| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൦. ഗന്ധബ്ബകായസംയുത്തം
10. Gandhabbakāyasaṃyuttaṃ
൧. സുദ്ധികസുത്തം
1. Suddhikasuttaṃ
൪൩൮. ഏകം സമയം ഭഗവാ സാവത്ഥിയം വിഹരതി ജേതവനേ അനാഥപിണ്ഡികസ്സ ആരാമേ …പേ॰… ഭഗവാ ഏതദവോച – ‘‘ഗന്ധബ്ബകായികേ വോ, ഭിക്ഖവേ, ദേവേ ദേസേസ്സാമി. തം സുണാഥ. കതമാ ച, ഭിക്ഖവേ, ഗന്ധബ്ബകായികാ ദേവാ? സന്തി, ഭിക്ഖവേ, മൂലഗന്ധേ അധിവത്ഥാ ദേവാ. സന്തി, ഭിക്ഖവേ, സാരഗന്ധേ അധിവത്ഥാ ദേവാ. സന്തി, ഭിക്ഖവേ, ഫേഗ്ഗുഗന്ധേ അധിവത്ഥാ ദേവാ. സന്തി, ഭിക്ഖവേ, തചഗന്ധേ അധിവത്ഥാ ദേവാ. സന്തി, ഭിക്ഖവേ, പപടികഗന്ധേ അധിവത്ഥാ ദേവാ. സന്തി, ഭിക്ഖവേ, പത്തഗന്ധേ അധിവത്ഥാ ദേവാ. സന്തി, ഭിക്ഖവേ, പുപ്ഫഗന്ധേ അധിവത്ഥാ ദേവാ. സന്തി, ഭിക്ഖവേ, ഫലഗന്ധേ അധിവത്ഥാ ദേവാ. സന്തി, ഭിക്ഖവേ, രസഗന്ധേ അധിവത്ഥാ ദേവാ. സന്തി, ഭിക്ഖവേ, ഗന്ധഗന്ധേ അധിവത്ഥാ ദേവാ. ഇമേ വുച്ചന്തി, ഭിക്ഖവേ, ഗന്ധബ്ബകായികാ ദേവാ’’തി. പഠമം.
438. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme …pe… bhagavā etadavoca – ‘‘gandhabbakāyike vo, bhikkhave, deve desessāmi. Taṃ suṇātha. Katamā ca, bhikkhave, gandhabbakāyikā devā? Santi, bhikkhave, mūlagandhe adhivatthā devā. Santi, bhikkhave, sāragandhe adhivatthā devā. Santi, bhikkhave, pheggugandhe adhivatthā devā. Santi, bhikkhave, tacagandhe adhivatthā devā. Santi, bhikkhave, papaṭikagandhe adhivatthā devā. Santi, bhikkhave, pattagandhe adhivatthā devā. Santi, bhikkhave, pupphagandhe adhivatthā devā. Santi, bhikkhave, phalagandhe adhivatthā devā. Santi, bhikkhave, rasagandhe adhivatthā devā. Santi, bhikkhave, gandhagandhe adhivatthā devā. Ime vuccanti, bhikkhave, gandhabbakāyikā devā’’ti. Paṭhamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. ഗന്ധബ്ബകായസംയുത്തവണ്ണനാ • 10. Gandhabbakāyasaṃyuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ഗന്ധബ്ബകായസംയുത്തവണ്ണനാ • 10. Gandhabbakāyasaṃyuttavaṇṇanā
