| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
64-67. суд̣̇д̇хигабадисамбхид̣̇аан̃аан̣анид̣̇д̣̇зсаван̣н̣анаа
64-67. Suddhikapaṭisambhidāñāṇaniddesavaṇṇanā
110. суд̣̇д̇хигабадисамбхид̣̇аан̃аан̣анид̣̇д̣̇зсз имзсам̣ н̃аан̣аанам̣ бабхзд̣̇аабхаавад̇оязва хздтаа вияа бабхзд̣̇ам̣ ад̣̇ассзд̇вааязва ад̇т̇зсу н̃аан̣ам̣ ад̇т̇абадисамбхид̣̇аад̇иаад̣̇и вуд̇д̇ам̣. бан̃н̃аабабхзд̣̇аабхаавзби ад̇д̇анаа бадивид̣̇д̇хажад̇усажжад̇хаммамад̇д̇авасзна наанад̇д̇асаб̣бхаавад̇о ад̇т̇анаанад̇д̇з бан̃н̃аа ад̇т̇абадисамбхид̣̇з н̃аан̣анд̇иаад̣̇и вуд̇д̇ам̣. д̇ад̇т̇а наанад̇д̇зд̇и ад̇т̇аад̣̇ийнам̣ анзгабхаавз. вавад̇т̇аанзд̇и ад̇т̇аад̣̇ийнам̣ нижчаяанз. саллагкан̣зд̇и ад̇т̇аад̣̇ийнам̣ саммаад̣̇ассанз. убалагкан̣зд̇и ад̇т̇аад̣̇ийнам̣ бхусам̣д̣̇ассанз. бабхзд̣̇зд̇и ад̇т̇аад̣̇ийнам̣ наанаабхзд̣̇з. бабхааванзд̇и ад̇т̇аад̣̇ийнам̣ баагадийгаран̣зна уббаад̣̇анз. ж̇од̇анзд̇и ад̇т̇аад̣̇ийнам̣ д̣̇ийбанз. вирожанзд̇и ад̇т̇аад̣̇ийнам̣ вивид̇хаа д̣̇ийбанз. багаасанзд̇и ад̇т̇аад̣̇ийнам̣ бабхаасанз . ‘‘наанад̇д̇з’’д̇и муулабад̣̇ам̣ гад̇ваа саб̣б̣асаад̇хааран̣авасзна вуд̇д̇ам̣. ‘‘вавад̇т̇аанз’’д̇и сод̇аабаннасса васзна, ‘‘саллагкан̣з убалагкан̣з’’д̇и сагад̣̇ааг̇аамисса васзна, ‘‘бабхзд̣̇з бабхааванз’’д̇и анааг̇аамисса васзна, ‘‘ж̇од̇анз вирожанз багаасанз’’д̇и арахад̇о васзна вуд̇д̇анд̇и звамбзд̇т̇а яож̇анаа гаад̇аб̣б̣аад̇и.
110. Suddhikapaṭisambhidāñāṇaniddese imesaṃ ñāṇānaṃ pabhedābhāvatoyeva heṭṭhā viya pabhedaṃ adassetvāyeva atthesu ñāṇaṃ atthapaṭisambhidātiādi vuttaṃ. Paññāpabhedābhāvepi attanā paṭividdhacatusaccadhammamattavasena nānattasabbhāvato atthanānatte paññā atthapaṭisambhide ñāṇantiādi vuttaṃ. Tattha nānatteti atthādīnaṃ anekabhāve. Vavatthāneti atthādīnaṃ nicchayane. Sallakkhaṇeti atthādīnaṃ sammādassane. Upalakkhaṇeti atthādīnaṃ bhusaṃdassane. Pabhedeti atthādīnaṃ nānābhede. Pabhāvaneti atthādīnaṃ pākaṭīkaraṇena uppādane. Jotaneti atthādīnaṃ dīpane. Virocaneti atthādīnaṃ vividhā dīpane. Pakāsaneti atthādīnaṃ pabhāsane . ‘‘Nānatte’’ti mūlapadaṃ katvā sabbasādhāraṇavasena vuttaṃ. ‘‘Vavatthāne’’ti sotāpannassa vasena, ‘‘sallakkhaṇe upalakkhaṇe’’ti sakadāgāmissa vasena, ‘‘pabhede pabhāvane’’ti anāgāmissa vasena, ‘‘jotane virocane pakāsane’’ti arahato vasena vuttanti evampettha yojanā kātabbāti.
суд̣̇д̇хигабадисамбхид̣̇аан̃аан̣анид̣̇д̣̇зсаван̣н̣анаа нидтид̇аа.
Suddhikapaṭisambhidāñāṇaniddesavaṇṇanā niṭṭhitā.
ид̇и сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа
Iti saddhammappakāsiniyā paṭisambhidāmagga-aṭṭhakathāya
батамо бхааг̇о нидтид̇о.
Paṭhamo bhāgo niṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 64-67. суд̣̇д̇хигабадисамбхид̣̇аан̃аан̣анид̣̇д̣̇зсо • 64-67. Suddhikapaṭisambhidāñāṇaniddeso
