| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. ஸுத்³தி⁴கஸுத்தங்
6. Suddhikasuttaṃ
98. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘அத்தி² நு கோ², ப⁴ந்தே, கிஞ்சி ரூபங், யங் ரூபங் நிச்சங் து⁴வங் ஸஸ்ஸதங் அவிபரிணாமத⁴ம்மங் ஸஸ்ஸதிஸமங் ததே²வ ட²ஸ்ஸதி? அத்தி² நு கோ², ப⁴ந்தே, காசி வேத³னா…பே॰… காசி ஸஞ்ஞா… கேசி ஸங்கா²ரா… கிஞ்சி விஞ்ஞாணங், யங் விஞ்ஞாணங் நிச்சங் து⁴வங் ஸஸ்ஸதங் அவிபரிணாமத⁴ம்மங் ஸஸ்ஸதிஸமங் ததே²வ ட²ஸ்ஸதீ’’தி? ‘‘நத்தி² கோ², பி⁴க்கு², கிஞ்சி ரூபங் யங் ரூபங் நிச்சங் து⁴வங் ஸஸ்ஸதங் அவிபரிணாமத⁴ம்மங் ஸஸ்ஸதிஸமங் ததே²வ ட²ஸ்ஸதி. நத்தி² கோ², பி⁴க்கு², காசி வேத³னா… காசி ஸஞ்ஞா… கேசி ஸங்கா²ரா… கிஞ்சி விஞ்ஞாணங், யங் விஞ்ஞாணங் நிச்சங் து⁴வங் ஸஸ்ஸதங் அவிபரிணாமத⁴ம்மங் ஸஸ்ஸதிஸமங் ததே²வ ட²ஸ்ஸதீ’’தி. ச²ட்ட²ங்.
98. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘atthi nu kho, bhante, kiñci rūpaṃ, yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati? Atthi nu kho, bhante, kāci vedanā…pe… kāci saññā… keci saṅkhārā… kiñci viññāṇaṃ, yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti? ‘‘Natthi kho, bhikkhu, kiñci rūpaṃ yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati. Natthi kho, bhikkhu, kāci vedanā… kāci saññā… keci saṅkhārā… kiñci viññāṇaṃ, yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-6. கோ³மயபிண்ட³ஸுத்தாதி³வண்ணனா • 4-6. Gomayapiṇḍasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-6. கோ³மயபிண்ட³ஸுத்தாதி³வண்ணனா • 4-6. Gomayapiṇḍasuttādivaṇṇanā
