| Library / Tipiṭaka / ติปิฎก • Tipiṭaka / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā |
๖๔-๖๗. สุทฺธิกปฎิสมฺภิทาญาณนิเทฺทสวณฺณนา
64-67. Suddhikapaṭisambhidāñāṇaniddesavaṇṇanā
๑๑๐. สุทฺธิกปฎิสมฺภิทาญาณนิเทฺทเส อิเมสํ ญาณานํ ปเภทาภาวโตเยว เหฎฺฐา วิย ปเภทํ อทเสฺสตฺวาเยว อเตฺถสุ ญาณํ อตฺถปฎิสมฺภิทาติอาทิ วุตฺตํฯ ปญฺญาปเภทาภาเวปิ อตฺตนา ปฎิวิทฺธจตุสจฺจธมฺมมตฺตวเสน นานตฺตสพฺภาวโต อตฺถนานเตฺต ปญฺญา อตฺถปฎิสมฺภิเท ญาณนฺติอาทิ วุตฺตํฯ ตตฺถ นานเตฺตติ อตฺถาทีนํ อเนกภาเวฯ ววตฺถาเนติ อตฺถาทีนํ นิจฺฉยเนฯ สลฺลกฺขเณติ อตฺถาทีนํ สมฺมาทสฺสเนฯ อุปลกฺขเณติ อตฺถาทีนํ ภุสํทสฺสเนฯ ปเภเทติ อตฺถาทีนํ นานาเภเทฯ ปภาวเนติ อตฺถาทีนํ ปากฎีกรเณน อุปฺปาทเนฯ โชตเนติ อตฺถาทีนํ ทีปเนฯ วิโรจเนติ อตฺถาทีนํ วิวิธา ทีปเนฯ ปกาสเนติ อตฺถาทีนํ ปภาสเน ฯ ‘‘นานเตฺต’’ติ มูลปทํ กตฺวา สพฺพสาธารณวเสน วุตฺตํฯ ‘‘ววตฺถาเน’’ติ โสตาปนฺนสฺส วเสน, ‘‘สลฺลกฺขเณ อุปลกฺขเณ’’ติ สกทาคามิสฺส วเสน, ‘‘ปเภเท ปภาวเน’’ติ อนาคามิสฺส วเสน, ‘‘โชตเน วิโรจเน ปกาสเน’’ติ อรหโต วเสน วุตฺตนฺติ เอวเมฺปตฺถ โยชนา กาตพฺพาติฯ
110. Suddhikapaṭisambhidāñāṇaniddese imesaṃ ñāṇānaṃ pabhedābhāvatoyeva heṭṭhā viya pabhedaṃ adassetvāyeva atthesu ñāṇaṃ atthapaṭisambhidātiādi vuttaṃ. Paññāpabhedābhāvepi attanā paṭividdhacatusaccadhammamattavasena nānattasabbhāvato atthanānatte paññā atthapaṭisambhide ñāṇantiādi vuttaṃ. Tattha nānatteti atthādīnaṃ anekabhāve. Vavatthāneti atthādīnaṃ nicchayane. Sallakkhaṇeti atthādīnaṃ sammādassane. Upalakkhaṇeti atthādīnaṃ bhusaṃdassane. Pabhedeti atthādīnaṃ nānābhede. Pabhāvaneti atthādīnaṃ pākaṭīkaraṇena uppādane. Jotaneti atthādīnaṃ dīpane. Virocaneti atthādīnaṃ vividhā dīpane. Pakāsaneti atthādīnaṃ pabhāsane . ‘‘Nānatte’’ti mūlapadaṃ katvā sabbasādhāraṇavasena vuttaṃ. ‘‘Vavatthāne’’ti sotāpannassa vasena, ‘‘sallakkhaṇe upalakkhaṇe’’ti sakadāgāmissa vasena, ‘‘pabhede pabhāvane’’ti anāgāmissa vasena, ‘‘jotane virocane pakāsane’’ti arahato vasena vuttanti evampettha yojanā kātabbāti.
สุทฺธิกปฎิสมฺภิทาญาณนิเทฺทสวณฺณนา นิฎฺฐิตาฯ
Suddhikapaṭisambhidāñāṇaniddesavaṇṇanā niṭṭhitā.
อิติ สทฺธมฺมปฺปกาสินิยา ปฎิสมฺภิทามคฺค-อฎฺฐกถาย
Iti saddhammappakāsiniyā paṭisambhidāmagga-aṭṭhakathāya
ปฐโม ภาโค นิฎฺฐิโตฯ
Paṭhamo bhāgo niṭṭhito.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / ปฎิสมฺภิทามคฺคปาฬิ • Paṭisambhidāmaggapāḷi / ๖๔-๖๗. สุทฺธิกปฎิสมฺภิทาญาณนิเทฺทโส • 64-67. Suddhikapaṭisambhidāñāṇaniddeso
