| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. คนฺธพฺพกายสํยุตฺตํ
10. Gandhabbakāyasaṃyuttaṃ
๑. สุทฺธิกสุตฺตํ
1. Suddhikasuttaṃ
๔๓๘. เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม …เป.… ภควา เอตทโวจ – ‘‘คนฺธพฺพกายิเก โว, ภิกฺขเว, เทเว เทเสสฺสามิฯ ตํ สุณาถฯ กตมา จ, ภิกฺขเว, คนฺธพฺพกายิกา เทวา? สนฺติ, ภิกฺขเว, มูลคเนฺธ อธิวตฺถา เทวาฯ สนฺติ, ภิกฺขเว, สารคเนฺธ อธิวตฺถา เทวาฯ สนฺติ, ภิกฺขเว, เผคฺคุคเนฺธ อธิวตฺถา เทวาฯ สนฺติ, ภิกฺขเว, ตจคเนฺธ อธิวตฺถา เทวาฯ สนฺติ, ภิกฺขเว, ปปฎิกคเนฺธ อธิวตฺถา เทวาฯ สนฺติ, ภิกฺขเว, ปตฺตคเนฺธ อธิวตฺถา เทวาฯ สนฺติ, ภิกฺขเว, ปุปฺผคเนฺธ อธิวตฺถา เทวาฯ สนฺติ, ภิกฺขเว, ผลคเนฺธ อธิวตฺถา เทวาฯ สนฺติ, ภิกฺขเว, รสคเนฺธ อธิวตฺถา เทวาฯ สนฺติ, ภิกฺขเว, คนฺธคเนฺธ อธิวตฺถา เทวาฯ อิเม วุจฺจนฺติ, ภิกฺขเว, คนฺธพฺพกายิกา เทวา’’ติฯ ปฐมํฯ
438. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme …pe… bhagavā etadavoca – ‘‘gandhabbakāyike vo, bhikkhave, deve desessāmi. Taṃ suṇātha. Katamā ca, bhikkhave, gandhabbakāyikā devā? Santi, bhikkhave, mūlagandhe adhivatthā devā. Santi, bhikkhave, sāragandhe adhivatthā devā. Santi, bhikkhave, pheggugandhe adhivatthā devā. Santi, bhikkhave, tacagandhe adhivatthā devā. Santi, bhikkhave, papaṭikagandhe adhivatthā devā. Santi, bhikkhave, pattagandhe adhivatthā devā. Santi, bhikkhave, pupphagandhe adhivatthā devā. Santi, bhikkhave, phalagandhe adhivatthā devā. Santi, bhikkhave, rasagandhe adhivatthā devā. Santi, bhikkhave, gandhagandhe adhivatthā devā. Ime vuccanti, bhikkhave, gandhabbakāyikā devā’’ti. Paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. คนฺธพฺพกายสํยุตฺตวณฺณนา • 10. Gandhabbakāyasaṃyuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. คนฺธพฺพกายสํยุตฺตวณฺณนา • 10. Gandhabbakāyasaṃyuttavaṇṇanā
