pabhuti cittasamuṭṭhānaṃ suddhaṭṭhakaṃ, saddapātubhāvakāle ututo ceva cittato ca saddanavakaṃ, kabaḷīkārāhārūpajīvīnaṃ āhārasamuṭṭhānaṃ suddhaṭṭhakanti evaṃ āhārasamuṭṭhānassa, suddhaṭṭhakassa, utucittasamuṭṭhānānañca dvinnaṃ navakānaṃ vasena chabbīsatividhaṃ, ekekacitte tikkhattuṃ uppajjamānaṃ vuttakammasamuṭṭhānañca sattatividhanti channavutividhaṃ rūpaṃ, tayo ca arūpino khandhāti navanavutidhammā yathāsambhavaṃ ‘‘viññāṇapaccayā nāmarūpa’’nti veditabbā.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘бадисанд̇хинаамаруубам̣ вин̃н̃аан̣абажжаяаа ход̇ий’’д̇и? суд̇д̇ад̇о яуд̇д̇ид̇о жа. суд̇д̇з хи ‘‘жид̇д̇аанубаривад̇д̇ино д̇хаммаа’’д̇иаад̣̇инаа (д̇ха. са. д̣̇угамаад̇игаа 62) наязна б̣ахуд̇хаа взд̣̇анаад̣̇ийнам̣ вин̃н̃аан̣абажжаяад̇аа сид̣̇д̇хаа. яуд̇д̇ид̇о бана –
Tattha siyā – kathaṃ panetaṃ jānitabbaṃ ‘‘paṭisandhināmarūpaṃ viññāṇapaccayā hotī’’ti? Suttato yuttito ca. Sutte hi ‘‘cittānuparivattino dhammā’’tiādinā (dha. sa. dukamātikā 62) nayena bahudhā vedanādīnaṃ viññāṇapaccayatā siddhā. Yuttito pana –
‘‘жид̇д̇аж̇зна хи руубзна, ид̇ха д̣̇идтзна сиж̇жхад̇и;
‘‘Cittajena hi rūpena, idha diṭṭhena sijjhati;
ад̣̇идтассааби руубасса, вин̃н̃аан̣ам̣ бажжаяо ид̇ий’’д̇и.
Adiṭṭhassāpi rūpassa, viññāṇaṃ paccayo itī’’ti.
наамаруубабажжаяаа сал̣ааяад̇ананд̇и наамам̣ вуд̇д̇амзва. ид̇ха бана руубам̣ нияамад̇о жад̇д̇аари махаабхууд̇аани, ча вад̇т̇ууни, ж̇ийвид̇инд̣̇рияанд̇и згаад̣̇асавид̇хам̣. сал̣ааяад̇анам̣ бана жагкааяад̇анам̣ сод̇агхаанаж̇ивхаагааяаманааяад̇анам̣.
Nāmarūpapaccayā saḷāyatananti nāmaṃ vuttameva. Idha pana rūpaṃ niyamato cattāri mahābhūtāni, cha vatthūni, jīvitindriyanti ekādasavidhaṃ. Saḷāyatanaṃ pana cakkhāyatanaṃ sotaghānajivhākāyamanāyatanaṃ.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘наамаруубам̣ сал̣ааяад̇анасса бажжаяо’’д̇и? наамаруубабхаавз бхаавад̇о. д̇асса д̇асса хи наамасса руубасса жа бхаавз д̇ам̣ д̇ам̣ ааяад̇анам̣ ход̇и, на ан̃н̃ат̇аад̇и.
Tattha siyā – kathaṃ panetaṃ jānitabbaṃ ‘‘nāmarūpaṃ saḷāyatanassa paccayo’’ti? Nāmarūpabhāve bhāvato. Tassa tassa hi nāmassa rūpassa ca bhāve taṃ taṃ āyatanaṃ hoti, na aññathāti.
сал̣ааяад̇анабажжаяаа пассод̇и –
Saḷāyatanapaccayā phassoti –
‘‘чал̣зва пассаа сан̇кзбаа, жагкусампассааад̣̇аяо;
‘‘Chaḷeva phassā saṅkhepā, cakkhusamphassaādayo;
вин̃н̃аан̣амива б̣аад̇д̇им̣са, вид̇т̇аарзна бхаванд̇и д̇з’’.
Viññāṇamiva bāttiṃsa, vitthārena bhavanti te’’.
пассабажжаяаа взд̣̇анаад̇и –
Phassapaccayā vedanāti –
‘‘д̣̇ваарад̇о взд̣̇анаа вуд̇д̇аа, жагкусампассаж̇аад̣̇игаа;
‘‘Dvārato vedanā vuttā, cakkhusamphassajādikā;
чал̣зва д̇аа бабхзд̣̇зна, ид̇ха б̣аад̇д̇им̣са взд̣̇анаа’’.
Chaḷeva tā pabhedena, idha bāttiṃsa vedanā’’.
взд̣̇анаабажжаяаа д̇ан̣хаад̇и –
Vedanāpaccayā taṇhāti –
‘‘руубад̇ан̣хаад̣̇ибхзд̣̇зна, ча д̇ан̣хаа ид̇ха д̣̇ийбид̇аа;
‘‘Rūpataṇhādibhedena, cha taṇhā idha dīpitā;
згзгаа д̇ивид̇хаа д̇ад̇т̇а, бавад̇д̇аагаарад̇о мад̇аа.
Ekekā tividhā tattha, pavattākārato matā.
‘‘д̣̇угкий сукам̣ бад̇т̇аяад̇и, сукий бхияяоби ижчад̇и;
‘‘Dukkhī sukhaṃ patthayati, sukhī bhiyyopi icchati;
убзгкаа бана санд̇ад̇д̇аа, сукамижжзва бхаасид̇аа.
Upekkhā pana santattā, sukhamicceva bhāsitā.
‘‘д̇ан̣хааяа бажжаяаа д̇асмаа, хонд̇и д̇иссоби взд̣̇анаа;
‘‘Taṇhāya paccayā tasmā, honti tissopi vedanā;
взд̣̇анаабажжаяаа д̇ан̣хаа, ид̇и вуд̇д̇аа махзсинаа’’д̇и.
Vedanāpaccayā taṇhā, iti vuttā mahesinā’’ti.
д̇ан̣хаабажжаяаа убаад̣̇аананд̇и жад̇д̇аари убаад̣̇аанаани гаамубаад̣̇аанам̣ д̣̇идтубаад̣̇аанам̣ сийлаб̣б̣ад̇убаад̣̇аанам̣ ад̇д̇аваад̣̇убаад̣̇аанам̣. убаад̣̇аанабажжаяаа бхавод̇и ид̇ха гаммабхаво ад̇хиббзд̇о, убабад̇д̇ибхаво бана бад̣̇уд̣̇д̇хааравасзна вуд̇д̇о. бхавабажжаяаа ж̇аад̇ийд̇и гаммабхавабажжаяаа ж̇аад̇и бадисанд̇хиканд̇хаанам̣ баад̇убхаво.
Taṇhāpaccayā upādānanti cattāri upādānāni kāmupādānaṃ diṭṭhupādānaṃ sīlabbatupādānaṃ attavādupādānaṃ. Upādānapaccayā bhavoti idha kammabhavo adhippeto, upapattibhavo pana paduddhāravasena vutto. Bhavapaccayā jātīti kammabhavapaccayā jāti paṭisandhikhandhānaṃ pātubhavo.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘бхаво ж̇аад̇ияаа бажжаяо’’д̇и жз? б̣аахирабажжаяасамад̇д̇зби хийнабан̣ийд̇ад̇аад̣̇ивисзсад̣̇ассанад̇о. б̣аахираанан̃хи ж̇анагаж̇ананисуггасон̣ид̇аахаараад̣̇ийнам̣ бажжаяаанам̣ самад̇д̇зби сад̇д̇аанам̣ яамагаанамби сад̇ам̣ хийнабан̣ийд̇ад̇аад̣̇ивисзсо д̣̇иссад̇и. со жа на ахзд̇уго саб̣б̣ад̣̇аа жа саб̣б̣зсан̃жа абхаавад̇о, на гаммабхавад̇о ан̃н̃ахзд̇уго д̇ад̣̇абхиниб̣б̣ад̇д̇агасад̇д̇аанам̣ аж̇жхад̇д̇асанд̇аанз ан̃н̃асса гааран̣асса абхаавад̇од̇и гаммабхавахзд̇угова. гамман̃хи сад̇д̇аанам̣ хийнабан̣ийд̇ад̇аад̣̇ивисзсасса хзд̇у. д̇знааха бхаг̇аваа – ‘‘гаммам̣ сад̇д̇з вибхаж̇ад̇и яад̣̇ид̣̇ам̣ хийнабан̣ийд̇ад̇ааяаа’’д̇и (ма. ни. 3.289). д̇асмаа ж̇аанид̇аб̣б̣амзд̇ам̣ ‘‘бхаво ж̇аад̇ияаа бажжаяо’’д̇и.
Tattha siyā – kathaṃ panetaṃ jānitabbaṃ ‘‘bhavo jātiyā paccayo’’ti ce? Bāhirapaccayasamattepi hīnapaṇītatādivisesadassanato. Bāhirānañhi janakajananisukkasoṇitāhārādīnaṃ paccayānaṃ samattepi sattānaṃ yamakānampi sataṃ hīnapaṇītatādiviseso dissati. So ca na ahetuko sabbadā ca sabbesañca abhāvato, na kammabhavato aññahetuko tadabhinibbattakasattānaṃ ajjhattasantāne aññassa kāraṇassa abhāvatoti kammabhavahetukova. Kammañhi sattānaṃ hīnapaṇītatādivisesassa hetu. Tenāha bhagavā – ‘‘kammaṃ satte vibhajati yadidaṃ hīnapaṇītatāyā’’ti (ma. ni. 3.289). Tasmā jānitabbametaṃ ‘‘bhavo jātiyā paccayo’’ti.
ж̇аад̇ибажжаяаа ж̇араамаран̣анд̇иаад̣̇ийсу яасмаа асад̇и ж̇аад̇ияаа ж̇араамаран̣ан̃жзва согаад̣̇аяо жа д̇хаммаа на хонд̇и, ж̇аад̇ияаа бана сад̇и ж̇араамаран̣ан̃жзва ж̇араамаран̣асан̇каад̇ад̣̇угкад̇хаммапудтасса б̣ааласса ж̇араамаран̣аад̣̇исамб̣анд̇хаа ваа д̇зна д̇зна д̣̇угкад̇хаммзна пудтасса анабхисамб̣анд̇хаа ваа согаад̣̇аяо жа д̇хаммаа хонд̇и. д̇асмаа ж̇аад̇ибажжаяаа ж̇араамаран̣анд̇и. самзжжа абхисамзжжа д̇хамманд̇и н̃аан̣зна самааг̇анд̇ваа жад̇усажжад̇хаммам̣ бадивиж̇жхид̇ваа.
Jātipaccayā jarāmaraṇantiādīsu yasmā asati jātiyā jarāmaraṇañceva sokādayo ca dhammā na honti, jātiyā pana sati jarāmaraṇañceva jarāmaraṇasaṅkhātadukkhadhammaphuṭṭhassa bālassa jarāmaraṇādisambandhā vā tena tena dukkhadhammena phuṭṭhassa anabhisambandhā vā sokādayo ca dhammā honti. Tasmā jātipaccayā jarāmaraṇanti. Samecca abhisamecca dhammanti ñāṇena samāgantvā catusaccadhammaṃ paṭivijjhitvā.
звам̣ д̣̇ваад̣̇асабад̣̇игам̣ бажжаяаагаараббавад̇д̇им̣ д̣̇ассзд̇ваа ид̣̇аани виваддавасзна авиж̇ж̇аад̣̇ийнам̣ нирод̇хад̣̇ассанад̇т̇ам̣ ‘‘авиж̇ж̇аанирод̇хаа сан̇кааранирод̇ход̇и самзжжа абхисамзжжа д̇хамма’’нд̇иаад̣̇имааха. д̇ад̇т̇а авиж̇ж̇аанирод̇хаад̇и авиж̇ж̇ааяа ануббаад̣̇анирод̇хаа буна аббавад̇д̇инирод̇хзна. сан̇кааранирод̇ход̇и сан̇каараанам̣ ануббаад̣̇анирод̇хо ход̇и. звам̣ сзсабад̣̇зсуби. ид̣̇ам̣ д̣̇угканд̇иаад̣̇аяо буб̣б̣з вуд̇д̇анаяаа зва. имз д̇хаммаа абхин̃н̃зяяаад̇и имз д̇збхуумагаа д̇хаммаа сабхаавалагкан̣ааваб̣од̇хавасзна собханаагаарзна, ад̇хигзна н̃аан̣зна ваа сабхаавад̇о ж̇аанид̇аб̣б̣аа. барин̃н̃зяяаад̇и сааман̃н̃алагкан̣ааваб̣од̇хавасзна, гижжасамаабанавасзна жа б̣яаабид̇ваа ж̇аанид̇аб̣б̣аа. имз д̇хаммаа бахаад̇аб̣б̣аад̇и имз самуд̣̇аяабагкигаа д̇хаммаа д̇зна д̇зна г̇ун̣ан̇г̇зна бахаад̇аб̣б̣аа. бхаавзд̇аб̣б̣аад̇и вад̣дхзд̇аб̣б̣аа. сажчигаад̇аб̣б̣аад̇и бажжагкам̣ гаад̇аб̣б̣аа. д̣̇увид̇хаа сажчигирияаа бадилаабхасажчигирияаа жа аарамман̣асажчигирияаа жа. чаннам̣ пассааяад̇анаананд̇и жагкаад̣̇ийнам̣ чаннам̣ ааяад̇анаанам̣. самуд̣̇аяан̃жа ад̇т̇ан̇г̇аман̃жаад̇и уббаад̣̇ан̃жа нирод̇хан̃жа.
Evaṃ dvādasapadikaṃ paccayākārappavattiṃ dassetvā idāni vivaṭṭavasena avijjādīnaṃ nirodhadassanatthaṃ ‘‘avijjānirodhā saṅkhāranirodhoti samecca abhisamecca dhamma’’ntiādimāha. Tattha avijjānirodhāti avijjāya anuppādanirodhā puna appavattinirodhena. Saṅkhāranirodhoti saṅkhārānaṃ anuppādanirodho hoti. Evaṃ sesapadesupi. Idaṃ dukkhantiādayo pubbe vuttanayā eva. Ime dhammā abhiññeyyāti ime tebhūmakā dhammā sabhāvalakkhaṇāvabodhavasena sobhanākārena, adhikena ñāṇena vā sabhāvato jānitabbā. Pariññeyyāti sāmaññalakkhaṇāvabodhavasena, kiccasamāpanavasena ca byāpitvā jānitabbā. Ime dhammā pahātabbāti ime samudayapakkhikā dhammā tena tena guṇaṅgena pahātabbā. Bhāvetabbāti vaḍḍhetabbā. Sacchikātabbāti paccakkhaṃ kātabbā. Duvidhā sacchikiriyā paṭilābhasacchikiriyā ca ārammaṇasacchikiriyā ca. Channaṃ phassāyatanānanti cakkhādīnaṃ channaṃ āyatanānaṃ. Samudayañca atthaṅgamañcāti uppādañca nirodhañca.
бхуурибан̃н̃од̇и бхуури вияаад̇и бхуури, д̇ааяа бхуурибан̃н̃ааяа саманнааг̇ад̇о бхуурибан̃н̃о. махаабан̃н̃од̇иаад̣̇ийсу махаабан̃н̃аад̣̇ийхи саманнааг̇ад̇од̇и ад̇т̇о.
Bhūripaññoti bhūri viyāti bhūri, tāya bhūripaññāya samannāgato bhūripañño. Mahāpaññotiādīsu mahāpaññādīhi samannāgatoti attho.
д̇ад̇рид̣̇ам̣ махаабан̃н̃аад̣̇ийнам̣ наанад̇д̇ам̣ – гад̇амаа махаабан̃н̃аа? маханд̇з ад̇т̇з бариг̇г̇ан̣хаад̇ийд̇и махаабан̃н̃аа. маханд̇з д̇хаммз…бз… маханд̇аа нируд̇д̇ияо… маханд̇аани бадибхаанаани бариг̇г̇ан̣хаад̇ийд̇и махаабан̃н̃аа. маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа. маханд̇з самаад̇хигканд̇хз…бз… бан̃н̃аагканд̇хз… вимуд̇д̇игканд̇хз… вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и махаабан̃н̃аа. маханд̇аани таанаатаанаани…бз… махаавихаарасамаабад̇д̇ияо… маханд̇аани арияасажжаани… маханд̇з сад̇ибадтаанз… саммаббад̇хаанз… ид̣̇д̇хибаад̣̇з… маханд̇аани инд̣̇рияаани … б̣алаани… б̣ож̇жхан̇г̇аани… маханд̇з арияамаг̇г̇з… маханд̇аани сааман̃н̃апалаани… махааабхин̃н̃ааяо… маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа.
Tatridaṃ mahāpaññādīnaṃ nānattaṃ – katamā mahāpaññā? Mahante atthe pariggaṇhātīti mahāpaññā. Mahante dhamme…pe… mahantā niruttiyo… mahantāni paṭibhānāni pariggaṇhātīti mahāpaññā. Mahante sīlakkhandhe pariggaṇhātīti mahāpaññā. Mahante samādhikkhandhe…pe… paññākkhandhe… vimuttikkhandhe… vimuttiñāṇadassanakkhandhe pariggaṇhātīti mahāpaññā. Mahantāni ṭhānāṭhānāni…pe… mahāvihārasamāpattiyo… mahantāni ariyasaccāni… mahante satipaṭṭhāne… sammappadhāne… iddhipāde… mahantāni indriyāni … balāni… bojjhaṅgāni… mahante ariyamagge… mahantāni sāmaññaphalāni… mahāabhiññāyo… mahantaṃ paramatthaṃ nibbānaṃ pariggaṇhātīti mahāpaññā.
гад̇амаа бут̇убан̃н̃аа? бут̇унаанааканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа. бут̇унаанаад̇хаад̇уусу…бз… бут̇унаанааааяад̇анзсу… бут̇унаанаабадижжасамуббаад̣̇зсу… бут̇унаанаасун̃н̃ад̇аманубалаб̣бхзсу… бут̇унаанааад̇т̇зсу… д̇хаммзсу… нируд̇д̇ийсу… бадибхаанзсу… бут̇унаанаасийлагканд̇хзсу… бут̇унаанаасамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанагканд̇хзсу… бут̇унаанаатаанаатаанзсу… бут̇унаанаавихаарасамаабад̇д̇ийсу… бут̇унаанааарияасажжзсу… бут̇унаанаасад̇ибадтаанзсу… саммаббад̇хаанзсу… ид̣̇д̇хибаад̣̇зсу… инд̣̇риязсу… б̣алзсу… б̣ож̇жхан̇г̇зсу… бут̇унаанааарияамаг̇г̇зсу… сааман̃н̃апалзсу… абхин̃н̃аасу… бут̇унаанааж̇анасаад̇хааран̣з д̇хаммз самад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа.
Katamā puthupaññā? Puthunānākhandhesu ñāṇaṃ pavattatīti puthupaññā. Puthunānādhātūsu…pe… puthunānāāyatanesu… puthunānāpaṭiccasamuppādesu… puthunānāsuññatamanupalabbhesu… puthunānāatthesu… dhammesu… niruttīsu… paṭibhānesu… puthunānāsīlakkhandhesu… puthunānāsamādhipaññāvimuttivimuttiñāṇadassanakkhandhesu… puthunānāṭhānāṭhānesu… puthunānāvihārasamāpattīsu… puthunānāariyasaccesu… puthunānāsatipaṭṭhānesu… sammappadhānesu… iddhipādesu… indriyesu… balesu… bojjhaṅgesu… puthunānāariyamaggesu… sāmaññaphalesu… abhiññāsu… puthunānājanasādhāraṇe dhamme samatikkamma paramatthe nibbāne ñāṇaṃ pavattatīti puthupaññā.
гад̇амаа хаасабан̃н̃аа? ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлам̣ барибуурзд̇и. инд̣̇рияасам̣варам̣ барибуурзд̇и. бхож̇анз мад̇д̇ан̃н̃уд̇ам̣…бз… ж̇ааг̇арияаануяог̇ам̣… сийлагканд̇хам̣… самаад̇хигканд̇хам̣… бан̃н̃аагканд̇хам̣… вимуд̇д̇игканд̇хам̣… вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и хаасабан̃н̃аа. хаасаб̣ахуло…бз… баамож̇ж̇аб̣ахуло таанаатаанам̣ бадивиж̇жхад̇ийд̇и хаасабан̃н̃аа. хаасаб̣ахуло вихаарасамаабад̇д̇ияо барибуурзд̇ийд̇и хаасабан̃н̃аа. хаасаб̣ахуло арияасажжаани бадивиж̇жхад̇ийд̇и хаасабан̃н̃аа. сад̇ибадтаанз бхаавзд̇и саммаббад̇хаанз… ид̣̇д̇хибаад̣̇з… инд̣̇рияаани… б̣алаани… б̣ож̇жхан̇г̇з… арияамаг̇г̇ам̣ бхаавзд̇ийд̇и хаасабан̃н̃аа, хаасаб̣ахуло сааман̃н̃апалаани сажчигарод̇ийд̇и хаасабан̃н̃аа, абхин̃н̃ааяо бадивиж̇жхад̇ийд̇и хаасабан̃н̃аа, хаасаб̣ахуло барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа.
Katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlaṃ paripūreti. Indriyasaṃvaraṃ paripūreti. Bhojane mattaññutaṃ…pe… jāgariyānuyogaṃ… sīlakkhandhaṃ… samādhikkhandhaṃ… paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūretīti hāsapaññā. Hāsabahulo…pe… pāmojjabahulo ṭhānāṭhānaṃ paṭivijjhatīti hāsapaññā. Hāsabahulo vihārasamāpattiyo paripūretīti hāsapaññā. Hāsabahulo ariyasaccāni paṭivijjhatīti hāsapaññā. Satipaṭṭhāne bhāveti sammappadhāne… iddhipāde… indriyāni… balāni… bojjhaṅge… ariyamaggaṃ bhāvetīti hāsapaññā, hāsabahulo sāmaññaphalāni sacchikarotīti hāsapaññā, abhiññāyo paṭivijjhatīti hāsapaññā, hāsabahulo paramatthaṃ nibbānaṃ sacchikarotīti hāsapaññā.
гад̇амаа ж̇аванабан̃н̃аа? яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ анижжад̇о киббам̣ ж̇авад̇ийд̇и ж̇аванабан̃н̃аа. д̣̇угкад̇о, анад̇д̇ад̇о киббам̣ ж̇авад̇ийд̇и ж̇аванабан̃н̃аа. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ анижжад̇о… д̣̇угкад̇о… анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагкум̣…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о… д̣̇угкад̇о… анад̇д̇ад̇о киббам̣ ж̇авад̇ийд̇и ж̇аванабан̃н̃аа.
Katamā javanapaññā? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ aniccato khippaṃ javatīti javanapaññā. Dukkhato, anattato khippaṃ javatīti javanapaññā. Yā kāci vedanā…pe… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ…pe… yaṃ dūre santike vā, sabbaṃ viññāṇaṃ aniccato… dukkhato… anattato khippaṃ javatīti javanapaññā. Cakkhuṃ…pe… jarāmaraṇaṃ atītānāgatapaccuppannaṃ aniccato… dukkhato… anattato khippaṃ javatīti javanapaññā.
руубам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. взд̣̇анаа… сан̃н̃аа… сан̇каараа… вин̃н̃аан̣ам̣… жагкум̣…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа…бз… вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.
Rūpaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā. Vedanā… saññā… saṅkhārā… viññāṇaṃ… cakkhuṃ…pe… jarāmaraṇaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā…pe… vibhūtaṃ katvā jarāmaraṇanirodhe nibbāne khippaṃ javatīti javanapaññā.
руубам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа…бз… вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. взд̣̇анаа…бз… сан̃н̃аа… сан̇каараа… вин̃н̃аан̣ам̣… жагкум̣…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣…бз… нирод̇хад̇хамманд̇и д̇улаяид̇ваа…бз… вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.
Rūpaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā…pe… vibhūtaṃ katvā rūpanirodhe nibbāne khippaṃ javatīti javanapaññā. Vedanā…pe… saññā… saṅkhārā… viññāṇaṃ… cakkhuṃ…pe… jarāmaraṇaṃ atītānāgatapaccuppannaṃ aniccaṃ…pe… nirodhadhammanti tulayitvā…pe… vibhūtaṃ katvā jarāmaraṇanirodhe nibbāne khippaṃ javatīti javanapaññā.
гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и д̇игкабан̃н̃аа. уббаннам̣ гаамавид̇аггам̣ наад̇хиваасзд̇и. уббаннам̣ б̣яаабаад̣̇авид̇аггам̣… уббаннам̣ вихим̣саавид̇аггам̣… уббаннуббаннз баабагз агусалз д̇хаммз… уббаннам̣ рааг̇ам̣… уббаннам̣ д̣̇осам̣… мохам̣… год̇хам̣… убанаахам̣… магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз… саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа. згамхи аасанз жад̇д̇ааро арияамаг̇г̇аа, жад̇д̇аари жа сааман̃н̃апалаани, жад̇ассо жа бадисамбхид̣̇ааяо, ча абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и д̇игкабан̃н̃аа.
Katamā tikkhapaññā? Khippaṃ kilese chindatīti tikkhapaññā. Uppannaṃ kāmavitakkaṃ nādhivāseti. Uppannaṃ byāpādavitakkaṃ… uppannaṃ vihiṃsāvitakkaṃ… uppannuppanne pāpake akusale dhamme… uppannaṃ rāgaṃ… uppannaṃ dosaṃ… mohaṃ… kodhaṃ… upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre… sabbe bhavagāmikamme nādhivāseti pajahati vinodeti byantīkaroti anabhāvaṃ gametīti tikkhapaññā. Ekamhi āsane cattāro ariyamaggā, cattāri ca sāmaññaphalāni, catasso ca paṭisambhidāyo, cha abhiññāyo adhigatā honti sacchikatā phassitā paññāyāti tikkhapaññā.
гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ д̣̇осагканд̇хам̣…бз… мохагканд̇хам̣… год̇хам̣… убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа.
Katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ apadālitapubbaṃ lobhakkhandhaṃ nibbijjhati padāletīti nibbedhikapaññā. Anibbiddhapubbaṃ apadālitapubbaṃ dosakkhandhaṃ…pe… mohakkhandhaṃ… kodhaṃ… upanāhaṃ…pe… sabbe bhavagāmikamme nibbijjhati padāletīti nibbedhikapaññā.
28. са саб̣б̣ад̇хаммзсу висзнибхууд̇о, яам̣ гин̃жи д̣̇идтам̣ ва суд̇ам̣ муд̇ам̣ ваад̇и со бхуурибан̃н̃о кийн̣аасаво яам̣ гин̃жи д̣̇идтам̣ ваа суд̇ам̣ ваа муд̇ам̣ ваа д̇зсу саб̣б̣ад̇хаммзсу маарасзнам̣ винаасзд̇ваа тид̇абхаавзна висзнибхууд̇о. д̇амзва д̣̇ассинд̇и д̇ам̣ зва висуд̣̇д̇хад̣̇ассим̣. вивадам̣ жаранд̇анд̇и д̇ан̣хаачад̣̇анаад̣̇ивиг̇амзна вивадам̣ худ̇ваа жаранд̇ам̣. гзнийд̇ха логасми вигаббаязяяаад̇и гзна ид̇ха логз д̇ан̣хаагаббзна ваа д̣̇идтигаббзна ваа гожи вигаббзяяа, д̇зсам̣ ваа бахийнад̇д̇аа рааг̇аад̣̇инаа буб̣б̣з вуд̇д̇знаад̇и.
28.Sa sabbadhammesu visenibhūto, yaṃ kiñci diṭṭhaṃ va sutaṃ mutaṃ vāti so bhūripañño khīṇāsavo yaṃ kiñci diṭṭhaṃ vā sutaṃ vā mutaṃ vā tesu sabbadhammesu mārasenaṃ vināsetvā ṭhitabhāvena visenibhūto. Tameva dassinti taṃ eva visuddhadassiṃ. Vivaṭaṃ carantanti taṇhāchadanādivigamena vivaṭaṃ hutvā carantaṃ. Kenīdha lokasmi vikappayeyyāti kena idha loke taṇhākappena vā diṭṭhikappena vā koci vikappeyya, tesaṃ vā pahīnattā rāgādinā pubbe vuttenāti.
гаамаа д̇з батамаа сзнаад̇иаад̣̇ийсу жад̇уусу г̇аат̇аасу аяамад̇т̇о – яасмаа аад̣̇ид̇ова аг̇аарияабхууд̇з сад̇д̇з вад̇т̇угаамзсу гилзсагаамаа мохаяанд̇и, д̇з абхибхуяяа анаг̇аарияабхаавам̣ убаг̇ад̇аанам̣ банд̇зсу ваа сзнаасанзсу, ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и уббаж̇ж̇ад̇и. вуд̇д̇ан̃жзд̇ам̣ – ‘‘баб̣б̣аж̇ид̇зна ко, аавусо, абхирад̇и д̣̇уггараа’’д̇и (сам̣. ни. 4.331). д̇ад̇о д̇з барабадиб̣ад̣̇д̇хаж̇ийвигад̇д̇аа куббибаасаа б̣аад̇хзд̇и, д̇ааяа б̣аад̇хид̇аанам̣ бариязсанад̇ан̣хаа жид̇д̇ам̣ гиламаяад̇и, ат̇а нзсам̣ гиланд̇ажид̇д̇аанам̣ т̇инамид̣̇д̇хам̣ оггамад̇и д̇ад̇о висзсаманад̇хиг̇ажчанд̇аанам̣ д̣̇урабхисамбхавзсу аран̃н̃аванабад̇т̇зсу сзнаасанзсу вихарад̇ам̣ уд̇раасасан̃н̃ид̇аа бхийру ж̇ааяад̇и, д̇зсам̣ уссан̇гид̇абарисан̇гид̇аанам̣ д̣̇ийгхарад̇д̇ам̣ вивзгарасаманассаад̣̇аяамаанаанам̣ вихарад̇ам̣ ‘‘на сияаа ну ко зса маг̇г̇о’’д̇и бадибад̇д̇ияам̣ вижигижчаа уббаж̇ж̇ад̇и, д̇ам̣ винод̣̇зд̇ваа вихарад̇ам̣ аббамад̇д̇агзна висзсаад̇хиг̇амзна маанамагкат̇амбхаа ж̇ааяанд̇и, д̇зби винод̣̇зд̇ваа вихарад̇ам̣ д̇ад̇о ад̇хигад̇арам̣ висзсаад̇хиг̇амам̣ ниссааяа лаабхасаггаарасилогаа уббаж̇ж̇анд̇и, лаабхаад̣̇имужчид̇аа д̇хаммабадируубагаани багаасзнд̇аа мижчааяасам̣ ад̇хиг̇анд̇ваа д̇ад̇т̇а тид̇аа ж̇аад̇иаад̣̇ийхи ад̇д̇аанам̣ уггам̣сзнд̇и, барам̣ вамбхзнд̇и. д̇асмаа гаамаад̣̇ийнам̣ батамасзнаад̣̇ибхааво взд̣̇ид̇аб̣б̣о.
Kāmā te paṭhamā senātiādīsu catūsu gāthāsu ayamattho – yasmā āditova agāriyabhūte satte vatthukāmesu kilesakāmā mohayanti, te abhibhuyya anagāriyabhāvaṃ upagatānaṃ pantesu vā senāsanesu, aññataraññataresu vā adhikusalesu dhammesu arati uppajjati. Vuttañcetaṃ – ‘‘pabbajitena kho, āvuso, abhirati dukkarā’’ti (saṃ. ni. 4.331). Tato te parapaṭibaddhajīvikattā khuppipāsā bādheti, tāya bādhitānaṃ pariyesanataṇhā cittaṃ kilamayati, atha nesaṃ kilantacittānaṃ thinamiddhaṃ okkamati tato visesamanadhigacchantānaṃ durabhisambhavesu araññavanapatthesu senāsanesu viharataṃ utrāsasaññitā bhīru jāyati, tesaṃ ussaṅkitaparisaṅkitānaṃ dīgharattaṃ vivekarasamanassādayamānānaṃ viharataṃ ‘‘na siyā nu kho esa maggo’’ti paṭipattiyaṃ vicikicchā uppajjati, taṃ vinodetvā viharataṃ appamattakena visesādhigamena mānamakkhathambhā jāyanti, tepi vinodetvā viharataṃ tato adhikataraṃ visesādhigamaṃ nissāya lābhasakkārasilokā uppajjanti, lābhādimucchitā dhammapaṭirūpakāni pakāsentā micchāyasaṃ adhigantvā tattha ṭhitā jātiādīhi attānaṃ ukkaṃsenti, paraṃ vambhenti. Tasmā kāmādīnaṃ paṭhamasenādibhāvo veditabbo.
звамзд̇ам̣ д̣̇асавид̇хам̣ сзнам̣ уд̣̇д̣̇исид̇ваа яасмаа саа ган̣хад̇хаммасаманнааг̇ад̇ад̇д̇аа ган̣хасса намужино убагаарааяа сам̣вад̇д̇ад̇и, д̇асмаа нам̣ ‘‘д̇ава сзнаа’’д̇и нид̣̇д̣̇исанд̇о ааха – ‘‘зсаа намужи д̇з сзнаа, ган̣хассаабхиббахаариний’’д̇и. д̇ад̇т̇а абхиббахааринийд̇и саман̣аб̣раахман̣аанам̣ гхаад̇иний ниббот̇иний, анд̇арааяагарийд̇и ад̇т̇о. на нам̣ асууро ж̇инаад̇и, ж̇зд̇ваава лабхад̇з суканд̇и звам̣ д̇ава сзнам̣ асууро гааяз жа ж̇ийвид̇з жа саабзгко бурисо на ж̇инаад̇и, сууро бана ж̇инаад̇и, ж̇зд̇ваава маг̇г̇асукам̣ паласукан̃жа ад̇хиг̇ажчад̇и.
Evametaṃ dasavidhaṃ senaṃ uddisitvā yasmā sā kaṇhadhammasamannāgatattā kaṇhassa namucino upakārāya saṃvattati, tasmā naṃ ‘‘tava senā’’ti niddisanto āha – ‘‘esā namuci te senā, kaṇhassābhippahārinī’’ti. Tattha abhippahārinīti samaṇabrāhmaṇānaṃ ghātinī nippothinī, antarāyakarīti attho. Na naṃ asūro jināti, jetvāva labhate sukhanti evaṃ tava senaṃ asūro kāye ca jīvite ca sāpekkho puriso na jināti, sūro pana jināti, jetvāva maggasukhaṃ phalasukhañca adhigacchati.
яад̇о жад̇уухи арияамаг̇г̇зхийд̇и яад̣̇аа жад̇уухи нид̣̇д̣̇осаниб̣б̣аанамаг̇г̇анасан̇каад̇зхи маг̇г̇зхи. маарасзнаад̇и маарасса сзнаа важанагараа гилзсаа. бадисзнигараад̇и бадибагкагараа. ж̇ид̇аа жаад̇и барааж̇аяамаанаа ханид̇аа жа. барааж̇ид̇аа жаад̇и ниг̇г̇ахид̇аа жа. бхаг̇г̇аад̇и бхиннаа. виббалуг̇г̇аад̇и жун̣н̣авижун̣н̣аа. бараммукаад̇и вимукабхаавам̣ баабид̇аа. висзнибхууд̇од̇и ниггилзсо худ̇ваа тид̇о.
Yatocatūhi ariyamaggehīti yadā catūhi niddosanibbānamagganasaṅkhātehi maggehi. Mārasenāti mārassa senā vacanakarā kilesā. Paṭisenikarāti paṭipakkhakarā. Jitā cāti parājayamānā hanitā ca. Parājitā cāti niggahitā ca. Bhaggāti bhinnā. Vippaluggāti cuṇṇavicuṇṇā. Parammukhāti vimukhabhāvaṃ pāpitā. Visenibhūtoti nikkileso hutvā ṭhito.
вод̣̇аад̇ад̣̇ассинд̇и б̣яавад̣̇аад̇ад̣̇ассим̣. д̇аани чад̣̇анаанийд̇и зд̇аани д̇ан̣хаад̣̇игилзсачад̣̇анаани. вивадаанийд̇и баагадийгад̇аани. вид̣̇д̇хам̣сид̇аанийд̇и тид̇адтаанад̇о абахад̇аани. уг̇гхаадид̇аанийд̇и уббаадид̇аани. самуг̇гхаадид̇аанийд̇и висзсзна уббаадид̇аани.
Vodātadassinti byavadātadassiṃ. Tāni chadanānīti etāni taṇhādikilesachadanāni. Vivaṭānīti pākaṭīkatāni. Viddhaṃsitānīti ṭhitaṭṭhānato apahatāni. Ugghāṭitānīti uppāṭitāni. Samugghāṭitānīti visesena uppāṭitāni.
29. на габбаяанд̇ийд̇и г̇аат̇ааяа самб̣анд̇хо ад̇т̇о жа – гин̃жа бхияяо? д̇з хи д̇аад̣̇исаа санд̇о д̣̇виннам̣ габбаанам̣ бурзгкаараанан̃жа гзнажи на габбаяанд̇и, на бурзгкаронд̇и. барамад̇т̇ам̣ ажжанд̇асуд̣̇д̇хим̣ ад̇хиг̇ад̇ад̇д̇аа анажжанд̇асуд̣̇д̇хим̣язва агирияасассад̇ад̣̇идтим̣ ‘‘ажжанд̇асуд̣̇д̇хий’’д̇и на д̇з вад̣̇анд̇и. аад̣̇аанаг̇ант̇ам̣ г̇ад̇ид̇ам̣ висаж̇ж̇аад̇и жад̇уб̣б̣ид̇хамби руубаад̣̇ийнам̣ аад̣̇ааяагад̇д̇аа аад̣̇аанаг̇ант̇ам̣ ад̇д̇ано жид̇д̇асанд̇аанз г̇ат̇ид̇ам̣ б̣ад̣̇д̇хам̣ арияамаг̇г̇асад̇т̇зна виссаж̇ж̇а чинд̣̇ид̇ваа. сзсам̣ баагадамзва.
29.Na kappayantīti gāthāya sambandho attho ca – kiñca bhiyyo? Te hi tādisā santo dvinnaṃ kappānaṃ purekkhārānañca kenaci na kappayanti, na purekkharonti. Paramatthaṃ accantasuddhiṃ adhigatattā anaccantasuddhiṃyeva akiriyasassatadiṭṭhiṃ ‘‘accantasuddhī’’ti na te vadanti. Ādānaganthaṃ gatitaṃ visajjāti catubbidhampi rūpādīnaṃ ādāyakattā ādānaganthaṃ attano cittasantāne gathitaṃ baddhaṃ ariyamaggasatthena vissajja chinditvā. Sesaṃ pākaṭameva.
ажжанд̇асуд̣̇д̇хинд̇и ажжанд̇ам̣ барамад̇т̇ам̣ суд̣̇д̇хим̣. сам̣саарасуд̣̇д̇хинд̇и сам̣саарад̇о суд̣̇д̇хим̣. агирияад̣̇идтинд̇и гарод̇о на гарийяад̇и баабанд̇и агирияад̣̇идтим̣. сассад̇аваад̣̇анд̇и ‘‘нижжо д̇хуво сассад̇о’’д̇и важанам̣. на вад̣̇анд̇и на гат̇знд̇и.
Accantasuddhinti accantaṃ paramatthaṃ suddhiṃ. Saṃsārasuddhinti saṃsārato suddhiṃ. Akiriyadiṭṭhinti karoto na karīyati pāpanti akiriyadiṭṭhiṃ. Sassatavādanti ‘‘nicco dhuvo sassato’’ti vacanaṃ. Na vadanti na kathenti.
г̇ант̇аад̇и наамагааяам̣ г̇ант̇знд̇и, жуд̇ибадисанд̇хивасзна ваддасмим̣ гхадзнд̇ийд̇и г̇ант̇аа. абхиж̇жхаа жа саа наамагааяагхаданавасзна г̇ант̇о жаад̇и абхиж̇жхаагааяаг̇ант̇о. хид̇асукам̣ б̣яаабаад̣̇аяад̇ийд̇и б̣яаабаад̣̇о. б̣яаабаад̣̇о жа со вуд̇д̇анаязна г̇ант̇о жаад̇и б̣яаабаад̣̇о гааяаг̇ант̇о. сийлаб̣б̣ад̇абараамаасод̇и ‘‘ид̇о б̣ахид̣̇д̇хаа саман̣аб̣раахман̣аанам̣ сийлзна суд̣̇д̇хи вад̇зна суд̣̇д̇хий’’д̇и (д̇ха. са. 1143, 1222) барад̇о аамаасо. ид̣̇ам̣сажжаабхинивзсод̇и саб̣б̣ан̃н̃убхаасид̇амби бадигкибид̇ваа ‘‘сассад̇о лого, ид̣̇амзва сажжам̣, могхаман̃н̃а’’нд̇и (д̇ха. са. 1144) иминаа аагаарзна абхинивзсо ид̣̇ам̣сажжаабхинивзсо. ад̇д̇ано д̣̇идтияаа рааг̇од̇и ад̇д̇анаа абхинивисид̇ваа г̇ахид̇ааяа д̣̇идтияаа чанд̣̇арааг̇о. бараваад̣̇зсу аагхаад̇од̇и барасса важанзсу гобо. аббажжаяод̇и ад̇удтаагааро. ад̇д̇ано сийлам̣ ваад̇и ад̇д̇анаа самаад̣̇иннам̣ г̇осийлаад̣̇исийлам̣ ваа. ад̇д̇ано д̣̇идтийд̇и ад̇д̇анаа г̇ахид̇аа бараамадтаа д̣̇идти. д̇зхи г̇ант̇зхийд̇и зд̇зхи вуд̇д̇зхи наамагааяагхаданзхи. руубам̣ аад̣̇ияанд̇ийд̇и жад̇усамудтаанигам̣ руубаарамман̣ам̣ аад̣̇ияанд̇и г̇ан̣ханд̇и. убаад̣̇ияанд̇ийд̇и убаг̇анд̇ваа г̇ан̣ханд̇и д̇ан̣хааг̇ахан̣зна. бараамасанд̇и д̣̇идтиг̇ахан̣зна. абхинивисанд̇и маанаг̇ахан̣зна. вадданд̇и д̇збхуумагаваддам̣. г̇ант̇зд̇и б̣анд̇ханз.
Ganthāti nāmakāyaṃ ganthenti, cutipaṭisandhivasena vaṭṭasmiṃ ghaṭentīti ganthā. Abhijjhā ca sā nāmakāyaghaṭanavasena gantho cāti abhijjhākāyagantho. Hitasukhaṃ byāpādayatīti byāpādo. Byāpādo ca so vuttanayena gantho cāti byāpādo kāyagantho. Sīlabbataparāmāsoti ‘‘ito bahiddhā samaṇabrāhmaṇānaṃ sīlena suddhi vatena suddhī’’ti (dha. sa. 1143, 1222) parato āmāso. Idaṃsaccābhinivesoti sabbaññubhāsitampi paṭikkhipitvā ‘‘sassato loko, idameva saccaṃ, moghamañña’’nti (dha. sa. 1144) iminā ākārena abhiniveso idaṃsaccābhiniveso. Attano diṭṭhiyā rāgoti attanā abhinivisitvā gahitāya diṭṭhiyā chandarāgo. Paravādesu āghātoti parassa vacanesu kopo. Appaccayoti atuṭṭhākāro. Attano sīlaṃ vāti attanā samādinnaṃ gosīlādisīlaṃ vā. Attano diṭṭhīti attanā gahitā parāmaṭṭhā diṭṭhi. Tehi ganthehīti etehi vuttehi nāmakāyaghaṭanehi. Rūpaṃ ādiyantīti catusamuṭṭhānikaṃ rūpārammaṇaṃ ādiyanti gaṇhanti. Upādiyantīti upagantvā gaṇhanti taṇhāgahaṇena. Parāmasanti diṭṭhigahaṇena. Abhinivisanti mānagahaṇena. Vaṭṭanti tebhūmakavaṭṭaṃ. Gantheti bandhane.
восаж̇ж̇ид̇ваа ваад̇и саммаа виссаж̇ж̇ид̇ваа ваа. г̇ат̇ид̇зд̇и б̣анд̇ханз. г̇ант̇ид̇зд̇и г̇ант̇анзна г̇ант̇ид̇з. виб̣анд̇хзд̇и висзсзна б̣анд̇хз. ааб̣анд̇хзд̇и анзгавид̇хзна б̣анд̇хз. балиб̣уд̣̇д̇хзд̇и амун̃жид̇з. б̣анд̇ханз бодаяид̇ваад̇и д̇ан̣хаамаанад̣̇идтиб̣анд̇ханаани баббодаяид̇ваа. висаж̇ж̇аад̇и жаж̇ид̇ваа.
Vosajjitvā vāti sammā vissajjitvā vā. Gathiteti bandhane. Ganthiteti ganthanena ganthite. Vibandheti visesena bandhe. Ābandheti anekavidhena bandhe. Palibuddheti amuñcite. Bandhane poṭayitvāti taṇhāmānadiṭṭhibandhanāni pappoṭayitvā. Visajjāti cajitvā.
имз бана жад̇д̇ааро г̇ант̇з гилзсабадибаадияааби аахарид̇ум̣ ваддад̇и, маг̇г̇абадибаадияааби – гилзсабадибаадияаа абхиж̇жхаагааяаг̇ант̇о арахад̇д̇амаг̇г̇зна бахийяад̇и, б̣яаабаад̣̇о гааяаг̇ант̇о анааг̇аамимаг̇г̇зна, сийлаб̣б̣ад̇абараамаасо гааяаг̇ант̇о ид̣̇ам̣сажжаабхинивзсо гааяаг̇ант̇о сод̇аабад̇д̇имаг̇г̇зна. маг̇г̇абадибаадияаа сийлаб̣б̣ад̇абараамаасо гааяаг̇ант̇о ид̣̇ам̣сажжаабхинивзсо гааяаг̇ант̇о сод̇аабад̇д̇имаг̇г̇зна, б̣яаабаад̣̇о гааяаг̇ант̇о анааг̇аамимаг̇г̇зна, абхиж̇жхаагааяаг̇ант̇о арахад̇д̇амаг̇г̇знаад̇и. зд̇з жад̇д̇ааро г̇ант̇аа яасса сам̣виж̇ж̇анд̇и, д̇ам̣ жуд̇ибадисанд̇хивасзна ваддасмим̣ г̇ант̇знд̇и гхадзнд̇ийд̇и г̇ант̇аа. д̇з жад̇уббабхзд̣̇аа абхиж̇жхааяанд̇и зд̇ааяа, саяам̣ ваа абхиж̇жхааяад̇и, абхиж̇жхааяанамад̇д̇амзва ваа зсаад̇и абхиж̇жхаа. лобхоязва наамагааяам̣ г̇ант̇зд̇и жуд̇ибадисанд̇хивасзна ваддасмим̣ гхадзд̇ийд̇и гааяаг̇ант̇о. б̣яаабаж̇ж̇ад̇и д̇зна жид̇д̇ам̣ бууд̇ибхаавам̣ г̇ажчад̇и, б̣яаабаад̣̇аяад̇и ваа винаяаажаараруубасамбад̇д̇ихид̇асукаад̣̇ийнийд̇и б̣яаабаад̣̇о. ‘‘ид̇о б̣ахид̣̇д̇хаа саман̣аб̣раахман̣аанам̣ сийлзна суд̣̇д̇хи вад̇зна суд̣̇д̇хий’’д̇и бараамасанам̣ сийлаб̣б̣ад̇абараамаасо, саб̣б̣ан̃н̃убхаасид̇амби бадигкибид̇ваа ‘‘сассад̇о лого, ид̣̇амзва сажжам̣, могхаман̃н̃а’’нд̇иаад̣̇инаа аагаарзна абхинивисад̇ийд̇и ид̣̇ам̣сажжаабхинивзсо. яат̇аа ваяхам̣ ваад̇иаад̣̇им̣ ваяхаад̣̇ивисан̇каран̣ам̣ г̇ант̇аанам̣ вияог̇агаран̣з убамам̣ д̣̇ассзнд̇о ааха.
Ime pana cattāro ganthe kilesapaṭipāṭiyāpi āharituṃ vaṭṭati, maggapaṭipāṭiyāpi – kilesapaṭipāṭiyā abhijjhākāyagantho arahattamaggena pahīyati, byāpādo kāyagantho anāgāmimaggena, sīlabbataparāmāso kāyagantho idaṃsaccābhiniveso kāyagantho sotāpattimaggena. Maggapaṭipāṭiyā sīlabbataparāmāso kāyagantho idaṃsaccābhiniveso kāyagantho sotāpattimaggena, byāpādo kāyagantho anāgāmimaggena, abhijjhākāyagantho arahattamaggenāti. Ete cattāro ganthā yassa saṃvijjanti, taṃ cutipaṭisandhivasena vaṭṭasmiṃ ganthenti ghaṭentīti ganthā. Te catuppabhedā abhijjhāyanti etāya, sayaṃ vā abhijjhāyati, abhijjhāyanamattameva vā esāti abhijjhā. Lobhoyeva nāmakāyaṃ gantheti cutipaṭisandhivasena vaṭṭasmiṃ ghaṭetīti kāyagantho. Byāpajjati tena cittaṃ pūtibhāvaṃ gacchati, byāpādayati vā vinayācārarūpasampattihitasukhādīnīti byāpādo. ‘‘Ito bahiddhā samaṇabrāhmaṇānaṃ sīlena suddhi vatena suddhī’’ti parāmasanaṃ sīlabbataparāmāso, sabbaññubhāsitampi paṭikkhipitvā ‘‘sassato loko, idameva saccaṃ, moghamañña’’ntiādinā ākārena abhinivisatīti idaṃsaccābhiniveso. Yathā vayhaṃ vātiādiṃ vayhādivisaṅkharaṇaṃ ganthānaṃ viyogakaraṇe upamaṃ dassento āha.
на ж̇анзнд̇ийд̇и на уббаад̣̇знд̇и. на сан̃ж̇анзнд̇ийд̇и на ниб̣б̣ад̇д̇знд̇и. наабхиниб̣б̣ад̇д̇знд̇ийд̇и убасаг̇г̇авасзна бад̣̇ам̣ вад̣дхид̇ам̣. на сан̃ж̇анзнд̇ийд̇и уббаад̣̇агкан̣ам̣. на ниб̣б̣ад̇д̇знд̇и наабхиниб̣б̣ад̇д̇знд̇ийд̇и бавад̇д̇игкан̣ам̣ санд̇хааяа вуд̇д̇ам̣.
Na janentīti na uppādenti. Na sañjanentīti na nibbattenti. Nābhinibbattentīti upasaggavasena padaṃ vaḍḍhitaṃ. Na sañjanentīti uppādakkhaṇaṃ. Na nibbattenti nābhinibbattentīti pavattikkhaṇaṃ sandhāya vuttaṃ.
30. сиймаад̇иг̇од̇и г̇аат̇аа згабуг̇г̇алаад̇хидтаанааяа д̣̇зсанааяа вуд̇д̇аа. буб̣б̣асад̣̇исо зва банассаа самб̣анд̇хо, со звам̣ ад̇т̇аван̣н̣анааяа сад̣̇д̇хим̣ взд̣̇ид̇аб̣б̣о – гин̃жа бхияяо? со ийд̣̇исо бхуурибан̃н̃о жад̇уннам̣ гилзсасиймаанам̣ ад̇ийд̇ад̇д̇аа сиймаад̇иг̇о, б̣аахид̇абаабад̇д̇аа жа б̣раахман̣о, ид̇т̇амбхууд̇асса жа д̇асса над̇т̇и, баражид̇д̇абуб̣б̣зниваасан̃аан̣зхи н̃ад̇ваа ваа мам̣сад̣̇иб̣б̣ажагкуухи д̣̇исваа ваа гин̃жи самуг̇г̇ахийд̇ам̣, абхинивидтанд̇и вуд̇д̇ам̣ ход̇и. со жа гаамарааг̇аабхаавад̇о на рааг̇арааг̇ий руубааруубарааг̇аабхаавад̇о на вирааг̇арад̇д̇о, яад̇о звам̣вид̇хасса д̇асса ‘‘ид̣̇ам̣ барама’’нд̇и гин̃жи ид̇ха уг̇г̇ахийд̇ам̣ над̇т̇ийд̇и арахад̇д̇анигуудзна д̣̇зсанам̣ нидтаабзси.
30.Sīmātigoti gāthā ekapuggalādhiṭṭhānāya desanāya vuttā. Pubbasadiso eva panassā sambandho, so evaṃ atthavaṇṇanāya saddhiṃ veditabbo – kiñca bhiyyo? So īdiso bhūripañño catunnaṃ kilesasīmānaṃ atītattā sīmātigo, bāhitapāpattā ca brāhmaṇo, itthambhūtassa ca tassa natthi, paracittapubbenivāsañāṇehi ñatvā vā maṃsadibbacakkhūhi disvā vā kiñci samuggahītaṃ, abhiniviṭṭhanti vuttaṃ hoti. So ca kāmarāgābhāvato na rāgarāgī rūpārūparāgābhāvato na virāgaratto, yato evaṃvidhassa tassa ‘‘idaṃ parama’’nti kiñci idha uggahītaṃ natthīti arahattanikūṭena desanaṃ niṭṭhāpesi.
жад̇ассо сиймааяод̇и жад̇д̇ааро барижчзд̣̇аа. д̣̇идтаанусаяод̇и д̣̇идти жа саа аббахийнадтзна анусаяо жаад̇и д̣̇идтаанусаяо. вижигижчаанусаяаад̣̇ийсуби зсзва наяо. гзнадтзна анусаяаа? анусаяанадтзна. го зса анусаяадто наамаад̇и? аббахийнадто. зд̇з хи аббахийнадтзна д̇асса д̇асса санд̇аанз анусзнд̇и наама, д̇асмаа ‘‘анусаяаа’’д̇и вужжанд̇и. анусзнд̇ийд̇и ануруубам̣ гааран̣ам̣ лабхид̇ваа уббаж̇ж̇анд̇ийд̇и ад̇т̇о. ат̇ааби сияаа – анусаяадто наама аббахийнаагааро, аббахийнаагааро жа ‘‘уббаж̇ж̇ад̇ий’’д̇и вад̇д̇ум̣ на яуж̇ж̇ад̇и, д̇асмаа на анусаяаа уббаж̇ж̇анд̇ийд̇и. д̇ад̇рид̣̇ам̣ бадиважанам̣ – аббахийнаагааро анусаяо, анусаяод̇и бана аббахийнадтзна т̇аамаг̇ад̇аа гилзсаа вужжанд̇и. со жид̇д̇асамбаяуд̇д̇о саарамман̣о саббажжаяадтзна сахзд̇уго зганд̇аагусало ад̇ийд̇оби ход̇и анааг̇ад̇оби бажжуббанноби, д̇асмаа ‘‘уббаж̇ж̇ад̇ий’’д̇и вад̇д̇ум̣ яуж̇ж̇ад̇и.
Catasso sīmāyoti cattāro paricchedā. Diṭṭhānusayoti diṭṭhi ca sā appahīnaṭṭhena anusayo cāti diṭṭhānusayo. Vicikicchānusayādīsupi eseva nayo. Kenaṭṭhena anusayā? Anusayanaṭṭhena. Ko esa anusayaṭṭho nāmāti? Appahīnaṭṭho. Ete hi appahīnaṭṭhena tassa tassa santāne anusenti nāma, tasmā ‘‘anusayā’’ti vuccanti. Anusentīti anurūpaṃ kāraṇaṃ labhitvā uppajjantīti attho. Athāpi siyā – anusayaṭṭho nāma appahīnākāro, appahīnākāro ca ‘‘uppajjatī’’ti vattuṃ na yujjati, tasmā na anusayā uppajjantīti. Tatridaṃ paṭivacanaṃ – appahīnākāro anusayo, anusayoti pana appahīnaṭṭhena thāmagatā kilesā vuccanti. So cittasampayutto sārammaṇo sappaccayaṭṭhena sahetuko ekantākusalo atītopi hoti anāgatopi paccuppannopi, tasmā ‘‘uppajjatī’’ti vattuṃ yujjati.
д̇ад̇рид̣̇ам̣ бамаан̣ам̣ – бадисамбхид̣̇ааяам̣ д̇аава абхисамаяагат̇ааяам̣ (бади. ма. 3.21) ‘‘бажжуббаннз гилзсз баж̇ахад̇ий’’д̇и бужчид̇ваа анусаяаанам̣ бажжуббаннабхаавасса ад̇т̇ид̇ааяа ‘‘т̇аамаг̇ад̇о анусаяам̣ баж̇ахад̇ий’’д̇и вуд̇д̇ам̣. д̇хаммасан̇г̇ан̣ияам̣ мохасса бад̣̇абхааж̇анз (д̇ха. са. 390) ‘‘авиж̇ж̇аанусаяо авиж̇ж̇аабарияудтаанам̣, авиж̇ж̇аалан̇г̇ий мохо агусаламуулам̣, аяам̣ д̇асмим̣ самаяз мохо ход̇ий’’д̇и агусалажид̇д̇зна сад̣̇д̇хим̣ авиж̇ж̇аанусаяасса уббаннабхааво вуд̇д̇о. гат̇аавад̇т̇усмим̣ ‘‘анусаяаа аб̣яаагад̇аа анусаяаа ахзд̇угаа анусаяаа жид̇д̇авиббаяуд̇д̇аа’’д̇и (гат̇аа. 605) саб̣б̣з ваад̣̇аа бадисзд̇хид̇аа. анусаяаяамагз сад̇д̇аннам̣ махааваараанам̣ ан̃н̃ад̇арасмим̣ уббаж̇ж̇анаваарз ‘‘яасса гаамарааг̇аанусаяо уббаж̇ж̇ад̇и д̇асса бадигхаанусаяо уббаж̇ж̇ад̇ий’’д̇иаад̣̇и вуд̇д̇ам̣. д̇асмаа ‘‘анусзнд̇ийд̇и ануруубам̣ гааран̣ам̣ лабхид̇ваа уббаж̇ж̇анд̇ий’’д̇и яам̣ вуд̇д̇ам̣, д̇ам̣ иминаа д̇анд̇иббамаан̣зна сувуд̇д̇анд̇и взд̣̇ид̇аб̣б̣ам̣. яамби ‘‘жид̇д̇асамбаяуд̇д̇о саарамман̣о’’д̇иаад̣̇и вуд̇д̇ам̣, д̇амби сувуд̇д̇амзва. анусаяо хи наамзса баринибпанно жид̇д̇асамбаяуд̇д̇о агусалад̇хаммод̇и нидтамзд̇т̇а г̇анд̇аб̣б̣ам̣.
Tatridaṃ pamāṇaṃ – paṭisambhidāyaṃ tāva abhisamayakathāyaṃ (paṭi. ma. 3.21) ‘‘paccuppanne kilese pajahatī’’ti pucchitvā anusayānaṃ paccuppannabhāvassa atthitāya ‘‘thāmagato anusayaṃ pajahatī’’ti vuttaṃ. Dhammasaṅgaṇiyaṃ mohassa padabhājane (dha. sa. 390) ‘‘avijjānusayo avijjāpariyuṭṭhānaṃ, avijjālaṅgī moho akusalamūlaṃ, ayaṃ tasmiṃ samaye moho hotī’’ti akusalacittena saddhiṃ avijjānusayassa uppannabhāvo vutto. Kathāvatthusmiṃ ‘‘anusayā abyākatā anusayā ahetukā anusayā cittavippayuttā’’ti (kathā. 605) sabbe vādā paṭisedhitā. Anusayayamake sattannaṃ mahāvārānaṃ aññatarasmiṃ uppajjanavāre ‘‘yassa kāmarāgānusayo uppajjati tassa paṭighānusayo uppajjatī’’tiādi vuttaṃ. Tasmā ‘‘anusentīti anurūpaṃ kāraṇaṃ labhitvā uppajjantī’’ti yaṃ vuttaṃ, taṃ iminā tantippamāṇena suvuttanti veditabbaṃ. Yampi ‘‘cittasampayutto sārammaṇo’’tiādi vuttaṃ, tampi suvuttameva. Anusayo hi nāmesa parinipphanno cittasampayutto akusaladhammoti niṭṭhamettha gantabbaṃ.
д̇ад̇т̇а д̣̇идтаанусаяо жад̇уусу д̣̇идтисамбаяуд̇д̇зсу, вижигижчаанусаяо вижигижчаасахаг̇ад̇з, авиж̇ж̇аанусаяо д̣̇ваад̣̇асасу агусалажид̇д̇зсу сахаж̇аад̇авасзна аарамман̣авасзна жа; д̇аяоби авасзсад̇збхуумагад̇хаммзсу аарамман̣авасзна д̣̇идтивижигижчаамохаа. гаамарааг̇аанусаяо жзд̇т̇а лобхасахаг̇ад̇ажид̇д̇зсу сахаж̇аад̇авасзна аарамман̣авасзна жа, манаабзсу авасзсагаамааважарад̇хаммзсу аарамман̣авасзна уббаж̇ж̇амаано лобхо. бадигхаанусаяо д̣̇оманассасахаг̇ад̇ажид̇д̇зсу сахаж̇аад̇авасзна аарамман̣авасзна жа, аманаабзсу авасзсагаамааважарад̇хаммзсу аарамман̣авасзнзва уббаж̇ж̇амаано д̣̇осо. маанаанусаяо д̣̇идтивиббаяуд̇д̇алобхасахаг̇ад̇ажид̇д̇зсу сахаж̇аад̇авасзна аарамман̣авасзна жа, д̣̇угкавзд̣̇анааваж̇ж̇зсу авасзсагаамааважарад̇хаммзсу руубааруубааважарад̇хаммзсу жа аарамман̣авасзнзва уббаж̇ж̇амаано маано. бхаварааг̇аанусаяо жад̇уусу д̣̇идтивиббаяуд̇д̇зсу уббаж̇ж̇амааноби сахаж̇аад̇авасзна вуд̇д̇о. аарамман̣авасзнзва бана руубааруубааважарад̇хаммзсу уббаж̇ж̇амаано лобхо вуд̇д̇о.
Tattha diṭṭhānusayo catūsu diṭṭhisampayuttesu, vicikicchānusayo vicikicchāsahagate, avijjānusayo dvādasasu akusalacittesu sahajātavasena ārammaṇavasena ca; tayopi avasesatebhūmakadhammesu ārammaṇavasena diṭṭhivicikicchāmohā. Kāmarāgānusayo cettha lobhasahagatacittesu sahajātavasena ārammaṇavasena ca, manāpesu avasesakāmāvacaradhammesu ārammaṇavasena uppajjamāno lobho. Paṭighānusayo domanassasahagatacittesu sahajātavasena ārammaṇavasena ca, amanāpesu avasesakāmāvacaradhammesu ārammaṇavaseneva uppajjamāno doso. Mānānusayo diṭṭhivippayuttalobhasahagatacittesu sahajātavasena ārammaṇavasena ca, dukkhavedanāvajjesu avasesakāmāvacaradhammesu rūpārūpāvacaradhammesu ca ārammaṇavaseneva uppajjamāno māno. Bhavarāgānusayo catūsu diṭṭhivippayuttesu uppajjamānopi sahajātavasena vutto. Ārammaṇavaseneva pana rūpārūpāvacaradhammesu uppajjamāno lobho vutto.
д̇ад̇т̇а д̣̇идтаанусаяод̇и д̣̇ваасадтивид̇хаа д̣̇идти. вижигижчаанусаяод̇и адтавад̇т̇угаа вижигижчаа. д̇ад̣̇згадтаа жа гилзсаад̇и сахаж̇згадтавасзна д̣̇идтияаа вижигижчааяа, сахаж̇згадтавасзна згад̇о тид̇аа. маанаанусаяод̇и нававид̇хамаано. барамад̇т̇ан̃аан̣зна ваа н̃ад̇ваад̇и барзсам̣ жид̇д̇аажаараж̇аананабан̃н̃ааяа ж̇аанид̇ваа, жзд̇обарияан̃аан̣зна ж̇аанид̇ваад̇и вуд̇д̇ам̣ ход̇и. буб̣б̣зниваасаануссад̇ин̃аан̣зна ваад̇и ад̇ийд̇з нивудтагканд̇хаануссаран̣ан̃аан̣зна ж̇аанид̇ваа. мам̣сажагкунаа ваад̇и багад̇ижагкунаа. д̣̇иб̣б̣ажагкунаа ваад̇и д̣̇иб̣б̣асад̣̇исзна д̣̇иб̣б̣авихаарасанниссид̇зна ваа д̣̇иб̣б̣ажагкунаа бассид̇ваа. рааг̇арад̇д̇аад̇и рааг̇зна ран̃ж̇ид̇аа. яз бан̃жасу гаамаг̇ун̣зсууд̇и яз бан̃жасу руубаад̣̇ивад̇т̇угаамагодтаасзсу. вирааг̇арад̇д̇аад̇и вирааг̇асан̇каад̇аасу руубааруубасамаабад̇д̇ийсу ад̇ирад̇д̇аа аллийнаа. яад̇о гаамарааг̇о жаад̇и яад̣̇аа гаамабхавз рааг̇о жа. руубааруубарааг̇зсуби зсзва наяо.
Tattha diṭṭhānusayoti dvāsaṭṭhividhā diṭṭhi. Vicikicchānusayoti aṭṭhavatthukā vicikicchā. Tadekaṭṭhā ca kilesāti sahajekaṭṭhavasena diṭṭhiyā vicikicchāya, sahajekaṭṭhavasena ekato ṭhitā. Mānānusayoti navavidhamāno. Paramatthañāṇena vā ñatvāti paresaṃ cittācārajānanapaññāya jānitvā, cetopariyañāṇena jānitvāti vuttaṃ hoti. Pubbenivāsānussatiñāṇena vāti atīte nivuṭṭhakkhandhānussaraṇañāṇena jānitvā. Maṃsacakkhunā vāti pakaticakkhunā. Dibbacakkhunā vāti dibbasadisena dibbavihārasannissitena vā dibbacakkhunā passitvā. Rāgarattāti rāgena rañjitā. Ye pañcasu kāmaguṇesūti ye pañcasu rūpādivatthukāmakoṭṭhāsesu. Virāgarattāti virāgasaṅkhātāsu rūpārūpasamāpattīsu atirattā allīnā. Yato kāmarāgo cāti yadā kāmabhave rāgo ca. Rūpārūparāgesupi eseva nayo.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
суд̣̇д̇хадтагасуд̇д̇анид̣̇д̣̇зсаван̣н̣анаа нидтид̇аа.
Suddhaṭṭhakasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 4. суд̣̇д̇хадтагасуд̇д̇анид̣̇д̣̇зсо • 4. Suddhaṭṭhakasuttaniddeso
