| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. ගන්‌ධබ්‌බකායසංයුත්‌තං
10. Gandhabbakāyasaṃyuttaṃ
1. සුද්‌ධිකසුත්‌තං
1. Suddhikasuttaṃ
438. එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ …පෙ.… භගවා එතදවොච – ‘‘ගන්‌ධබ්‌බකායිකෙ වො, භික්‌ඛවෙ, දෙවෙ දෙසෙස්‌සාමි. තං සුණාථ. කතමා ච, භික්‌ඛවෙ, ගන්‌ධබ්‌බකායිකා දෙවා? සන්‌ති, භික්‌ඛවෙ, මූලගන්‌ධෙ අධිවත්‌ථා දෙවා. සන්‌ති, භික්‌ඛවෙ, සාරගන්‌ධෙ අධිවත්‌ථා දෙවා. සන්‌ති, භික්‌ඛවෙ, ඵෙග්‌ගුගන්‌ධෙ අධිවත්‌ථා දෙවා. සන්‌ති, භික්‌ඛවෙ, තචගන්‌ධෙ අධිවත්‌ථා දෙවා. සන්‌ති, භික්‌ඛවෙ, පපටිකගන්‌ධෙ අධිවත්‌ථා දෙවා. සන්‌ති, භික්‌ඛවෙ, පත්‌තගන්‌ධෙ අධිවත්‌ථා දෙවා. සන්‌ති, භික්‌ඛවෙ, පුප්‌ඵගන්‌ධෙ අධිවත්‌ථා දෙවා. සන්‌ති, භික්‌ඛවෙ, ඵලගන්‌ධෙ අධිවත්‌ථා දෙවා. සන්‌ති, භික්‌ඛවෙ, රසගන්‌ධෙ අධිවත්‌ථා දෙවා. සන්‌ති, භික්‌ඛවෙ, ගන්‌ධගන්‌ධෙ අධිවත්‌ථා දෙවා. ඉමෙ වුච්‌චන්‌ති, භික්‌ඛවෙ, ගන්‌ධබ්‌බකායිකා දෙවා’’ති. පඨමං.
438. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme …pe… bhagavā etadavoca – ‘‘gandhabbakāyike vo, bhikkhave, deve desessāmi. Taṃ suṇātha. Katamā ca, bhikkhave, gandhabbakāyikā devā? Santi, bhikkhave, mūlagandhe adhivatthā devā. Santi, bhikkhave, sāragandhe adhivatthā devā. Santi, bhikkhave, pheggugandhe adhivatthā devā. Santi, bhikkhave, tacagandhe adhivatthā devā. Santi, bhikkhave, papaṭikagandhe adhivatthā devā. Santi, bhikkhave, pattagandhe adhivatthā devā. Santi, bhikkhave, pupphagandhe adhivatthā devā. Santi, bhikkhave, phalagandhe adhivatthā devā. Santi, bhikkhave, rasagandhe adhivatthā devā. Santi, bhikkhave, gandhagandhe adhivatthā devā. Ime vuccanti, bhikkhave, gandhabbakāyikā devā’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. ගන්‌ධබ්‌බකායසංයුත්‌තවණ්‌ණනා • 10. Gandhabbakāyasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. ගන්‌ධබ්‌බකායසංයුත්‌තවණ්‌ණනා • 10. Gandhabbakāyasaṃyuttavaṇṇanā
