| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
4. суд̣̇д̇хадтагасуд̇д̇аван̣н̣анаа
4. Suddhaṭṭhakasuttavaṇṇanā
795. бассаами суд̣̇д̇ханд̇и суд̣̇д̇хадтагасуд̇д̇ам̣. гаа уббад̇д̇и? ад̇ийд̇з гира гассабасса бхаг̇авад̇о гаалз б̣аараан̣асиваасий ан̃н̃ад̇аро гудумб̣иго бан̃жахи сагадасад̇зхи бажжанд̇аж̇анабад̣̇ам̣ аг̇амааси бхан̣д̣аг̇г̇ахан̣ад̇т̇ам̣. д̇ад̇т̇а ванажарагзна сад̣̇д̇хим̣ мид̇д̇ам̣ гад̇ваа д̇асса бан̣н̣аагаарам̣ д̣̇ад̇ваа бужчи – ‘‘гажжи, д̇з самма, жанд̣̇анасаарам̣ д̣̇идтабуб̣б̣а’’нд̇и? ‘‘аама саамий’’д̇и жа вуд̇д̇з д̇знзва сад̣̇д̇хим̣ жанд̣̇анаванам̣ бависид̇ваа саб̣б̣асагадаани жанд̣̇анасаарасса буурзд̇ваа д̇амби ванажарагам̣ ‘‘яад̣̇аа, самма, б̣аараан̣асим̣ ааг̇ажчаси, д̇ад̣̇аа жанд̣̇анасаарам̣ г̇ахзд̇ваа ааг̇ажчзяяаасий’’д̇и вад̇ваа б̣аараан̣асим̣язва аг̇амааси. ат̇аабарзна самаязна соби ванажараго жанд̣̇анасаарам̣ г̇ахзд̇ваа д̇асса гхарам̣ аг̇амааси. со д̇ам̣ д̣̇исваа саб̣б̣ам̣ бадисант̇аарам̣ гад̇ваа сааяанхасамаяз жанд̣̇анасаарам̣ бисаабзд̇ваа самуг̇г̇ам̣ буурзд̇ваа ‘‘г̇ажча, самма, нхааяид̇ваа ааг̇ажчаа’’д̇и ад̇д̇ано бурисзна сад̣̇д̇хим̣ нхаанад̇ид̇т̇ам̣ бзсзси. д̇зна жа самаязна б̣аараан̣асияам̣ уссаво ход̇и. ат̇а б̣аараан̣асиваасино баад̇ова д̣̇аанам̣ д̣̇ад̇ваа сааяам̣ суд̣̇д̇хавад̇т̇анивад̇т̇аа маалааг̇анд̇хаад̣̇ийни г̇ахзд̇ваа гассабасса бхаг̇авад̇о махаажзд̇ияам̣ ванд̣̇ид̇ум̣ г̇ажчанд̇и. со ванажараго д̇з д̣̇исваа ‘‘махааж̇ано гухим̣ г̇ажчад̇ий’’д̇и бужчи. ‘‘вихаарам̣ жзд̇ияаванд̣̇анад̇т̇ааяаа’’д̇и жа суд̇ваа саяамби аг̇амааси. д̇ад̇т̇а мануссз харид̇ааламаносилаад̣̇ийхи наанаббагаарзхи жзд̇ияз бууж̇ам̣ гаронд̇з д̣̇исваа гин̃жи жид̇рам̣ гаад̇ум̣ аж̇аананд̇о д̇ам̣ жанд̣̇анам̣ г̇ахзд̇ваа махаажзд̇ияз суван̣н̣идтагаанам̣. убари гам̣сабаад̇имад̇д̇ам̣ ман̣д̣алам̣ агааси. ат̇а д̇ад̇т̇а суурияуг̇г̇аманавзлааяам̣ суурияарасмияо удтахим̣су. со д̇ам̣ д̣̇исваа басийд̣̇и, бад̇т̇анан̃жа агааси ‘‘яад̇т̇а яад̇т̇а ниб̣б̣ад̇д̇аами, ийд̣̇исаа мз расмияо урз удтаханд̇уу’’д̇и. со гаалам̣ гад̇ваа д̇аавад̇им̣сзсу ниб̣б̣ад̇д̇и. д̇асса урз расмияо удтахим̣су, жанд̣̇аман̣д̣алам̣ вияасса ураман̣д̣алам̣ вирожад̇и, ‘‘жанд̣̇аабхо д̣̇звабуд̇д̇о’’д̇взва жа нам̣ сан̃ж̇ааним̣су.
795.Passāmisuddhanti suddhaṭṭhakasuttaṃ. Kā uppatti? Atīte kira kassapassa bhagavato kāle bārāṇasivāsī aññataro kuṭumbiko pañcahi sakaṭasatehi paccantajanapadaṃ agamāsi bhaṇḍaggahaṇatthaṃ. Tattha vanacarakena saddhiṃ mittaṃ katvā tassa paṇṇākāraṃ datvā pucchi – ‘‘kacci, te samma, candanasāraṃ diṭṭhapubba’’nti? ‘‘Āma sāmī’’ti ca vutte teneva saddhiṃ candanavanaṃ pavisitvā sabbasakaṭāni candanasārassa pūretvā tampi vanacarakaṃ ‘‘yadā, samma, bārāṇasiṃ āgacchasi, tadā candanasāraṃ gahetvā āgaccheyyāsī’’ti vatvā bārāṇasiṃyeva agamāsi. Athāparena samayena sopi vanacarako candanasāraṃ gahetvā tassa gharaṃ agamāsi. So taṃ disvā sabbaṃ paṭisanthāraṃ katvā sāyanhasamaye candanasāraṃ pisāpetvā samuggaṃ pūretvā ‘‘gaccha, samma, nhāyitvā āgacchā’’ti attano purisena saddhiṃ nhānatitthaṃ pesesi. Tena ca samayena bārāṇasiyaṃ ussavo hoti. Atha bārāṇasivāsino pātova dānaṃ datvā sāyaṃ suddhavatthanivatthā mālāgandhādīni gahetvā kassapassa bhagavato mahācetiyaṃ vandituṃ gacchanti. So vanacarako te disvā ‘‘mahājano kuhiṃ gacchatī’’ti pucchi. ‘‘Vihāraṃ cetiyavandanatthāyā’’ti ca sutvā sayampi agamāsi. Tattha manusse haritālamanosilādīhi nānappakārehi cetiye pūjaṃ karonte disvā kiñci citraṃ kātuṃ ajānanto taṃ candanaṃ gahetvā mahācetiye suvaṇṇiṭṭhakānaṃ. Upari kaṃsapātimattaṃ maṇḍalaṃ akāsi. Atha tattha sūriyuggamanavelāyaṃ sūriyarasmiyo uṭṭhahiṃsu. So taṃ disvā pasīdi, patthanañca akāsi ‘‘yattha yattha nibbattāmi, īdisā me rasmiyo ure uṭṭhahantū’’ti. So kālaṃ katvā tāvatiṃsesu nibbatti. Tassa ure rasmiyo uṭṭhahiṃsu, candamaṇḍalaṃ viyassa uramaṇḍalaṃ virocati, ‘‘candābho devaputto’’tveva ca naṃ sañjāniṃsu.
со д̇ааяа самбад̇д̇ияаа часу д̣̇звалогзсу ануломабадиломад̇о згам̣ б̣уд̣̇д̇ханд̇арам̣ кзбзд̇ваа амхаагам̣ бхаг̇авад̇и уббаннз саавад̇т̇ияам̣ б̣раахман̣амахаасаалагулз ниб̣б̣ад̇д̇и, д̇ат̇звасса урз жанд̣̇аман̣д̣аласад̣̇исам̣ расмиман̣д̣алам̣ ахоси. наамагаран̣ад̣̇ивасз жасса ман̇г̇алам̣ гад̇ваа б̣раахман̣аа д̇ам̣ ман̣д̣алам̣ д̣̇исваа ‘‘д̇хан̃н̃абун̃н̃алагкан̣о аяам̣ гумааро’’д̇и вимхид̇аа ‘‘жанд̣̇аабхо’’ д̇взва наамам̣ агам̣су. д̇ам̣ ваяаббад̇д̇ам̣ б̣раахман̣аа г̇ахзд̇ваа алан̇гарид̇ваа рад̇д̇аган̃жугам̣ баарубаабзд̇ваа рат̇з ааробзд̇ваа ‘‘махааб̣рахмаа аяа’’нд̇и бууж̇зд̇ваа ‘‘яо жанд̣̇аабхам̣ бассад̇и, со яасад̇ханаад̣̇ийни лабхад̇и, самбарааяан̃жа саг̇г̇ам̣ г̇ажчад̇ий’’д̇и уг̇гхосзнд̇аа г̇ааманиг̇амарааж̇ад̇хаанийсу аахин̣д̣анд̇и. г̇ад̇аг̇ад̇адтаанз мануссаа ‘‘зса гира бхо жанд̣̇аабхо наама, яо зд̇ам̣ бассад̇и, со яасад̇ханасаг̇г̇аад̣̇ийни лабхад̇ий’’д̇и убаруубари ааг̇ажчанд̇и, сагалаж̇амб̣уд̣̇ийбо жали. б̣раахман̣аа д̇ужчахад̇т̇агаанам̣ ааг̇ад̇аанам̣ на д̣̇ассзнд̇и, сад̇ам̣ ваа сахассам̣ ваа г̇ахзд̇ваа ааг̇ад̇аанамзва д̣̇ассзнд̇и. звам̣ жанд̣̇аабхам̣ г̇ахзд̇ваа анувижаранд̇аа б̣раахман̣аа гамзна саавад̇т̇им̣ ануббад̇д̇аа.
So tāya sampattiyā chasu devalokesu anulomapaṭilomato ekaṃ buddhantaraṃ khepetvā amhākaṃ bhagavati uppanne sāvatthiyaṃ brāhmaṇamahāsālakule nibbatti, tathevassa ure candamaṇḍalasadisaṃ rasmimaṇḍalaṃ ahosi. Nāmakaraṇadivase cassa maṅgalaṃ katvā brāhmaṇā taṃ maṇḍalaṃ disvā ‘‘dhaññapuññalakkhaṇo ayaṃ kumāro’’ti vimhitā ‘‘candābho’’ tveva nāmaṃ akaṃsu. Taṃ vayappattaṃ brāhmaṇā gahetvā alaṅkaritvā rattakañcukaṃ pārupāpetvā rathe āropetvā ‘‘mahābrahmā aya’’nti pūjetvā ‘‘yo candābhaṃ passati, so yasadhanādīni labhati, samparāyañca saggaṃ gacchatī’’ti ugghosentā gāmanigamarājadhānīsu āhiṇḍanti. Gatagataṭṭhāne manussā ‘‘esa kira bho candābho nāma, yo etaṃ passati, so yasadhanasaggādīni labhatī’’ti uparūpari āgacchanti, sakalajambudīpo cali. Brāhmaṇā tucchahatthakānaṃ āgatānaṃ na dassenti, sataṃ vā sahassaṃ vā gahetvā āgatānameva dassenti. Evaṃ candābhaṃ gahetvā anuvicarantā brāhmaṇā kamena sāvatthiṃ anuppattā.
д̇зна жа самаязна бхаг̇аваа бавад̇д̇ид̇аварад̇хаммажагго анубуб̣б̣зна саавад̇т̇им̣ ааг̇анд̇ваа саавад̇т̇ияам̣ вихарад̇и ж̇зд̇аванз б̣ахуж̇анахид̇ааяа д̇хаммам̣ д̣̇зсзнд̇о. ат̇а жанд̣̇аабхо саавад̇т̇им̣ бад̇ваа самуд̣̇д̣̇абагканд̇агуннад̣̇ий вияа абаагадо ахоси, жанд̣̇аабход̇и бхан̣анд̇оби над̇т̇и. со сааяанхасамаяз махааж̇анагааяам̣ маалааг̇анд̇хаад̣̇ийни аад̣̇ааяа ж̇зд̇аванаабхимукам̣ г̇ажчанд̇ам̣ д̣̇исваа ‘‘гухим̣ г̇ажчат̇аа’’д̇и бужчи. ‘‘б̣уд̣̇д̇хо логз уббанно, со б̣ахуж̇анахид̇ааяа д̇хаммам̣ д̣̇зсзд̇и, д̇ам̣ сод̇ум̣ ж̇зд̇аванам̣ г̇ажчаамаа’’д̇и жа д̇зсам̣ важанам̣ суд̇ваа соби б̣раахман̣аг̇ан̣абаривуд̇о д̇ад̇т̇зва аг̇амааси. бхаг̇аваа жа д̇асмим̣ самаяз д̇хаммасабхааяам̣ вараб̣уд̣̇д̇хаасанз нисиннова ход̇и. жанд̣̇аабхо бхаг̇аванд̇ам̣ убасан̇гамма мад̇хурабадисант̇аарам̣ гад̇ваа згаманд̇ам̣ нисийд̣̇и, д̇аавад̣̇зва жасса со аалого анд̇арахид̇о. б̣уд̣̇д̇хаалогасса хи самийбз асийд̇ихад̇т̇аб̣бханд̇арз ан̃н̃о аалого наабхибход̇и. со ‘‘аалого мз надто’’д̇и нисийд̣̇ид̇ваава удтааси, удтахид̇ваа жа г̇анд̇умаарад̣̇д̇хо. ат̇а нам̣ ан̃н̃ад̇аро бурисо ааха – ‘‘гим̣ бхо жанд̣̇аабха, саман̣асса г̇од̇амасса бхийд̇о г̇ажчасий’’д̇и. наахам̣ бхийд̇о г̇ажчаами, абижа мз имасса д̇зж̇зна аалого на самбаж̇ж̇ад̇ийд̇и бунад̣̇зва бхаг̇авад̇о бурад̇о нисийд̣̇ид̇ваа баад̣̇ад̇алаа бадтааяа яаава гзсаг̇г̇аа руубарам̣силагкан̣аад̣̇исамбад̇д̇им̣ д̣̇исваа ‘‘махзсагко саман̣о г̇од̇амо, мама урз аббамад̇д̇аго аалого удтид̇о, д̇аавад̇агзнаби мам̣ г̇ахзд̇ваа б̣раахман̣аа сагалаж̇амб̣уд̣̇ийбам̣ вижаранд̇и. звам̣ варалагкан̣асамбад̇д̇исаманнааг̇ад̇асса саман̣асса г̇од̇амасса нзва маано уббанно, ад̣̇д̇хаа аяам̣ аномаг̇ун̣асаманнааг̇ад̇о бхависсад̇и сад̇т̇аа д̣̇звамануссаана’’нд̇и ад̇ивияа басаннажид̇д̇о бхаг̇аванд̇ам̣ ванд̣̇ид̇ваа баб̣б̣аж̇ж̇ам̣ яаажи. бхаг̇аваа ан̃н̃ад̇арам̣ т̇зрам̣ аан̣аабзси – ‘‘баб̣б̣ааж̇зхи на’’нд̇и. со д̇ам̣ баб̣б̣ааж̇зд̇ваа д̇ажабан̃жагагаммадтаанам̣ аажигки. со вибассанам̣ аарабхид̇ваа на жирзнзва арахад̇д̇ам̣ бад̇ваа ‘‘жанд̣̇аабхад̇т̇зро’’д̇и виссуд̇о ахоси. д̇ам̣ аараб̣бха бхигкуу гат̇ам̣ самудтаабзсум̣ ‘‘гим̣ ну ко, аавусо, яз жанд̣̇аабхам̣ ад̣̇д̣̇асам̣су. д̇з яасам̣ ваа д̇ханам̣ ваа лабхим̣су, саг̇г̇ам̣ ваа г̇ажчим̣су, висуд̣̇д̇хим̣ ваа баабун̣им̣су д̇зна жагкуд̣̇вааригаруубад̣̇ассанзнаа’’д̇и. бхаг̇аваа д̇ассам̣ адтуббад̇д̇ияам̣ имам̣ суд̇д̇амабхааси.
Tena ca samayena bhagavā pavattitavaradhammacakko anupubbena sāvatthiṃ āgantvā sāvatthiyaṃ viharati jetavane bahujanahitāya dhammaṃ desento. Atha candābho sāvatthiṃ patvā samuddapakkhantakunnadī viya apākaṭo ahosi, candābhoti bhaṇantopi natthi. So sāyanhasamaye mahājanakāyaṃ mālāgandhādīni ādāya jetavanābhimukhaṃ gacchantaṃ disvā ‘‘kuhiṃ gacchathā’’ti pucchi. ‘‘Buddho loke uppanno, so bahujanahitāya dhammaṃ deseti, taṃ sotuṃ jetavanaṃ gacchāmā’’ti ca tesaṃ vacanaṃ sutvā sopi brāhmaṇagaṇaparivuto tattheva agamāsi. Bhagavā ca tasmiṃ samaye dhammasabhāyaṃ varabuddhāsane nisinnova hoti. Candābho bhagavantaṃ upasaṅkamma madhurapaṭisanthāraṃ katvā ekamantaṃ nisīdi, tāvadeva cassa so āloko antarahito. Buddhālokassa hi samīpe asītihatthabbhantare añño āloko nābhibhoti. So ‘‘āloko me naṭṭho’’ti nisīditvāva uṭṭhāsi, uṭṭhahitvā ca gantumāraddho. Atha naṃ aññataro puriso āha – ‘‘kiṃ bho candābha, samaṇassa gotamassa bhīto gacchasī’’ti. Nāhaṃ bhīto gacchāmi, apica me imassa tejena āloko na sampajjatīti punadeva bhagavato purato nisīditvā pādatalā paṭṭhāya yāva kesaggā rūparaṃsilakkhaṇādisampattiṃ disvā ‘‘mahesakkho samaṇo gotamo, mama ure appamattako āloko uṭṭhito, tāvatakenapi maṃ gahetvā brāhmaṇā sakalajambudīpaṃ vicaranti. Evaṃ varalakkhaṇasampattisamannāgatassa samaṇassa gotamassa neva māno uppanno, addhā ayaṃ anomaguṇasamannāgato bhavissati satthā devamanussāna’’nti ativiya pasannacitto bhagavantaṃ vanditvā pabbajjaṃ yāci. Bhagavā aññataraṃ theraṃ āṇāpesi – ‘‘pabbājehi na’’nti. So taṃ pabbājetvā tacapañcakakammaṭṭhānaṃ ācikkhi. So vipassanaṃ ārabhitvā na cireneva arahattaṃ patvā ‘‘candābhatthero’’ti vissuto ahosi. Taṃ ārabbha bhikkhū kathaṃ samuṭṭhāpesuṃ ‘‘kiṃ nu kho, āvuso, ye candābhaṃ addasaṃsu. Te yasaṃ vā dhanaṃ vā labhiṃsu, saggaṃ vā gacchiṃsu, visuddhiṃ vā pāpuṇiṃsu tena cakkhudvārikarūpadassanenā’’ti. Bhagavā tassaṃ aṭṭhuppattiyaṃ imaṃ suttamabhāsi.
д̇ад̇т̇а батамаг̇аат̇ааяа д̇аавад̇т̇о – на, бхигкавз, зваруубзна д̣̇ассанзна суд̣̇д̇хи ход̇и. абижа ко гилзсамалинад̇д̇аа асуд̣̇д̇хам̣, гилзсарог̇аанам̣ авиг̇амаа сарог̇амзва жанд̣̇аабхам̣ б̣раахман̣ам̣ ан̃н̃ам̣ ваа зваруубам̣ д̣̇исваа д̣̇идтиг̇ад̇иго б̣аало абхиж̇аанаад̇и ‘‘бассаами суд̣̇д̇хам̣ барамам̣ арог̇ам̣, д̇зна жа д̣̇идтисан̇каад̇зна д̣̇ассанзна сам̣суд̣̇д̇хи нарасса ход̇ий’’д̇и, со звам̣ абхиж̇аананд̇о д̇ам̣ д̣̇ассанам̣ ‘‘барама’’нд̇и н̃ад̇ваа д̇асмим̣ д̣̇ассанз суд̣̇д̇хаанубассий самаано д̇ам̣ д̣̇ассанам̣ ‘‘маг̇г̇ан̃аан̣а’’нд̇и бажжзд̇и. д̇ам̣ бана маг̇г̇ан̃аан̣ам̣ на ход̇и. д̇знааха – ‘‘д̣̇идтзна жз суд̣̇д̇хий’’д̇и д̣̇уд̇ияаг̇аат̇ам̣.
Tattha paṭhamagāthāya tāvattho – na, bhikkhave, evarūpena dassanena suddhi hoti. Apica kho kilesamalinattā asuddhaṃ, kilesarogānaṃ avigamā sarogameva candābhaṃ brāhmaṇaṃ aññaṃ vā evarūpaṃ disvā diṭṭhigatiko bālo abhijānāti ‘‘passāmi suddhaṃ paramaṃ arogaṃ, tena ca diṭṭhisaṅkhātena dassanena saṃsuddhi narassa hotī’’ti, so evaṃ abhijānanto taṃ dassanaṃ ‘‘parama’’nti ñatvā tasmiṃ dassane suddhānupassī samāno taṃ dassanaṃ ‘‘maggañāṇa’’nti pacceti. Taṃ pana maggañāṇaṃ na hoti. Tenāha – ‘‘diṭṭhena ce suddhī’’ti dutiyagāthaṃ.
796. д̇ассад̇т̇о – д̇зна руубад̣̇ассанасан̇каад̇зна д̣̇идтзна яад̣̇и гилзсасуд̣̇д̇хи нарасса ход̇и. д̇зна ваа н̃аан̣зна со яад̣̇и ж̇аад̇иаад̣̇ид̣̇угкам̣ баж̇ахаад̇и. звам̣ санд̇з арияамаг̇г̇ад̇о ан̃н̃зна асуд̣̇д̇химаг̇г̇знзва со суж̇жхад̇и, рааг̇аад̣̇ийхи убад̇хийхи саубад̇хиго зва самаано суж̇жхад̇ийд̇и аабаннам̣ ход̇и, на жа звам̣вид̇хо суж̇жхад̇и. д̇асмаа д̣̇идтий хи нам̣ баава д̇ат̇аа вад̣̇аанам̣, саа нам̣ д̣̇идтиязва ‘‘мижчаад̣̇идтиго аяа’’нд̇и гат̇зд̇и д̣̇идтиануруубам̣ ‘‘сассад̇о лого’’д̇иаад̣̇инаа наязна д̇ат̇аа д̇ат̇аа вад̣̇анд̇и.
796. Tassattho – tena rūpadassanasaṅkhātena diṭṭhena yadi kilesasuddhi narassa hoti. Tena vā ñāṇena so yadi jātiādidukkhaṃ pajahāti. Evaṃ sante ariyamaggato aññena asuddhimaggeneva so sujjhati, rāgādīhi upadhīhi saupadhiko eva samāno sujjhatīti āpannaṃ hoti, na ca evaṃvidho sujjhati. Tasmā diṭṭhī hi naṃ pāva tathā vadānaṃ, sā naṃ diṭṭhiyeva ‘‘micchādiṭṭhiko aya’’nti katheti diṭṭhianurūpaṃ ‘‘sassato loko’’tiādinā nayena tathā tathā vadanti.
797. на б̣раахман̣од̇и д̇ад̇ияаг̇аат̇аа. д̇ассад̇т̇о – яо бана б̣аахид̇абаабад̇д̇аа б̣раахман̣о ход̇и, со маг̇г̇зна ад̇хиг̇ад̇аасавагкаяо кийн̣аасаваб̣раахман̣о арияамаг̇г̇ан̃аан̣ад̇о ан̃н̃зна абхиман̇г̇аласаммад̇аруубасан̇каад̇з д̣̇идтз д̇ат̇аавид̇хасад̣̇д̣̇асан̇каад̇з суд̇з авийд̇иггамасан̇каад̇з сийлз хад̇т̇ивад̇аад̣̇ибхзд̣̇з вад̇з бат̇авиаад̣̇ибхзд̣̇з муд̇з жа уббаннзна мижчаан̃аан̣зна суд̣̇д̇хим̣ на ааха. сзсамасса б̣раахман̣асса ван̣н̣абхан̣анад̇т̇ам̣ вуд̇д̇ам̣. со хи д̇зд̇хаад̇угабун̃н̃з саб̣б̣асмин̃жа баабз ануубалид̇д̇о, д̇асса бахийнад̇д̇аа ад̇д̇ад̣̇идтияаа яасса гассажи ваа г̇ахан̣асса бахийнад̇д̇аа ад̇д̇ан̃ж̇ахо, бун̃н̃аабхисан̇каараад̣̇ийнам̣ агаран̣ад̇о наяид̇ха багуб̣б̣амаанод̇и вужжад̇и. д̇асмаа нам̣ звам̣ басам̣санд̇о ааха. саб̣б̣ассзва жасса буримабаад̣̇зна самб̣анд̇хо взд̣̇ид̇аб̣б̣о – бун̃н̃з жа баабз жа ануубалид̇д̇о, ад̇д̇ан̃ж̇ахо наяид̇ха багуб̣б̣амаано, на б̣раахман̣о ан̃н̃ад̇о суд̣̇д̇химаахаад̇и.
797.Na brāhmaṇoti tatiyagāthā. Tassattho – yo pana bāhitapāpattā brāhmaṇo hoti, so maggena adhigatāsavakkhayo khīṇāsavabrāhmaṇo ariyamaggañāṇato aññena abhimaṅgalasammatarūpasaṅkhāte diṭṭhe tathāvidhasaddasaṅkhāte sute avītikkamasaṅkhāte sīle hatthivatādibhede vate pathaviādibhede mute ca uppannena micchāñāṇena suddhiṃ na āha. Sesamassa brāhmaṇassa vaṇṇabhaṇanatthaṃ vuttaṃ. So hi tedhātukapuññe sabbasmiñca pāpe anūpalitto, tassa pahīnattā attadiṭṭhiyā yassa kassaci vā gahaṇassa pahīnattā attañjaho, puññābhisaṅkhārādīnaṃ akaraṇato nayidha pakubbamānoti vuccati. Tasmā naṃ evaṃ pasaṃsanto āha. Sabbasseva cassa purimapādena sambandho veditabbo – puññe ca pāpe ca anūpalitto, attañjaho nayidha pakubbamāno, na brāhmaṇo aññato suddhimāhāti.
798. звам̣ на б̣раахман̣о ан̃н̃ад̇о суд̣̇д̇химаахаад̇и вад̇ваа ид̣̇аани яз д̣̇идтиг̇ад̇игаа ан̃н̃ад̇о суд̣̇д̇хим̣ б̣руванд̇и, д̇зсам̣ д̇ассаа д̣̇идтияаа аниб̣б̣аахагабхаавам̣ д̣̇ассзнд̇о ‘‘буримам̣ бахааяаа’’д̇и г̇аат̇амааха. д̇ассад̇т̇о – д̇з хи ан̃н̃ад̇о суд̣̇д̇хиваад̣̇аа самаанааби яассаа д̣̇идтияаа аббахийнад̇д̇аа г̇ахан̣амун̃жанам̣ ход̇и. д̇ааяа буримам̣ сад̇т̇аараад̣̇им̣ бахааяа абарам̣ ниссид̇аа зж̇аасан̇каад̇ааяа д̇ан̣хааяа ануг̇ад̇аа абхибхууд̇аа рааг̇аад̣̇ибхзд̣̇ам̣ на д̇аранд̇и сан̇г̇ам̣, д̇ан̃жа ад̇аранд̇аа д̇ам̣ д̇ам̣ д̇хаммам̣ уг̇г̇ан̣ханд̇и жа нирассаж̇анд̇и жа маггадова сааканд̇и.
798. Evaṃ na brāhmaṇo aññato suddhimāhāti vatvā idāni ye diṭṭhigatikā aññato suddhiṃ bruvanti, tesaṃ tassā diṭṭhiyā anibbāhakabhāvaṃ dassento ‘‘purimaṃ pahāyā’’ti gāthamāha. Tassattho – te hi aññato suddhivādā samānāpi yassā diṭṭhiyā appahīnattā gahaṇamuñcanaṃ hoti. Tāya purimaṃ satthārādiṃ pahāya aparaṃ nissitā ejāsaṅkhātāya taṇhāya anugatā abhibhūtā rāgādibhedaṃ na taranti saṅgaṃ, tañca atarantā taṃ taṃ dhammaṃ uggaṇhanti ca nirassajanti ca makkaṭova sākhanti.
799. бан̃жамаг̇аат̇ааяа самб̣анд̇хо – яо жа со ‘‘д̣̇идтий хи нам̣ баава д̇ат̇аа вад̣̇аана’’нд̇и вуд̇д̇о, со саяам̣ самаад̣̇ааяаад̇и. д̇ад̇т̇а саяанд̇и саамам̣. самаад̣̇ааяаад̇и г̇ахзд̇ваа. вад̇аанийд̇и хад̇т̇ивад̇аад̣̇ийни. ужжааважанд̇и абараабарам̣ хийнабан̣ийд̇ам̣ ваа сад̇т̇аарад̇о сад̇т̇аараад̣̇им̣. сан̃н̃асад̇д̇од̇и гаамасан̃н̃аад̣̇ийсу лаг̇г̇о. вид̣̇ваа жа взд̣̇зхи самзжжа д̇хамманд̇и барамад̇т̇авид̣̇ваа жа арахаа жад̇уухи маг̇г̇ан̃аан̣авзд̣̇зхи жад̇усажжад̇хаммам̣ абхисамзжжаад̇и. сзсам̣ баагадамзва.
799. Pañcamagāthāya sambandho – yo ca so ‘‘diṭṭhī hi naṃ pāva tathā vadāna’’nti vutto, so sayaṃ samādāyāti. Tattha sayanti sāmaṃ. Samādāyāti gahetvā. Vatānīti hatthivatādīni. Uccāvacanti aparāparaṃ hīnapaṇītaṃ vā satthārato satthārādiṃ. Saññasattoti kāmasaññādīsu laggo. Vidvā ca vedehi samecca dhammanti paramatthavidvā ca arahā catūhi maggañāṇavedehi catusaccadhammaṃ abhisameccāti. Sesaṃ pākaṭameva.
800. са саб̣б̣ад̇хаммзсу висзнибхууд̇о, яам̣ гин̃жи д̣̇идтам̣ва суд̇ам̣ муд̇ам̣ ваад̇и собхуурибан̃н̃о кийн̣аасаво яам̣ гин̃жи д̣̇идтам̣ ваа суд̇ам̣ ваа муд̇ам̣ ваа д̇зсу саб̣б̣ад̇хаммзсу маарасзнам̣ винаасзд̇ваа тид̇абхаавзна висзнибхууд̇о. д̇амзвад̣̇ассинд̇и д̇ам̣ звам̣ висуд̣̇д̇хад̣̇ассим̣. вивадам̣ жаранд̇анд̇и д̇ан̣хажчад̣̇анаад̣̇ивиг̇амзна вивадам̣ худ̇ваа жаранд̇ам̣. гзнийд̇ха логасмим̣ вигаббаязяяаад̇и гзна ид̇ха логз д̇ан̣хаагаббзна ваа д̣̇идтигаббзна ваа гожи вигаббзяяа, д̇зсам̣ ваа бахийнад̇д̇аа рааг̇аад̣̇инаа буб̣б̣з вуд̇д̇знаад̇и.
800.Sa sabbadhammesu visenibhūto, yaṃkiñci diṭṭhaṃva sutaṃ mutaṃ vāti sobhūripañño khīṇāsavo yaṃ kiñci diṭṭhaṃ vā sutaṃ vā mutaṃ vā tesu sabbadhammesu mārasenaṃ vināsetvā ṭhitabhāvena visenibhūto. Tamevadassinti taṃ evaṃ visuddhadassiṃ. Vivaṭaṃ carantantitaṇhacchadanādivigamena vivaṭaṃ hutvā carantaṃ. Kenīdha lokasmiṃ vikappayeyyāti kena idha loke taṇhākappena vā diṭṭhikappena vā koci vikappeyya, tesaṃ vā pahīnattā rāgādinā pubbe vuttenāti.
801. на габбаяанд̇ийд̇и г̇аат̇ааяа самб̣анд̇хо ад̇т̇о жа – гин̃жа бхияяо? д̇з хи д̇аад̣̇исаа санд̇о д̣̇виннам̣ габбаанам̣ бурзгкаараанан̃жа гзнажи на габбаяанд̇и на бурзгкаронд̇и, барамад̇т̇аажжанд̇асуд̣̇д̇хиад̇хиг̇ад̇ад̇д̇аа анажжанд̇асуд̣̇д̇хим̣язва агирияасассад̇ад̣̇идтим̣ ажжанд̇а суд̣̇д̇хийд̇и на д̇з вад̣̇анд̇и. аад̣̇аанаг̇ант̇ам̣ г̇ат̇ид̇ам̣ висаж̇ж̇аад̇и жад̇уб̣б̣ид̇хамби руубаад̣̇ийнам̣ аад̣̇ааяагад̇д̇аа аад̣̇аанаг̇ант̇ам̣ ад̇д̇ано жид̇д̇асанд̇аанз г̇ат̇ид̇ам̣ б̣ад̣̇д̇хам̣ арияамаг̇г̇асад̇т̇зна висаж̇ж̇а чинд̣̇ид̇ваа. сзсам̣ баагадамзва.
801.Na kappayantīti gāthāya sambandho attho ca – kiñca bhiyyo? Te hi tādisā santo dvinnaṃ kappānaṃ purekkhārānañca kenaci na kappayanti na purekkharonti, paramatthaaccantasuddhiadhigatattā anaccantasuddhiṃyeva akiriyasassatadiṭṭhiṃ accanta suddhīti na te vadanti. Ādānaganthaṃ gathitaṃ visajjāti catubbidhampi rūpādīnaṃ ādāyakattā ādānaganthaṃ attano cittasantāne gathitaṃ baddhaṃ ariyamaggasatthena visajja chinditvā. Sesaṃ pākaṭameva.
802. сиймаад̇иг̇од̇и г̇аат̇аа згабуг̇г̇алаад̇хидтаанааяа д̣̇зсанааяа вуд̇д̇аа. буб̣б̣асад̣̇исо зва банассаа самб̣анд̇хо, со звам̣ ад̇т̇аван̣н̣анааяа сад̣̇д̇хим̣ взд̣̇ид̇аб̣б̣о – гин̃жа бхияяо со ийд̣̇исо бхуурибан̃н̃о жад̇уннам̣ гилзсасиймаанам̣ ад̇ийд̇ад̇д̇аа сиймаад̇иг̇о б̣аахид̇абаабад̇д̇аа жа б̣раахман̣о, ид̇т̇амбхууд̇асса жа д̇асса над̇т̇и баражид̇д̇абуб̣б̣зниваасан̃аан̣зхи н̃ад̇ваа ваа мам̣сажагкуд̣̇иб̣б̣ажагкуухи д̣̇исваа ваа гин̃жи самуг̇г̇ахийд̇ам̣, абхинивидтанд̇и вуд̇д̇ам̣ ход̇и. со жа гаамарааг̇аабхаавад̇о на рааг̇арааг̇ий, руубааруубарааг̇аабхаавад̇о на вирааг̇арад̇д̇о . яад̇о звам̣вид̇хасса ‘‘ид̣̇ам̣ бара’’нд̇и гин̃жи ид̇ха уг̇г̇ахид̇ам̣ над̇т̇ийд̇и арахад̇д̇анигуудзна д̣̇зсанам̣ нидтаабзси.
802.Sīmātigoti gāthā ekapuggalādhiṭṭhānāya desanāya vuttā. Pubbasadiso eva panassā sambandho, so evaṃ atthavaṇṇanāya saddhiṃ veditabbo – kiñca bhiyyo so īdiso bhūripañño catunnaṃ kilesasīmānaṃ atītattā sīmātigo bāhitapāpattā ca brāhmaṇo, itthambhūtassa ca tassa natthi paracittapubbenivāsañāṇehi ñatvā vā maṃsacakkhudibbacakkhūhi disvā vā kiñci samuggahītaṃ, abhiniviṭṭhanti vuttaṃ hoti. So ca kāmarāgābhāvato na rāgarāgī, rūpārūparāgābhāvato na virāgaratto. Yato evaṃvidhassa ‘‘idaṃ para’’nti kiñci idha uggahitaṃ natthīti arahattanikūṭena desanaṃ niṭṭhāpesi.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа суд̣̇д̇хадтагасуд̇д̇аван̣н̣анаа нидтид̇аа.
Suttanipāta-aṭṭhakathāya suddhaṭṭhakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 4. суд̣̇д̇хадтагасуд̇д̇ам̣ • 4. Suddhaṭṭhakasuttaṃ
